唐記包點 (粉嶺名都商場)

Open Now

Now Closed

一向都很喜歡唐記的包做早餐,因為佢好足料,食完就好似充滿力量去工作。包點有2款,一種係for 即食,佢地會放左係蒸櫃度~另一款係比你買返去自己蒸~因為d中式包點放耐左就唔好食,所以你可以根據需要選擇。叉燒包次次都好足料,入面又冇肥豬肉,yummy!但唔知係咪減左價,蓮蓉包好似細左~但入面都係好多蓮蓉,愛甜吃的必定會喜歡;不過有時食落都會太"溜"~

買咗一隻糯米雞來當午飯，真係又大隻又足料，＄１５真係抵到爛。外面是厚厚的糯米層，有濃濃的糯米香，熱辣辣食很過癮，但最表層的糯米稍嫌有點硬身，唔夠軟綿，可能呢隻蒸得唔夠耐。裡面是豐富的碎肉層，有瘦肉、肥肉、冬菇和蝦米，瘦肉超淋身，而且醬汁很惹味。核心是一塊雞、一塊叉燒和一粒鵪鶉蛋。雞是超市雪藏貨，肉質還算嫩滑，味道沒啥期望；叉燒size唔細，純瘦肉，是正常的叉燒味道，略嫌乾身；鵪鶉蛋小小的一顆，比起其他料來說味道顯得較為清淡。就是雞和鵪鶉蛋的存在感覺比較怪，味道和糯米雞的整體搭不上聯繫，彷彿自成一味的樣子，感覺較突兀。不過人家差唔多１０ｘ１０ｘ１０ｃｍ３咁大，相當於２０張floppy disk，足以讓兩個女仔食到飽，料又多，才＄１５，仲想點？

每星期都在此包店買三四次包, 每次都是叉燒包; 菜肉包; 糯米卷及大壽包等...但近兩個月包點減價, $5 / $4.5 減至 $4 / $3.5 , 而大壽包由 $8 大減至 $5 , 但不知是否因此近期水準下降, 蓮蓉味大不如前, 希望該店可將品質回升, 我還有期待...

星期日冇食早餐，屋企人買左唐記既糯米雞。(第一次食唐記既糯米雞)可能我真係太肚餓一打開，正！好大隻！好餓唔理食喇。初時覺得冇咩特別，幾好呀，D糯米D味。食到中間喇，見到一件叉燒、一粒鵪春蛋(點解唔係咸蛋既﹖)、同一件雞肉。好肚餓唔理喇食晒佢。最後只係剩低D豉油色既涵料(應該係肥豬肉粹同蝦米)，食到呢個時候出事喇！ 好咸吖，點解會咁咸﹖佢用左幾多豉油﹖越食越咸！唉，又肚餓冇野食，唯有飲D野解下咸，繼續食。(不過，最終都係冇食完全隻，太咸喇。豉油唔洗$咩﹖)=.=

Last Wednesday, my grandfather go to Hong Kong, to celebrate grandfather birthday, he never to taste the Chinese birthday bun, so we can buy big Chinese birthday bun for my grandfather birthday.For the price:there is cheap to buy big Chinese birthday bun, they are easy to feel Chinese culture, and they provide some rice for the people , is very cheap around $18~20For the product: there is diversify its range of products, such as Sweet cream buns, Steamed barbecued pork bun and so on. but the

其實除左盎頭飯, 佢地o既包都唔錯除左可以買番屋企翻蒸, 仲有新鮮熱辣o既包可以即食試過豆沙, 芋蓉仲有蕃薯包豆沙包o既餡多到一路食一路"jit"出黎, 有點過甜芋蓉包非常好食, 除左本人係芋頭愛好者外, 佢o既芋蓉真材實料, 落o既糖唔多, 而且芋頭味好香啊!蕃薯包都不錯, 似乎用紫心蕃薯做亦都飲過佢地o既黑豆漿, 有豆味, 好飲!買左一次番屋企食後, 我媽就不斷咁日日都買番屋企做早餐仲要次次都係芋蓉味希望我媽會買其他款試下

這店剛在粉嶺開業時見到有章魚肉餅飯買日日都好多人排隊，於是係非食飯時候見冇乜人排隊，就買左一盒試下。返到屋企打開有好多椰菜，d豉油幾甜加埋d飯幾好味，但係d章魚就差少少好硬同肉餅完全唔夾。日前阿媽話唔煮飯，就再次幫襯，買左一盒章魚肉餅飯同鵪春蛋燒賣，點知一食，個章魚肉餅改善左好多，已經冇左個種唔夾既感覺，好味! 仲有個鵪春蛋燒賣，d肉幾好味有蝦都好爽，包住個蛋塊皮都冇話淋哂，唔錯。章魚肉餅飯: 18蚊鵪春蛋燒賣: 10蚊

呢間舖開左唔係好耐,之前有時記過,成日見到有人排隊,已經好奇怪點解賣包都會有人排隊,唔通唔駛錢?!後尾先發現原來係排隊買盅頭飯.每日放工7點幾0個陣都會有人排.呢兩日lunch都試過佢的中式包.試左韮菜肉包,糯米卷同冬菇雞肉包.其實花都廣場都有類似的舖頭,但感覺上呢間的包餡多d,皮無咁厚,d包都幾好味.唔錯.而且d人都幾好禮貌,又可以俾八達通.個糯米卷都幾飽,平均d包都係$4.5一個.我覺得可以再食!p,s,間舖開6點半.朝早可以買包做早餐!!=P

有日同太太經過唐記包點，有一條長長人龍排隊買飯，太太提意不如一試，便買了鼓椒排骨飯，未打開飯盒已聞到香噴噴排骨味，排骨醃得非常好味軟熟，份量又多，蒸飯乾身不油膩，還有椰菜附送，十分健康，價錢公道，確係用心之作!

同老婆經過，老婆話外父提過係調景嶺都食過唐記d飯，話都幾好食。反正我哋又唔想煮，咁又見6:00pm得幾個人排近隊，咪走去買了2盒反，叫左一盒排骨飯,一盒章魚肉餅飯，那個後生的售賣師父問我哋要唔要菜及鼓油，我問佢使唔使加錢先?，佢話唔使，咁我更要la...重叫佢加多tim.每盒都加埋有菜感覺眞健康wow，共$36蚊。價錢都算ok。排骨飯(老公吃):數落都有8、9粒，肉質都幾好,不林不實,都幾好肉,骨唔算多,醃得幾入味.加埋秘制豉油,幾配合章魚肉餅飯(主力老婆吃):肉質不死實,有很多章魚混入其中,我老婆話似足曰本小吃小丸子咁有很多章魚口感,彈口的，她最喜歡...菜:混埋豉油的卓熟菜，小小淡口.....送的無要求