滄浪亭

Open Now

Now Closed

已經食過無數次，但係寫食評就係第一次。店細位少，都預左要等架啦，等左大約15分鐘左右。店內大約有十個位左右，有少少逼，所以大家有定心理準備，黎依到食野係真係為左食野，唔係比個位你傾計吹水聚舊😂（好認真咁講）。一行三人，總共嗌左三碗麵。之前食過雞絲粉皮麻麻，所以今次都無叫到。菜肉水餃麵 $46落單嘅時候裏面廚房姐姐行出黎就話「唔得呀！得三隻水餃，夾隻雲吞比你好唔好？」冇所謂啦都係為咗想食碗麵姐😂。咁其實仲好，一次過可以食晒兩款唔同嘅餃。朋友表示水餃好味過雲吞，雖然餡料都係一樣，應該係個餃皮同雲吞樣既分別。感覺上佢比嫩雞煨麵細碗，唔知係咪因為佢係清湯，所以睇得好清楚有幾多麵🤨。蔥油開洋麵 $51蔥油開陽拌麵真係好！好！食！😍😍😍蔥油炸得好香，不過比較鹹。當朋友撈完個面之後食都還可以，但食到底浸住啲醬油既麵，就真係要飲多幾啖水。下次食可能要叫佢蔥油，可能會好啲，對蔥油真係又愛又恨，好油又好肥，好香又好食😢😢。另外，蔥油開洋麵上面嘅蝦米真係好大粒，比起平時出街食既真係大好多，仲要好多蝦米，好似唔洗錢咁樣，佢真係幾揼本😛。嫩雞煨麵 $50我每次黎到都係食嫩雞煨麵，原因好簡單，因為每次都好好食，無

Bookmark已久終於食到，果然沒令我失望。嫩雞煨麵是我最想試的 - 一上枱就見到超大碗奶白色湯麵。湯既奶香味好好，有點像忌廉雞湯般。而且有超多菜還有很多雞，麵的份量也超多，最後湯都差不多被我喝光了。食完真係好滿足。大排是比較乾身但不柴，味都調得不錯。而且都大塊。一間麵店竟然會有落場時間，記得留意開門時間。一定一定會有下次。

窮學生好鍾意食嫩雞煨麵，但唔係間間都整得好食。試過食過有啲係整到好似自己屋企求其煮個麵咁，不如唔好去食。暫時喺香港食過覺得好好食嘅嫩雞煨麵係喺黃埔同美孚都有分店嘅滄浪亭，同埋喺黃埔嘅三毛麵館，不過每次都係買takeaway。今日特登搭去美孚堂食滄浪亭，估唔到兩點半去到都仲係咁多人，等左幾張檯先有得入去食。嫩雞煨麵 $50食開嫩雞煨麵嘅人一定知道呢款嘅麵底會比較軟淋，如果食開彈牙嘅麵就未必會鍾意。個麵好大碗，個碗都好深，一拎上檯我見到都呆左，因為啲料係真係舖滿曬成個碗。見到隔離檯係兩個人share一碗食。首先第一啖就係飲左個湯先。因為比較少煮野食，所以我都唔知嫩雞煨麵其實會唔會落奶。但每一碗好味嘅嫩雞煨麵都一定好有奶味。呢碗都唔例外，奶味好重。雞同菜都比得好多，不過切得好細粒。識我嘅人都知我平時出街食野見到好多菜就會好開心。菜當然好有菜味，雞就相對冇咁有雞味。不過呢碗麵最重要嘅係湯底，所以雞味就相對冇咁重要。最後我竟然一個人食得曬成碗，仲飲曬啲湯，飽到上心口。大排麵 $50呢碗係朋友叫嘅，不過我都食左啲。湯底鹹左少少不過可接受。個麵正常，都係好大碗。豬扒炸得幾香，不過如果肉汁再多啲會好啲

在美孚呢個美食沙漠，好選擇唔多，不過區內有一間隱世上海麵館—「滄浪亭」頗有名氣，咁啱要去美孚做嘢，就嚟探店～餐廳位於美孚新村嘅平台，簡樸嘅裝潢睇得出餐廳有幾地道，偌大嘅紅色招牌平實地綴上幾個金色字，小店只有4 張木枱，不過，食客卻絡繹不絕。打開餐牌，可以見到食物價格幾親民，最平$30就有一碗湯麵，大家耳熟能詳嘅上海菜，糖醋排骨、獅子頭、雞絲粉皮都有。嫩雞煨麵（$50）即叫即整，大熱天時真係會食到成身汗，💦😂食麵之前先呷一口湯，奶白色嘅雞湯鮮香十足，底下麵條全被雞肉粒和小棠菜覆蓋，可見有幾足料！麵條嘅硬度恰度好處，唔會因為煨得太耐而過腍，可能係小妹食過最好食嘅嫩雞煨麵～😋

