廿一前 (Closed)

天氣漸涼，放工後，同兩位同事到荃灣市中心找好嘢食，朋友推介到眾安街55號大鴻輝中心21樓的廿一前，食「火鍋放題」。其實火鍋放題我吃過不少，大多數都是吃下肉丸，肥牛及蔬菜，同埋好似放題嘅質素都麻麻地，但既然朋友強烈推介呢間餐廳，咁就不妨一試啦。一坐低仲有刺身拼盤同埋海鮮送添進入餐廳後發覺有點像酒店自助餐廳，職員有禮貌地為我們量體溫及帶領入座，本想選擇靠窗的位置，可以欣賞荃灣夜景，但遲來一步，已坐滿，不過我們的座位也非常舒適，唔會好迫。職員好耐心介紹菜單及湯底，最後我們加錢，點了一個鴛鴦鍋(龍蝦湯和黑松露牛乳湯)。當熱騰騰的湯滾起，龍蝦味及牛乳味散發四周，頓時食慾大增。當我用湯羹嘗試一下湯底時，發覺非常美味！就咁飲都得哈哈除左有出名好味的海鮮之外, 就係最好食就係串燒, 出面食既逐樣計個價都係度!!

一個價錢又打邊爐，又有刺身，又有海鮮拼盤，又有生蝦，又有串燒，仲有大量火煱配料可以係邊搵，咪就係荃灣大鴻輝 21樓的“廿一前”囉，住荃灣咁耐近排見多人提起，拿拿聲book 來同堂家姐來食啦！因為之前我地食左一間超級麻麻的餐廳覺得要食返餐豐富嘅來 彌補上次慶祝的不足。我一個人上來先行取位，一早叫好哂食物等家姐來到即該有得食， 櫻花龍蝦湯😃＋養生花膠雞湯😍⚛ 泰式生蝦刺身 ～ 夠哂新鮮又爽口配上辣汁一流。⚛ 三文魚，希靈魚，左口魚裙邊，赤貝，北寄貝，蠑螺片 ～ 新鮮的刺身⚛ 海鮮拼盤 ～ 蟶子肉，墨魚，盲曹魚片，虎蝦， 我放哂去龍蝦湯那邊，鮮甜到暈！⚛ 外邊的冷盤有凍蝦，青口，蜆肉，我和家姐太喜歡個龍蝦湯底，所以呢d 全放哂入去打邊爐🤣 吸哂龍蝦湯，鮮上加鮮。⚛ 串燒和炸物 ～ 種類真係好多，仲要可以每串唔同口味，醬燒，鹽燒和孜然燒， 露筍豬腩肉，金菇肥牛， 多春魚，炸蝦， 好入味。⚛ 火煱配料都多選擇，每樣拎DD 已經足夠，始終兩個女仔唔食得太多野， 加上佢有肥牛， 雞肉和豬肉。⚛ 食得超飽後，緊係要食返dd 甜品先完美嘅， 夾左幾款甜品，再加一杯雪糕，飽到暈。

每次去荃灣，幾乎都會去大鴻輝食飯，樓下收到傳單，有火鍋同串燒任食，見未試過就上去試下先量體溫後先能入座外面自助火鍋食材有不少選擇 蔬菜，丸類醬料區，沙律區，雪糕區等等想不到更有青口 蝦等小食更有朋友最愛的芝士拼盤套餐入面已包括刺身拼盤 海鮮拼盤 和泰式生蝦最特別泰式生蝦，記得沾點蘸汁湯底有不少選擇我們點了花膠雞跟黑松露牛乳湯花膠雞料多實在，湯頭清甜黑松露湯底裡面沒有配料，很香口，配海鮮跟蔬菜一流先送上牛肉，牛肉，雞肉味道不錯，吃完都可以再refill另外炸物 炸串 串燒都可以任點任食串燒更有三種味道可揀醬燒，鹽燒，味增燒即點即燒，選擇多，蘆筍腩肉卷，金菇肥牛卷，多春魚最後我地主攻串燒，雖然說是任食，但質素絕對不差朋友已約下星期再訪！

