唐記包點 (港鐵旺角東站)

Open Now

Now Closed

食物種類選擇算是多的，但食物真的好咸，無論點心或是飯餸都好咸，味精又多。如果少些鹽，相信會味道更好。好處在蒸飯有得加菜，其他飯就無得加菜。搵唔到官網，想反映都無得反映。

平時每日都依間唐記包點買早餐 不過我已經試過幾次佢哋比錯咗包 例如我叫蓮蓉包 會變成菜肉包….有試過明明我排先 佢俾咗我後邊嗰個人攞先 另外 我亦試過有一次食菜肉包，發現個菜肉臭咗 同埋我覺得姐姐做嘢麻麻哋 反而收銀嗰個冇乜嘢 係攞嘢嗰個成日攞錯 搞到我要食自己唔鍾意嘅包 要改善下啊！😠不過佢哋啲單係幾平嘅 $9一個 都算幾抵食👍🤣

現實中的「唐記包點」不是每一間分店都有提供「咖喱牛腩飯」，關鍵在分店選擇的位置，是否在「港鐵站」地下大堂裡面。如果「唐記包點」分店是在大堂裡面的話，該分店可能沒有廚房，可能提供不到「咖喱牛腩飯」。「彩虹站」裡面的「唐記包點」分店，就屬於其中一間因為店舖位處於地下，在消防和走火通道設計上，無法建立廚房，無法製作到「咖喱牛腩飯」，也無法售賣「咖喱牛腩飯」給食客的分店。本來「旺角東站」分店「唐記包點」，店舖也是位處港鐵站大堂裡面，但是「旺角東站」位置在地面上，部分鐵路路段架空於「旺角」鬧市上面，所以「旺角東站」分店「唐記包點」符合消防要求，也有廚房製作到咖喱飯食品。至於「旺角東站」分店「唐記包點」製作的「咖喱牛腩飯」，「咖喱牛腩」裡面的牛腩肉質十分之厚實，浸在實際溫度不算非常灸熱的咖喱汁裡面，沒有令牛肉肉質和實際口感變得太韌太難咬開。至於「旺角東站」分店「唐記包點」廚房製作的咖喱汁，咖喱汁裡面的辣味不算非常之辣，偶然還食到少許蔬菜甜味，或者這樣可能跟「唐記包點」廚房，在咖喱汁裡面加入不少紅蘿蔔和馬鈴薯有密切關係。至於「旺角東站」分店「唐記包點」的「咖喱牛腩飯」實際售價是港幣三十二元，跟大部分

周圍都有分店的「唐記包點」，最近竟然出左四款用 OmniPork 新豬肉 的餐點，素食者又多一個又平又快捷的選擇。試完四款之後，我覺得菜餃同菜包都麻麻地，個餡的調味唔太合我口味。兩個飯就正路少少，尤其適合食量大的朋友，可以撈好大碗白飯食，三十蚊碗食到咁飽都抵既。四款菜式都好平價，而且好多地鐵站都有分店，好方便就買到熱辣辣的素食。 素肉菜包 HK$7.5個菜包都幾大個，白色包之中仲見到少少紅蘿蔔粒，幾有誠意。內餡都算多，而且除左新豬肉之外，都好多其他野，口感豐富。 素肉菜餃 HK$18菜餃同菜包個餡好似差唔多，兩款個味我都唔太喜歡。 梅菜新肉絲飯 HK$27除了梅菜肉絲，原來仲有一堆椰菜，感覺又幾豐富。梅菜肉絲都正路好食既。 意式番茄素肉飯 HK$30番茄汁入面除了有新豬肉碎，還找到番茄、紅蘿蔔、薯仔和杏鮑菇等，比想像中多野食，仲番茄汁都正常茶餐廳味。如果你好奇的話，平平地試下都可以既，或者想搵大件夾抵食的日常素餐，都算幫到手。

晚飯後想找中式糖水吃，經過火車站，便去唐記包點碰碰運氣。不同分店，食物款式都有分別，這家居然有糖水！現在回顧，實在很難找到有賣糖水的唐記，看來這天的運氣也不差。雖然款式只有三款，並不多，也挑到合我們胃口的番薯糖水。吃時忘記照相了，記得番薯至少有五塊。糖水薑味一般至重，有少許辣。原價$15一碗糖水， 買第二碗糖水可半價。可能是快關門的關係，店員不想浪費還沒賣出的砵仔糕，讓我們買正價的砵仔糕，也可半價買糖水。砵仔糕當天吃時很黏糯，放雪櫃隔天再吃， 質感便變得像一般的砵仔糕，較為結實爽口一些。

