豚勝

Open Now

Now Closed

好多地方都隨時可以食到炸豬排 但講到好食嘅話 相信有啲朋友仔會聽過豚勝 甚至去食過😉 而佢嘅其中一個出名原因 係因為有合作夥伴米芝蓮星級主廚大橋先生 再加上選購優質食材 所以每一道菜式都非常精緻 令人食指大動☺️🍀咖哩吉列厚切里肌豬扒定食定食配埋味噌湯 漬物 同埋白飯🍚 而白飯吾夠嘅話仲可以免費添加 不過標準份量其實都已經夠飽🤣 咖哩微辣 辣到恰到好處 可以增加食慾😋 而重點吉列厚切里肌豬扒 厚度真係有返咁上下🐷 炸粉厚薄適中 炸得好脆口🤩 熱辣辣嘅時候食 口感對比明顯 炸皮酥脆 而豬扒肉質有嚼勁 好有咬口 炸完都仲有肉汁架😍 點埋少少豬扒汁更加入味😚 另外仲加左炸半熟卵 炸嘅時間岩岩好 咬開即刻有流心效果 好正😆 吉列比目魚亦都非常好食 咬落口同樣好脆口 點少少沙律醬令到味道更加濃厚 魚嘅肉質齊都好軟嫩😋🍀黑豚腩肉有馬山椒煮第一啖咬黑豚腩肉 味道已經好濃郁 啲汁吸晒入肉質裏面🥰 作為小份量嘅開胃菜黎講吾錯😎🍀日式煎餃子正常發揮 煎餃子仲有好多肉汁 鐘意食餃子嘅朋友可以叫一份黎食下🥟🍀蘋果雪葩雪葩有粉沙嘅口感 入口即溶 甜味好重 以佢作為甜品結尾好滿足😊

啱啱去完日本返黎，話咁快又開始掛住日本美食。搵左呢間係日本都有分店既豚勝食吉列豬扒定食～佢地係圓方都有分店，今次就黎左食最近係新都會廣場開既新分店。 1️⃣ 吉列大海老配豬柳定食（$228） 佢地既炸豬扒係先用低溫慢煮豬肉，然後先再油炸，可以令到豬肉食落保持肉嫩多汁既狀態，外皮就食落酥脆😋炸蝦好大件好厚！炸蝦同炸豬柳都好好食！另外係炸豬扒上台前會奉上一份芝麻比客人自己磨，一路磨一路聞到陣芝麻香🤤磨好後加入豬扒醬可以用黎點豬扒食，勁香同炸豬排勁夾！  定食仲有包白飯同椰菜絲無限添加，同埋有泡菜同麵豉湯。  2⃣️吉列厚切里肌豬扒配冷蕎麥麵（$178） 店鋪主打炸豬扒，所以叫左炸豬柳之外，叫埋佢地既炸里肌豬扒食！兩款係食到唔同既特色，呢款就邊邊帶有啲筋同油脂位，食落更加重肉香👍一樣可以點豬扒醬食，另外仲有期間限定既紫薯醬，紫薯醬係帶微甜沙律醬既味道，幾特別都幾好食。冷蕎麥麵可以先單食，然後再試下將鵪鶉蛋、蔥、wasabi倒入冷面汁到沾麵食，好清爽！  3️⃣吉列芝士野菜豚肉卷（$62） 新品黎，炸豬扒中間係半融芝士，最特別係中間既野菜餡料，有啲甜椒同蔬菜，唔鍾意食椒既我都覺得非常可以🤩夾埋一齊食係好食