朋友曾經介紹過呢間喺頂樓嘅餐廳，話好抵食，今日喺荃灣，就特登上去試吓😆呢度係一間半自助火鍋餐廳，大部份食材、飲品、調味料自己出去攞，部份肉類同食物就請服務員落單😁叫咗$128嘅120分鐘任食，包新鮮刺身拼盤一客（三文魚、左口魚裙邊、希靈魚、赤貝、北寄貝、蠑螺片）、泰式生蝦配秘製醬汁、海鮮拼盤一客（蟶子、墨魚，盲曹魚片、虎蝦），仲可以揀清湯、番茄湯、泡菜湯等等嘅湯唔使加錢，呢啲全部都係由店員拿到桌上；我就揀咗藥膳肉骨茶湯底，要另加$78😁呢度食火鍋仲包埋不同類型嘅炸串、炸物、同埋串燒，而串燒又有醬燒、鹽燒、孜然燒，真係超多選擇😆我都未試晒所有食物，就已經飽飽😋😆。一定要提吓我嘅肉骨茶湯底，非常濃郁美味，做湯底好正，食材加入去灼熟之後就已經幾好味😋如果揀90分鐘任食，更加只係需要$98（咁就唔包刺身拼盤），真係非常抵食，用某國嘅講法：性價比好高😁😆。仲有，呢度嘅店員姐姐服務好好，抵讚👍

依家火鍋放題愈出愈多但集刺身、串燒、炸物、海鮮於一身既火鍋放題真係城中罕見而且仲有芝士、cold cut、水果、甜品任飲任食真係唔怕你大食最怕你試唔曬咁多款😜.點好湯底隨即送上刺身船及泰式生蝦刺身為開胃前菜 刺身新鮮爽甜而生蝦配上香辣醬汁夠曬醒胃.火鍋湯底超多選擇而且可以揀鴛鴦湯底今次揀左黑松露牛乳湯拼櫻花龍蝦湯冇花冇假 真係有大大塊黑松露片晌鍋入面十足十黑松露忌廉湯咁creamy用黎烚海鮮真係超夾.櫻花龍蝦湯似足一幻既蝦湯超香蝦味🦐 用黎烚響玲真係無得輸索曬d蝦湯勁鮮甜.除左肥牛、豬肉片同雞肉可以任點之外廿一前最最最令人喜出望外既係有大阪名物炸串食🍢所有炸物都係即點即炸 保證熱辣辣.行多幾步更有自助吧俾你夾海鮮冷盤、cold cut、cheese🧀、沙律🥗更有幾十款火鍋配料俾你揀.飯後甜品都唔輸蝕大大個甜品凍櫃有齊各款口味蛋糕亦有自助軟雪糕機可以親手整杯加大版雪糕俾自己😆今次真係唔知又重幾多磅

今日同媽咪出左荃灣買野 難得兩個人 走去試下大鴻輝中心既美食 上左廿一前再歎下！必定要讚下果到既員工 服務態度非常好！令人好舒適🤗佢地種介紹左個新湯底 玫瑰牛奶湯底 滾起係好香玫瑰味 飲落湯底好濃既奶味！中意飲奶既一定要試下！另外 今日係中午黎食 都一樣好多野食 先係兩人份既海鮮用刺身 食材一貫作風都係好新鮮!連呀媽都讚好呀！😻