唐記包點進駐左多個港鐵站，方便返工人士朝早買早餐食🤣食物款式繁多，依家除左有包點（番薯包、奶黃包、紅豆包等）仲有點心（糯米雞、鵪鶉蛋燒賣、雞扎）同蒸飯（鳳爪排骨飯、北菇雞飯等）價錢唔貴，仲不定時有新菜式同套餐可以點，真係唔錯既選擇.1. 燒賣套餐配奶茶 $18由於店舖設有大型蒸爐，樣樣食物都係新鮮即蒸，所以燒賣都係熱辣辣送上，魚肉燒賣一共有8粒，質感偏軟腍，皮薄唔太彈牙，不過燒賣豉油鹹甜度很適中👍🏻奶茶幾香滑，濃味，可以媲美茶餐廳既奶茶，唔會失禮

平日到唐記多數會買一些傳統中式包點醫肚，一來大大個，價錢合理，二來味道不俗，三來可以拿着，去到邊食到邊，既方便又飽肚。今日亦不例外，一邊排隊一邊看著收銀機旁餐牌，正猶疑叫甚麼包之際，聽到前面有人點了流心奶茶包，原來是新出品，一向喜試新事物的我又豈能錯過。這個包雖然與廣告相中的飽滿程度有少少出入，實體包略扁平， 不過還算份量十足，有手掌般大，熱騰騰，咬落鬆軟，有少許甜味，雖然外表呈淺啡色，令人聯想到有奶茶味，不過那估奶茶味並非源自包的表面，而是來自包中心的饀料，咬到中心位置， 濃濃的奶茶醬汁便徐徐流出，味道介乎港式奶茶與朱古力味之間，不太甜，口感順滑，真的很有港式奶茶風味，醬汁也蠻多，一不為意，流到滿手也是奶茶醬，有點狼狽。總括來說，這個包融合了中式飽點與港式奶茶的特質，富香港特色，味道也不俗，值得向外國的朋友推介。

社會一片混亂，令到我要速速離開旺角，又怕港鐵停車，飯局都取消埋要走...去到旺角東站，未停駛，於是醫埋肚餓先走😌原本想食snack express格仔餅，但最後都係揀左濕濕地的食物-點心！叫左一個牛肉球即食，叫太多我驚宣布停駛太趕又阻人收工🙈大罪！我未試過喺唐記即食牛肉球，原來係好熱辣辣架👍🏻，粒粒仲差不多圓，手工不錯，芫茜味剛好，食到有粒粒馬蒂，爽口👍🏻原來堂食（其實只係一張小圓枱，立食的）係另一番味道😋

一向都好鍾意食唐就嘅包，平時通常都係食香芋包。不過咁岩今日賣晒，就試咗好多人都熱推嘅黑麻蓉包！原來真係好！好！食！芝麻味勁香濃！而且又好多餡，好足料好正！一定要熱辣辣即刻食！

阿華田包好好食雖然層皮比較厚但入面完完全全爆晒漿唔會話怕好乾，因為本身入面d漿都好液體五蚊一個其實好平，當作係早餐真係幾抵但係個阿華田奶茶唔係好值，個人覺得太甜奶味重，但茶味零同埋都幾細支飲幾啖就無特別一提個location好方便我依d東鐵線出入嘅人

今日如常返工，如常去買早餐，但突然間想食啲特別啲既早餐，日日菠蘿包都食到悶。經過旺角東火車站，見到有啲人龍排隊買早餐，就跟住去排，新鮮出爐既蒸點真係零舍不同👍🏻我叫左都算多野食，豐富的早餐👍🏻👍🏻我叫左一個鳳爪排骨飯，雞札，同埋鮮竹卷。排骨飯大合到你吾信，早餐食一合，好難吾飽。而且啲排骨好淋，又入味，非常好食，最重要係啲豉油，甜甜地，加埋啲飯一齊食，一流。😍呢兩個蒸點都好好味，雞扎好足料，吾會太咸，送飯非常好。鮮竹卷都不錯，入面有啲汁，咬落去好似有啲湯咁，正呀，估吾到外賣水準都咁高👏🏻👏🏻食左咁多野，緊係要飲返杯野，我買左兩支野飲，海鹽檸檬柚子蜜 同埋蜂蜜紅棗生薑茶。兩支野飲都吾似糖水沖劑，真係有啲材料向底部，算係真材實料。我比軋父喜歡柚子蜜，因為非常潤喉。吾記得講，我重買左個佢地新出既蒸包做下午茶，係阿華田包，係期間限定㗎，大家都快啲去試下，好好味嫁

