上品火鍋料理 (Closed)

慶祝生日，莫過於齊齊打邊爐慶祝，今次同家姐預早慶祝生日，同埋嗲地媽咪一家人去打邊爐，我地四個都好鍾意食火鍋，搵到依間火鍋店之前無食過，所以黎左依度試下店鋪雖然唔大，個間格裝修既分明同光猛，仲隱若望到維港景，可能我地揀左閒日夜食21:00，所以店內人客唔算好多淨係調味架都有九款配料同三款醬汁，好齊全另外有個小餐牌有生日半價優惠，我地見幾抵，所以叫左份本地花甲公湯底叫左正宗澳門豬骨鍋湯底，湯底味道好濃郁，湯中有胡椒粒、豬骨、紅白蘿蔔、粟米<<流沙汁釀墨魚丸>>賣相靚，粒粒手打好大粒，肉餡釀左咸蛋流沙，食落口感爽口彈牙，好重墨魚味，味道咁搭幾創新<<本地鮮肥牛-小>>牛肉口感爽韌，牛味濃重<<白肺片>>好大片，食落新鮮爽滑，幾好味<<花甲公>>初頭叫以為係平時食個種細花甲，黎到先知咁大隻，一碟六隻，超新鮮，蜆肉爽口鮮甜又無沙，幾好食，生日半價優惠咁叫真係好抵食

餐廳環境格調優雅，完全唔似一個打邊爐嘅地方。見到呢層辣油就令我食指大動。廚師將蘿蔔切成心形，我真係未食先融化啊。牛肉併盤有好幾種牛肉，例如安格斯牛胸尖，牛柳粒，牛展同邊爪位，特別喜歡罕有既爪邊位，牛味濃，油花均勻，咬感脆。牛肉併盤加一蚊就可以有個三文魚刺身，我地當然唔執輸啦，但勢估唔到加一蚊有成十塊，真係好抵食。芝士爽蝦丸係我既無敵推介，外層蝦丸爽口彈牙，咬開後內層既芝士爆破而出，芝士除左滿溢之外，仲帶有少少嘅鹹蛋黃味，好正啊。姍姍來遲嘅小食，金井脆豆腐終於喺中後段送上，賣相同其他博客之前影嘅相一樣，好似層層疊咁，相當有趣，一啖入口，外層炸得酥脆，但內層嘅豆腐就保持嫩滑，味道亦夠香口惹味，相當出色嘅一道佐酒小食。

呢排天氣涼返少少 係時候又去打下邊爐打邊爐除咗要材料新鮮鍋底同樣重要今次朋友介紹嘅呢間《上品火鍋》喺九龍城同天后都有分店而今次所幫襯嘅呢間就係位於銅鑼灣 鵝頸橋附近嘅宇宙大廈呢間火鍋店嘅座位寬敞有卡位 亦有大圓枱平時打邊爐好多時都會冇位放食物上品嘅枱就一定唔使怕 因為真係好大張 成張枱放滿曬食物 一眼睇曬 真係好滿足係打邊爐之前叫咗個黃金脆豆腐小食豆腐外層非常鬆脆裏面就非常嫩滑加埋黑白芝麻 令食落非常香口講番湯底 都有成十幾二十種選擇今次就試下正宗四川麻辣火鍋喺台灣食麻辣鍋就多喺香港成日都食唔到嗰種香料味上品嘅呢個麻辣湯底真係好足料$68 好抵食有齊曬花椒，八角，辣椒，大蒜，蒜頭，豬紅等等一聞落就知係好嘢香料味好濃郁， 辣得黎唔chok喉火鍋材料亦好新鮮蔬菜類叫咗油麥菜同白蘿蔔兩者都非常之新鮮廚師特意將白蘿蔔切成心形 好有心思重點推介上品牛肉拼盤$368呢個拼盤有齊六樣牛肉邊爪位 牛柳粒 金錢展 安格斯肥牛 牛胸尖 同雪花肥牛啱曬鍾意食牛肉嘅我尤其喜愛金錢展 食落較爽身邊爪位亦不少錯 牛味極濃上品最抵錫嘅地方係每個種類加十元八塊可以變雙拼最啱人少少嚟食咁就可以試曬各款不同嘅招牌材料芝心

