唐記包點 (鴨脷洲邨)

Open Now

Now Closed

出門碰到黃雨 。入邨遇上狂風本來計劃堂食 。改為變陣外賣唐記這餐啱我。快活下次找你食物一般老點。埋單數張青蟹一份咖哩豬扒。兩款粵式點心滿心想吃牛腩。o 嘴賣剩豬扒咖哩辣度夠勁。豬扒肉質偏柴甘筍十分可口。薯仔非常稱心硬飯挑戰腸胃。膠兜哀悼地球雞扎看來蒼白。芋頭吃出平淡魚肚聯想豬皮。火腿頓悟金妹燒賣口感結實。蝦子鮮味遠離四粒都是無謂。全碟皆可報廢吃飯最怕唔飽。飲水惟願解渴唐記遍佈港九。鐵粉聚焦老人平價不二之選。滋味普通到極

是日加班，到附近買個快速便飯及小吃，價錢划算且十分飽肚。煎餃：鍋貼煎得香口，但有點油膩，應該煎了好一陣子時間，外皮比較厚靭，不夠新鮮煎完的那種脆口；餡料方面，則挺足料的，入面豬肉比例比蔬菜多，醃得入味，吃的時候可蘸些醋，更提肉鮮味。章魚肉餅飯:豬肉塊厚實，肥瘦肉平均，所以肉質腍。但本身這個飯沒有很多醬汁，有點乾，可自行加了醬油。份量也算大份的，二十多元大大盒，飽肚的飯，有肉、菜及飯，這個價錢真的很難找到。原來除了可購買熱的蒸包外，若果不是即時食用，亦有凍包的選擇。健康的蒸包，早餐自己在家蒸更方便。最重要是夠份量，畢竟現在很多麵包店的麵包都像空氣般，吃一個完全不夠飽的。

正作忙到一個點，可以點? 中午時間都唔得閒外出吃午飯，只好去買外賣返公司食。咁都好，可以快快趣趣食完，偷少少時間眠一眠，之後再搏殺過。今日去咗唐記，我經常都幫襯，早餐啦、午餐啦，甚至晚餐都會幫襯。無他嘅，快捷方便，經濟實惠，又多嘢揀，味道又唔差，買完，食完，唔使煮又唔使洗碗，啱晒我呢種又忙又懶嘅人。今日買咗鱆魚肉餅飯、山竹牛肉球、鮮竹卷。多啲豉油呀，阿姐，唔該!阿姐仲問我要唔要飲黑芝麻豆漿? 好喎! 就一支啦，唔該!返埋位，開餐! 晚盒好大個，鱆魚肉餅又厚又札實，廿二蚊就有交易，其他地方幾難搵到。牛肉球大大粒，肉質唔錯。鮮竹卷也好食。味道、質素唔會遜色於酒樓。最後，飲埋黑芝麻豆漿，少甜啱我。飽餐一頓後，眠一眠先。

鴨脷洲食野選擇真係好有限，其他食得多有時都想試下新野。行行下見到唐記包點，早餐食個包就一流啦。中午食咩好呢。一行近都一陣香味，咩都想食。但中午又要夠飽。佢又有個套餐。飯+點心，幾有意思。好多選擇。小弟鐘意食滑雞，就北菇滑雞飯。另一個同事就好排骨飯。兩個都相當唔錯，唔會中伏。小有嘅鵪鶉蛋燒賣仲有兩個煎牛肉包做下午茶。再要支無添加原味豆漿，豆香一流。仲試咗支香滑無添加嘅香滑奶茶，奶味茶味並重，無得頂啊。

