唐記包點 (上水中心)

Open Now

Now Closed

中秋做節驚唔夠餸🍽️，嗱嗱聲去［唐記］買點心🥟，老人家先食得開心😀抵返晒👍🏻［食後感］📝1. 蝦餃🦐外皮薄透、光滑，內餡鮮嫩多汁💦。蝦餃的透明外皮是用澱粉製作而成，蒸熟後呈現出誘人的光澤💡。2. 燒賣🐷外形圓潤，開口的設計使內餡露出，表面放一顆蝦🦐增添風味。3. 鮮竹卷🎍清新爽口，竹筍的脆感和豐富的餡料相結合，讓人食欲大開😋。4. 豉汁蒸鳳爪🐓口感滑嫩，帶有獨特的豉汁風味，香氣🔥四溢。

最近特別鍾意嚟唐記包點食，皆因唐記包點嘅嘢食畀其他街外嘅食品平， 而且有時要出去唔得閒坐低食飯，我都會去唐記包點買個包嚟填飽個肚先，十分方便。店入面嘅包大概係六至八蚊到， 有部分包係平少少， 例如我呢個香煎牛肉包同埋鍋貼就係5蚊一個，個人覺得味道都唔錯，可惜就太 油淋淋，食得多就會唔想食， 食一兩個都覺得尚好。另外， 有時諗唔到食咩就會去唐記包點買糯米雞食，25蚊不過就大大嚿，十分足料。 有叉燒同雞翼，不錯。另外唐記包點唔同分店嘅價格不一，有啲近火車站嘅就會收得貴啲，所以建議各位想再 慳少少錢嘅話就要留意了，因為價格會平一大 截。

一向有吃唐記當早餐的習慣，因為他們的包又大又平，餡料量也合理。最近推出了新包：阿華田包，超愛阿華田的我當然義不容辭馬上試試！$5一個大大個，餡料量極多，幾乎爆餡！餡料比較甜，比較像朱古力味，當中帶一點阿華田香，反而漆黑的外皮有帶點阿華田味，非常抵吃！可惜沒有阿華田奶茶～胃口大的我又買多了一個菜肉包$7一樣是多菜多肉皮中等厚，$7根本是抗通脹價吧。此外又點了個新推出的飯：咸蛋肉餅飯$25，又一個抗通脹主食！我覺得這咸蛋比最近的月餅還好吃！帶油香不會太硬太實，另外肉餅鬆軟無筋又大塊，裡面還有馬蹄，真材實料！燒賣$17 就一如既往的大份，又是無筋，肉多量足，亦不會有筋，對得住那$17的價錢呢！

又到月尾糧尾既時候😂😂擇左食唐包又平又飽，小編食左幾日😂😂第一日去到已經買曬啲飯，得返咖哩雞飯，小編覺得有啲微辣,雞件同薯仔份量都夠飯都軟熟。第二日早餐香菇雞包、菜肉包餡都多，每一啖有配料，香菇味道重，除左菇仲有木耳加埋雞肉，都幾香第二日午餐糯米雞大大隻隻, 飯質好軟鬆，糯米有黏性，配料豬肉碎、雞中翼、香菇、叉燒、咸蛋黃,主要份量夠，所以好飽肚燒賣都有好水準，燒賣係豬肉燒賣, 有茨汁，面頭又有蝦所以都好夠味唔洗醬油。

口痕痕想食點心，又唔想去茶樓飲茶，最後決定去唐記包點買點心，包食。唐記包點新出了阿華田包，點知售罄，除左阿華田包，仲有期間限定既阿華田奶茶，估唔到咁好味，奶味比較重，但阿華田味都夠濃，味道好夾點左兩款包點，馬拉糕同香芋包，馬拉糕好鬆軟，而香芋包既餡都幾多，唔太甜，而且個包唔係空氣包仲有叫左鮮竹卷同燒賣，滿足下我既點心隱糯米雞大大個，入面餡料都好豐富，味道唔錯砵仔糕，超級多紅豆餡，岩晒我以D鐘意超多紅豆既人

去上水做嘢忙到午餐都要响辦公室搞掂，同事話附近唐記啲嘢食唔錯，近近哋買外賣返去食算啦。去到見除咗包類，仲有點心同蒸飯，每樣買啲返上去，3個人一齊食都唔駛$100蚊，好抵呀！燒賣$17燒賣幾結身，有肉香又唔肥，入面仲有蝦係度，肉質有彈性，又幾好食喎。咸蛋肉餅飯$25幾鐘意食肉餅，因為撈飯容易食，加埋咸香嘅咸蛋黃，送飯一流，佢個米飯粒粒分明，唔會蒸到腍曬，軟硬適中，估唔到又幾唔錯。北菇蒸雞飯$25呢個無食呀，聞到幾香嘅，雞都有好多件，冬菇就有一朶，飯都係一粒粒。沙嗲金錢肚$17金錢肚夠腍，惹味得嚟有啲辣，下而有幾件蘿蔔墊底。流心阿華田包$5 (原價$8)新推出所以有特價，流心餡味道似加咗奶阿華田，蒸包係軟熟既，味道唔錯。 三個女子都食到好飽，平平哋質量又唔錯，怪唔之得有時經過其他分店，總係有人排隊啦。

