翠華冰廳 (Closed)

响荃灣祈德尊見完客，同個客一齊去食早餐 ，(其實都係午餐)，佢話荃灣廣場開咗間好正嘅翠華，一於跟佢去試試。門面寬闊，光猛明亮，望入去同其他翠華感覺不一樣。不過一樣有現店新鮮麵包，蛋撻仲有新張優惠添。我哋坐响窗邊卡位，景觀開揚，心曠神怡，仔細望望，室內裝潢雅致，燈罩似一本本書飛在天上，配襯一旁似書架嘅間隔，有啲响書店咖啡廳嘅感覺。咦！個名係有啲唔同架，原來係翠華集團不錯，呢間係另一條線......宇宙秘製豬軟骨漢堡套餐$62响門口被佢個易拉架廣告吸引咗，已經決定要試呢個餐，店員小心奕奕咁送嚟放低，因為個包疊起好高架。個樣咁得意，唔捨得食住，食啲即炸薯條先，香脆內軟，唔錯。我個口無咁大，唔可以成個包拎住嚟咬，唯有分開，先食一件豬軟骨，唔...口感香酥軟腍，秘製味道唔識形容，總之係咸淡適中，唔膩好食。減少一件豬軟骨之後，變返漢堡嚟食，麵包外脆內軟，夾埋爽脆生菜，新鮮嘅蕃茄片，酥軟嘅豬軟骨，口感豐富又複雜，味道又真係好鬼夾喎。雪雪濃滑絲襪奶茶凍$28見呢個奶茶凍幾得意，跟餐加$12就可以試，梗係要呢個啦。底層白色嘅係奶凍嚟，上層係好香嘅凍奶茶。先啜一啖上層奶茶，茶質幼滑，茶味香濃而微甜，再啜一

翠華餐廳在荃灣廣場開左間新店，裝修走文青路線，港式茶餐廳+西式料理，為繁忙的上班族提供了更多的餐點選擇。中午時間，我們來翠華冰廳醫肚，我點左蔥油翠脆雞扒飯，朋友點左激烈咖哩牛腩飯。雞扒超級大塊，蔥油爆香惹味，雞皮系脆口不肥膩，雞肉肉質唔鞋，嫩滑。大大舊雞扒很夠送飯。激烈咖哩牛腩飯，有微辣，咖哩汁不會太咸，有少少甜味調味，撈飯食一流，薯仔夠冧，牛腩冇渣冇筋，十分軟滑，口感很不錯！奶茶香濃，茶味突出。

好耐好耐冇食翠華了，最近荃灣廣場開左間翠華冰廳，就過來試下。呢間冰廳比過往去開既茶餐廳要略得高級d,餐廳的裝修也十分雅緻，光線很柔和。文青風設計，門口同屋頂都有書本的裝修，書卷氣濃厚，岩晒打卡。野食選擇繁多，除左飯，麵，還有點心，野飲，中西選擇都有。印象最深刻系呢個雪雪濃滑絲襪奶茶凍，佢最底系奶凍，飲筒插到底吸到，好滑。茶味香濃，真系好特別，奶茶控一定不要錯過。蛋撻很新鮮，蛋香十足，酥皮一掂就碎。雲石紋菠蘿包，賣相好靚仔，皮很鬆脆，新鮮滾熱辣，好味！另外多款包都有外賣，很方便！

翠華餐廳屹立香港已經好多年最近見到荃灣開了翠華冰廳，令我覺得翠華希望繼續推廣中西合璧的香港獨有文化。同樣都有外賣麵包供應新開的店較文青，卡位較多， 空間感也較之前的大。還有窗邊位，很開揚早餐或常餐都有蕃茄湯底的牛肉粉吃但還是被這個宇宙秘製豬軟骨漢堡餐吸引了雖然製成品沒有想像中的澎湃，但豬軟骨鬆軟，醬汁入味，每一口的豬軟骨絲都爆汁 ,鋪上番茄和生菜絲吃 真是清新得來又Juicy. 焗肉醬煎蛋飯醬汁香濃 ,焗的時間很好， 芝士味很出， 如果加炒飯底應該更完美。下次一定要試試蕃茄湯底早餐

