翠榮雞煲火鍋

Open Now

Now Closed

雞煲依然保持到水準，幫襯大雞煲仲送一碟蠔，蠔都新鮮。有食其他打邊爐料例如雞腸（新鮮爽口），牛肉都唔差，湯底辣到可以同店員講，價錢唔貴，性價比高。相信因為小店雞煲唔會留定好多，個日幫襯有其他客人食唔到，不過證明雞係運轉得快，保持新鮮，有需要可打定去book。另外，嗰日見到有羊腩煲都想試一試，老細話唔係成日有，如果要食嘅話都係要book定穩陣。老細同店員都好親力親為，用心製作，希望得到顧客嘅認同，值得支持。

自從上水分店結業之後， 好耐都無食過翠榮拉， 咁岩經開大埔就去食下拉🥘奇味雞煲 好味又唔會辣， 但係d雞乾身左少少🤏🤏 食完雞之後就開始加水打邊爐，食材都係基本野無咩特別， 主要都係食個雞煲😂😂

每年秋冬都會同朋友來這裡吃雞煲，依家發現可以外賣雞煲，同家人在家分享！微辣雞煲，食到尾之後加烏冬去炒！超好味！之後再加湯打邊爐！三種食的層次😊家人都食過返尋味！

開頭都算有禮貌地解釋佢哋有兩隻特式雞煲（奇味/奇趣）我地原本揀咗奇趣雞煲，但佢地話師傅做錯左奇味雞煲，咁我哋都算啦但佢真係80%洋蔥20%係雞之後叫佢加湯打邊爐，點知啲湯乜味都無😭咁我地咪同店主反映，佢哋就俾面色我地睇，之後成兜雞煲醬俾我哋叫我地自己加，咁我地都算，但之後錯單繼續來：1.我地叫娃娃菜+生菜，佢哋私下改左油麥+生菜2.菜無洗乾淨，有隻烏蠅咁既物體3.墨魚膠硬到成舊冰咁，要等佢解凍先食得4.叫雞煲個時加個啲魚肚少到傻，仲收$59最後埋單要成$700幾蚊，飽就飽既，但俾咁貴食洋蔥+清水火鍋，我食稻香都無咁嬲

晚上搵食來到這頭附近，其實沒有特別心水話要食邊一間，因為其實都有啲肚餓，當時都已經差不多九點，見到每一間都要排隊，唯獨是呢一間可以直接入座，所以就決定食呢間。坐低咗，店員奉上一個碟（放雞骨用）和兩碟豉油見佢其他客人都係食雞煲，所以都叫咗半隻奇味雞，有分唔辣、微辣、小辣、中辣同大辣，我哋叫咗個小辣。店員問需唔需要加一份魚肚同雞腎落去一齊炒，會香啲，我哋都加咗。雞煲有好多芹菜、洋蔥同埋少量芫荽，完全蓋過左雞。夾舊雞食下，個皮炒到燶晒同埋雞肉好鞋...再試埋魚肚同埋雞腎，真係得個辣字......至於其他配料亦無乜特別，牛肉唔靚，不過以咁樣嘅價錢畀返咁嘅貨色都差不多。可以讚嘅係店員態度都不錯，可以叫個野食 嗌啤酒慢慢坐下都得，連飲品、2位埋單差不多500。我諗呢度係食人情味...

朋友結婚後請食飯，去番好耐無去既翠榮，小店人情味濃厚。食物保持水準，推介奇炒雞煲（原味），少少辣，個個都讚好。另外藥膳雞煲，個湯底勁好味。入大埔必食，叫左十幾個餸，牛肉海鮮🦞都好新鮮。

