仝堂茶聚

Open Now

Now Closed

星期六早上11:30去到餐廳門口reception, 當時見到入面仲有位有兩個女侍應企喺門口reception到傾緊客人落單嘅問題我地行到埋去，講聲「唔該」，佢地仲不停傾緊，我地再話「唔該?」，佢地完全冇反應，繼續傾….. 我地企左喺門口睇住佢地傾過左一分鐘，我地大聲D 「唔該?」，當中一個女侍應話「1、2、3啦！」即係示意我地量體溫、安心出行、掃針紙，佢地再繼續傾我地已經興左，喝狗呀??  我地掃完針紙直接行入去搵位坐啦個女侍應追上黎問我地有位未? 之後先招呼我地坐低其實係唔係應該招呼左客人坐低先呢?餐廳食物質素不過不失啦，唔係特別出色，唔係難食，勝在款色多

今日想食點心，經過仝堂茶聚，見啲點心好得意就入左去叫左六樣點心，炸鮮奶超好食！入面係仲流心既鮮奶🤣 蝦餃有分四個裝同一個裝🤣今次先試四個裝，下次再吃一個裝😎期待期待魚肚既湯好好味，魚肚吸夠晒湯，加埋蝦滑，成為左全餐最好食既點心❤️芋角內含鵪鶉蛋，好有驚喜，新派點心確實係得意😎小豬包都好得意，係略嫌唔流心好似差咁啲野咁🤣Waiter 服務態度好好，點心新鮮出爐就即刻上枱，食完就收碟，加茶速度都快，讚！

😬Finally can go to yum cha as the 5th wave is under control. 😄Ordered a few dim sum and a veggie. Had the siu maai, beef ball, 3 little chicken (bean paste bun), a stir fried string beans with mince pork, a ha gaau (shrimp dumpling) and a pork cheung fan (rice roll). 👌🏻The dim sum were what you expect in terms of quality and ingredient except the rice rolls were too tight on the pork inside. With that price, it wouldn't be asking too much for them to up the pork a little bit. Would love them to

今天晚市時段來到餐廳進餐時有位男侍應生介紹二人餐牌予我時有好心問我有沒有持現金劵，可惜我早已買下了，因為我現持有該劵有效期至本月底，想盡快使用，他善意提醒我所有套餐及優惠商品不能使用，因受了條款及細則約束，聽完之後便照樣叫單點啦！還預告溫馨提示介紹我可以餐後食懷舊甜點，其實我外出晚餐都有這種習慣要食甜品，於是最終叫了炸脆皮鮮奶，該款內餡真的非常好味道，這位侍應生真的服務得有照顧又周到，以後再次光臨時就會找你為我服務👍❤️

早前因太忙，未及同媽咪慶祝母親節，前兩天就同佢補祝，老一輩都不外乎最愛一盅兩件。喺又一城發現咗呢間裝修非常特別，集古代現代於一身的仝堂茶聚，就決定一試。當天是星期天，要等位就預咗，不過你想像中快就能夠入座，門口姐姐雖然好忙，但都非常耐心地教導客人用安心出行（因媽咪年紀大，少出街）入到去坐低環境優雅，非常舒適，侍應向我們推介新鮮出爐嘅當歸燒鵝，我們點了一份下庄（有燒鵝髀）乳鴿同埋幾款點心上菜速度都算快，等咗一陣，新鮮出爐嘅燒鵝就到啦，侍應仲教我們個當歸燒鵝汁要到出嚟點，唔可以淋落去，因為會令到啲皮唔脆乳鴿同埋蝦餃、鮑魚燒賣都跟住黎，食物賣相好，味道更好，與服務係10分好由門口到店內侍應每一位都誠懇有禮，又非常細心， 留意到客人需要（食飯期間我唔小心跌咗隻筷子，當我想舉手🙋🏻‍♂️時，已經有侍應將新的筷子送到過嚟），值得一讚一定要介紹俾親朋戚友

