清溪川韓國食堂 (Closed)

去左"清溪川韓國食堂"等位la. 因為full 左.問個waitress 幾時有位, 佢話唔知,之後就closed 左個門入番去. 好無禮貌~~~~~不過我地心諗點都一定要試下呢間.所以就等la.終於到我地,好開心入去叫野食.叫左bbq牛肉同豬肋骨,d野黎到開始燒.不過我發覺佢地一d都唔正宗.正宗既bbq 一定有生菜,蒜頭同青辣椒跟住d肉上,佢地無....正宗既bbq 調味汁有2種, 佢地只係serve 左一種,而且完全無味...d 肉本身唔入味,完全無燒烤既香味.side dishes 應該係可以任食, 而呢個問題正係最唔掂既地方.我地唔介意佢地charge 我地另外既side dish 不過當我地要求佢地比多d泡菜既時候, 個waitress 竟然話無.之後我同個老板娘講想要多d泡菜,佢就問,我地無比到你地咩?我之後話係因為我地想要多d.佢竟然答"唔比" !!!!oh . 咩態度ar ?????再之後佢地clean up 我地張table.我地都未話check the bill, 佢地經巳送左張單過黎.原因係有2個韓國人係度等緊我地張table.咩意思先?????我咁大個女都未試過

24號晚同屋企人來食,叫左:蘑菇:好好味,好多汁兩塊特級西冷:無腌過既,好肥,但燒過後就好正,有d燒得耐左就好韌,d洋蔥燒過後都好食,甜的牛肋骨肉:腌過,'好林',好味炒年糕年糕係長條型,d汁有d甜味,又有d酸,都幾特別.小辣海鮮湯麵:有蝦,有蜆,有細細隻既X尿蝦,d麵煙煙'un''un',湯就酸酸地,中辣泡菜湯:有豆腐,有泡菜,有豬腩肉,有粉絲,勁辣,辣到食唔落,下次都係叫第二款。d前菜有隻黑豆甜甜地,好食,d泡菜就酸得濟。一個戴眼鏡既侍應,識識地廣東話都幾好,會同我地傾下計。有另一個侍應年輕d既,又係戴眼鏡,就麻麻地,成日黑口黑面,佢應該就唔識廣東話。食左6百幾蚊

昨晚女友想食韓國石頭飯，本來去了同一條街的另外一間，但因坐下五分鐘仍無人招呼，所以轉來這裡﹝詳見另文﹞。我們叫了石頭鍋飯及羊肉和雞肉燒烤，當然，燒烤並不特別，而石頭鍋飯亦不太特出，但仍好食。只是招呼好好，雖然有好多客，仍面帶笑容及經常幫我們加茶。這才叫服務嘛！美中不足的是抽風系統一定要改善！

七人老尖飯局, 有人想食韓國菜, 新羅寶無位, 於是走黎試呢間. Serve我地既係位帶眼鏡既waitress, 佢好鍾意講笑但個樣又好cool, 唔知既可能會誤會佢好串~~循例先黎大堆頭前菜, 呢度d前菜比以前響其他韓國料理食過既清淡, 而且大部分都係唔辣既.再黎既係韓燒拼盤, 有豬牛羊雞等各種肉類. 我不嬲對韓燒興趣不大, 亦無乜研究, 主觀地覺得呢個麻麻. 望落至好食既好似係蘑菇, 但係成盤得一隻咁大把, 阿姐仲擅作主張咁比左其中一位友人添…….生牛肉, 配生雞蛋、青瓜、甘筍同雪梨絲食, 牛肉軟滑, 清新好味~~炒八爪魚, 原來係配埋麵既, 上檯之後阿姐幫我地撈勻佢, 辣辣地咁好開胃, 極速清碟.諗住叫個鍋, 驚有人唔食得辣, 於是揀左呢個餃子鍋. 主角餃子既餡有少少辣, 配角係大量蔬菜, 我諗無人會話佢唔好味, 但賣$250一鍋, 我地就覺得唔抵食喇.冷麵係我必點既, 呢度整得好好味喎. 中間粉紅色既係酸蘿蔔, 阿姐解釋係因為同埋d唔知咩一齊醃製, 所以咁既色, 唔係人造色素黎喎.石頭鍋飯又係好, 據報一上檯果陣, d飯仲係濕既, 唔駛幾耐已經變得乾身, 証明個鍋真係好夠熱.

今日選擇左韓菜，辣辣地有胃口D。老闆娘招呼鬼死咁熱情，小店就係有這種氣氛。先來一支甜酒同前菜開開胃。再來生牛肉的。跟住是但食燒蝦。最後一個湯麵，蜆肉內仲有隻蟹仔。好味又開心的一餐。不過後遺症係到今朝都仲係有陣味在口中。