唐記包點 (Closed)

今日同媽咪行街街，行到5⃣️點几鐘，准備到官塘街市買菜煮晚飯，路過物華街見唐記有甘多優惠，比起地铁站分店便宜，好吸引，一于買兩個飯和幾個包點做晚飯，平日我都是唐記包點的捧場客，多數買包點多，喜歡它夠地道、食材天然有營方便，早餐茶點宵夜好適合👍😃今次買的排骨鳳爪蒸飯就好有驚喜，排骨鳳爪入味之余肉質爽滑鮮甜，飯粒香糯軟度適中，真係做到飯粒一雙一對師傅功架真犀利👍😍大糯米雞亦做得相當有水準，十分足料，充滿油香五花腩、咸香咸蛋黃，軟糯米飯，味道非常夾和好味！👍🥰

最近唐記出了一款新流心包-阿華田,一直都很想嘗試,可惜都買唔到,今次下午3點幾來到,終於買到啦,軟綿綿的面皮,一撕開立即爆出流心醬料,嘗一口,果然很濃郁的阿華田味道,而且現在做緊優惠,只需HKD5就食到啦,好抵食,不錯不錯原來還可以買凍包,價錢一樣番薯包番薯包有滿滿的番薯餡料,味道不錯,包面好鬆軟燒賣一共有4粒,豬肉餡料,味道不錯,唔會太鹹,而且賣相反而好過某些茶樓紅豆缽仔糕滿滿的紅豆,味道不太甜鳳爪排骨飯材料充足,味道不錯👍🏻👍🏻

同媽媽未諗到食咩野，經過物華街的唐記包點，便決定買回家，我仲回家拎兩個玻璃兜，為環保盡一分力。蒸飯凰爪排骨每日精選主角16元，就算原價都唔貴22元，大大碗，飯夠我同媽媽食飽飽，鳳爪及排骨都用心制作，另可加點甜甜的蒸飯豉油。蒸飯之外，再加三樣點心，夠豐富。誠意推薦牛肚，五香味好夠，牛肚爽口，仲有蘿蔔作配菜。乾蒸牛肉都好彈牙，仲有雞扎，有芋頭，豬肚，豬皮，雞件，雖不算是上等的材料，但味道不錯。我發現唐記還出了荷華田包，味道感覺有點像朱古力，流心效果也不錯。香芋包一直是我最愛的。

返早收得早，放工見有d餓就打算買一兩個蒸包返去食！！！呢間分店既蒸包都幾抵，平均都係HKd$4.5-HKd$5.5一個，而且仲有每日優惠既凍包添~~~除左有“今日優惠”，仲會有埋“明日優惠”，預告定聽日會做特價既包款!!!呢日係香菇雞包做優惠，12蚊有3個，記得大帝話過呢度既香菇雞包都唔錯，所以我都要左三個，俾佢做宵夜xppp上次食過新出既流心華田包，覺出都唔錯，諗住買返兩個黎食，點知店員姐姐話今朝好好賣，已經賣晒，連華田奶茶都係要等番貨先有~~~咁就唯有揀其他款啦啦啦啦！最後我就要左12蚊三個既香菇雞包，蕃薯包、香芋包同馬拉糕各一（HKd$4.5），落order個時見到紅豆砵仔糕都係HK$4.5，就要左兩個（我同女皇一人一個！！！）蕃薯包同香芋包就係買俾女皇既~~返到去先食左個多豆既煙韌砵仔糕♥♥♥之後再食埋個鬆鬆軟軟既馬拉糕，呢個下午茶就滿足嚕~~個晚大帝宵夜食左兩個雞包，淨底果個就成為左我第二朝既早餐蒸返熱就同樣好食！！！

話說作為唐記嘅忠實fans，我真係成日食！事關佢好方便又多分店，再加上平得黎份量又多。咁岩我公司附近都有唐記～-本身今日諗住去食唐記包點最新聯乘的流心阿華田包同阿華田奶茶，兩款都係唔駛$10就買得到，如果係阿華田粉絲快啲去買返個黎食喇！（可惜嘅係我去到岩岩好賣晒！唔緊要過兩日再買黎食！）-今日食咗是日精選：章魚肉餅飯（$16），熱食蒸飯真係好好食，買到返公司再自行澆上甜豉油，好正。最重要係「真係好好好好平」，對於我呢啲打工仔黎講，真係十萬級抵！-另一個最愛就係唐記點心，今日買左燒賣、雞札、鮮竹卷，其實平時去茶樓特點都差唔多$20一個，而唐記$14優惠價真係好抵好抵。-另外，再買咗幾個凍包（菜肉包、叉燒包、雞肉包、蔬菜包）帶返屋企，一家四口聽朝早餐，$5.5一個真心宇宙級抵食。-我買左 一個章魚肉餅飯、三盒點心（燒賣、雞札、鮮竹卷）、六個凍包（菜肉包、叉燒包、雞肉包、蔬菜包），咁多野都唔洗$100！