好耐無食火鍋放題，荃灣大鴻輝又有新火鍋店，套餐百令蚊一啲都唔貴上度去地方寛落，唔洗等位，一入去就聞到黑松露味道擇左個鴛鴦湯底黑松露牛乳湯同蕃茄湯底黑松露牛乳湯真係勁香🤤一上枱可以當忌廉湯飲，之後店員會幫你加牛乳，依個湯滾菜就一流👏🏻小編推介滾冬菇同薯粉一定要食蕃茄湯有好多蕃茄粒，用黎滾肉食就岩曬，可以自己加粟米勁甜出面取食物區食材乾淨整潔區域劃分合理有丸子，蔬菜，海鮮，冷盤，沙律，比較特別有Parma Ham同芝士刺身船有三文魚、左口魚裙邊、希靈魚、北寄貝、螺肉、點解無蝦😖海鮮拼盤最推薦蝦👍🏻👍🏻泰式生蝦有水準，解凍夠，新鮮👍🏻肉類豬肉爽口無𥻗肥牛夠滑身，厚薄適中雞肉嫩滑炸物、串燒比較少放題會做串燒、串燒炸物即叫即做，推介露荀腩肉👍🏻整體來講百零蚊一個餐都幾抵食小編食個餐都已經飽咗😂

好鍾意黎大鴻輝食野，上上下下啲餐廳都差唔多食過啦，今次黎試下廿一前先，除左打邊爐，好似仲有好多野食咁喎。入座後先湯底，揀左甜豉油同麻辣鴛鴦鍋，鴛鴦鍋唔使加錢，但麻辣湯要，哈哈，咁奇怪嘅，不過出黎食野預左啦。講返個湯底，甜豉油幾啱口味，無過甜。麻辣湯正，少麻少辣好啱我，打到尾都無過鹹同爆油，正喎。入座會送人頭份量嘅刺身，泰式生蝦，同是日海鮮。三樣都唔錯好新鮮，泰式生蝦又其正，個辣汁好好味。火鍋料除左店內自助櫃任食外，仲有肥牛片（本圖），雞肉（上圖）同豬肉片（唔記得影……）。個人偏愛肥牛，牛質素唔錯，半肥瘦入口嫩滑，配上麻辣湯勁正。自助區有風乾火腿同芝士，有驚喜喎，無諗過火鍋店有呢啲食，仲幾好味添，芝士正呀！仲有冷盤嘅海鮮，自己就無試啦，朋友話幾新鮮無雪味，唔錯喎。炸物系列，有洋蔥圈呀～仲有串燒呢～店員提醒要廿十分鐘左右，建議落左單先打邊爐。再攞盤菜沙律食下先，咁就唔怕淨係掛住食肉啦。蔬菜區居然有花生苗食，呢個香港少見呀，食落係有花生味嘅大條芽菜，哈哈，好得意～甜品有蛋糕仔同水果，個人勁愛甜，先來試哂咁多款先，咖啡蛋糕好正，抹茶紅豆杯仔都好好味，其他都唔差㗎，軟綿綿又濕潤，放題店黎講合格有

放工返到荃灣千色店買少少野，買完正好合會了老弟放工，於是即興黎食火鍋。來到火鍋放題集中地大鴻輝商場，我看了看水牌，今日注定是串燒火鍋放題的廿一堂。廿一堂就是在廿一樓，餐廳比起樓下的稍細，因為這層有部份劃分了辦公室。我們選了$198的任食套餐，前菜和自助餐區的食物都可以任點任食，湯底選了櫻花龍蝦湯拼麻辣湯底。一坐低食物轉頭就上，先來的是泰式生蝦刺身或刺身拼盤，然後就是海鮮和主角肉類。海鮮拼盤的蠔、蝦、魷魚、帶子都飽滿，睇得出的肥美新鮮。趁這中間空檔，湯底未滾起，我地正好可以出去自助區拎食物。想不到有驚喜，竟然有Parma ham、芝士，仲有凍海鮮，青口、凍蝦、蜆都大大隻，貨色絕不欺場！我去buffet都係主攻呢幾樣，呢度竟然滿足了我小小的癮，好正！另外還有各款丸類、腸仔、豬紅、蔬菜、麵食等都擺放得好企理整齊，款式都好足夠。除此之外仲有個沙律吧，可以自己混醬整沙律，邊爐放題黎講，真係新鮮感十足。拎完食物正好湯底都起了，跟餐的刺身小食都黎齊，可以好好開動。櫻花蝦湯底的龍蝦味好夠，直接飲都食到粒粒櫻花蝦，飲落同西餐廳的餐湯一模一樣咁鮮甜。先講肉，這裏的肉比我想像中的好，以$198任食的價錢，肉

