十二味 (西菁街) (Closed)

知道四點幾既時間會有餐廳打烊，我入去之前已經問左係咪休息緊 打烊未，幾個店員都話無休息，但入面環境係有員工食緊飯，佢話無打烊就入去order啦，order完等左20分鐘，期間都無店員埋黎講啲咩，各有各hea，等到瞓着忍唔信問佢，原來話廚房要5點先開爐 師傅食飯，個時先4:59分，我地等既期間都有外賣訂單同樣一齊等，真係得返一分鐘都唔等即刻走人真係嬲嬲嬲嬲嬲嬲嬲嬲嬲嬲嬲嬲嬲嬲嬲嬲嬲嬲嬲嬲嬲嬲湊字數負皮！

朋友，一齊嚟啲文青所謂嘅“food for thought”就算喇，我哋今日嘅主角係十二味，一間四川人都讚口不絕嘅館子！食完佢哋家嘅酸菜魚，我只可以話，泥嘴嗌靚啲！🐟 開胃嘅酸酸地同一抹微麻唔係蓋嘅，雖然湯汁有啲咸，不過咸中帶鮮，嗲到不得了。嗱，再嚟點武隆尖椒雞，尖椒跳晒出嚟，滿口都係椒香，真係得喎～但係油多咗少少，要控油手勢要加強。食青菜又點少得啲四季豆，呢度嘅乾偏四季豆就算啦，欖菜肉鬆搭面，簡直係靚絕！🌱 杏仁青檸蝦球我就要讚聲，蝦仁刁晒出嚟，又酥又香，啖啖肉，唔係講笑，係真嘅好料啊。哦，忘記咗提，個大盆花菜都好過癮，都話了得嘅唔止臉蛋，味道正！最後話你知，甜品我叫咗個紅糖糍粑，呢個才叫一絕嘅收尾！🍮 脆脆糍粑包住煙煙韌韌嘅內裡，啱晒我對甜品嘅邪惡小要求，嗌得啲，嚟，食過先！係呢，唔使說咁多，喺十二味，每一口都係紮紮實實嘅四川風情。勁過啲高高在上嘅食評，直接兩字——實評！

大爺，等左成個鐘先取消我張訂單噁唔噁心左啲？唔理你幾出名，咁既態度做生意唔會再幫襯囉雖然上面已經有人留言用app落單自取居然去到先出單又要等好耐，諗住外送唔會咁差掛，呵，點知都係一樣，app寫70-80分鐘送到，都算啦照等，6點56分落單，8點00無啦啦黎取消，乜解釋都冇，大牌到以為你賣緊黃金添~唔想做外賣生意就唔好擺自己間店上app喇，一係你一開始就取消張單，等左成個鐘先黎取消，唔休做所以玩嘢呀！？

喺附近睇開醫生肚餓搵嘢食，見到呢間舖頭面積夠大，午餐價錢都係$70樓下，勉強接受到啦，本來以為所有嘢都係辣，但係竟然酸菜魚可以揀唔辣，$68淨係包檸檬茶，心諗希望唔好俾人搵笨，點知上菜嘅時候果盤酸菜魚三個人食應該都冇問題，無論魚同埋酸菜仲有湯份量都好多，我見到有啲阿媽帶兩個細路下一個午餐加兩個飯都搞掂，我最後要比多兩蚊打包，因為真係食唔晒…味道方面，黑魚質地我覺得都OK嘅，唔係太過份亦都唔會散晒，佢係有少少炸咗嘅蒜頭擺喺面度，不過我嫌佢落多咗油…連埋外賣盒買單$70～店舖非常寬敞，另外去洗手間要小心，因為佢條路中間凸咗起身，好容易撠親😓

十二味川菜精選我至愛嘅肉碎炒四季豆川味回鍋肉夫妻肺片鍾意食川味 愛辣嘅朋友，一定要試每碟菜都比較大大啲 食唔晒，可以帶返屋企繼續享受家鄉風味四川味道淋漓盡致尋找家鄉的故事🫶🏻