唐記包點最近新出左隻流心阿華田包今日放左工去地鐵站間鋪買左個試下包啡啡地色 同平時嘅蒸包size差唔多 唔會整得細左 價錢合理 特價$5一個 平過買其他蒸包一切開大量阿華田醬湧出黎 做到流心效果食落去 阿華田味道突出 連埋包一齊食都幾夾另外最近仲出左個枝阿華田奶茶 但收工太晚關係已經賣哂唯有下次燒賣$16抵食 16蚊有4粒豬肉燒賣 入面有蝦肉豬肉 夠哂香鳳爪排骨飯 $25 收工買唔切餸 順便係到買個飯返屋企食份量好多 而且菜同肉比例都合適 鳳爪同埋排骨夠入味 連埋豉油一齊食 正雞扎 $16大件而足料 吸收哂湯汁精華如果平時返工或者放工想買d點心食就唔洗刻意去茶樓等搵食點心因為唐記提供嘅點心款式都算多唔洗下下都要去茶樓到食呢

唐記包點旺角東站，我望穿秋水，終於等到佢開幕。唐記包點食物水準一向不錯，而且價錢大眾化，新嘅旺角東站分店對於我來說，實在太方便。 今日我買咗點心同埋飲品做午餐。仔仔已急不及待，係街上面飲佢哋新出嘅海鹽檸檬柚子蜜，生津解渴，愛不釋手，又一健康之選。我試咗新的阿華田流心包，雖然返到屋企先食，麵包仍鬆軟綿密，阿華田流心餡夠爆漿，要算是中式爆漿朱古力包，甜而不膩，很有新鮮感，仔仔話下次要再買。當然唔少得鵪鶉蛋燒賣、混醬腸粉同大大隻嘅糯米雞。 糯米雞我每次都點，因為實在太多餡料，又飽肚，又抵食。佢哋嘅混醬腸粉都好滑，好適合做下午茶。 至於鵪鶉蛋燒賣 唔係度度都買到，肉質嫩滑，鵪鶉蛋有蛋香。另外，我買咗阿華田奶茶(新產品)，甜而不膩，香濃幼滑，奶茶味稍稍重過阿華田味，奶茶類又一新選擇，都幾特別，很有新鮮感。我特登買多咗一支蜂蜜紅棗生薑茶俾我補一補，也是新產品 ，因為自己懶煲。不錯，很生薑，有紅棗同埋生薑粒粒，唔太甜，養顏之選。

成日都要負責屋企人既早餐～ 呢日收工途經旺角火車站，於是就係度買原來佢出左阿華田包好想試不過佢賣哂唯有下次.....買左凍包俾屋企人做早餐，而我既晚餐就係勁大隻糯米雞！砵仔糕同埋黑芝麻豆漿大大隻糯籽雞：勁足料......入面仲有雞翼！！！好怕食到糯米雞d糯米蒸唔熟，但係唐記係呢方面就做得好出色，糯米蒸到軟身，配上豐富既餡料，包括咸蛋黃、雞翼、叉燒、肉碎～入面既汁都非常之夠同好食，唔會太咸！！！雞翼又唔會過熟或者唔熟，總之成件事岩岩好！！！ 27$好似好貴咁，同佢d蒸飯一樣價錢，但係打開就會發現價錢合理，因為真係堅足料，最緊要好食！砵仔糕：好多紅豆！！！ 同埋唔會太甜！佢個鋪頭有show到個砵仔糕既模型出黎，真係圖片與事實相符！黑芝麻豆漿：唐記既豆漿唔會好甜，仲有豆味，黑芝麻味都好重！凍包：我買左叉燒包、菜肉包、蔥花卷～前兩者足料就人人都知，蔥花卷就冇餡既～但勁多蔥花！如果唔想食肉都非常推薦你買黎食！店員都好好，再三提我凍包滾水蒸8分鐘食得！

唐記包食得多 因為早餐食又飽肚新出柯華田包同柯華田奶茶柯華田包一打開就見到流心的質感甜甜地好正 仲要只是$5又平又抵食柯華田奶茶無諗過柯華田同奶茶咁夾飲落去好解渴又不會太甜 衣加唐記有凍包推出姐姐教蒸8分鐘就食得啦每朝起身都可以蒸個熱呼呼既包食又飽肚又抵食仲出左好多唔同款式的蒸飯近日仲推出左飯卷 好抵$260 有12個飯平均每個飯都係$21.7叉燒包是我頭號首選 個包多汁又多餡食左幾年質素都冇變過 第二最愛的包是菜肉包菜肉包同樣是多餡又多汁 大愛衣加唐記新出了好多點心個感覺同去左食一樣紅豆糕愈來愈少地識有得賣原來唐記衣加都有得賣 價錢抵又好食