築地日本料理 (結志街) (Closed)

日式居酒屋分2層，牆上貼有動漫海報，播著日式音樂，真係好似去左日本🇯🇵咁😚叫左2個set lunch。2個餐都包滑蛋，麵鼓湯，以中環價來說，都算性價比高:✅天婦羅🍤定食 （$98）- 新鮮炸嘅天婦羅脆卜卜，炸粉5會太多，我最鍾意食係炸蝦，炸完都係咁鮮甜✅牛油果🥑角切魚生飯（$88） - 牛油果加入魚生飯係少少新奇，但又估唔到係咁夾喎👍🏻 魚生好新鮮，有好多種款式係入面值得一讚係2個set 餸同飯嘅份量都好多，男仔食都夠飽🙂

由於時間尚早，PMQ 啲舖都未開，於是行返落兩個街口搵嘢食先其實築地本身都未夠鐘開門不過店員好好，俾我哋入嚟坐住涼住冷氣先☺️#江戶前冷拉麵定食 🍜一見到係冷麵我就揀咗 (天氣真係熱到癲咗😂)佢配料唔算多，不過個汁酸酸地好醒胃麵質都好爽滑彈牙#銀鱈魚便當定食 🐟原本我都有諗過嗌，結果朋友嗌咗~銀鱈魚煎完啲魚油真係好香肥牛金菇就無咩特別btw 店內牆上貼滿日本動漫/電影嘅poster好多回憶呀 (#暴露年齡系列)

朋友喜歡日本料理，總會找一些性價比高的小店🎏 這間餐廳便是其中一間👅 餐廳貼滿動漫和日本電影的海報，播著音樂，充滿著輕鬆的氛圍🎐🎈▫️這裡的食物款式多，有不同的特色小食、揚物、燒物、刺身、手卷等，令人目不暇給‼️👀👀▫️❥$𝟵𝟴 蟹肉蟹膏海之卷🌯 包著牛油果🥑青瓜絲🥒的卷物鋪著蟹肉、蟹膏、蟹籽‼️ 🦀蟹肉的份量頗多，鮮甜無比‼️😚 再撒上白芝麻作點綴，很滋味‼️😻▫️❥$𝟭𝟬𝟴 鹽燒油甘魚鮫🔥 油甘魚鮫烤得香噴噴‼️ 魚皮香脆、魚肉嫩滑，還有油甘魚本身的油脂香‼️🤤 怕膩的朋友可以沾點蘿蔔泥的日式醬汁，酸酸的很喜歡‼️💋▫️❥$𝟱𝟬 日式煎餃子🥟 香脆的外表、肉汁飽滿的餡料，一口一隻很滿足‼️😋▫️❥$𝟱𝟬 鹽燒雞中翼🐥 金黃色的外表異常吸引‼️👅 雞皮香脆幾乎沒有多餘的油脂👍🏻 嫩滑的肉質，只用簡單的鹽燒已令菜式相當滋味‼️😻▫️❥$𝟯𝟲 日式炸豆腐🧈 熱乎乎的炸豆腐浸泡在醬汁中，外酥內軟‼️♨️ 加了辣味明太子及木魚絲，微辣咸香的味道和豆腐很搭‼️😋

最近先知道係上環有呢間築地日本料理 環境佈置都充滿和風氣息🏮 牆壁上貼滿日本動畫海報 播放著日本歌 令人不其然感覺好似置身於日本咁🥺今日去左食lunch 午市套餐好抵食 選擇都好多樣化 有刺身 牛 天婦羅 鰻魚等多個選擇🥰 我哋今次就試左秘醬牛油果角切刺身丼定食同築地一口和牛丼定食🤤 定食均配麵豉湯 秘醬牛油果角切刺身丼定食有多款刺身 例如三文魚 油甘魚 帆立貝等等👅 加左秘製醬汁 甜甜地真係幾好食👍🏻 牛油果同刺身味道好夾 加上青瓜粒同醃蘿蔔粒 多左酸酸甜甜味 口感好左又開胃左😋築地一口和牛丼定食既牛堆到一座小山丘咁高😻 仲有好多菇 醬汁調味唔錯 加上温泉蛋蛋汁好好送飯🤩 一口和牛牛味香濃 加埋蒜片食好正架🌟

聽朋友推介中環有間平民又好食嘅日本餐廳❤️呢度食午餐☺️身為牛魔王嘅我點都要試吓佢嘅一口牛粒丼定食🤩🤩🤩佢間餐廳格調好有日本風味🇯🇵都真係有少少似係日本🗾講返個定食先 會唔會真係太好食呀😋佢嘅和牛粒真係入口即溶好好味呀勁濃郁牛味，牛嘅油脂分布好平均😍唔會話有筋😄個醬汁同個珍珠米好夾😍係好有質素嘅牛肉粒！而且分量十足，呢個價錢來講真係性價比好高！！另外仲叫咗個火炙壽司拼盤🍣刺身都好新鮮 唔會話切到好薄咁☺️本身已經好鍾意食火炙壽司，而且呢度嘅拼盤種類都算幾足，全部都係我鍾意食嘅壽司種類！經過火炙左嘅壽司 令到刺身嘅油脂味出晒嚟😻上咗枱無耐我同朋友一人夾一件好快就清左盤🤣