大鴻輝中心一向出名係打邊爐之塔，想打邊爐嚟呢度就一定冇錯，今次我哋就上咗21樓試吓呢一間新開嘅火鍋餐廳，呢間餐廳最吸引我哋嘅就係佢嘅湯底，佢嘅湯底非常之有特色，選擇都幾多。我哋就叫咗鴛鴦湯底，分別叫咗養生花膠雞湯同埋櫻花龍蝦湯，湯底一嚟到就已經非常震撼，滿滿嘅花膠、蟲草，淨係湯底嘅配料都有排食。除此之外，呢度除咗打邊爐，仲會送泰式生蝦、刺身拼盤等等，亦都有芝士、巴馬火腿、冷盤海鮮等等，前菜非常豐富。泰式生蝦配上秘製嘅醬汁，酸酸辣辣，非常惹味。刺身拼盤都有好多款魚生除咗有得打邊爐之外，仲有串燒、炸物可以叫，串燒質素都非常唔錯，叫多幾次都番本。炸物全部新鮮熱辣辣，夠香夠脆。火鍋配料大部份都係喺出邊自己拎，而牛肉、海鮮類就可以向店員落單。牛肉質素都唔錯，肥瘦適中。

工作做個不停，收咗工真心想揾個地方食餐好嘅，於是約埋兩個死黨到荃灣市中心，係沙咀道與眾安街交界集合。朋友介紹不如近近地到旁邊嘅大鴻輝中心21樓廿一前食「火鍋放題」。到達餐廳時已八點，餐廳入面地方寬敞，燈光柔和，入座率幾乎有九成，由於第一次到此吃晚餐，給我的印象是整齊清潔企理！服務員禮貌地介紹菜式及湯底，朋友話上次她吃的是黑松露牛乳湯，覺得超好味。而另一位鐘情於櫻花龍蝦湯，所以我們加錢要了一個鴛鴦鍋湯底，咁難得來到一於食大啲，食好啲。我中午只吃了份三明治，所以兩種湯底一到，剛滾起，我就俾濃郁的香味吸引，食指大動，服務員很快送上刺身拼盤（放在小木船上）非常別緻，還有泰式生蝦，由於我地太肚餓，不到三分鐘已被我們掃清，還有冰鎮海鮮拼盤，有鮮蝦，帶子，生蠔及魷魚，每樣食材都很新鮮放題嘅食物款式好多，炸物串燒蔬菜丸類 應有盡有，特別欣賞餐廳店員細心講解，難怪客似雲來，已經同朋友約好了下次再嚟食過！

星期六中午同屋企人去左荃灣試左呢間新的火鍋店呢間火鍋店係大鴻輝21樓一出lift 要轉右先見到間餐廳餐廳裝修唔錯 坐位都好闊 而且窗邊卡位的照觀唔錯如果想一人一鍋就可以坐中間卡位我哋一行3人選左最平的$98/90分鐘任食$98 呢個選項有任食牛肉，豬肉同雞肉而且每人仲有一客免費刺身同海鮮湯底呢到有好多唔同的選擇 不過比較特別的係需要另外加錢咁我哋就選左基本湯底的蕃茄湯湯底大約落單後10分鐘嚟到湯入面有好多蕃茄粒 味道唔會太酸或太咸 唔錯想個湯好味啲可以去吧台拎啲粟米 同 冬瓜等等蔬菜落去一齊煲湯底嚟左後 店員即刻上免費的刺身同海鮮刺身方面有：三文魚 - 味道同一般放題的差唔多左口魚裙邊 - 冇咩味 但勝左口感不差希靈魚 - 正常赤貝 - 好爽脆 好鮮甜北寄貝 - 都有甜味 不錯蠑螺片 - 鮮甜 好食海鮮方面：虎蝦 - 好大隻 爽口 唔錯盲曹魚片 - 爽口 不過冇咩魚味 正常墨魚 - 正常整來餐牌寫有埋蟶子的 不過我哋呢碟沒有 可能冇貨掛整體免費海鮮同刺身都超出預期如果大家想任食呢2款可以加$128升級任食到任食的肉類：牛肉 - 望落幾靚 唔會話好似一般火鍋放題見到果啲好肥的 但可能因為