人人也說觀塘是尋找寶藏的地方，這句說話絕對可以在我身上深深體會，全因為這裏是我的美食天堂，在這裏已經吃過很多美食。這天工作的需要，到達了觀塘，午市時間，我便選擇吃外賣， 面對林林總總的食物，真的有點令我不知所措，幸好這個蒸飯龍虎榜給予我不少意見 ，這天的 精選飯類就是 梅菜肉餅飯， 飯方面，米香味重， 粒粒分明， 口感佳，有咬口，米飯絕對是每一餐的必需品 。至於肉餅方面，超出我的想像，肉味濃厚， 最重要是厚肉餅，每口也是肉，配搭少量梅菜的香味，令整個肉餅，味道更為提升。

很久沒有吃點心了，周日原本打算和家人飲過早茶，遲了起床，所以沒有跟隨他們，還是打消了吃點心的慾望吧。經過唐記包點，除了包點外，還有盅飯及點心，正合心意，那就直接外賣回家吃吧。秘製金錢肚：上茶樓必點的點心，微辣惹味的醬汁蘸滿。金錢肚份量多，口感煙靭，牛肚底部還有炆得很入味且軟腍的白蘿蔔。香菇雞肉包：包點外皮鬆軟，餡料內的香菇味道較出，包裹著大大個香菇雞肉糰。常常說要戒餐後甜品，不過仍忍不住買了個紅豆砵仔糕：紅豆蠻多，紅豆味出，口感煙靭，吃到後期略甜。中午時分店開始十分繁忙，很多人排隊買午飯，雖然只是快速買些外賣，但店員服務好，我一開始要求不需要餐具，另一位卻不知道，跑到老遠找已離開的我，給我餐具，令我十分難忘。

唐記包點經過肚餓都會買一個包嚟食但係我就好少試佢地既飯今次經過就決定買兩盒飯試下順便買埋生煎包同埋砵仔糕食物:梅菜肉餅飯北菇雞飯生煎包砵仔糕因為見到今日嘅特價飯係梅菜肉餅飯超抵食.估唔到肉餅肥瘦分佈得啱啱好而且梅菜好香唔會太鹹北菇雞飯都好多雞好滑生煎包啱啱先起好脆口而且都好多餡砵仔糕好多紅豆而且唔會太甜啱啱好.整體:唐記蒸飯其實真係慳錢之選唔單止價錢平而且蒸飯又好味健康唔使成日去茶記食味精碟頭飯而且選擇都幾多選擇仲可以配埋一兩個點心連甜品都有

一向食開唐記，今日行開觀塘見有間分店，立眼望望，嘩！好平呀！呢間既價錢比別間分店平好多，真係平好多，點心$14蚊咋！（一向買開要$18)包就$5.5( 買開$7.5) ，好以回到幾年前既價錢咁！點忍到手唔買！ 糯米雞@22蚊，好足了，必買之選！鳳爪排骨飯$ 15, 係，的確係$15, 真係平到你唔信！味道仲要好好，又跟埋菜，好正！再買左菜肉包（呢個係我至愛，又抵又飽肚）鮮竹卷鮮竹卷好足料，真係啖啖肉呀！

今日又做外買妹，不過今次係買去朋友屋企同埋佢個兩個考完試既小朋友一齊食xpp佢去接放學，我就去買飯！！！今日鳳爪排骨飯做特價，所以就買兩盒之後加多盒咸鱼肉餅飯仲有三隻鍋貼同一份金錢肚兩大兩細一齊食：D全部都叫左醬油另上個金錢肚超受兩位小朋歡迎，差唔多秒清咁濟！而我呢兩日都好想食鍋貼，今日終於食到大大隻，點埋醋汁食，正！！！啲排骨無乜肥豬肉但好腍好入味！！！而個咸鱼肉餅都幾厚，好好送飯：）食飽飽就同朋友個兩個豆丁玩左陣，之後就要去搞埋活動啦~~~