實在係太耐無食過火鍋，見呢排天氣涼番少少，即刻book定位去，好彩有book定位因為我地上到去已經全場滿座。店內座位都算寬敞，而且冷氣同通風都夠，所以都唔會感覺好勁油煙味。杏汁濃湯白肺湯底 ($78)－由於大家唔係太食得辣但又想試下d有特色既湯底，於是我地就點左呢個杏汁濃湯白肺湯底，本身個湯底已經有充足既配料，包括豬肺、雞腳和白菜。豬肺煮得非常淋，杏汁濃湯經過慢火烹調後非常入味，清甜而且帶點奶香。雞蛋 ($8/隻) - 我本人食火鍋必叫既配料，配點醬油同蔥花可令每道配料入口更滑溜。天葵汁 ($45) - 消暑下火一佳品，清清甜甜帶點酸梅味，重點係親愛的見到佢係紫色就已經we嘩鬼叫，女仔拍照都一流。手切安格斯肥牛 ($158)(細) - 打邊爐又點可以唔叫肥牛呢？相比起本地肥牛，手切安格斯脂肪比例更均勻，肥瘦程度剛剛好。食落既口感係入口即溶，唔會食到有渣，肉味香濃。粉絲 ($28) - 最正就係粉絲會索哂杏汁豬肺湯既濃郁而且又吸收左各樣食材既精華。桶蠔 ($168/6隻) - 桶蠔肥美肉厚，用料新鮮，完全一d腥味都唔會有，我個人覺得唔需要點任何醬料就最食到蠔肉既原汁原味，因為桶蠔其實都吸

呢間我去過天后分店，印象中幾好食～～今次朋友相約喺銅鑼灣分店打邊爐，我當然即時答應啦！放工8點到達，眼見已經差不多滿座，好彩朋友一早已坐定定叫定野食～店員送上一盤醬料，有12種醬料任君配搭，我地當係開餐之前一小玩意，哈哈！朋友記得我超愛豬肺湯，所以點左《杏汁濃湯白肺湯底 $78》做湯底，真貼心！一打開個蓋就好香杏味！入面仲有好多料：有雞腳、南北杏、豬肺片及大白菜！朋友又知我無魚不歡所以點左3款魚比我！《九肚魚 $58》- 滑嘟嘟！滑都d肉好容易散晒，不過都好，因為d肉好鮮甜！令個湯天香甜～《脆鯇 58》- 厚肉而且真係好脆口！但怕骨人士就唔係太岩食，因為骨比較細同粗。呢款點d醬汁食味道更佳～《珊瑚蚌 $118》- 邊爐必點項目之一！好鮮甜，每啖都嘗到珊瑚蚌既獨特味道，同樣地口感好爽，食得出食材既新鮮！《魚皮鮫 $78》- 好大隻同包到漲卜卜～鮫皮厚但好有咬口，唔會韌～裡面既餡料有豬肉，好多肉汁而且入味，唔使點醬汁都好夠味！《鵝腸$78》- 呢個價錢嚟講份量算多！條條都好寬而且厚身，好足料～口感好爽唔肥膩～《手切安格斯肥牛 $158（細）》- 打邊爐點少得牛肉！雖然係叫肥牛，但脂肪量唔算

今晚OT同個同事放工落樓感到涼意即刻邊爐mood到，話打個9:30pm邊爐先各自返歸。嚟左就近呢間，9:30pm入座有8折，正！店員推叫《杏汁濃湯白肺湯底 $78》做湯底，我地見幾抵又清清地於是叫左。 嚟到真係無失望，一煲中有晒菜、肺片、雞腳etc. 而且味道好香濃，滿帶杏仁味，未放生既食物前飲左幾啖，都唔會口渴。有甘多醬比客人揀又幾好噃～呢款《九肚魚 $58》無平時食開既滑，但仍然會散開，味道都好鮮甜唔腥。魚肉會煮散所以一定要用大匙兜住嚟熟。8粒大大粒既《魚皮鮫 $78》好多肉汁，汁鮮甜帶肉味，皮好彈牙，一口一舊好享受。食《珊瑚蚌 $118》食到索索聲既！之前喺其他餐廳食過好多珊瑚蚌都帶點韌，但呢間既珊瑚蚌鮮味又易咬，～呢個《鮮魚卜 $68》好可愛！一個個波甘！一條魚得一粒，好珍貴～店員會幫我地刺穿個魚腸球，再放入鍋。魚腸無點縮水，外層腸皮好有膠質，稔身d既花膠甘～入面應該係腸肌，比較韌但不至於食唔到，有咬感。魚腸味道都係較淡要汁醬食。見無咩枱叫《花枝片 $78》嚟食，但我覺得呢間質素既野食唔會差，所以叫碟嚟試下。質素真係唔差噃，薄身滑口份量多，帶有魷魚既鮮美味道，點埋醬汁食仲正。最

