翠華餐廳 (Closed)

翠華有幾多分店。我諗佢開到每一區都有。唔知點解。雖然食過好多次。但係每一次都鍾情於佢嘅早餐。喺返工之前，食一個豐富嘅早餐。對果一日來講絕對係一個美好嘅早晨。我多數食佢嘅早餐都係食沙嗲牛麵。今日就嚟啲新意思啦。食通粉。係蕃茄通粉。先講個通粉。蕃茄湯底非常濃郁。未食已經聞到龍龍嘅蕃茄味。而佢嘅炒蛋亦都非常之滑。火腿就普通不過不失啦。最後講返佢個包。都係一慣翠華嘅作風。我自己來講，我都係鍾意食沙嗲牛肉麵多啲。

星期日早餐同老公去咗呢間餐廳，坐低好快就上菜，我叫咗個墨魚丸河，墨丸好彈牙，河粉有咬口，好好味。不過老公個豬扒公仔麵實在太油，豬扒炸得過火，咬起上嚟好硬。至於杯奶茶，保持到一貫水準，如果C可以熱啲，應該會更好飲。

下晝同朋友去咗尖沙咀間翠華度食嘢，午餐set真係有啲貴.....所以最後都係揀咗食麵。我覺得最吸引就係冬陰功豬軟骨魚片頭米線，而我哋三個人都叫咗佢，一個朋友因為唔太食得辣既關係，就改左小辣。食落口個冬陰功湯就有少少酸，但係我自己鍾意食辣，所以我覺得佢嘅辣真係唔夠，加咗佢擺喺枱面嘅辣椒醬，佢個辣椒醬又真係幾好食喎！另一個朋友就叫咗豬軟骨米線，啲湯底同日本嘅拉麵湯底差唔多，味道都尚算唔錯。如果唔想食咁多野淨係叫淨魚蛋同魚片頭，都係一個唔錯嘅選擇，都係$42。其實整體嘅味道我覺得都係OK嘅，平民嘢食呢個價錢都算係差唔多， 但男仔就未必食得飽啦，因為個碗都有少少細。但對女仔來講就啱啱好啦！

好耐冇食過翠華，今日有時間就去試下佢最新嘅下午茶。叫咗佢個瑞士雞翼撈公仔麵。叫咗唔夠5分鐘就有得食。瑞士雞翼真係唔錯，好入味，瑞士汁幾甜幾正，每一啖公仔麵都好瑞士，好滿足。

翠華（尖沙咀分店）媽咪好耐冇飲翠華奶茶，心思思想飲，於是中午嚟咗食。一黎到，叫定熱奶茶兩杯！⚠️食物：⭕️生炸豬扒麵、太陽雙蛋、北海道3.6純牛乳軟包 $49 （餐飲嗌咗熱奶茶）其實係常餐，但佢地當下午茶推出下午茶時段*2:30開始一如既往，杯熱奶茶係奶味茶味mix得岩岩好份量十足，豬扒炸得好脆 ⭕️香辣瑤柱炸醬撈麵、炸魚皮 $46（餐飲嗌咗熱奶茶）正正常常！雖然寫瑤柱，但好似唔多覺有😅⚠️環境：茶餐廳環境，侍應都有禮貌。直入冇需等位，有兩層，不過樓上今日冇開放。⚠️價錢：兩位 下午茶時段 $95價錢合理，無需加一😉

翠華出左新豬肉系列，有兩款，今次試意粉先— 新豬肉醬芝士茄汁意粉。坐得麻麻舒服，要撘枱，有 d 唔夠涼。等大概十幾分鐘就有得食啦～賣相睇落去唔錯，因為焗嘅關係，一路食，碟野都係熱嘅；冬天食就正啦。意粉質感幾好，唔會太林。但好似唔係幾夠味，我要問佢攞支茄汁加落意粉度，撈完就夠味啦～份量都夠，女仔一個人食夠飽嘅。$49 無野飲，不過翠華都係貴。新豬肉有佢本身嘅一 d 味，但佢可以做到碎肉嘅質感同口感，加埋其他醬料，真係幾可亂真 😆

去到翠華睇睇餐牌，原來翠華皇牌馬來咖喱出名，所以叫黎試試。我就叫咗個馬來咖喱魚試吓，上枱果時d咖喱香氣撲鼻，上面有幾滴辣油喺面，以為好辣，不過我覺得ok,唔係好辣，反而咖喱味好香，好正宗嘅馬來style嘅香味，撈飯一流，而d炸魚，炸得好香脆，d魚肉好滑，撈埋d咖喱汁一食，好match。下次一定試埋佢嘅咖喱牛腩。

以前係尖沙咀返工，一星期都會食幾次翠華早餐。自從轉左地點後，已經好耐冇嚟過呢度啦。今日難得出開尖沙咀梗係約好朋友出嚟會面一下啦。原來早餐已經加到$40啦，仲要跟餐冇咗牛油豬。我的最愛奶油豬要加$16先有。嗌咗沙嗲牛肉麵，公仔麵則依然煮得彈牙，唔會好淋。沙嗲牛肉煮得好入味，配合埋辣椒油就係正宗嘅港式味道。不過今次滑蛋煮比較差，冇味之餘煮得太耐，熟得滯。凍檸茶少甜，都係咁甜，不過都可以接受。冇咗奶油豬，換來嘅係3.6牛乳餐包，質感都幾軟熟，冇奶油豬比較之下其實都幾好。