一入到黎，就聞到好大陣麻辣味涼拌土豆絲（小辣）， 好爽脆，又酸又辣，我覺得好好食。我試過係屋企整，好難拿捏薯仔既軟硬程度口水雞（小辣），d雞唔’梅’ ，但我覺得好辣，十分濃味，辣油很多，食左一舊都唔想食第二舊涼拌木耳（小辣） ，唔知係咪之前個d太辣，呢碟唔覺得辣。食左一舊既後勁係有d苦，都唔知係咪落得太多味精三至四人份既酸菜魚加粉條(小辣)，實物係勁大個盤，會嚇親，麻多過辣，辣而不嗆喉，魚滑，粉條係寛扁透明個隻。愈食愈口渴，愈食愈麻，個人唔太享受食既過程清炒萵筍絲，我最中意呢碟，食得咁多辣，食d青菜好似得到解脫

我同朋友仔真係好鍾意食酸菜魚，十二味嘅酸菜魚好有水準！魚肉嫩滑冇腥味，配菜都好多，薯粉、金菇入晒味酸辣適中，非常開胃，送飯一流！鍾意食酸菜魚嘅朋友，一定唔好放過！必食！

係元朗附近返工所以成日要搵午餐食之前都食過十二味嘅外賣 都好大兜 分量超足今次學生放假 可以唔使趕返去 咁就慢慢食啦之前係其他店食酸菜魚，配料又少又唔夠酸十二味個碟真係好大感覺2人食都夠做其實同場仲有個牛肉鍋唔辣嘅，但冇影到相，佢啲鍋全部都好香，辣個陣已經好鍾意，覺得又香又辣，唔辣原本驚冇咁好食，但估唔到佢啲醬一樣咁好食。個鍋嘅精髓真係啲蓮藕片，吸到啲醬嘅味，又香又爽，我原本唔係咁鍾意食蓮藕嘅人都食到唔停

呢排家人鐘意上川菜，過去2日都分別幫襯唔同的餐廳。今日經外賣平台見到十二味有優惠，就決定試下，收到外賣先發現原來份量都幾多：- 川香回鍋肉套餐 - 回鍋肉夠惹味，伴飯一流- 大盆花菜套餐 - 椰菜花好味，加埋有啲豬肉而且份量都多- 乾煸四季豆 - 同平時食的有小小唔同，都幾惹味- 極品麻婆豆腐 - 相對較為普通，並無特別，幾樣菜式中反而麻麻- 跟套餐配菜酸辣木耳 - OK而且份量都算多整體食物美味，小辣的程度對我同家人來講啱啱好。

之前試過另外2間分店，感覺元朗分店辣味比較香。因為仲要返工，所以通常lunch揀小辣，過足辣癮又未至於腸胃唔舒服。最抵讚，熱情果梳打同酸梅湯都大大杯，差唔多1 pint啤酒咁大杯，食完辣菜解渴好爽。🍻香鍋午餐套餐性價最高，之前試過雞翼，腸，還是最鍾意牛肉麻辣香鍋，配菜好足料，有薯絲，木耳，蓮藕，油麥菜底，lunch分量算足夠食量。四季豆屬正常發揮，一個肉類一個菜，配送白飯好適合。每星期最少一日lunch選擇之一。😋😋