日式串燒當然在居酒屋食最具風味，東京大眾酒場就是其中之選，樓頂的大燈籠，牆上的日系海報讓人彷如置身日本居酒屋。雖然店舖以關東煮作主打，但其串燒頗具日本風味，尤其推薦明太子雞肉串和不敗組合串燒煙肉廣島蠔，偏咸的明太子以雞肉作主料，可中和味道，而煙肉搭蕃茄則解膩，日式串燒配搭果然係適合下酒。店舖有各式日本酒、清酒、果物酒、燒酌及啤酒供應，想喝酒暢談可考慮。另外天婦羅也是必點，炸漿極簿，外皮炸得來，裡面也吃得出是真材實料❤️👍🏻👍🏻

今日慶祝新同事加入公司，老闆帶咗我地嚟間裝修得好有日本居酒屋風味嘅餐廳慶祝😋太開心啦～我地叫咗啤酒🍻另外一d小食。平時d送酒小食我都唔會特別講究。但係老闆叫咗個魷魚🦑真係一試難忘😻佢係真係成條魷魚上。另外啦佢燒到啱啱好魷魚肉係有彈性得來又林😍另外魷魚腳嗰度燒到脆卜卜😋😋😋依家諗返起都好想再食🤦‍♂️另外天婦羅都係呀！都係食咗之後會想再食🤦‍♂️佢炸粉好簿，最出色係佢個炸苦瓜😳對上一次食我喺沖繩食。從來都冇見過香港有得食，佢整得好好食！我下次會再帶朋友去試👍🏻

到日式餐廳或居酒屋，清酒煮蜆可謂必點大熱菜式，不過少少一鍋佐酒吃，兩啖食完實在掃興！這裡的清酒煮蜆就沒有這個問題。一大盆，份量非常多。清酒昆布大蜆煮，蜆隻隻都差不多大，加入了不少昆布，用清酒煮成，大蜆肉鮮又很香清酒味道，清酒汁清香又鮮，確實好味。另外我地點了一份天婦羅。再來海鮮食材之前，先吃兩款菜蔬。蕃薯天婦羅是幾考驗大家「吃熱」的能力，包裹在脆口的外層下的是香甜的日本蕃薯，不用任何添加已很美味。全晚最好吃的一道天婦羅就是蕃薯了，咬下去雖然是熱度十足，但鮮甜的菇汁是併發出來。加一點海鹽，更美味。

中環入面原來有間隱世居酒屋，環境好舒適🥰，呢度食物好多元化，味道又好味，最重要係價錢唔係貴，CP值超高😍 胡麻野菜冷豆腐冷豆腐好清甜，加上胡麻醬令豆腐更美味 蟹肉蟹膏海之卷🍣海之卷入面有蟹肉，入面有牛油果，再有蟹膏提升味道，加上蟹籽係卷物上面更吸引 日式煎餃子🥟香煎餃子，都可以保留餃子肉汁，加點點醬汁，更加帶出餃子香味 汁燒大葱雞肉🍡串燒大葱及雞肉，加秘製燒汁燒香，好滋味😘 串燒免治雞肉軟骨棒🍡雞肉免治混合軟骨後，串燒燒香好惹 鹽燒三文魚鰭🐟燒香後外皮香脆，入面三文魚鰭肉特別柔軟，魚油脂好多😋 日式冷烏冬🍜冷凍烏冬特別好爽口，再加上湯底醬料，令人有回味日本食烏冬嘅感覺

今日要黎中環做嘢，收工都肚餓啦，禁下電話睇下附近有咩好嘢食，見到呢間居酒屋係附近就去食，發現原來佢性價比超高。成間餐廳都貼滿了海報，好有特色，打卡一流。汁燒大葱雞肉 $46雞肉多汁嫩滑，平時我唔食大葱，估唔到食左一件咁好味，好香好甜，醬汁惹味。鹽燒三文魚鰭 $50燒得好香脆，三文魚油脂豐富。鰻魚飯卷 $82有心思，中開有牛油果，口感creamy，鰻魚香甜可口，加上有蟹籽增加口感，一啖食入口好正。日式煎餃子 $50餃子外脆內軟，隻隻餃子非常飽滿，沾上醬汁酸酸甜甜咁幾開胃。日式冷烏冬 $60烏冬煙韌彈牙，口感滑，湯底好入味，配料加左菠菜，木魚碎，紅蘿蔔。