好耐冇去食翠華啦，今日去嘆個早餐先！！！去到發現原來早餐轉左餐牌，以前早餐跟果個牛油脆豬，而家轉左餐包……其實我係鍾意食佢個牛油豬多過餐包，所以有啲失望今次叫咗個沙嗲牛肉公仔麵，跟餐有埋炒蛋同餐包，加多杯凍檸水添超鍾意食沙嗲牛肉公仔麵，加埋辣椒油真係一流👍🏻佢啲牛肉都好大塊，個面煮到軟硬適中啱啱好！炒蛋食落去冇乜味道，應該係廚師本身冇落調味，要自行落鹽。餐包就無嘜特別。總括嚟講今次個早餐都好唔錯！

因為都冇太多選擇，就在附近都是翠華，所以我地一行五人去吃早餐，竟然五人都叫了這個早餐沙爹牛肉麵加炒蛋，脆包和飲品，等了一陣食物就來到了，牛肉麵的麵淋身了一點而且牛肉沒有味道，反而覺得醬汁保持到水準不錯，炒蛋睇落都幾靚，有少少櫻花蝦在上面，但味道普通而且仲要凍就有失望，只可講蛋不太老都口感不錯，脆包又感覺上沒有烤過又少牛油而且仲要凍吾好食，食了一半就冇食了。飲品加了錢要了凍咖啡，有驚喜不錯，咖啡味濃又香吾太多奶好飲，而朋友飲的檸檬茶就茶底普通。

翠華餐廳 (尖沙咀)尖沙咀加拿分道2號地下～～～今天小Q有點不舒服 大舊就說帶小Q吃點清淡的 本來以為大舊要帶小Q去吃粥 怎麼知道大舊卻帶了小Q去吃翠華！ 大舊說翠華沒粥 可是選擇多 總有清淡的東西wo...😥😥😥真的不知道他在想什麼 還好小Q有在翠華menu找到好久沒吃的魚蛋粉 翠華的魚蛋非常Q彈 魚味十足 奶白的湯底不太鹹 剛剛好 有魚味亦帶有點點胡椒味 讓不舒服的小Q也可以有好吃 又吃得舒服的一餐 不用吃粥那麼清淡😂😂～～～推薦度：🔥🔥🔥🔥（5🔥最高）

I love the borsch soup here it is the best. This is a well known soup in Hong Kong although the name feel like a Russian name. For a quick meal, curry chicken or Hainan style chicken are must eat items. For snacks, pineapple bun with butter and condensed milk bun is always recommended. Also French toast with peanut ,honey and butter is a must try item too!For drinks, ice lemon tea and milk tea are my usual go to drinks.

翠華茶餐廳係香港已經做到成行成市，內地客亦特別多，甘多年來，呢間茶餐廳我都會間吾使幫襯一下，今日就來買反份午市外賣午餐做lunch,同同事開心share。和風燒汁豬扒豬脾肉套餐 (hk$ 68)(套餐包括: 白飯，豬扒一件，豬脾肉一件，羅宋湯，咖啡或奶茶)豬脾豬扒飯: 呢個lunch set 套餐飯有豬扒同豬脾肉每樣各一件，燒汁味帶點點微甜，豬脾肉同豬扒肉都煎得好香，但亦不太乾，熱度恰當，味道惹味。肉質不韌，肉厚實在，配埋白飯好味非常。白飯不軟不硬，熱度啱啱好，份量亦非常足夠，夠曬飽肚。羅宋湯: 羅宋湯不太辣，而且非常足料，雜菜料同粒粒牛腩都有，湯味十分濃厚，大大碗好低飲招牌鮮忌廉熱咖啡: 即磨熱咖啡配鮮忌廉，入口又濃又滑，而且外賣杯都保持到好夠熱，咖啡味夠濃，以港式茶餐廳來講，水準不錯。翠華既set lunch以六十多塊錢來講，雖然價格不算低，但佢無論外賣包裝盒，袋，食物同飲品質素都實在不俗，多年來都可以一直保持到穩定既水準，相信呢個都係我多年來一直再來惠顧既原因。

尖沙咀食lunch一定好多人因為食飯時間加上好多旅客所以都需要排隊先入到去坐低食不過好彩我一個人所以比較快就有位錯lunch叫咗個咖喱雞飯食啲雞都幾嫩滑 咖喱味係帶點辣嘅

大熱天時食個下午茶梗係要揾間坐得舒服既，我係米線控，同埋又唔想食得太heavy，就選擇左食翠華既魚腐米線。其實我唔係話超鍾意食魚腐架平時，但係翠華既魚腐就真係做得幾出色，剛剛上枱既魚腐係粒粒大過乒乓波，漲卜卜，好搞笑，而咬落係相當有咬口，最好味既精髓再於魚腐充滿住陳皮既香味，好清新，中和左魚腐炸過既油膩感覺，超好既配搭。我次次食佢地個魚腐米線都會飲晒個湯，不過今次有少少咸，無飲晒，係魚湯黎，應該都幾健康。