平時都好鐘意食茶餐廳，但都間中會覺得好多茶記都有小小污糟，就算翠華都係。原來荃灣廣場開左間新既翠華，行冰廳路線，作為地膽就去左試下。見到佢menu都唔係平時翠華既menu黎既，價錢比正常翠華平D，係中級茶記價錢。見佢menu上面既野食名都用左D比較新派既表達，同埋有好多hashtag，應該係想吸引多d後生客路。男朋友常餐魔人，都係叫常餐，叫左榨菜肉絲米，配炒滑蛋加火腿多士。男朋友話食得出個榨菜肉絲唔係cheap野黎，同埋一D都唔唔孤寒。你知啦有時有D餐廳常餐上面既餸係得一pat仔，哈哈。滑蛋試左一啖，應該係用泰國蛋整？有小小奶味，幾正。我叫左個極邪惡芝士焗窩蛋肉醬飯，呢個完全係comfort food黎既。芝士份量真係激多，多到不得不得了，岩哂我芝士迷，如果佢有得轉意粉就好了。不過飯都好好味。汁又多，我都食唔哂，分左3份一比男朋友。埋單都係一百蚊多DD，講真我覺得以佢資素性價比算高。重點係，佢好乾淨！可能因為新開啦，但成個門面係比其他茶餐廳乾淨好多，連鎖可能就有呢度好！

讚：1. 環境真係好過以前翠華勁多，環境闊落左，坐得都舒服左，同埋啲人嘅服務都好過以前2. 野食份量感覺上係大左3. 多士烘得唔錯噃彈：1. 味道真心一般，番茄牛肉湯通粉，湯稀得出奇，通粉勁腍，牛肉超韌，煎蛋一隻熟一隻生，做乜鬼呀？

在荃灣街頭漫無目的地逛街後，進入荃灣廣場找美食。看到這間翠華冰廳，環境簡潔舒服，店員斯文有禮。因為已食了晚餐的關係，只想點一些小吃。熱情友善的店員推介菠蘿油，因此雖然覺得不太健康，但仍點了菠蘿油吃。還有點了午餐肉炒蛋三文治。再來一杯忌廉溝鮮奶加椰果。菠蘿油作為香港地道小吃，菠蘿包加上大大塊的鮮牛油，雖然感覺肥膩，但味道非常一流。有驚喜的是午餐肉炒滑蛋三文治，店舖每位食客細心地將三文治分開，容易入口，絕對照顧到食客的需要。價錢方面，絕對是一般茶餐廳的價錢，但享受到商場式的食肆感覺，非常抵。

荃灣翠華冰廳 美味醫肚的晚餐收工後回到荃灣填肚，到了荃灣廣場新開的翠華冰廳，見裝修唔錯，人又唔算太多，所以就入去食下。餐廳是空間頗大，裝修和其他的翠華不同，燈光更光猛更舒適，加上有窗可看到外面，整體氣氛不俗。風味香草雞扒板上燒 Teppanyaki Chicken ($95)前菜有餐湯和餐包，湯是羅宋湯，湯都幾足料， 幾有咬口，餐包質素也不錯。主菜主菜終於到了，先落黑椒汁，但是鐵板反應不太好。主要有大大舊燒雞扒，皮香肉滑，煎得非常好，雞肉則相當嫩口，肉質當然嫩滑，一口飯和一口肉，加上雜菌提供口感，總體還算不錯。食物質素不錯，絕對醫肚，不算是非常特別的晚餐，但一如翠華其他餐廳，價錢偏貴，不過份量和環境足以彌補。

餐牌選擇已經選擇唔多，叫個最穩陣既芝士肉醬焗飯，啲肉碎鞋到好似煲過湯既肉碎咁，隻蛋都焗到老晒。 除左飯外，其他唔食也罷。唔會再黎，呢個價錢，呢區大把選擇，唔會再黎。