今日同女朋友行街，諗住食埋飯先返屋企，所以就喺附近搵到呢間餐廳，食完之後我真係覺得我要寫一段食評俾佢！物超所值！勁好食！我同我女朋友叫咗築地二人前套餐，首先講吓刺身同壽司，刺身超正呀！厚身、夠新鮮，肉質超讚！我女朋友都話吞拿魚超正！而壽司，極度推介海膽壽司！海膽真係好好食，如果你係一個海膽愛好者，你一定抗拒唔到佢嘅誘惑！燒物呢，我個人最深刻係牛舌，首先佢係厚切嘅牛舌，好有咬口、同埋燒到啱啱好，肉汁鎖晒喺裏面，咬落去超好食！最後佢哋嚟咗個冷鳥冬，呢個烏冬作為結尾簡直係一流呀！佢呢個烏冬好有彈性，好有咬口！同埋佢係手打烏冬，果然同機械打嘅好大分別！呢間餐廳真係物超所值！好好食呀。

今天上班沒有帶午餐，便下去公司逛逛看看有沒有好餐廳。看見有一間裝修不錯的日本餐廳，而且價錢也很平民。我看到有一個壽司拼盤只是售價$94。是一個火炙8件壽司定食。在中環這個價錢真的算是便宜了。火炙壽司最重要是刺身的質素。想不到這個價錢刺身也非常新鮮。而且經過火炙後的壽司，魚的油脂和鮮味更突出了。一口把火炙壽司放進口中，油脂味洋溢着整個口腔。😍我一般都是慢慢地吃午餐，畢竟上班那麼累午餐都是慢慢享受的。可是真的太好吃我極速便吃完了整個午餐。😂

今日接老公收工食飯，近近地喺老公公司附近都食，之後先返屋企。所以我哋嚟咗呢間餐廳度食晚飯，我哋叫咗個築地二人前套餐，啲魚生好新鮮呀，顏色都好靚，好吸引，仲要佢係切好厚身，食落去好有口感，厚身嘅刺身真係冇得輸！尤其是帆立貝，好爽口啊！壽司方面，海膽壽司勁讚阿！好濃郁嘅海膽味道，海膽入口即溶，加埋啲壽司飯食落去，好正啊！而烏冬呢，係手打嘅烏冬，好有彈性，勁正！燒物方面，全部都好好食，燒到啱啱好，未到唔會太咸，唔會話好重味道，我一啖佢一啖好快就食晒啦！呢個價錢，甘好嘅質素，真係超值阿！

今日去左中環呢間「築地」居酒屋食日本野 地理位置幾隱蔽 有種唔係身處鬧市既感覺一入門口就見到好多海報痴滿牆身 相信動漫愛好者一定好鍾意🤣仲有隻好得意既柴犬坐鎮❤️Menu有好多小食/炸物/魚生選擇 不過今日主要叫熟食 價錢都係幾十蚊 日本野黎講真係算平📍炸日本紫薯入面好似仲有少少蕃薯 夠飽肚 配埋後面個酸酸地既梅醬 好夾！我之後都有用個梅醬點其他野食😂📍燒芝士日本年糕唔似平時放題食個啲芝士年糕入面有少少酸酸地似creamcheese更加開胃無咁濟📍燒三文魚鰭每次去居酒屋都會叫 呢度$50蚊有兩大舊燒得好香又夠油脂感📍燒雞中翼佢切開左黎燒 食起上嚟更方便 好香口📍冷烏冬烏冬好大份 個湯帶少少醬油香 淡淡地唔會怕太咸而且個賣相都幾有心思📍蟹籽沙律蟹籽份量超多 鋪滿晒成個面再加埋爽口嘅青瓜絲好開胃-呢到環境方便得黎夠隱蔽（中環or上環站行6-7分鐘），價錢又唔貴，食物多選擇，（好食小食/串燒）好啱三五知己黎飲酒吹水🎉

我同男朋友行行街發現已經好耐冇食過日本嘢啦，所以我哋就即刻上OpenRice睇吓邊度有好既日本餐廳。呢度好平真係好多喎。而且睇相裝修同埋食物嘅質素好似都幾靚幾高咁。一入到餐廳已經覺得裝修好靚，好似突然間去咗日本咁呀。我哋叫咗好多嘢食，刺身，串燒，壽司同埋仲有烏冬添啊。我覺得佢最出色係啲壽司，火炙壽司燒到啲刺身嘅魚油香出晒嚟。簡直食唔停口。而且其他壽司上面嘅刺身都超級新鮮。尤其是個海膽壽司。一般海膽壽司如果唔係勁靚嘅話我都會覺得有啲腥臭味。但係佢呢度冇喎我仲食咗多兩件。佢嘅海膽真係勁大嚿又creamy 又新鮮！😍😍😋