唐記包點 (港鐵烏溪沙站)

Open Now

Now Closed

平日一至五早餐同午餐時間都係長期無包賣，朝朝去問都係無包既，唐記包點但無包賣👍🏻好野完全唔知開黎做乜，垃圾！！店員態度又差，唔想做可以執左佢，唔好做！垃圾公司！

呢日因為去出去做啲野，夜左返屋企，所以就冇煮飯啦媽咪 由於大家都知道馬鞍山係食物沙漠，即使開咗咁多餐廳都係一樣所以都係食返啲保守嘅外賣唐記！雖然比起以前加價唔少，而且我記得呢間分店個價錢仲貴幾蚊嘅不過個質素都係咁！可惜外賣嘅飯俠由椰菜變咗做南瓜🎃，好過冇蔬菜啊本身$29一盒嘅鳳爪排骨飯，飯俠雖然唔係好大，但係份量嘅料都OK足有兩舊鳳爪，幾舊唔係剩係得肥膏嘅排骨！喺呢張相仲見到有一舊係全肉非常君真本來我好想食牛雜，不過喺有限嘅選擇之下退而求其次， 用拼盤連埋盒飯$44嘅價錢， 加咗個金錢肚！同我去飲茶食嘅質素差唔多和友！份量同味道都相似亦都有蘿蔔平喺側邊做配菜金錢肚幾新鮮亦都唔會好薄好細咁

早前經過，終於買到阿華田麻薯包。雖然都出咗一段時間，但係今次先係第一次食。之前出咗阿華田包嘅時候都冇試過，一來就試依個阿華田麻薯包。一咬落口，啲麻薯都幾癡口，可以在煙銀啲，但係都算唔錯。阿華田嘅份量就唔算好多，所以都唔會太甜。反而麻薯嘅份量就比較多啲，所以食完都幾飽。不過我都係覺得食飽都係食鹹嘅會好啲，之後都係食返啲香菇雞包算啦。

入烏溪沙去camp？不是，House warm前，買d點心上去一齊食！蒸飯有飯卷優惠，好多人買，排左下先到我地買！章魚肉餅蒸飯 $27買比屋主朋友既早午餐，唔洗整骨，佢懶人至like！章魚粒配冬菇幾濃味但唔咸，偷返少少食不為過嘛！肉餅夠濕潤，唔好乾巴巴好散既感覺，飯軟硬度ok。比勁多菜佢，我都未試過咁多菜！下次有無得叫多菜，哈哈！叉燒包 $7.5必食之一，叉燒半肥瘦之瘦多d，甜甜地，包大實飽！菜肉包 $7.5大肉粒配菜，健康d！女仔一人一半，軟林既，多d料好d。蓮蓉包 $7.5無渣以滑中帶實為主，欣賞係唔甜而有蓮蓉濃味。紅豆包 $7.5算滿既紅豆蓉，有d紅豆皮真實無花假。鮮竹卷 $18扁扁大件既！有木耳、馬蹄同肉碎等等材料，一咬係鮮竹既un，之後就係爽口。好大原因係有馬蹄，淨食馬蹄有時覺得好青，依加咁混又唔錯既。鵪鶉蛋燒賣 $18酒樓都好少見，反而外賣唐記有！鵪鶉蛋一人一粒好啦。白燒賣比黃燒賣大件咁，肉量多實！奶茶 $12蒸飯同蒸包外，奶茶都係幾常買埋。奶茶少甜，茶底夠，樽裝嚟講不錯了！

這天去郊遊影相，時間有點趕，就在樓下唐記包點買了一個蔬菜香菇包$8，大大個，熱辣辣的，足料好味皮又薄，有木耳絲丶紅蘿蔔絲丶椰菜絲等。第一次幫襯，之前聽過評價一般，所以也沒期望，雖然沒有驚喜，但也算不過不失～