#滄浪亭 #小店 —————————————————————#糖醋排骨 🍗🍗平時食開既糖醋排骨偏酸，但呢個甜酸之間拎到個平衡👍而個排骨都新鮮炸出嚟，所以食落熱辣辣同埋好脆身，小編覺得好好味🤭🤭🤤好味指數：9.3/10抵食程度：8/10回頭度： 8.7/10——————————————————————📍地點：美孚美孚新邨第二期平台65號舖📞電話：27850212⏰營業時間：星期一至星期日11:30-15:00，18:30-22:00#美食 #foodie#美孚美食 #糖醋排骨 #相機食先 #meifufood #hongkongfood #hongkongfoodie #hongkong #food #foodssss___

🍜💓以前讀書時期朋友帶我黎食，係回憶既味道啊～·🍼嫩雞煨麵（$48）加左奶既湯底 一啖麵一啖湯 好好味 🥰雞肉粒同菜粒又多😍🥬🍖我最欣賞既⋯一定係麵條煨完都唔會變糊爛❣️·🐽大排麵（$50）麵量好多.湯底好深色但其實無咩味.豬扒炸過唔算太乾身～整體一般🤣都係鍾意嫩雞煨麵❣️·🥟菜肉餛飩（$46）漲卜卜.皮薄餡料多👍🏻·🥚虎皮蛋（$6@1）第一次食.ummm...🤥炸過既雞蛋咬落似煎蛋燶邊口感.不太喜歡～·🥢毛豆柏葉（$23）家人最愛👐🏻·本身想點埋柏葉包.但得番一條🤣店主好好送左俾媽媽試🤣媽媽表示好好味 極速食完😆·📍 滄浪亭美孚美孚新村第二期平台65號鋪

#滄浪亭 —————————————————————一間長期都排隊既小店，值得排✨#燻魚麵 $54甜甜地又香又有口感既燻魚好好味🤤無胃口果陣最岩揀呢碗食！好味指數：9.4/10#蔥油開洋拌麵 $51蔥油非常香，蝦米好足料，不過有點油膩，整體都好味😋食哂成碗肯定飽！好味指數：9.1/10#香酥雞 $33炸得又香又脆，熱辣辣，外脆內軟，口痕可以食🙊好味指數：9.3/10—————————————————————抵食程度：8/10回頭度： 8.7/10—————————————————————📍地點：美孚美孚新邨第二期平台65號舖📞電話：27850212⏰營業時間：星期一至星期日11:30-15:00，18:30-22:00#美食 #foodie#美孚美食 #香酥雞 #蔥油拌麵 #熏魚麵 #hongkong #food #foodssss___

住咗咁耐都係第二次去食滄浪亭 因為平時太多人排隊啦 店舖其實都幾細間 下次應該會買外賣返去食🤣 今次等咗十分鐘左右 入面員工服務態度都好好 糖醋排骨麵我地嗌咗兩碗面都好大碗 醋排骨兩個人食 多到食唔曬 每一舊都好大舊 炸到好香炸 不過我覺得可以再酸d 會更加惹味😋獅子頭麵雖然得一舊獅子頭 但係大到好似網球咁 我覺得佢比糖醋排骨更加好食 好入味 兩碗都食唔曬 下次堂食應該兩人食一碗再加多份小食就剛剛好 我地仲加8蚊豆漿 唔算大杯 但好飲

因為「 聽聞 」好正宗，好好食，又抵食專登開車去美孚等等6:30pm開門，有幾個人排隊入去，我就外賣自取店舖好細，係街市上一層，得幾張枱眼見招待既男人好有禮貌，又好快幫客奉茶但落單同收錢既（老闆娘？）就唔知做咩好惡咁樣，我已經諗好哂先入去落，但落單又催住落咁，想食既野又無（開門已無？）（感謝有心人係openrice 放餐牌....） 都唔夠時間睇價錢就叫左一碗大排麵、醉貴妃（一份）、烤夫、糖醋排骨、四隻菜肉餃總共$181大排麵：抵食，好大件又好大碗，但好乾，食落又無乜味，係嗅覺上又覺得個味好怪...但麵質係好食嘅醉貴妃：一份得兩隻，最記得清楚$26....朋友話好咸...烤夫：量多，但味道同出邊唔同，好奇怪，仲要太甜...糖醋排骨： 最敗筆之作，量雖多，但d肉唔新鮮，又好多粉咁，味道又係好奇怪，真係食唔落菜肉水餃： 好普通...睇番價錢都唔平，肉多但好易散其實我係成日同都幾鍾意食上海野，但依間真係唔好食，又貴，地點又唔方便，堂食又無位價錢可以睇番open rice餐牌只能做普通街坊生意