好耐無踏足翠榮喇﹗最初老闆老闆娘都似乎唔多認得我，好采講多兩句開始有點印象。女友駕臨，剛剛老闆還不肯給我兩個鍋，有點怨言諸多推躺，得兩檯客又不是很忙，現在無問題啦。舊地重遊，新增多樣食材喎，仲有少量海鮮供應添。藥膳醉雞鍋半隻，多年來第一次，我每次不是勁辣奇味雞就是勁辣胡椒雞。醉？完全聞唔到亦飲唔到酒味喎，試來幾口頭啖湯，同預計一樣沒怎麼味道。打完一輪到中場時間完全不同，甜美紅棗杞子圓肉搭藥材雞湯味道，可口濃郁。到完全前再飲多碗，極霸道的紅棗甜味，喜歡甜的一定拍爛手掌，似乎我煮既藥膳醉雞鍋比較高質。浸出來的雞肉格外嫩滑多汁，吸收藥材甜湯後使得味道更加美麗，滾埋我最愛的勁辣指天椒豉油即刻食多幾舊。花蛤公，自攜食材付加工費便可。大大隻活活即烚，肥嘟嘟脹卜卜嫩滑爆汁鮮甜無比。順路經過太和街市都打定輸數一間海鮮檔都無架喇，碰碰運氣吧。居然還有兩檔未執笠，真係辛苦晒，不過沒什麼特別的海鮮。肥嬸推介三點蟹、紅蟹，我話太細隻喇，肥嬸驚訝地道咁都細隻？心諗仲細隻過我掌心喎，蟹仔來的，我食開最少一斤重架。奇味雞鍋半隻中辣小麻加豬腩肉片，雙煲齊發，起雙飛梗係無得頂啦，多種享受喎。乾又有，濕又有，實在太高興咯

都有一段時間無食雞煲，旅行返嚟突然好掛住呢到嘅奇妙雞，於是專登揸車嚟囉！今次同埋父母，祖母一齊。佢地唔係好食辣，所要叫多一煲魚！雖然咁耐無嚟，但水準依然，而且新加埋豬潤同豬皮吊出奇妙味。。。。實在太美味喇！邊個話夏天唔適合食雞煲架

第一次试呢個雞煲，星期五7點去到要排隊，等左30分鐘左右有得坐，坐位比較窄小都可以，叫左個奇味雞 小辣 ,oK喎好味，跟手叫個丁麵用抄雞汁好正，其他佩料就小左D選擇，兩個人三佰幾蚊埋單，可以下次再食!

貌似點評上沒有，光榮成為創建者+首評！夥伴說想吃豬肚雞火鍋，於是特地找到這家，地點在太和地鐵站下來還要走一段路，不是很好找的地方。店面不大比較清靜。不過大家難得出來吃，而且這家招牌之一就是

好耐無食雞煲喇。。。今日幫阿媽同啟峄慶祝生日，加上涼咗，一於食雞煲啦！翠榮。。。住響大埔粉嶺嘅朋友已經推介過好幾次，一於去試啦！佢有兩邊，我地被安排坐新嗰邊，地方好闊，坐得舒服！坐低後就落單叫一隻奇味雞，由於壽星公唔係好食得辣，於是我地點了少辣，老闆娘再問加唔加內藏，咁得意梗係加啦！我地加咗雞腎，豬皮同豬潤。。。果然加咗有另一番味道。。。好滋味！之後老闆娘再介紹可以炒嘢，又咁特別梗係炒啦！(自己炒嘅)。。。再落單湯底和打邊爐配料！朋友果然無介紹錯呀！試過真係返唔到轉頭呀！翠榮。。。一定成為我地雞煲聚腳地呀！

我在open rice睇到食評話呢到雞煲出名食雞煲 所以特地一試 但我試左佢胡椒肚豬雞煲之後 我諗我唔會再返去食 個湯無味 雞無肉 豬肚個味好「蘇」佢地唔會有醬汁俾你的 要你主動要求佢先會整俾你 最基本既辣椒豉油都無係到 有啲奇怪