呢間冰廳既環境一啲都唔似平時既冰廳又或者茶餐廳，感覺好新好舒服，好似cafe咁，所以佢英文都係Tsui Wah Cafe😆 翠華冰廳食物有舊有新，但必定要叫下佢個奶油豬🐷 奶油豬一到已經聞到好香，牛油同煉奶分量剛好，滿佈係豬仔包上面，如果個包再脆啲，就更perfect！主食方面，一望menu已被佢個芝士同厚cut豬扒吸引咗！塊豬扒真係好厚好大塊，咬落好淋好好食。上面塊煎蛋簡直係畫龍點睛，將蛋黃汁同飯撈混，加上本身啲汁同芝士，淨係食飯都好好食。個飯既分量好大，食完奶油豬再食佢，真係飽到嘔咁滯！🙊🙊至於飲品，黎冰廳唔可以唔飲凍奶茶！少冰少甜更能突出左奶茶既味道。

係荃灣搵食發現荃灣廣場開左翠華冰廳，有別於平時既翠華，有冰廳獨有既野食～ 甚至裝修都好唔同！ 燈蓋係書形狀黎📚既然有新野，就必定要試下，所以揀左個「板上XO醬乾炒Juicy豬扒即食麵」～ 上檯熱辣辣，XO醬味幾香🤤 個豬扒好大份😝😝 咬上去淋身既👌🏻 炒即食麵用左椰菜絲、三色椒、蛋、蘑菇，麵夠乾身，味道無過鹹抵讚！👍🏻 整體幾鍾意個麵😊試左新野之外，仲叫左對我黎講係翠華代表食物既「爆翠奶油豬」😎😎 牛油加埋練奶香味，正😋野飲我本身想試下佢個「雪雪濃滑絲襪奶茶凍」，係奶茶加奶凍底，但係太夜賣晒😩 所以最後飲左杯熱奶茶，好濃夠滑。 希望下次有機會試到絲襪奶茶凍啦😝

有別於其他分店的翠華，荃灣分店很有時尚感，佔地面積夠大，座位很寬敞，沒有半點焗促感。選用雲石桌子，卡位旁是落地大玻璃，街景飽覧無遺。這天，來吃個下午茶，輕鬆一下。餐牌有是翠華一向有的食物，當中部分是荃灣分店獨有的，也就是，翠華首創的食品。餐點名字略帶幽默，有gimmick，又以#hashtag描述食物。店員主動介紹鎮店特色食品，有宇宙秘制漢堡，有cheezy牛魔王，菠蘿雞尾包等。使選擇困難的人也有點頭緒。選了翠華首創的，淚光麻辣鹹牛肉深海爆蛋號，拼，翠脆薯條雪雪濃滑絲襪奶茶凍食物以木盤盛上，很迎合潮流，為食物錦上添花。鹹牛肉炒蛋，加上了麻辣醬，帶點麻麻辣辣，增味不少。波浪薯條剛炸起，金黃香脆。雪雪濃滑絲襪奶茶凍翠華奶茶一向是信心保證，茶與奶的比例恰到好處，茶濃奶滑，不過甜。底層的奶凍，口感滑溜。菠蘿雞尾包結合了菠蘿包跟雞尾包有內涵，是滿滿的椰絲，外皮香脆，麵包鬆軟。

等了半個小時都未有野食，作為翠華集團真差勁👎，以後都唔會來食！服務員態度散漫，唔怕你追，成個場不斷有人舉手追野食未來，服務員虛應你跟緊，比杯野你飲住先，飲到無都未來。如果新開都未準備好既就唔好打開門做生意！

個名就係翠華，但做唔到翠華的質素落單叫極都無人落，全場得一個員工有機落單，仲要個場唔爆都無人理的。食個飯都話要等半個鐘，諗住快d叫常餐，4款常餐，叫2款都無，叫焗飯要半個鐘，意粉都要等20分鐘，我真係想問呢間係唔係餐廳來架，未ready好就唔好開舖啦。個場唔爆都咁樣，真係影衰翠華個名。員工態度又差，我叫咩無咩，都要比2秒我諗掛，佢全程黑面囉大佬，你無的又唔寫明，我叫到你又話無，係無定唔想做呀真心無下次