夏天過了就好想打邊爈，同朋友係銅鑼灣搵左一陣，揾到一間係商業大廈上面一間叫上品既火鍋店，入到去我地坐左係窗口位，望住維港夜景打邊爐真係好正之後睇左餐牌，我選左個豬骨湯底，D湯好入味又夠清甜肥牛D脂肪比例夠平均，另外我叫左個牛刺身，D牛入口即溶，出面好難食到，價錢都係百幾蚊，又夠多塊真係好底食重有一様係我好鐘意食既雞子，好大粒同新鮮，同埋飲品方面西瓜汁真係鮮炸，食到少少西瓜肉，真係勁好飲，總括來説值得一食

秋風起，涼涼地，就好想去食打邊爐！今次同事帶我去食呢間都吾錯，一入去望到大玻璃，望到街外夜景都有幾分浪漫！坐底地方都闊落又舒服！嗌左一般打邊爐食物，但有幾樣吾錯想推介！先係櫻花牛刺身，未食過，好好食，嗌左小份量都好多，有兩種醬汁，一個少少辣嘅，一個少少酸嘅，我本人就好喜歡酸個個，好夾，牛切得薄薄，入口又肥瘦適中，食落好涼快！又平又好食！另外想讚下個湯底，我嗌左冬瓜豬骨瑤柱湯，個湯底係白色嘅，好多豬骨丫豬手丫等等，所以好夠味，另外仲有好多配菜，例如金菇，鮮菇，粟米，冬瓜當然都好多，菜等等，多到直頭好似嗌左一碟菇咁，好正好甜！我地嗌左嘅肥牛，雞片，豬紅，生菜，丸，餃等等都好出色，烏冬都係靚貨，稻庭烏冬嚟，正，最後個個都食到好飽咁走，氣氛吾錯幾好，幾岩一班人邊傾邊食！

呢間野之前朋友話開得夜 收工黎食又冇折 終於可以一試 黎到佢係望海境 地方都好大好舒服佢會拎埋配料比你落左先佢既選擇太多 睇到我花多眼亂 好多好多野佢都可以一碟叫兩個餸 岩晒我眼闊肚窄岩岩好我呢個位都睇到電視😌椰子花蛤蟹湯 佢個湯滾左先叫我地落蟹同花蛤佢個湯好正 我飲左三碗 勁濃既椰子湯 落埋海鮮再飲仲鮮甜左芝心鳳尾蝦 佢d野食係自己整 所以都好特別 呢個好彈牙 勁大粒蝦膠再包住隻蝦 尾個到仲有芝士流沙汁墨魚丸 呢個好爽口 奶皇汁多到爆出黎 佢似流沙包咁 好特別灌湯茄溶飽 呢個好似雲吞既感覺 不過又唔係 唔識形容 入面肉就好林 好香芝心鮮釀三椒 呢個原來又係蝦膠 不過今次係包住d青椒 同蝦個個好似 不過呢個有咬口d 蜂巢冰豆腐 呢個我特登叫黎爽下d湯黎食好鬼香

呢間開左好耐 平時收工成十點幾十一點黎食都得 又蟹選擇 忍唔住增下肥先叫左個椰子花蛤蟹湯低 一黎到見到咁濃 忍唔住筆黎飲 好老火湯 好正 佢個蟹同花蛤另上 不過個湯我飲左都已經好正 再落埋海鮮煲未飲已經知道鮮味好多花膠筒 佢呢個好大隻 唔洗煮好耐已經林晒 同埋一食有埋湯既甜味 珊瑚蚌 同帶子 佢呢個我簡雙拼 咁可以食多好多野 岩晒我兩個人食 兩樣都好新鮮 不過珊瑚蚌正好多 夠大隻 又夠爽口台灣鱔片 呢隻冇乜骨 好易食棉花靚魚肚 爽晒湯既味 好正 又唔會腥白酒西班牙黑毛豬 佢比較簿身 好快熟 同埋本身有洋蔥拿一拿 香好多佢呢個一開始拎過黎比我落 不過個湯好夠味 食既過程都冇咩點過 環境都算好開揚 望住高速公路 都好舒服