我最憎遲到，去食飯、去飯酒、去玩我都必定早到 ﹗當然返工返學除外啦，呵呵呵。老闆娘話依度不設外賣，亦唔準將生熟食物帶走，所以無外賣兜供應，因為衛生問題。我唯有靜靜雞帶個外賣盒返黎，靜靜雞將食唔晒既野烚熟帶走，唔想浪費麻。指天椒，老闆娘次次都比大大碟指天椒，其實只得我一個食辣乍，半碟已足夠，真客氣。先來胡椒湯，後上半隻雞。自家製白胡椒粉，特別香濃，特別香辣！皇帝菜，以前我完全食唔到她獨特而強烈的味道，多謝辣雞煲的出現，漸漸越食越喜歡，已經去愛上她，去到迷戀她既地步。食雞煲或火鍋都必食，爽嫩翠綠的莖部，味濃甜美霸道，大注大注地嘴嚼，不停爆汁，勁興奮啊 ﹗廣島蠔，美國桶蠔賣晒，唯有食廣島蠔。肥美就夠肥美，咬開蠔汁四射，好腥啊 ﹗免強頂得住，加多兩條指天椒先，即刻好食左。火雞子，跟蠔一樣入晒雪未解凍，兩者的雪藏味都不弱。沒有醃過的火雞子帶著天然微微腥嗅，不像本地新鮮雞子般鮮甜可口泛著蛋味，又係指天椒豉油出動既時候喇 ﹗烚到脹卜卜，最緊不能爆破、不能縮水微乾，要時間留意住呢 ﹗掉進指天椒豉油打滾降降溫，整隻直啪入口，皮脆肉嫩，多汁潤澤，豉油香、指天椒辛，好味道 ﹗蟹柳，我無叫蟹柳架喎 ﹗最討厭兼

晚上六時半來到翠榮雞煲，還沒有客人，店員安排我倆坐在角落的小桌子。枱面的電池爐、牆上的電視機，很有家的感覺。然而，不消半小時，小店便坐滿人客，還開始需要等位。。。來到這裡一定要嚐嚐這個沒有醬汁的奇味雞煲！奇味雞煲 $128(半隻) $218(全隻)我倆order了微辣，不太嚐辣的這個辣度剛好！雞是比較乾身，跟外面的雞煲有一點分別，雞皮明顯有走油，吃下去一點肥膩感也沒有鍋中還有芹菜和洋蔥，剛好熟了七至八成，店員說喜歡爽口的可以立刻品嚐，如喜愛腍一點的可再炒一會！雞的微辣不停刺激味蕾，非常入味，一直有很想再吃下去的衝動！另外我們也點了牛肩脊 $68(細)白魚旦、魚皮餃 $35 (雙拼)枝竹、油墨菜 $29 (雙拼)牛肩脊切得很薄，有牛味且肉質有口感。其他的配料都不錯，大部份都可選雙拼，絕對適合倆口子來！

香辣雞蟹煲$288 老闆推介我地一定要試呢個香辣雞蟹煲，我地大部分人都唔食得太辣，所以最後只係揀左微辣，對我地黎講已經好夠，因為去到後期辣度會再提升一點，但愛辣者不防嘗試挑戰更高層次，佢既麻辣係會令人欲罷不能的。一開始當然要食左煲里面既野食，先講配角，醬汁非常之惹味，加上大量洋蔥，大蔥同幾條小辣椒仔，淨係聞到個香味已經令人口水激增，食落更加無懈可擊。再講講里面既幾樣主角，拎到出黎其實都已經可以即刻食得，快靚正，第一樣係一隻大肉蟹，雖然食起上黎有D麻煩，但隻蟹非常新鮮，而且肉質飽滿，加上小小蟹膏既鮮甜，多D功夫都值得啦。第二樣係大蜆，無十隻都有八隻，每隻都有匙羹咁大，鮮甜中帶有一點點海水既咸味，食極都唔夠。第三樣係魚骨腩，其實無乜骨，大啖肉為主，肉質新鮮彈牙，出到黎已經係燜得好入味。最後一樣當然仲有半隻新鮮雞啦，肉質鮮嫩可口，配合底醬惹味非常，而且每一件都係肉多過骨，絕不取巧。整體黎講呢個煲真係無得輸，又可以迎合到大家既口味，黎到一定要試。