川菜又香又麻辣，而且好多變化，今次試下網推餐廳之一既十二味。人見人愛酸菜魚（粉條）$226 少辣鱸魚幾滑少骨，酸味同麻辣味都做得幾balance，但湯汁偏咸，食完要飲好多水，配菜有萵筍、炸雞脾菇、寬粉，酸菜。整體份偏少，魚肉只有十片左右，配菜份量亦唔多。武隆尖椒雞$103 少辣大量尖椒、蓮藕粒同炸雞粒一齊煮，鑊氣十足，味道幾香辣，餸飯唔錯🤤略嫌太多油。乾偏四季豆$68 少辣少少鑊氣，炒得幾乾身炒油，欖菜肉鬆夾埋四季豆一齊食，味道咸香。杏仁青檸蝦球$158好味推薦👍🏻蝦球粉漿幾薄，炸至外層酥脆，加埋脆卜卜杏仁片同醬汁一齊食，酸酸甜甜幾開胃，火候控制得幾好，蝦肉唔會過老，仍然爽口彈牙，味道唔錯。大盆花菜$78 唔辣味道適中，唔會太咸太油，肉片咸香，味道唔錯。紅糖糍粑$48 叫起好味推薦👍🏻糍粑外層好脆好香，咬落夠熱又煙韌😋配埋少少黃豆粉同紅糖漿食，少少邪惡🤤好味：4/5環境：3/5客服：3.5/5

之前喺荃灣都有食過十二味，佢嘅乾鍋真係好出色，又足料性價比又高。所以今日收工又想去元朗嗰間回味下。大概七點左右去到，唔使等位。環境都好寬敞，冷氣夠凍，但係張凳都好污糟下，應該係上一手食客倒瀉咗啲嘢係張凳度🫣，侍應見唔到，咁就自己處理啦。終於可以坐低點餐，我哋兩個人都唔係太肚餓所以淨係叫咗一個乾鍋，香辣底再加五餸，有鵪鶉蛋，牛舌，嫩牛肉，土豆，寬粉。乾鍋嚟到即刻試吓土豆，見到好多辣椒好多香料，以為一定好重口味啦，點知一啲味都冇😑上次喺荃灣食嗰間係勁好食㗎🫠嚟到元朗依間好失望，再試下啲牛肉，全部過老，又柴又硬，最好食有味既就係啲寬粉。無可厚非係非常足料，全部份量都對得住價錢，但係未到真係好麻麻。希望下次會有所改善。

因為我真係好鍾意食酸菜魚嘅關係上網睇完屋企附近有邊間酸菜魚好味之後今日family dinner 果斷book位食12味again 今次因為同屋企人食嘅關係人多就可以試多少少嘢一坐低首先就叫咗酸菜魚先另外仲叫咗口水雞都唔差不過我哋就冇影到相之後就揀咗麻辣香鍋右面有萵筍、肥腸、豬頸肉、蝦最後見到舖頭關於小龍蝦嘅宣傳所以都叫左黎試吓我覺得小龍蝦下次可以唔使試十二味最好食都係酸菜魚我個人認為午餐食會比較抵晚市真係貴今日嘅晚餐食咗差唔多$1000

中午搵個地方食午飯，路過這邊，這十二味新開後未試過，一於試試，要掃碼睇餐牌，最憎就係而家咁要左掃右掃，不過今時今日算啦，點左個招牌酸菜魚餐，配埋一碗飯，加杯野飲，$68 不過不失，碗魚來到，好大碗，係隻碗好大碗，魚都好食的，夠滑又冇骨，正，但係魚既份量就少左D, 我覺得唔多夠，但整體係好食的，地方好坐冷氣凍.服務方面就無所謂什麼服務了，因掃碼點菜，服務員都只係上菜及埋單收錢，都正正常常，好在不用加一服務費，因為都冇服務到什麼.

下午2點3個人去食，唔算多人，吉位都幾多，落左兩個午餐套餐，等左15分鐘左右就上枱，見到大大份都幾驚喜，有個朋友比較細食，所以決定只叫多一碟小菜，三個人一齊share食！都好夠飽！今次我地都比較細食，所以試唔到多啲野，下次我一定會再尼試其他野食🤗因為今次試既野食都好滿意！不過就略為覺得間舖既燈光好暗，如果可以光番d就好啦～另外服務都還好，一見到你行入去即刻出尼招呼，不過就只係同你講三個人可以坐卡位位置，然後幾個姐姐都冇帶你埋位，我都係自己望左陣先知卡位係邊，自己行去坐低，可能佢想我自己揀位呱🤔不過整體上都係滿意既。