好日不到銅鑼灣，完全不知道有什麼好吃，上open rice search下，男朋友是海鮮狂熱，我絕對是打邊爐的忠實粉絲，理所當然search下附近有什麼打邊爐的餐廳，search到一間位於商業大廈內的邊爐店，看食評不錯，便決定一試。餐廳環境舒適，侍應安排我們坐四人卡座，雖然都很寛敞，但我發現近玻璃窗的卡座，可以有靚靚夜景相伴，下次應該要早一點訂座！言歸正傳，說回食物質素，火鍋湯底有很多新奇選擇，有花膠雞湯、嚮螺湯……我們選了杏汁白肺湯，未打邊爐前先飲一碗湯，白雪雪的湯鮮甜無比，證明用料充足！看見餐牌有是日優惠，象拔蚌刺身二百元有找，身為海鮮狂熱的男朋友又怎會錯過，再叫了安格斯牛肉加上雙拼丸，一些蔬菜和稻庭烏冬。象拔蚌入口爽脆，安格斯牛肉牛味濃郁， 兩個人一碟細size有點不夠分，喜歡吃牛的，可能要叫一客大size才滿足！丸類價錢加十元可以雙拼，我們選了芝士蝦丸和流沙墨魚丸，這兩款丸都很值得推介，丸彈牙加上內裡充滿醬汁，一拮下去，真係有爆汁的效果，很有趣！最驚喜的是流沙墨丸內竟然是蛋黃汁，這配搭新奇又好味。總括而言，這間餐廳坐位舒適、食物種類選擇多加上配搭新奇，最重要是有足料湯底，令人可

天氣涼左，最好就係去食打邊爐，今次女友提議去銅鑼灣既上品火鍋。一去到，感覺環境好舒服，唔似一般打邊爐既地方，今次我同女友兩個人吃，侍應安排我們坐在四人位的卡座，地方寬敞，正好適合我們傾計，唔怕嘈到人。至於食物質素係點？下面會再講講！我地先叫左一個比較清既湯底「杏汁濃湯白肺湯」，味道清甜，配料都好豐富，有豬肺，白菜，雞腳....岩哂我地呢D鐘意清淡既人，一人先飲左一碗暖暖胃。再黎一份是日優惠象拔蚌刺身，出場時好有架勢，味道鮮甜，兩個人吃份量有點略多，如果三至四人食應該岩岩好，每人吃到幾片。之後我地仲點左手切安格斯牛肉，流沙汁墨魚丸同芝士蝦丸雙拼，同埋炸嚮鈴，呢幾款都十分值得推介。特別係牛肉，重質不重量，口感一流。另外，炸嚮鈴都係不得了，呢度有創新的食法，可以兩食，鐘意香口既可以就咁食，配搭一齊送黎既甜酸汁，開胃可口，唔想咁熱氣可以煮煮先食，都係唔錯。最後食埋個稻庭烏冬，咁就飽哂啦！總結，地方環境都好舒服，有充足冷氣，令到D衫唔會有一大陣邊爐味，湯底特別，味道不錯，食材選料用心，著重質量，只係價錢略貴，但想食得舒服，真係一個唔錯既選擇。

復活節前朋友聚餐 ; 有人嚟食過話得; 所以跟隊嚟試試 ! 間店舖係喺商廈2樓 ; 上到去竟然人頭湧湧好有holiday mood ; 朋友一早訂咗間10人房 ; 所以直入唔洗等 , 路過人哋張枱嘅食物 ; 確實令我一陣樣樣都想點嚟食 ! 總括嚟講; 依間火鍋店樣樣嘢都新鮮 ;睇得出大部份係即整 ; 所以價錢都略為中位 , 但物有所值! 以下係我其中最like嘅食物 !

有朋自遠方來.. 諗住搵間好D請佢食飯同佢聚舊! 搵咗咁多間終於搵到呢間. 我只可以講"我黑仔"去嘅時候滿心歡喜!! 結果... 只有2個字:難食! 加多3個字:唔新鮮! 食個蝦滑時已覺得味道怪怪地.. 所謂M6和牛刺身又係怪怪地!! . 啲嘢睇就好得.. 可惜只得個樣.. 味道完全唔得.. 比啲相呃咗!! 出得街食預咗洗錢.. 不過今次覺得超唔抵忍唔住要開個account打食評以免其他人中伏😤😤😤返到屋企半個鐘內已經肚瀉咗3次!! 唔知食咗D乜嘢垃圾2個人要成$900落樓!!! 不知所謂!! 一定冇下次!!!

夜媽媽，周圍都打晒洋，上開飯見到上品未收即刻上去，唔理好醜，醫肚要緊上品點評：食物: 麻辣湯底正, 味道夠出香料又不會過多; 火鍋配料款式夠多又夠新鮮, 牛肉拼盤食足6個部位滿足不同人喜好, 手打丸類食落彈牙有勁, 象拔蚌稍為遜色不夠新鮮爽口, 九菜餃正常無特別, 小食牛腩表面脆卜卜，肉質夠淋又入味，值得推介。環境：今晚安排坐卡位，坐得舒服環境都算乾淨企理服務： 侍應不夠主動，可能客少所以圍埋傾計多，要改善一下衛生： 食物同環境衛生都唔錯，唯獨餐具有點污漬要注意抵食：宵夜時段有優惠算係價錢合理，正價就未必會返食