廿一由八 (Closed)

呢間cafe 係除咗食之外，隔離係做木工傢私，間唔中都會轉menu,原本我嚟係好想食軟殼蟹意粉但今次冇😭 1.Pear Cake $50幾 🔟/10呢個蛋糕係熱咗俾我食,除咗佢有少許碎之外，最令我驚喜係有啲梨汁同梨係入面所以食落去口感幾豐富❤️-2.黑毛豬鷹咀豆杏桃牛油果醬饀餅$118 🔟/10入面其實重有芝士拉絲🤤沙律醬好夾同埋真係好好食🤤原本我呢啲唔太prefer食呢種野嘅人都覺得出奇地好食！-3.黑松露奶油扁意粉配溫泉蛋 $118 🔟/10好好食+好入味😂真係唔知點形容但比我相像中好！-4.Peach tea +$25 🔟/10呢個茶同平時飲開嘅peach tea 好唔同，唔會死甜，反而好濃嘅桃味😍一啲都唔假！值得飲！-5.Dirty $38My mum order 嘅。由於我唔飲咖啡所以唔知個味係點😂👀-Twenty One From Eight (Kwun Tong)11/F, Pang Kwong Building, 59 Hung To Road, Kwun Tong

一直都想去一趟 「廿一由八」，平日放工會途經觀塘，不過店家平日實在太早關門了，假日就不想特別返回觀塘，故一直無緣。 難得住香港仔的朋友主動提議，正合我心意，約好十二點準時衝擊！三文魚蕃薯餅味道豐富，係一道幾特色的小食。而沙律同黑松露意粉味道就比較一般，特別是意粉，黑松露味較淡。同朋友吹完一輪水，再order埋假日限定嘅 tiramisu同香梨吉士蛋糕作ending 。我同朋友都覺tiramisu 嘅芝士有一陣奶騷味，實在唔太識欣賞。不過，香梨吉士蛋糕口感鬆軟、味道天然，絕對可以一試。比大量本地製作嘅木製品包圍住，一邊傾計，覺得簡約生活x生活品味，不需要靠XX良品去打造 ，本地設計亦是不錯的選擇。

星期六的中午，觀塘工商區滿是短周下班的人潮，從不同的地方湧向地鐵站。而我，和我老公，就像兩條逆流而上的三文魚，衝着擠迫的人群，行入裝修中地盤一樣的工廈，去今天午餐的地方，廿一由八。一推開門，就忽然去了另一個寧靜的世界。飄來一陣輕輕的木材味，提醒了大家這裏除了是餐廳，也是手作木傢具的工作室。中午剛開市，人不多，耳邊只聽到溫柔的音樂，說話也會不自覺地壓低聲浪。坐在很有質感的木椅上，喝口水，精神就放鬆下來，也開始感到餓了。午餐是包括飲品和前菜沙律。飲品我要了蜜桃茶，這是要加$25，但清香的水蜜桃味是物有所值的。老公要了普通咖啡，味道也就普通啦。前菜的沙律菜算新鮮，生菜加車厘茄加粟米加黑醋汁，也是意料之中的味道。主菜我要了黑松露奶油意粉配温泉蛋。趁熱把溫泉蛋拌入意粉裏，替黑松露的香氣添了豐腴的口感，但又不會覺得肥膩。因為配料有百里香和白色小粒的芝士（忘了問是哪種），帶點酸味加上清新的香草平衡了整件事。最後以松子鬆脆的口感和果仁的味道結尾，十分完滿。老公選了黑毛豬鷹咀豆杏桃牛油果醬饀餅。炆淋了的黑毛豬拌入豆蓉和杏桃牛油果醬裏，夾在簿脆般的餅中間。杏桃的酸甜帶出黑毛豬肉的香，同時減了油膩感。而豆蓉

難得今天是假期，於是便相約了好朋友到觀塘的咖啡廳聚會。在OpenRice上搜尋了一下，發現這家廿一由八的Cafe環境很特別，而且還有木工workshop，於是我們決定上來坐坐。從其他食評上得知， 廿一由八咖啡館的名字是黃字拆開而成的。他的位置在鴻圖道，從地鐵站走過去也需要大概10分鐘的時間。因為這家咖啡館其實是連同木工的工作室及陳列室一起的，因此佔地十分之廣，整層也是這家商店的。一進門便是他們木工擺設及家具的陳列室，商品皆十分精緻。咖啡室其實只是佔工作室的一小部份而己。當天我們三點多剽達，很多食品也已經售罄了。例如煙三文魚番薯餅，及tiramisu麻糬沒有供應。甜品櫃中的款式也不多，眼見的就只有香梨吉士包，banana poundcake，士多啤梨朱古力蛋糕，一些小蛋糕及曲奇。在選擇不多的情況下，我便點了士多啤梨朱古力蛋糕，及一杯capuccino 。Tea set $60蛋糕很甜，沒什麼特別。咖啡也不夠香，普普通通吧。因為坐得也沒有很舒服，我想下次也不會來了。