啱啱做完嘢就有一間唐記包點在附近，就根據家人的指示買了幾款蒸飯和包類、點心。餐牌非常清晰，分門別類列明食物及圖片，原來包類都有超過十多款，多款選擇。我們就一口氣點了差不多$200的美食，非常豐富！點心中的山竹牛肉一份有三粒，食落去牛肉味道濃郁，點小小喼汁仲好食。還有菜肉包及叉燒包，拿上手還是很熱的！蒸飯一共有八款選擇，原來另外仲有特式客飯供應，我就點了滷肉滷蛋飯，簡直撈飯一流。最後我和家人都食到捧住肚，非常飽及滿足！

我是唐記包點的粉絲，去到邊就會食到邊買到邊，今次就來到上水中心商場買外賣。同樣地餐牌清晰可見，圖文並茂。先不忘叫了這裏出名的點心，鮮竹卷、鳳爪和金錢肚都是我至愛的點心🥧。鮮竹卷一份有三件，而且外皮的腐皮非常入味。這裏還有套餐選擇，只需以優惠價錢就可以換購各款的飲品，好抵食！我們就揀選了兩個蒸飯，一大盒非常有份量，我同家人就Share食，當中的豉椒排骨蒸飯味道入味新鮮。最後還打包一點凍包回家做當下午茶吃，店員還提醒我們要隔水蒸8分鐘才可吃，可見店員認真體貼！這一餐飯我和家人都很滿足，而且食物款式多，很快我們會再幫襯！

唐記包點  -- 上水智昌路3號上水中心2樓2014號舖又可以食香芋包啦！！！！！！！好開心我覺得唐記抵讚係 除左熱騰騰的包 仲有凍包 方便你帶回家加熱今次食Dinner 就買飯同埋點心 食得飽D～鳳爪排骨飯 （$25）好喜歡這吃唐記的鳳爪排骨飯飯粒啖啖豉椒味道 好惹味鳳爪同排骨都有水準 食完好飽！金錢肚！！！（＄17)其實真係好抵食！都幾多架 仲帶羅白係底～Sok曬D汁 同樣地好惹味！！唐記平平地 已經食到個好滿足既晚餐 真係抵食之選～！！！！！

平時通常黎唐記買個包做早餐，今日行過見佢新整起生煎包同鍋貼，熱辣辣好吸引咁樣，加上做緊特價$15有3件，買兩份做午餐先。鍋貼三隻（$15）脹卜卜香噴噴㗎，餡料是菜肉餡，基本上同唐記個菜肉包差不多味，但換上餃子皮，加啲私伙辣椒醬同醋，咁就perfect了。生煎包三個（$15）生煎包有牛肉，菜肉同香菇餡揀，哈哈，又你揀左菜肉餡，所以啲餡都係一樣味的，豬肉加上椰菜，鹹鹹地咁，包包煎得香脆，幾好味㗎。兩者都係15蚊3件，咁好似生煎包抵啲喎，唔好睇佢細細隻，食三個真係好飽呀，哈哈。

唐記開到成行成市，梗有一間喺左近，對香港人黎講真係好方便。因為連續三日都要同家姐兩個自己食自己，所以就買唐記去解決我地其中三餐，可以講既係，真係快靚正，而且好抵食，雖然好多人排隊，不過店姐姐速度都好快。我地既晚餐有雞扎、豉椒鳳爪、香煎牛肉包、香煎蔬菜香菇包同煎鍋貼。雞扎用腐皮包住豬肚、豬皮、芋頭、雞肉，腐皮好淋身，同豬皮一樣都係吸晒啲汁好好味，豬肚好淋，芋頭好粉好靚，雞肉正常。豉椒鳳爪蒸得好淋好入味，甜甜地辣辣地，好惹味。由於見到有新出既香煎風味點心，$15就有三件，當然要買黎試下啦，買左香煎牛肉包、香煎蔬菜香菇包同煎鍋貼，外層煎到脆面，而且熱辣辣，好香，入面個餡都算多，最鍾意佢個香煎蔬菜香菇包，入面啲蔬菜仲好有咬口好好味。有時食早餐都會食中式包，於是我買左兩個凍包可以朝早自己蒸熱做早餐。蕃薯包好軟熟，番薯蓉好綿密但唔會好甜，唔錯。榨菜肉包好香，每一啖都食到榨菜同豬肉，口感好好，好味。另外買左個鳳爪排骨飯自己第二日當lunch，估唔到個飯都幾大盒，排骨都有好多件，而且好多肉，加埋鳳爪辣辣地，好惹味。