今日同老公去烏溪沙買完餸，簡簡單單買咗兩個唐記飯盒返屋企食， 因為飯盒上面都好多料，所以都唔需要額外煮飯，飯盒裏面亦都有幾條菜，正所謂健康飲食， 唐記包點嘅飯真係好好食，我不只是第一次去，已經去過好多次， 而今次就去烏溪沙呢一間試一試， 飯非常之靚， 軟硬度適中 ，而飯上面的餸亦都很多 ，不知足夠一個人食， 好有酒樓嘅水準 ，總之兩口子食了這兩個飯已經很滿足！

本來諗著帶阿女上完田徑返屋企乖乖煮飯，點知阿女係地鐵站嚷著肚餓，吾等得我煮飯，要食唐記。算啦，做完運動又可能係會餓D。咁就買幾個飯盒返去開餐。細女最鍾意唐記既咸魚肉餅飯，我同佢拆咸魚出黎，佢一粒咸魚送一大匙飯，食到津津有味。大女就話煎蛋牛肉飯同北菇雞飯都想食，兩個飯各食一半，剩下的就老公食。我就鍾意食章魚雞粒飯，貪佢夠咸香，章魚粒又有咬口。其實唐記間間分店都有D吾同，我係中環既唐記食過生煎包，蔥油餅，如果烏溪沙站間唐記都有得買就正啦！

烏溪沙站得一間食店，唐記包點外賣自取夠晒方便，而且上菜速度快，任何時段就算多人都不需要排隊很久，而且職員態度都友善，有笑容，原來平食都有好服務。講番食物先，人氣鹹魚肉餅飯，飯粒粒分明無糊口、彈牙，豬肉餅有軟滑，鹹魚鹹香，配上薑絲無腥味。豉椒排骨飯飯爽身無水氣，彈牙，排骨有咬口，少少辣惹味，加上有菜更健康。雞蛋牛肉飯牛肉餅較豬肉餅有質感，口味較煙韌，味道較濃，配上雞蛋會中和番，飯爽身彈牙。馬拉糕鬆軟，不會太甜，熱騰騰好滋味。黑芝麻豆漿少甜更健康，有黑芝麻清香。

星期日早餐係一家人共聚的好時光！訓飽就食餐飽！而點心就係個個都鐘意食架了！今日父親節，落去飲茶一定好多人，有排等位！明智的方法係落去買點心上屋企慢慢嘆！大約10點起左身，換件衫就落去買點心！呢個時間人流唔多，排2個就到我了！而且後面仲沒咩人排隊tim價錢真是平過出街飲茶好多，我們4個人，個個食飽哂，都係百零蚊，又唔洗茶位加一章魚肉餅飯，份量多，夠飽肚，飯唔會太硬太淋，而且欣賞的係菜的份量都多！燒賣:豬肉饀，有蝦肉！雞扎:芋頭好淋好入味，份量足，仲有豬肚！糯米雞又好食又抵食！好大份，而且入面好多料，有雞翼有叉燒仲有好多配料，好入味！菜肉包！長勝將軍，飽肚又方便！今次試左唐記的絲滑奶茶！$12, 飲落幼滑！

  最近太多煩心事，即使星期日都唔太想做野，只想靜靜地休息下抖下，所以就算在家中都唔想整野食，又唔係好想出去同人逼。所以就去買外賣番家中食，當係散心行下兼買食物醫肚。   依家D火車站真係好好, 好多店舖都好方便又就腳，來到烏溪沙站，就有間唐記，有飯有點心包點好多選擇。章魚肉餅飯$27，有菜有肉$30元有找，真係好抵食，而且肉餅都好似樣，也有章魚香味，大大盒既飯我可以食兩餐呢   鵪鶉蛋我真係好少食，加上依家酒樓都冇鵪鶉蛋燒賣，估唔到呢個唐記有得食，$18三粒，每粒都脹卜卜，而且唔算好咸，肉質都幾好。唐記既燒賣都好有保証   鮮竹卷都是我的至愛，點心新鮮熱蒸好，番到屋企食都仲有溫度，O岩O岩好。$18的點心真心講的確平同抵過去酒樓食，而且又唔係D無益既即食點心，呢個鮮竹卷都好足料架，真係食得好飽。另外又買多個菜肉包$7.5，打算做明日番工既早餐，白雪雪就知佢D麵粉都靚，依家我喜歡食中式包多過西式包，因為健康D至少冇咁多牛油同糖啦~~  值得一提，外賣都要環保，唔好用咁多膠，愛護環境，自備器皿買食物。店員都好願意合作同支持，好欣賞佢地都願意為支持環保減少廢物出一分力