5月尾weekday一行8人，大雨天睇到網上介紹 ”廿一由八” 木材工作室+cafe，感覺幾特別，就拉隊去試試吧！工廠大廈入口容易錯過，一出𨋢口就有陣陣木材味！入到café 身心舒暢，見到有隻黑色長尾猫貓好可愛；令人感覺不到在官塘工廠大廈內。人多大家叫咗幾款可口食品。。。挪威三文魚藜麥蕃薯餅獨特，香梨薑黃吉士蛋糕兩樣都好好食。芝士辣肉腸墨西哥餡餅脆口好香唔太辣，因為好食，叫咗兩份。另外，有2個set 係意粉冇試食過，不評論。再叫幾杯不同飲品。。。Peach Tea 清新唔係好甜好飲。Dirty, Piccolo, Ice Latte, Ice Americano, Flat White及 2杯Latte。咖啡味道都是普普通通，試過便算，打奶泡及拉花都求求其其，覺得還沒有達到應有水準呢！

公司係九龍灣，但成日食德福, mega box同E max食到厭。所以想食下觀塘果頭既餐廳，又唔想食得太heavy,就揀左呢間木製家具連cafe。見openrice有個燉牛面意粉，但去果日又無喎😫惟有試下其他。同個同事各嗌左一樣share,我嗌左個菠菜芝士雞肉餡餅，同事就嗌左個挪威三文魚藜麥蕃薯餅。兩個都好好食，好獨特，好健康。另外佢推介左peach tea話幾清新，飲落唔係好甜，好天然既味道，唔似係concentrate溝出黎👍

之前試過係觀塘返過一年工，覺得觀塘比人普遍感覺係好多人、多車、好嘈雜、食野好平，多人多車就真嘅，但中午食飯價錢就真係一啲都唔平，去工廈食一個set lunch可以用你$70-$80，真係講你都唔信！不過身為咖啡控既我，發現觀塘有唔少有質素嘅Cafe，就好似今次去呢一間木系咖啡店廿一由八，隔離係木材工作室，客人可以參加課程，自家製木椅、木枱；另一邊就係比客人坐低食嘢飲嘢，仲見到有客人想來查詢木製傢俬。咖啡店空間好大！我點左藜麥沙律+Gnocchi，健康之選又有營養，Gnocchi熱辣辣好煙韌，食到淡淡嘅薯仔香最愛之選Latte，咖啡味濃，拉花亦好靚友人點的朱古力Brownie，佢好似話唔夠濕潤最後加多個Tiramisu

觀塘予人感覺嘈雜，但假日嘅觀塘別有一翻風味！倖存者今日同朋友黎到工業森林嘅木系Cafe - 廿一由八 chill 一 chill.  睇網上講cafe 隔離係木材工作室，客人可以參加課程，自家製木椅、木枱等等，等你可以一邊食一邊玩！工廠大廈入口較難搵，但一出𨋢口見到咁有工業風嘅招牌，頓時覺得搵咗咁奈咩都抵！Tiramisu 麻糬$38 + Peach Tea $35麻糬超級無敵好食！成個結構分四層:面頭舖滿tiramisu 粉，第二層係tiramisu, 第三層係麻糬，最尾係朱古力蛋糕！口感豐富，而且層層味道互相搭配！朱古力蛋糕 $38 per 1賣相靚唔再講，送上來時蛋糕烤得熱熱的，朱古力味不得不講飄滿全間cafe。蛋糕頂部灑滿糖霜，先甜後濃朱古力味係口腔形成截然不同嘅對比，口感唔錯～ 只能說呢度每個setting 每樣食物都經過精心設計，不過價錢有點貴Cafe 隔離仲有售賣手作品，等大家支持本地手作市場

觀塘真係無咩好行，行咗陣同男朋友已經無野好行，唯有搵地方hea，搵到黎呢到，廿一由八。地方relax舒服，好多關於木系裝修既書可以借閱，岩晒我呢d喜歡睇interior design既人。【hojicha latte】唔會太甜，剛剛好，好味，好飲過starbucks是必要的，哈哈。 【matcha latte】男朋友點的，無試飲，no comment。佢都有好多homemade既甜品，因為我姐姐都好中宜自己整甜品，好明白被支持既快樂，所以都叫咗兩樣。【海鹽chocolate cookie】係軟曲奇來的，朱古力味香濃唔甜，配埋海鹽，好好味！【唔記得係咩蛋糕，香梨？】見到其他食評佢好似係香梨蛋糕（？）呢個非常好味，好綿密既蛋糕，牛油味好重。好中宜外面香口脆脆地既texture。不知不覺就比我自己食晒了～總結，好多時香港好多所謂既cafe都係打住cafe既名做生意，一d都無cafe應有既舒服同relax，所以都係其中一個我平時幾抗拒cafe既原因。雖然時間唔長（我地無睇時間去 唔知人地早閂門哈哈）（但好好人無趕我地走）但好開心呢日去咗間真係舒服既cafe！