附近有間咁抵食既唐記真係好🤣，今晚買左啲點心同蒸飯做晚餐，方便又夠平😝點心方面一律做緊$14，今次買左鮮竹卷、鵪鶉蛋燒賣同牛肉。鵪鶉蛋燒賣，豬肉餡調味幾足，裏面仲有幾隻鮮蝦，所以幾鮮味，加埋邪惡既鵪鶉蛋，估唔到味道唔錯喎。🤣鮮竹卷有三件，得得骰骰，中間有木耳、西芹、豬肉餡等，配上濃稠既醬汁。蒸飯仲會有每日特價既款式，都係講緊$17一個飯，真心平。當日既特價優惠係豉椒排骨飯，排骨幾入味唔係好肥，份量都足，而且仲有椰菜做配菜，食完好飽肚。當然唔少得K最愛既包包啦🤣黑麻蓉包黑芝麻味道超濃郁；糯米卷裏面既臘味味道好香，糯米飯口感又煙韌，配搭軟熟既包幾好味。

唐記包點真係越開越多分店，淨係觀塘轉個灣已經有三間，原因無他嘅，就係抵食夾大件！有質素又衛生嘅點心的確係吸引！小朋友食完包包同點心做早餐，返學就啱晒！依家經常都會買番啲凍包放喺雪櫃，蒸8分鐘就食得，方便又好食！一家大細都岩食！凍包平均都係$5左右一個，真係好抵，食兩個夠曬飽！今時今日仲有$15 一個鳳爪排骨飯，份量仲要唔係少！真正做到良心企業！煎餃子皮薄喊靚！每次都會食嘅鵪鶉蛋燒賣！唔係度度食到架！

雖然觀塘有幾間唐記嘅分店， 自己就最鍾意你物華街康寧呢邊嘅分店！！因為呢間分店嘅包比較平之餘，啲店員姐姐嘅服務態度仲好好㗎呢度嘅姐姐係超有笑容超好禮貌㗎今日幫媽媽落嚟買餸之後就順便買埋午餐返去食本身想買埋嘢飲㗎，之前飲過佢哋嘅奶茶覺得好飲，但點知今日冇曬嚕除咗啲包比平時喺地鐵站嘅分店平之外，啲點心都有特價㗎所以 今日除咗買包之餘，仲買咗一份燒賣$14嚟食而包包就買咗一個沙爹牛肉煎包$5.5同一個菜脯肉蒸包$5.5蒸包鬆軟，煎包就香口惹味個沙爹牛肉包仲有洋蔥粒起入面添而呢度嘅缽仔糕都係只係四個半咋！！！買返個做飯後甜品是常識吧！！多豆煙韌又唔過甜，正呀！！

有無人同K 一樣都係好鐘意食唐記包🤣，特別係佢地個香芋包同蕃薯包，真係好好味，食極都唔厭。今次發現觀塘既呢間唐記包點做緊$4.5-$5.5一個蒸包，真係好抵吖😍於是又掃食😆香芋包 $4.5芋頭蓉滿滿的，而且裏面會食到一粒粒既芋粒😋，同埋芋頭天然既甜味，質素真係好過好多出面既芋餡包嫁蕃薯包 $4.5佢地個蕃薯包不嬲都係將成舊蕃薯放入包裏面嫁啦🤣，好鐘意食蕃薯既K表示滿足🤗奶黃包 $4.5其實K反而未試過佢地個奶黃包🤣，今次試完真係要加落must-eat list，奶黃餡幼滑又香甜，幾好味呢。紅豆包 $4.5呢款唔算好甜，會食到粒粒紅豆，而紅豆偏硬身。今次仲買左啲點心好似燒賣、鮮竹卷同鳳爪咁，佢地啲點心一律賣$14，價錢又唔貴喎🤔，而且食落都近似茶樓既味道，有時突然想食下點心，呢度都係個唔錯既選擇。同埋果日K都買左蒸飯黎食😉，佢每日都會有一款飯做特價既，果日就係鼓椒排骨飯啦，份量都幾多下

唐記我又黎喇，今次主力買點心番屋企飲茶，因為呢度點心勁抵食，$14一份！同埋啲包點都好似平過地鐵站果啲！金錢肚（$14）、鵪鶉蛋燒賣（$14）、鮮竹卷（$14）、牛肉球（$14）絕對有茶樓水準！我最愛既雞扎好賣到賣曬真係可惜。糯米卷（$5.5)、馬拉糕（$4.5)勁大件，食一個馬拉糕真係飽左3成。北菇雞飯（$22) 有肉有菜夠其實已經夠食一餐健康午餐！咁抵食唔怪得知咁多人排隊，由比錢買到攞到手要10分鐘先有。