Video
1-min walk from Exit A1, Ma On Shan MTR Station
continue reading
Telephone
23434133
Opening Hours
Today
07:00 - 23:00
Mon - Sun
07:00 - 23:00
Public Holiday
07:00 - 23:00
Public Holiday Eve
07:00 - 23:00
Above information is for reference only. Please check details with the restaurant.
啲咖哩牛筋腩飯真係有驚喜，牛筋咬落去啖啖肉味，好入味幼滑。添上呢啲香辣咖哩汁，飯一滾便化晒入口，咁多野得嚟價錢又平，食得我心水直流🤤。話說返個北菇雞飯，雞肉鬆化得嚟保持咗juicy，真係食得出佢哋煮食上嘅用心！香芋包香甜軟糯，與蒸包內嘅鹹香菜肉形成咗一個絕佳對比。臨走前又試咗個沙嗲金錢肚，唔通常都只有燒臘檔先食到嘅金錢肚係度都能一嚐，沙嗲汁足料得嚟味道剛好，層次分明。飲品方面啲香滑奶茶就真心唔錯，喉嚨過落去嘅感覺好滑，飲完之後味道仲喺口腔中縈繞。下次有閒再黎食，試下其他嘢，希望同樣咁正🥢🍚🥤！
continue reading
幫襯「唐記」好多年，唯獨馬鞍山港鐵呢間「唐記」有以下問題：1. 收完錢之後才告知你 無 你所要的，要客人轉食另一樣野！（唔止一次）2. 今日更惡劣，叫了兩個「鳳爪排骨飯」，店員話要等10分鐘。結果等咗15分鐘後，先同我講無，仲話叫我等果時佢唔知道無蒸「鳳爪排骨飯」😡😡😡話宜家只有 章魚肉餅和雞飯。即變相要食就被迫轉其他飯😡😡😡（一句道歉都無）3.之後我表達會作出投訴，店員的回應竟然係：我哋都換咗飯比你啦！ 講到係我問題咁！可惡的店員！
continue reading
第1次食唐記，中午時間叫左2個點心。都幾多人排隊等左10多分鐘，開餐，蝦餃居然唔係用成隻蝦但又叫蝦餃咁神奇，撈其他肉猜成一舊味道同燒賣差不多，都算了，味道非常普通，咁其實去超市叮叮都隨時一樣質素，皮又超厚成塊膠咁口感。。春蛋燒賣粒春蛋，比任何賣點心既同行都細粒，係咪每粒都過磅先出得街？下層燒賣冬姑都冇粒，味道完全係行貨，一食就知食材全部用最平靠味精。而且似用機器整出黎咁，可能夠平價大家鍾意食味精野所以咁多好評。
continue reading
Green Monday，成功地令香港人注重食素的重要性。之後，由 Beyond Meat，Impossible Meat，到 Omni Pork (新豬肉)，就成功地把素食的概念，帶給非素食者，令普羅的非素食大眾了解到，原來素食係可以千變萬化的。亦因為有這樣的產品，好多食肆都借用來推廣。而蒸飯專門店《唐記》也就近期紅熱的新豬肉，做出了一系列的素食點心同蒸飯。期後，《唐記》又同 Sanrio 合作，推出了一系列的 My Melody 小點，氹氹小朋友。先說平時的《唐記》出品，就是一系列的蒸飯同點心啦。因為我來的是港鐵站內的分店，吃到的飯都是 prepacked 的。所以，就是廠出品，原膠盒上的鳳爪排骨飯。如果是街鋪，好多都是店內自製，客人要才入盒再加菜的。這些原膠盒的，就會伴上南瓜，令蒸飯多了幾分的甜味。此外，《唐記》的排骨同鳳爪的水準，我可以說，是拍得住好多酒樓既出品的。慣常來《唐記》買飯，梗會要多一份點心。通常，我都會要一份鵪鶉蛋燒賣。但那一晚的鵪鶉蛋燒賣賣晒，我就來一份正常版的豬肉燒賣了。有豬肉，有蝦，這絕對是大師父級既點心出品。入口，充滿了肉的鮮甜味。好多時，尤其是國內工幹完回到大學站見到車站的《唐記》，總會要一份點心，開心一下。之後，就要這一期的新推出的新豬肉系列蒸飯同點心了。《唐記》同 OmniPork 合作，推出了四款素食。兩款是飯，兩款是點心。第一次試，就選擇了梅菜新肉絲飯。後來才得知，這一個梅菜肉絲飯有蒜，要走五辛的朋友就不太適合了。這一個飯，主要就是梅菜的香味。當係一個梅菜肉片飯咁食啦，有香菇，有梅菜，有素肉，又濃又香，幾好。另一款素食飯，是意式蕃茄素肉飯。這一個，《唐記》就說明了不含蔥蒜亦因為這樣，已經成為了我太太的蒸飯首選。因為蕃茄醬，酸酸甜甜，而且有素肉，有蕃茄，有薯仔，有菇同蘿蔔，材料比起梅菜素肉絲更豐富。有汁，有餸，更好送飯，非常之好。再來就是素肉菜餃。同一般素食館子出品的素菜餃差別不大。只是平時的豆腐或素腸加菜做餡變成了新豬肉做餡而已。只是，新豬肉的味道比較咸而已。出現了新豬肉的 promotion 不久，《唐記》又有新玩意了。這一次，來了一個期間限定的主題，是同 Sanrio 合作的一系列 My Melody 小點。那天，一家人外出去玩，我們就先在《唐記》買些小點來吃。而為了令小朋友歡喜，我一於就買下其中的兩款 My Melody 點心。(因為紅豆包沒有熱的)。My Melody 雙色餃點心盒，白色的，是傳統的蝦餃；粉紅色的，是以蝦餃形式製作的菜肉餃。蝦餃的味道正宗，可以用香口來形容整個感受。茶肉餃同樣是很香，但在沒有蝦味的襯托下，香口的感覺稍遜。My Melody 菜肉包，同《唐記》菜肉包的味道是一樣的。豬肉為主，菜為次，甜甜的包內餡有微微的肉香，味道就是這樣簡單。又新豬肉，又 My Melody，近來《唐記》搞的新意思，都好吸睛，也有一定的好味道。My Melody 是已知的期間限定，但希望新豬肉系列，會是長期在 menu 上的美味素食選擇。
continue reading
唐記飯真係平靚正，性價比高，啲姐姐雖然廣東口音不正，但佢哋友善又親切。去到夜晚通常受歡迎嘅飯好多都賣晒，次次去到八點或者九點，都已經叫唔到章魚肉餅飯。琴晚咁夜都竟然有肉餅飯新鮮出爐，即刻叫咗個章魚肉餅飯同埋流沙奶黃包。流沙奶黃包🌟🌟🌟🌟🌟個流沙真係做得唔錯，真係流，又有少少蛋黃味。唔係流沙嘅奶皇包就唔好試啦，之前食過個奶黃隻味真係好假。呢個真係極力推介，真係好好食，鍾意食奶黃包嘅你一定唔可以錯過😌章魚肉餅飯🌟🌟🌟🌟個肉餅鹹鹹地仲有足料嘅章魚，真心送飯一流。加上佢新鮮出爐，熱辣辣，仲送埋配菜南瓜🎃唔可以話好好食，但咁嘅價錢有咁嘅質素，真係食得過！唐記真係平價之選🤗🤗🤗🤗
continue reading