唐記包點～相信好多人對呢個名都唔陌生.. 佢標榜 而且總有一間係附近.. 對於繁忙o既香港人黎講.. 不失為速食o既一個選擇如果有食開o既朋友可能都會發現原來間間分店d食物係唔同價錢的🤭 慳家的小妹當然係有平食平啦😂 (餐單同價錢僅供參考）雞扎 （$15）腐皮入面有大路野如雞肉，豬皮，芋頭等..但竟然有豬肚😯 蠻有驚喜.. 味道尚可.. 菜肉包 & 香菇雞包 （$5.5/ 個）幾岩小妹口味.. 熱辣辣而且涵分量偏多.. 唔會全部係麵粉.. 趕時間之選山竹牛肉（$14）同一般酒樓質素分別不大.. 可以一戰 （小妹覺得加左喼汁味道馬上提升😬）鳳爪（$14）個人覺得咸左少少少少啦.. 但若然你係重口味人士.. 可能就覺得正架燒賣（$14）正常味道.. 沒什麼特別.. 豉椒排骨飯（$22）小妹其實幾欣賞唐記蒸飯.. 1來份量剛剛好.. 2來性價比夠高.. 排骨雖然唔係話好高質.. 但都合格（唔會一陣雪藏味）.. 餸同飯o既比例接近1:1 .. 真係要講句$22蚊仲想點呀自家豆漿（$9）少少甜都唔錯架！埋單$100蚊都唔使.. 所以話嘆茶唔一定要去酒樓o既

一向我都好鍾意食中式嘅包所以平時成日都會喺唐記或者唐包點嗰度買嘢食以前舊公司附近有唐記包點仲可以買盒蒸飯價錢又平今日為咗睇復仇者聯盟4專登提早去買飛仲有幾個鐘先至有得睇即係周圍行吓睇吓有咩可以買返屋企食最後我哋行咗去鴨脷洲邨見到有唐記包點兩條友二話不說係咁狂買😂叫咗咁多嘢食先$100😂😂😂性價比真係好高呢度嘅鮮竹卷同埋燒賣都幾好食㗎我亦都帶咗我平時一定會帶嗰個煎蛋牛肉飯又快又方便又平😂👍🏻

今日公司好多野做，加上外面天雨濕濕，大家都決定去鴨脷洲邨既唐記包點冒外賣返公司慢慢食，最大問題係究竟邊個 負責去買呢，唯有抽簽決定邊個去唐記包點，结果就係……！唐記包點出名又平又好食，還掂公司比錢，就唔洗同公司慳錢啦，我就叫左鳳爪排骨飯，北菇蒸雞飯，鹹魚肉餅飯，窩蛋牛肉飯，基本上都嗌齊所有飯，點心就叫咗山竹牛肉，鮮竹卷，鳳爪排骨，蝦餃燒賣，講真啲點心仲好食過酒樓嗰啲，佢呢間鋪而家又做緊特別優惠，飯加點心又可以平少少，我又叫咗幾支黑豆奶同白豆奶。

同事今日好忙，唔得閒陪我外出吃午飯。一場同事，無理由賴低佢，於是，獨自坐shuttle bus去了鴨脷洲西邨買外賣返去同佢一齊食。中午時間要排隊係預咗，不過店員落單，包嘢係好快手的，所以唔需要等好耐。與此同時，在排隊期間，我早就想好買咩食，當然是買套餐至抵啦，一個飯加一個點心只是$34。輪到我了，我一口氣說了要兩個套餐，分別是鵪鶉蛋燒賣+章魚肉餅飯、山竹牛肉+蛋牛飯，再要多個鳳瓜排骨飯和1枝黑豆漿。唔使10分鐘，我又可以搭番shuttle bus返公司了。攤開啲嘢食，同事不知幾咁感動。啲嘢食仲係熱辣辣的，味道都唔錯，質素比起酒樓食更高，而且無咁油膩。至出色係牛肉球，足料又腍滑。

Tong Kee Bao Dim is quite a good joint to pick up dimsums fast and easy.Decided to try two new items: vegetable bun and the ox stomach.The vegetable bun was huge and thick that there was little space for the filling.The taste was ok but there was more bun to filling which makes it tasteless.The texture of the bun was soft and fluffy but it was a bit dry to swallow.The radish and ox stomach was really really salty that I recommend getting some noodles and mixing them together or rinse it in hot w