翠華餐廳 (Closed)

說起翠華茶餐廳，在香港幾乎無人不知，連大陸游客都話要指名品嚐，如果沒有搞錯，它應該是第一間上市的茶餐廳。但追本溯源，它的起點在那裏呢，就是在新蒲崗崇齡街的翠華餐廳，那年代，嘻嘻，四十年多年前吧，翠華在新蒲崗也算是高檔的了，人家一個午餐三塊多，它要五塊錢，一般莘莘學子，只有望門興嘆。當然，當年的老闆，已經不是如今的老闆，只是翠華招牌，地點如舊。今早吃他們出名的仿鮑魚火腿絲通粉，發思古之幽情，似水流年，又換了人間。

今期推薦~XO醬蝦球撈麵~良好的員工態度服務新蒲崗翠華的炸脆麵一向都有質素保證，今日又想再嚟試吓。又叫了奶油脆豬，酸辣蝦球鐵板炸脆面，Xo醬蝦球撈麵。奶油脆豬都係標準好食，可以再整得脆身啲。一向都識開肉絲炸脆面，今次試吓另一款$84的酸辣蝦球鐵板脆麵，本身脆面不錯，醬汁不會太辣，又不會太酸。只可惜蝦球可能煮得太熟，不爽口又不彈牙，蝦球10分難食，要零分重作。XO醬蝦球撈麵，蝦球不錯10分彈牙爽口，只是撈麵底下的豉油汁，今次比較多，比較鹹，但下次都會再叫。

新蒲崗有八條以數字命名的街道，除一改為大，二改為雙，三至八都以數字為頭，一至八分別是大有街、雙喜街、三祝街、四美街、五芳街、六合街、七寶街及八達街。其中大有街鼎鼎有名，是六七暴動的發源地。1967年4月，一間位於新蒲崗大有街的人造花廠發生勞資糾紛，演變成暴動，左派於土瓜灣工聯會工人俱樂部舉行會議，成立以工聯會理事長楊光為首的「港九各界同胞反對港英迫害鬥爭委員會」，不斷引發流血衝突，並隨街放置土製炸彈，導致多個平民、及警察被炸死。左派暴徒製造慘案中，以香港商業電台節目主持人林彬之死最為慘烈。林彬主持電台節目《欲罷不能》，譴責左派擾亂社會秩序，痛斥左派「無恥無良、低能邋遢，下流賤格」，被左派暴徒縱火活活燒死，更以「地下鋤奸突擊隊」司令部之名發表公告，指「向林逆作出民族紀律的處分，嚴厲懲罰，以示儆戒」，至今兇手仍在法外，而首惡楊光，竟於2001年獲頒授大紫荊勳章！翠華原初只係旺角甘霖街一間地踎冰室，1967年開業，之後再搬到新蒲崗，後來原業主移民，再頂讓給現時翠華集團的班底，逐漸發展成上市企業。今餐點了午餐，主菜香煎雞扒，主食配意粉，附上一點蕃茄醬。餐湯是忌廉湯，飲品選了凍奶茶。忌廉湯，以餐

雖然而家好少食翠華，人人都話翠華都係為自由行服務。但係自從上次吃了那個冬菇肉絲炒麵，我覺得真的十分不錯。雖然比較熱氣但配上紅色的醋吃，真的十分香口，加上在家中難以整炸麵。另外值得一讚的是新蒲崗的侍應姐姐和叔叔真的10分良好的態度。上次購買的奶油豬不夠脆口，收銀的姐姐主動叫我和廚房那邊溝通，重新再做多一個奶油豬，真的十分麻煩他們。但他們完全沒有黑口黑面，值得一讚。另外希望他們下午茶餐會再有多的套餐選擇。

新蒲崗翠華的出品還是比較穩定的，相對食物來說，我還是比較鍾情翠華的熱Coffee，朝早飲一杯又濃又滑Coffee ，精神爽利，手腳都有力d。不得不提的就是裡面的其中一位叫Cindy員工，她的服務態度特別好，每次碰到她來下單，都是禮貌有佳，語氣溫和，香港今時今日嘅服務態度係得嘅，值得學習

可以你會覺得翠華都食左咁多年仲有咩好寫呢，咪高級茶記一間囉！ 不過可能因為我已經好耐冇幫趁，所以今日午飯過嚟望住個餐牌都有啲陌生感😅。餐牌看似好多選擇，但真係要揀都唔容易，唯有主攻最隱陣嘅咖哩，包冇輸啦，今次揀左馬來咖哩牛脷飯，估唔到份量咁大， 佢足有三大片好似厚切午餐肉咁大嘅牛脷，肉質都算腍軟，但就淡味， 不過因為咖哩汁夠多足以彌補，飯嘅份量實在太大，女生一定要叫少飯咯。呢度嘅咖哩做得唔錯，水準保持到冇走樣，所以諗唔到食乜就點咖哩吧！

$40一個頹到爆嘅午餐只係去咗周圍都有嘅翠華🤣因為驚會太辣嘅關係所以辣係另上的😙其實真係無乜特別comment最正嘅應該係嗰幾片雞肉☺️估唔到係超級大塊仲要有成五六片啖啖肉好幸福🤤

跟友人上完堂，肚空空，又想吹多陣水先，所以一行五人滿懷期待行入去位於新蒲江的翠華餐廳，同行友人選了豬軟骨魚蛋米線，附葱湯，豬軟骨諗，魚旦可再提魚味，但配搭有點創意，湯底也可接受，湯偏咸，賣55元,附送飲料，尚可接受！因同行友人有另叫飲料 ,熱朱古力也要19元一杯，凍檸檬茶也要21元一杯，友人表示太贵，就是散叫之後果！我叫了蝦籽珍珠雲吞麵，沒叫野飲，雲吞賣相不行，偏扁，涵料較少，湯又略咸，蝦籽同麵也ok!最後，試埋皇牌馬來咖哩牛腩飯，汁一般，牛腩大塊，但不太多牛味，堅飽肚，但可惜是晚餐選擇不多，同行友人要想很久才選好食物！加油，希望您們努力進步吧！