平時都少去九龍塘，但最近學車又想同屋企人飲茶就試一呢間仝堂茶聚🍵，比較多新派嘅特色精緻點心，未到酒店質素，但又比一般普通酒樓又多咗Ｄ新鮮感🌸。整體而言都覺得係唔錯嘅🤩，3個人叫左9款點心🥢，除左燒賣之外，其他我都覺得對得住個價錢👍🏻👍🏻，都算係好吃嘅，雖然應該都只係會試一次就算🙊（但當區食點心地方確實唔多）。另外以茶樓而言，開門時間就比較晏💫，下晝去先岩岩好。🍽️ 用餐時段：周六 下午1時⏳ 輪侯時間：20分鐘🚶🏻‍♂️ 可否訂座：否，只限Walk-in🪑 座位數目：約80張🍤 黑松露蝦多士(3件) ($69)⭐⭐⭐💫💛 蝦多士本身都好好食😋，加左黑松露都夾嘅，不過好似加完貴左就心理上覺得又唔係太值咁解😢，整體都唔脆口豐富好食👏🏻🍖 脆烤燒腩肉 ($89)⭐⭐💫💛 腩肉肥瘦分佈都均勻，屬於正常水準🍽️，不過份量而言可能就未算太多，３個人食都還好，個人略嫌偏貴，但本身都好好食😌😋🐣 烏巢芋角 ($39)⭐⭐⭐💫😱 呢個算係驚喜作之一，特色得黎又好食，餡料好豐富🤤，無諗過入面會有鵪鶉蛋🐣，🧂芋頭都好香，炸皮係外面食落去就鬆軟，係個人推介之一👍🏻🐷 奶黃小豬包 ($59)⭐⭐💫🐽 賣相相當吸引可愛

二人同行 ，係唔知食咩嘅情況下， 選擇咗佢。我哋叫咗兩樣嘢， 一樣係龍蝦湯魚翅銀針粉， 另一樣係好多得意造型嘅包， 感覺上唔係好多款式， 但係食落去好滯， 紅豆包紫薯包奶黃包……至於另一樣， 就係 龍蝦湯魚翅銀針粉，上菜嘅時候， 職員話下個煲好熱 ，叫我哋小心， 但係冇諗過， 用匙羹潷咗兩羹， 個煲就咁一分為二爆開咗， 流曬啲湯出嚟， 我哋立即同職員講， 佢玩過一部煲我哋， 好彩唔係喺我身邊爆， 如果唔係真係要去地賠錢， 其實呢間嘢價錢唔平， 下次真係唔會再去。

今年母親節 難得疫情放寬 特登帶媽咪嚟呢度食 不過大頭蝦得滯 唔記得book位 🥲 唯有同媽咪一齊喺門口等等 門口個姐姐好好人 仲比一張凳俾媽咪坐驚老人家太攰 好細心 仲好快安排咗位俾我哋 我媽咪唔係好識用安心出行 佢仲教佢點樣用 啲環境都幾舒適 雖然母親節好多人 都唔會覺得坐得唔舒服 聽啲服務生講 個茶係佢哋自家製嘅 出邊冇得飲都幾特別 日本茶又有啲中國風味 唔算太濃老人家都啱飲 我哋叫咗個姐姐推介嘅燒鵝同埋胡椒蟹 個燒鵝皮好脆 雖然係要等耐少少 但係都係值得嘅 因為聽聞係即燒嘅 個胡椒蟹🦀️都好新鮮 佢拎入廚房之前仲拎過嚟俾我哋睇吓 真係好生猛 🥰 我哋四個人 母親節都係食咗八百幾蚊 之後個侍應介紹咗我哋買coupon 平咗$200 母親節餐來講真係好抵 又有蟹又有燒鵝個炒飯都好出色 整體來講好滿意 服務都好好 之後會繼續幫襯 聽啲人介紹呢度飲茶都好好味 一於父親節再嚟試吓

叫得仝堂茶聚當然係同朋友聚腳👨‍👩‍👧‍👦，飲下茶☕，我其實好鍾意同屋企人同朋友飲下荼🫖，食下點心🥟。我平時好少會寫飲茶食評嘅，因為一般茶樓酒樓都無咩特別，一係賣貴價精緻，一係平平地但賣嘅係人情味💕。今次出Post當然係因為佢係有特別嘅地方，一般茶樓酒樓點心貴價精緻但多數連鎖式集團式都係工場製，食落為過下飲茶癮🍵🫖但感覺係爭緊啲。至於呢間仝堂茶聚特別嘅地方，除咗店員用心落力為客人服務，俾餐牌，落茶快手，唔似一般茶樓要等好耐，收紙落單落菜快捷，更重要係點心係每朝早全人手由師傅製作，見佢未開門就有師傅落手落腳整點心，絕對抵讚👍🏼而且點心夠創新，菜式又會常規地改變，去過幾次肯定係會再返去食嘅中式茶聚地。