今年的秋天，天氣起伏不定，最高溫度竟達至 30度，是夏是秋？真的分不清...... 不過，入秋總添上幾分涼意，尤其入夜後，秋意更濃，忽然很想吃一個暖粒粒的火鍋。說到火鍋，無論價格還是質素，坊間的店子可謂相當參差，有時，真不知道怎樣選擇。最近發現，後久沒有踏足的荃灣大鴻輝，原來廿一樓開設了一家名為《廿一前》的日式火鍋。價錢方面，晚市 HK$198 可享用 120分鐘，相當吸睛，值得深入了解一下！食火鍋，第一時間當然要揀選個湯底，這裡湯底選擇也不少，這夜我們加錢點選了特式鴛鴦湯底，「櫻花龍蝦湯」併「養生花膠雞湯」。櫻花龍蝦湯底滿佈了不少櫻花蝦，味道相當鮮甜，蝦味濃郁，猶如來到西餐廳享用一客龍蝦湯般滋味！不但適合用來灼海鮮，原來用來灼肥牛也相當味美。養生花膠雞湯就更為吸睛，甫上桌看見鍋內滿載著花膠、雞、豆腐、蕃茄、蟲草花...... 等，看得見的滋補養顏，而且味道亦相當清甜。每枱會件奉送一客「泰國生蝦」及「刺身併盤」。「泰國生蝦」相當鮮味，蘸一點秘製醬汁，酸酸辣辣的充滿泰式風味。「刺身併盤」的刺身款式也不少，當中還有我喜愛的三文魚及北寄貝，款款冰凍又新鮮，雖然不可添食，但已叫人相當滿足！「海

放工後同朋友想輕鬆打個邊爐就嚟左呢度。餐廳於入口會先量體溫，再安排入座。總體嚟講呢到嘅環境乾淨企理，坐得舒服，我地坐窗邊仲可以欣賞到21樓望落去嘅荃灣夜景。是夜，我地嘅火鍋套餐包埋刺身拼盤、海鮮拼盤同埋泰式生蝦，仲有串燒，炸物，甜品，飲品，好多選擇！我地都食得好盡興。刺身拼盤新鮮，刺身較為厚切，每片都有一定厚度，比較特別嘅有左口魚裙邊，因為通常送嘅刺身都無呢款，幾有驚喜！另外赤貝夠新鮮，唔點鼓油就咁食會更鮮美更正！泰式生蝦同平時喺泰國餐廳食到嘅水準差不多，肉質爽甜，醬汁酸酸辣辣好開胃。海鮮拼盤嘅蝦好大隻，肉質結實又彈牙，其餘海鮮都好有鮮味。一開始打邊爐，店員會首先送上兩碟牛肉、一碟豬肉同一碟滑雞，一次過試哂豬牛雞先！最正係碟雞，就算淥耐左都仲係咁滑。至於其他火鍋配料就可以喺自助區自己拎，除咗多款丸類同蔬菜，個人覺得最值得試嘅就係芥末沙律球同娃娃菜，連我鐘意嘅秋葵都有，不過就唔知係咪個個啱食。湯底方面，我地點咗黑松露牛乳同黑蒜油湯底，前者強烈推薦！點解咁講？因為啲肉同娃娃菜滾完攞上黎係沾滿哂濃濃既黑松露牛乳湯架！配埋娃娃菜簡直係perfect，連同行自稱麻麻地黑松露嘅朋友食過都讚不絕口！