鳳爪排骨飯 $27叫咗鳳爪排骨飯，都係平時食開嘅至愛，辣椒、豆豉、排骨、鳳爪，份量啱啱好，啲飯又粒粒分明，唔會太林或太硬，加埋甜豉油簡單但係健康又好味，絕對比得上茶樓嗰d！自己一個？午餐唔知食嘜好？唐記真係一個好選擇！秘製金錢肚 $18另外仲加料叫左秘製金錢肚，都係18蚊喳！惹味又抵食！菜肉包 $7.5記得以前由啱啱屋企樓下開店嘅$6 ，一直微調食到而家$7.5，仍然咁好食咁juicy!叉燒包 馬拉糕 奶黃包 白饅頭仲有仲有買咗幾個凍包，聽日一家人早餐食！姐姐好貼心，佢教落隔水蒸8分鐘就食得！奶茶 $12第一次買左唐記嘅奶茶，竟然都有驚喜，奶滑有茶香！值得一試！

今日又去唐記買嘢食，上次食過他的蒸飯，非常之好味 ，所以就去咗烏溪沙裏面的一間唐記， 我同太太 叫了一個牛肉蛋蒸飯，鳳爪排骨蒸飯， 一碟燒賣， 同雞扎， 太太非常鍾意他的蒸飯，飯好鮮甜， 有趙口，以面上的餸非常之新鮮，牛肉好有牛肉味， 鳳爪同排骨配合得非常之好， 而點心方面燒賣及雞扎 好有酒樓風味真的值得一讚！

天氣咁熱，姐姐放假，我又吾想係廚房煮到一身汗，就落樓下買幾盒蒸飯算數。大女鍾意食北菇雞飯，佢係飯桶， 嫌太多雞肉唔夠飯，所以我 share半盒飯俾佢，佢 share 啲雞俾我，不過發育時期，應該多食D肉。細女就食咸魚肉餅飯加個菜肉包，見佢咁瘦就知佢食吾晒咁多野啦！咸魚好甘香，仲落左好多薑去魚腥味，不過小朋友就怕薑，肉餅都 okay 。菜肉包好好味，細女早餐都經常會買黎食。仲有排骨飯，夾埋吾使一百蚊，都算有肉有菜，又吾使等，懶人之選。😅 諗緊想買蒸飯套票，$260有十個蒸飯套票，一家人食三至四餐就KO晒，可以慳返$10。

今日放假，唔想煮，決定落街買個快餐食~咁就去左唐記包點買外賣~唔知今日係咪假日既關係，比較多人排隊買外賣當日叫左2個點心，2個蒸飯，1個蒸包，2個甜品和2支豆漿~雞扎$18雞扎一客2件，雞肉大大件，芋頭又香又粉杞子燒賣$18燒賣有4粒，啖啖肉又juice唐記包點仲有多款蒸包都係賣$7.5，幾抵食當中有奶黃包、紅豆包、叉燒包、芋頭包、菜肉包等等~是日我就買左菜肉包蒸包好新鮮而且仲係熱騰騰的豉椒排骨蒸飯 $27排骨都有數舊，底下仲有菜食都算係咁~北菇雲耳蒸雞飯 $27雞肉又幾嫩滑wor，北菇都好香口紅豆砵仔糕 $7.5wow...會不會太多紅豆好足料既砵仔糕，甜而不膩豆漿 $9好香豆味，還標籤是無添加的唐記包點都有好多分店，所以想買來食都非常方便~如果佢有埋堂食就更加好

記得以前真係好鍾意食唐記的中式包以前$5一個，大大個，最重要係質素高，有湯汁，有肉香！抵到爛！但而家食唐記真是為醫肚，咬開個包，包肉分離。不過冇計啦，香港人返工又要快，瑜伽堂幾開心呀喺火車站附近，又真係好方便嘅。所以即使加價到$7.5, 依然大排長龍。