之前聽朋友介紹，美孚有間小麵店好正，今日特登去找這家店，這家店的舖位很細，只放了五至六張枱，門口放咗一排椅子俾人坐喺度等位，我等咗大約5分鐘就有位。入到去二話不說，選了它的嫩雞煨麵，等咗一陣終於上菜，面嘅湯底呈奶白色，我趁熱先飲咗一啖湯，湯底有超級鮮的雞味，感覺好像喝雞湯般。跟住食它的麵，湯麵中超多雞肉粒及菜粒，啖啖麵裏都一定會有肉有菜走在一起，感覺很健康。唯獨是座位與座位之間感覺很窄，有啲位對住風口位又吹到正，建議集中美食，吃完即走。

美孚新邨平台有一間古老小店，店舖只有四張圓枱，都坐滿客了。食物好快送上，大排麵有好大塊炸豬扒，豬扒外皮鬆脆，肉質軟林。燻魚麵有三大件燻魚，燻魚入晒味，唔會好乾身。湯底好清而麵有口感，份量都唔細，個人食唔晒一碗。

十年前，因工作關係，我常到美孚吃飯。美孚住了不少上海人，滬菜雲集，而我最喜歡的，就是滄浪亭這間傳統上海小館。我通常點上海雲吞同水餃雙拼，人手包的，相當鮮味好吃。十年後，想不到，周邊商鋪早已變得面目全非，但小小的滄浪亭就屹立在同一位置，裝修格局完全沒變，令人想起不少往事。故地重游，多情應笑我，早生華髮。今晚，水餃和雲吞都沽清了。我環目四顧，起碼一半人在吃嫩雞煨麵。於是，我也跟著點了一客；同行友人則點了獅子頭麵。嫩雞煨麵：湯底似雲吞雞一樣，用雞和金華火腿來燉的上湯。嚐一口，雞味清香，鮮甜好吃，帶有金華火腿的咸香，相當好吃。雞，是用新鮮的雞肉絲。菜，是上海菜飯的那種小棠菜。麵質也做得很好，幼細而有彈性。整體來說，這個麵是其他地方吃不到的，獨一無二的味道。獅子頭麵：友人點的獅子頭麵，也是我推介的。因為十年前吃過這裡的獅子頭，念念不忘。獅子頭，做得相當有肉香而不會太油膩，相當不錯。

美孚新村既依家小店真係有驚喜到我，本來美孚都唔多野食，意外發現依間雖然好舊但食物高質既小店！ 老闆仲好友善添 !大排麵排骨炸至金黃色，炸粉好薄，食落香脆鬆化😋肉質嫩滑，大大塊好好味！麵條彈牙有口感，係我中意既質感。嫩雞煨麵奶白色湯底鋪滿菜粒同嫩雞，賣相吸引，第一次食咁大碗，好足料，份糧十足。湯底好好味，好香奶味，香濃鮮甜，雞肉好淋，麵底一樣好彈牙，推介！

估唔到美孚都有好西食，今日探小學同學剛出世嘅bb仔，好耐都無去美孚了，呢到比我感覺都連鎖快餐店多，一啲普通茶餐廳，真無無諗過有間上海式小店都好味道，探完bb後就跟朋友落去等位，人流都多，因為店都細小要等一陣，我就叫咗個招牌嘅嫩雞煨麵，個湯底係奶白式有陣陣牛奶香，香甜奶滑仲有鹹香味道，入面仲有好多嫩滑雞肉同埋白菜粒，真係好味道，而麵質偏腍身未算爽口形，但正正因為咁掛湯力很高，吸滿湯汁特別美味，另外佢個虎皮蛋都要一試喔。

係旺區食到悶, 所以去咗美孚食上海湯麵🍜！本人一去到門口已經有4至5個人等位！係等位時候見到個香酥雞扒已經🤤🤤🤤(本人好鍾意D脆脆哋食物), 所以一定會點香酥雞扒配上海湯麵, 原本想點熏魚上海湯麵😵😵😵點知老闆話冇晒😩😩😩😩😩!💡tips💡如果想食熏魚就要早早去啦！🤩🤩🤩🤩👀下好大片雞扒😋😋😋😋😋,炸得非常脆,又入味,外脆內軟👍🏻👍🏻👍🏻👍🏻！上湯碗幼麵清清亮亮😋😋😋😋, 冇味精嘅湯👍🏻👍🏻👍🏻👍🏻, 糖醋排骨又係脆同軟, 真係好滿滿一碟😍😍,不過甜咗少少, 汁太多！正體上係好好味嘅！一定會再去的！舖入面唔係好大5-8台右左, 環境衛生👍🏻, 枱邊唔會油淋淋！ 大大片香酥雞扒清清亮亮上湯幼麵滿滿糖醋排骨平台入口