今朝陪細佬去完學校頒獎典禮之後趁時間還早，就同媽咪一齊三人去翠華食早餐。本身諗住去黃大仙果間，但後來發現新蒲崗竟然有一間，就行過去食啦。首先講下個鋪頭位置，就係越秀廣場附近ge護老院隔離，位置十分好搵。一入到去，首先感覺冷氣唔夠凍，於是我哋行到比較裡面的位置坐低。張檯真係好細，我哋三人叫左兩份早餐，d嘢食擺落已經無曬位置。跟住飲熱奶茶，沒有獨立糖包（雖然我都好支持環保，但係一罐的糖倒出來的份量我不知有幾多，所以要一直倒倒倒），每次倒出來淨係得小小，要倒好多次。再就係覺得d麵ge味道的而且確係無其他翠華好食，其他都唔錯。

翠華生意好似差左，中午時間無咩客，可能因為一個lunch set 都要$60。今日中午同朋友來到翠華食飯敍舊，點左個咖哩牛肉同瑞士汁牛肉粉河，兩個餸都吾差，咖哩香，配飯一流，瑞士汁都濃，點點地，我兩都幾鍾意食，$埋單每人$60倒

秋葵是營養價值很高的食物，它內裏的黏液，可以保護胃壁、降血壓、幫助消化。而它的水溶性膳食纖維吃了讓人有飽足感覺，對控制體重也很有幫助。OT 至很晚才放工，到最近公司又收得夜的翠華吃晚飯已是不二之選。近期他們的合時蔬菜，加了有這個「冰鎮秋葵」的選擇，所以試試。他們這個冰鎮秋葵是配以日式豉油及wasabi同吃，算是味道ok。去年，我也曾試過在美X大酒樓吃晚飯，吃他們的冰鎮秋葵前菜。他們選配以食sabusabu 用的柑橘醬油 (Ponzu)來沾吃，相比之下，我會覺得配ponzu吃，感覺更清新、更好吃點。

喺附近諗唔到食乜好，不如就食翠華啦！翠華比我嘅印象一向都係貴價嘅茶餐廳，都係一般茶餐廳野，但價錢就貴兩三成。今日心血來潮，就走入去幫襯下啦。同老婆兩個人叫咗兩個餐，都係基本野，一個鐵板什扒，一個焗豬扒飯。鐵板什扒非常足料，大大份，有齊雞扒、牛扒、豬扒、腸仔、煙肉、火腿、薯菜。三種扒類都非常新鮮，黑椒汁好味，當中最驚喜嘅就係牛扒同薯菜。牛扒係典型茶餐廳牛扒，驚喜在佢係厚切嘅。至於薯菜係薯角，冇諗過茶餐廳嘅配菜除咗裝飾之外，都係香脆好食嘅。老婆嘅焗豬扒飯，都係好足料，有整整一大塊厚厚嘅豬扒。個汁有好濃嘅番茄味，係用新鮮蕃茄整成嘅，伴一大塊厚切番茄，都幾有誠意。焗飯表面，仲鋪滿芝士，焗溶左，更香濃好味。食完呢餐之後，令我對翠華都有少少改觀。原來佢唔單止價格比普通茶餐廳貴多少，質素都有返咁上下保證，確實係比一般嘅茶餐廳出色。

諗番起以前食翠華米線廿蚊有找既日子，真係今時唔同往日。唯一人安慰既，係翠華既質素仲keep到。但由茶記變成連銷集團餐廳，丟失既人情味，舊式茶記港味，卻是如何不能彌補了。坐在熟悉的卡座，叫了一碗魚蛋米線。好快送上。乳白色的滾騰魚湯中，雪白的米線，潮州魚蛋，和幾點青青蒽花，仿彿象徵著物是人非。喝一口魚湯，鮮濃帶著淡淡胡椒味道，依然是熬煮得甚是老道，咬一口魚蛋，微微彈牙，咀嚼著濃郁的魚味，再挾一束米線入口，滾熱滑溜，咀嚼後落入胃中，有一種飽足感.慢慢吃，最後，把最後一滴魚湯都滴入喉嚨中，長長呼一口氣.可能在很久以後，再來吃一碗米線，或許味道依舊，或更為標準，但我自己已經非常不同了吧?

飲咖啡好多人都會去美式連鎖店嘆，但是其實普通一間茶餐廳都可以調出合格的咖啡。翠華並不是只吃茶餐，我還會欣賞這裡的咖啡。即沖而且有陣陣咖啡香味，不帶酸又不帶苦，入口的咖啡味不斷在我口內漫游啊

入到翠華，我二話不說就點了海南雞飯。翠華其實也有其他不同的食物，但是我唯獨喜歡海南雞飯。海南雞飯比較油膩是正常的，相比起其他店舖的雞，翠華雞的油份就恰到好處。雞肉又夠滑，醬汁合我口味，老火湯都好足料。不過油飯就有少少失色，不夠香，感覺跟白飯差不多。因為海南雞飯是限量供應的，來晚了就會賣光啦，有時食不到真是非常吊胃口＞＜　所以大家想食就要早些去啦，根據我經驗通常晚上九點左右就會賣光啦。飯一到就忍唔住吃光了，也忘了影相！