六個人終於可以坐埋一枱食嘢啦，呢個moment梗係要選擇飲茶啦尋尋覓覓終於選擇左去九龍塘又一城的仝堂茶聚。一入門口已經俾員工的歡迎光臨吸引，六個人坐嗰張大圓枱相當舒服，背後牆身的裝修都係一道美麗風景點心既有傳統又有新派，所以六個人最後Order咗15個點心，相當滿足全部賣相不俗，味道也唔錯，值得讚揚員工服務態度都很好，十分主動，抵讚，所以最後俾佢哋態度打動，立刻買咗coupon。以後嘅飯堂就係你喇⋯仝堂茶餐。

首先，在裝飾上，仝堂同一般傳統茶樓同點心店唔一樣，仝堂的裝修十分美觀，而且裝修亦沿用較西式。另外，服務上亦超班，只要茶唔夠，即刻會換一個新嘅，而且仝堂嘅員工十分熱情，服務周到。衛生上更一流呀，仝堂廚房係半開放式，而且佢地食品上都十分精緻，佢地既食品仝堂六小福，十分可愛，而食物出品亦十分好，例如小菜類，鍋氣十正，惹味呀

晚市堂食終於開返啦，係時候出去覓食今日一家大細嚟到九龍塘又一城啦。喺又一城食肆林立嘅地方，最後我哋選擇咗裝修別致的仝堂茶聚。有別於傳統茶樓，食物新派，有特色。尤其最值得抵讚就係龍井豉油雞，雞肉滑溜，食落去仲帶出浸浸茶香味，完全有驚喜就係因為佢，食飯好去處又多咗個好選擇

今日下午和太太到又一城逛逛，臨在家出發前特意在其網址尋找心意餐館下午茶，芸芸中選擇了這餐館。我們懷著很高期望到訪，整體服務和點心尚好，價錢略微貴。本來算是一個頗寫意的下午茶，卻被一樁的事件掃了我們的雅興。一位穿黑色男士在一座位工作中，應是這餐館區域經理或上司之類，而對面坐的是同樣穿著黑色衣的女士，相信她是餐館的經理。 這位男士不知是否要顯示自己的權威，不斷用一些帶有揶揄、粗俗的口氣和對面的女士訓話，持續半小時，十分煩厭。若他是這集團的高層，是否犯了服務業最致命的錯誤？他高聲吆喝的口氣不但破壞了食客來的雅興，也大大影響了餐館的聲譽。下次若我們再有興致到訪，一定要先看看這位男士會不會在場，以防再一次耳根不清靜。Heston B 脪月藍

上兩日黎又一城睇奇異博士，咁咪順手搵下有咩野食，之後在商場周圍望下行下，就見到呢間酒樓，裝修都比較新派，之後門口既女經理就介紹佢地有咩好食，咁就入去坐低啦，坐低就好快有茶黎到，咗就叫左幾樣野啦，乳鴿，蝦餃，牛柳，仲有個龍蝦湯脆米等等。咁岩岩填好，抬頭想搵人，已經有服務員留意到我，好快咁過嚟，再覆我單。咁食物都好快就有了，食物都好好呀～乳鴿香口，蝦餃彈牙。服務員細心，行動𣊬速。抵讚。見佢餐牌仲有好多款點心，下次要再黎。

這天與友人帶小朋友逛又一城，順道晚餐，離遠小朋友就被門口的小豬包🐷小雞包🐣吸引，想起很久沒食過中菜，友人亦覺得環境不錯，商量之下，便決定在此用餐精緻卡通造型包點裝修華麗中帶有懷舊感覺造型可愛趣致的小雞三兄弟，小朋友心頭好芒果布甸，每口都能品嚐到新鮮芒果肉除了環境舒適，食物質素好，服務也相當出色入座時安排梳化位置方便照顧小朋友，坐下未及開口，兒童餐具便已送上，並特意為小朋友準備了暖水店員會耐心介紹菜式特點並推介食物，用餐期間亦會主動收碟及加茶，令我們可安心享受美食很少有餐廳能提供如此窩心服務，菜式選擇亦很豐富，已和友人約好下次再來，嘗試更多菜式