唐記包點 (港鐵荃灣西站)

Open Now

Now Closed

呢個鳳爪排骨飯真係幾好味！鳳爪煮得啱啱好，軟滑入味，唔會太膩，啖啖都有濃郁嘅醬汁，真係好開胃。而且，佢哋嘅排骨都幾有水準，肉質嫩滑，食落去有種滿足感。飯方面，白飯煮得還好，可以吸收排骨同鳳爪嘅肉汁，味道更加出色。整體來講，呢個鳳爪排骨飯份量都ok，適合當主食，食完會覺得滿足。如果你鍾意港式飯盒，呢個菜式一定唔會令你失望，抵食，如果有時間，仲可以試下佢哋其他小食

有時去唔到酒樓飲茶🫖，好想慰藉個心🫶🏻，都忍唔住去唐記包點。買包、買點心、買蒸飯食，平價之選🤝【食後感】📝1. 鳳爪排骨飯🍚有童年的回憶，要食飯👌先飽。排骨蒸得好好嫩和好淋🥰，鳳爪蒸的入味，一口即離骨🦴，唔使加豉油都已經好夠味2. 菜肉包🥡沒有肥豬肉，有菜有肉算係健康。可以慳時間⏰，一邊攞住食，一邊走🚶‍♂️3. 蒸牛肉球🥩好鍾意食啖啖肉，有少許馬蹄爽口😋，又帶點腐竹，好入味💥而家多咗一啲小菜，可以考慮午飯和晚飯加餸。都市人的快餐😁都可以好清淡，好中式。

兩年前食過 ，跟住都冇買過黎食今朝係荃灣西唐記買早餐既時候俾錢埋單，佢問我牛肉球要唔要喼汁？咁我追要既…之後再拎野食叫左燒賣同牛肉球，咁兩年前如果你叫燒賣人地會主動俾一包包既辣椒油同豉油你自己落今次無 咁咪問佢有冇？跟住個職員就話下次要既時候落單講埋我心諗 我點知以前都會俾一包包 同埋講真就算叫你落都唔洗特登加句野 佢地仲要冇咩客 幾個員工做緊野唔怪之得冇人食依間野 野食水準又唔係特別好食 員工服務又唔係好 自己退步左仲叫人埋單講聲兩年前都唔係咁！！

早上去荃灣西鐵站唐記買個蒸包做早餐，見有蒸飯想順便買埋做午餐，點知個四眼收銀員一輪咀咁講左堆說話我一個字都聽唔到，佢戴住個口罩，客人聽唔到有乜出奇，我仲諗緊佢講乜嘅時候，佢直接跳過我問後面客人要乜，之後我再問多佢一次有乜嘢蒸飯，佢好唔耐煩咁講多一次俾我聽，咁我咪落單囉，佢當住我面前走去旁邊同事咬耳仔，然後佢同事就大大聲講「而家咁多騎哩怪」，其實唔想做咪唔好撈囉，係度幫老細趕客，以前服務業講禮貌，而家真係一蟹不如一蟹，呢間唐記可以black list了

一路都好鐘意食唐記但荃灣呢間真好失望今日行過見到呢間唐記買咗生煎包黎食攞到手發現係凍嘅我同店員話點解生煎包係凍曬？我係依家要食的店員話呢個叫常溫，係甘食法凍都甘到叫常溫？而且生煎包係常溫食？講真我無奢望係熱食，但起碼都要暖少少阿我真係好想問邊個食生煎包係凍食？而且女店員態度超差，好唔掂大把蒸包店，未見過有店家既生煎包叫客人係甘凍食？最後我要求換咗另一款，其中一個男店員幫我換咗呢個最新出嘅包，麻辣味都幾好食。最後希望店家呢方面可以改善.

番工前買左一份蝦餃、一份鮮竹卷、一份金錢肚，番到公司發現金錢肚同埋蝦餃都係酸臭既，金錢肚仲要係黑色既，好似隔夜既咁......平時係屋企樓下買既好新鮮，又熱又好食，真係天差地別！仲要得一個女員工係度做野，另一個男員工係入面唔知做咩，出面成條隊都唔識出黎幫手

今次唔使一早起身，🤴🏻中午都買到，Lucky！🥰🥰先黎主角介紹佢原來係大海嘅恐龍🦕，因為害怕被認出所以假裝自己係一隻蜥蝪🥺🥺 上次就微波爐叮白熊，今次氣炸鍋蜥蝪😏😏，唔知會點呢？🤭🤭～～～蜥蝪 . 紫薯包～～～炸完後表皮非常酥脆，係真係有種脆口嘅感覺😄😄，內裏嘅紫薯餡就暖粒粒，餡料好多好足，能做到每一口都有紫薯餡料！讚👍🏻👍🏻啦～～～角落小夥伴燒賣盒～～～燒賣盒就印有角落生物圖案，內有燒賣四粒，用綠色燒賣皮包裹，底部有枝竹，味道正常！唔知佢會唔會出埋其他角落生物呢？😁😁

之前經過唐記包點發現全新的My Melody包點系列，一看到立即心心眼，可惜每次都很快售清，幸好上星期終於讓我成功找到整套系列！My Melody紅豆包 $18每日限量發售的紅豆包有紙盒盛載，拿回家時不怕會變型。頭戴著白蝴蝶結的My Melody立體造型，甜美又可愛，單看已教人心花怒放，實在讓人不忍心把它吃掉，而且這款是以凍包形式推出，蒸之前可以盡情地相機食先。水滾後蒸8分鐘，包身便可回復鬆軟，內裡包裹著大粒飽滿、熬得起沙的紅豆蓉，味道亦不會過甜。My Melody 菜肉包 $8.5My Melody點心蒸籠新造型初次烙印於包身上，加上粉嫩顏色，俘虜著女生們的少女心。菜肉包豬肉與蔬菜的比例得宜，口感分明，飽足之餘亦不膩口。My Melody 雙色餃點心盒 $25 (1盒4件)一盒內分別有2件白色的蝦餃和2件粉紅色的菜肉餃，襯上剔透的餃皮看起來更加夢幻。菜肉餃包著菜肉餡料，內餡紮實豐滿。蝦餃則裹著海蝦肉，口感爽口彈牙。凡購買My Melody紅豆包及My Melody雙色餃點心盒即送期間限定包裝盒及膠袋，連包裝都是超萌呢！