🦐🐷吉列大海老拼豬柳定食($228)豬柳同海老都炸得非常之脆，而且炸皮好薄，唔會食到好滯嘅感覺，首先豬柳非常之厚，不得不讚佢嘅醬料配搭得好好，一開始會比你磨碎啲芝麻，然後配埋豬扒醬食，非常惹味，其次仲有新出嘅紫薯醬，非常特別，冇諗過紫薯可以配豬柳！而且味道淡淡紫薯，唔會搶咗豬柳嘅味道👅椰菜絲仲可以任添加，加埋柚子醬食非常清新！海老亦都大大條，蝦肉好新鮮，而且仲有蟹膏，好邪惡😍🐂燒牛小排定食($168)牛小排燒得非常之香，燒汁配埋牛小排香濃嘅牛味非常，而且好惹味，牛小排上面審判好香嘅芝麻同埋軟硬適中嘅洋蔥絲，配白飯食一流！份量都唔少，而且大大塊，抵食🤤🥟日式煎餃子(4件) ($32)餃子煎得好香，咬落有肉汁，可以配埋醬汁一齊食，醬汁酸酸甜甜非常開胃，作為餐前小食一流👍🏻🐔長崎炸雞(3件)($48)炸雞外皮非常之薄脆，咬開雞肉中間係有肉汁，油香滿滿，而且雞件大大舊添！推介⭐️🍍菠蘿雪葩($88)原個菠蘿直接上，非常特別！連路人都停低問我係咩嚟🤣菠蘿入面裝滿菠蘿味嘅雪葩，冰涼感爆燈，啱晒食完炸嘢之後清新返晒！

黎到新都會廣場午餐，見到呢間豚勝新開，就入去試下！安排左卡位！坐得舒服！午餐點了-吉列厚切里肌豬扒配冷蕎麥麵 及 漬物！一黎到勁大份，豬扒真係好厚切！食落好鬆化，好味！不過食到到4 舊到開始滯，建議細食既可以叫半份😂冷蕎麥麵夠凍，配埋個汁好開胃！非常滿足既午餐🍱

來自日本的吉列豬扒專間店《豚勝》進軍葵芳啦😍 人氣必食單品非厚切吉列豬扒莫屬！‣ 吉列厚切里肌豬扒配冷蕎麥麵及漬物 ($158)作為餐廳的招牌一定不會失望！厚切的豬排肉質鮮嫩，中間還有淺淺的粉紅色外層金黃色的吉列皮炸的酥脆而不厚粉蕎麥麵的吃法也特別用冷面汁混和芥末和鵪鶉蛋、蔥花、蘿蔔茸吃起來別具風味，味道有層次👍🏻很貼心的是，可以選擇“輕盈”或者“標準”可以按照自己食量來選擇份量，不會浪費食物🍱‣ 咖喱吉列厚切里肌豬扒定食 ($128)咖哩是傳統的日式咖哩味，味道偏甜稍帶辣味吉列豬扒同樣炸得酥脆，這份剛好點了“輕盈”，份量對女生來說剛剛好😙*白飯+椰菜可以免費任吃喔～‣ 吉列大海老 (+$68)‣ 吉列珍寶廣島蠔 (+48)這隻蝦很大隻，蝦肉新鮮爽口，廣島蠔也新鮮，到海水味吉列酥脆的口感可以豐富味蕾！‣ 蟹籽沙律 (+$28)蟹籽+青瓜+沙律醬是不會出錯得搭配是個開胃小菜好選擇‣ 土佐豆腐 (+$32)表面很多木魚，豆腐是炸過的所以外層是香脆，中間軟滑‣ 靜岡綠茶可樂 (+$28)‣ 巨峰提子冰串梳打 (+$28)兩款飲品味道不錯，口感清爽解渴是夏日消暑的絕佳選擇🤣💭

新都會新開不久既日式餐廳，所以走咗入去試🐽🐽🐽餐廳環境很舒適，大多以木色為主。$178 吉列厚切里肌豬扒套餐（冷或熱烏冬/蕎麥麵）天氣熱嘅時候食冷烏冬，簡直爽到爆。食冷烏冬會有一杯冷湯汁，當中最特別是豚勝會配合一隻生鵪鶉蛋令湯汁更濃郁，再加磨碎了的芝麻一起吃，湯汁會更加香濃。今次選咗厚切里肌豬扒外脆表面，厚實嘅份量，絕對飽肚。但可能部位問題，比較少脂肪，相對地冇咁Juicy。解決方法可以配搭吸睛的沙律醬（粉紅色）或豬扒醬

在葵芳發現新開的豚肉主打日式料理，重點是第一日開業！招呼熱情，親切，禮貌講解。完餐之後，侍應主動詢問顧客食物意見。與朋友試了吉列大海佬配冷蕎麥面及西京燒比目魚定食，最後甜品食咗蘋果及菠蘿雪葩！食物水準及價格合理，雪葩是喜出望外嘅😍。