睇電視📺介紹呢間野食幾吸引，於是搵左個周未下午去試下😋餐廳位於工廈，一上到去見到隔離原來係一個木工場黎🛠有工作坊教緊人整手作，餐廳內亦有賣一d手工品家品咁，只是價錢頗貴💸•餐廳d枱枱凳凳都有好多木🌳既元素，又有沙發位🛋好舒服好chill🍃，但就比較少位。搵左個靚位坐低，就出去買左先再拎個牌仔📋（第一次見餐廳竟然可用payme付款），再有人會送食物到我地個位。* * * * *🍪挪威煙三文魚藜麥番薯餅（$68）好特別既配搭，煙三文魚幾好味，感覺好靚又夠哂健康🧘🏻‍♀️，個餅唔會太硬，細細件好易入口。•🐮蘇梅燉牛面頰 配 🥔煙燻意大利栗米蓉（$128）牛面豬登好有牛味，如果滑d會再好味d😁個栗米蓉加埋d牛肉醬汁好好味呀，不過分量唔多夠喉呀👅•🌮芝士辣肉腸墨西哥餡餅（$68）個餅係岩岩焗起熱辣辣，好脆口好香，芝士味🧀好出，唔會太辣。•🧁法式傳統榚點（$35)外層比較硬身，食落裡面口感煙煙韌韌幾🉐意，帶有幾香既焦糖味。•🥤Iced Mocha ($46/ Set+$32)可能因為加左冰既關係，味道比較淡，都不過不失啦😝

因為工作嘅關係，經常會去觀塘。廿一由八我哋都bookmark咗好耐，但唔知係因為我黑仔定係佢成日都壞𨋢，之前有兩次想去食都咁啱撞正壞𨋢，一唸到要爬11層就放棄左。第三次終於成功上到嚟，我哋今日喺兩點鐘到達，可能因為過咗正常食晏時間啦，入邊嘅人唔太多。上到去先知原來呢度係一個木工場，一打開𨋢門見到有一間房畀師傅整緊木工，側邊就係餐廳，入面有我哋食嘢嘅地方同木工場嘅銷售。入面嘅裝修以木系為主，環境舒適。自助吧: 水同餐具係自助嘅。甜品櫃，不過我地今次就冇叫啦。落單係要自己去收銀度落單同埋要畀咗錢先嘅。一落咗單，職員就送上沙律。Flat White (跟餐+$28)不得不讚嘅係呢個Flat White真係好好飲，口感滑順，帶微微的咖啡苦。發達芝士雜菇扁意粉配香炒蘋果 ($118)佢除左有面頭的蘋果乾外，下面仲有蘋果粒，甜甜的配合雜菇意外地好食。蘇梅燉牛面頰配煙燻意大利粟米蓉 ($128)牛面頰肉質不錯，同埋牛面頰本身有入味，好特別。份量睇落好少，但其實都夠飽。如果粟米蓉再多少少就好了。

觀塘工廈真係臥虎藏龍 「 廿一由八 」係木製家具店又係Cafe踏入店內分佈簡潔 有一個工場 中間 Showroom 最埋邊就係用餐的地方雖然已預先Book枱 但去到仍然要等少少時間 有時間就係showroom 睇下木製家具 不過職員就叫我地唔好亂模因為有D岩岩整好等乾 建議加張notice 面斥不雅 Set LunchBaked Salmon $138焗三文魚配香橙及焗薯等 食落好fresh唔膩 雖然睇落份量唔大 但其實都剛好夠飽的 SaladLatte +$20咖啡豆是我鐘意的味道 唔錯 配埋呢到的環境都確係chill但lunch價錢相對貴 下次都係tea time過來hea下會相宜D

雖身處繁囂，但很愛親親自然，釋放壓力，洗滌心靈。對於家具的選擇，一向都以木製的為主，喜歡那種簡約穩重的原木質感。要不是朋友介紹，真沒想到喧鬧的觀塘區竟藏着這家滿載夢想的木製家具店×法式Cafe。店內分為三大區域，包括家具店、工場和cafe。甫進內是家具店，我們吃飯時看到有客人專程過來訂製家具。工場和cafe只用玻璃作間隔，讓客人可以窺探家具的誕生過程。由於我們來的時候尚早，是當天的第一個客人，所以能夠獨享如斯舒適的環境。特意選了靠窗位置，一縷縷陽光射進來，更添柔和慵懶之感。我們分別點了和，配上Hojcha Latte & Early Grey Latte。料理是由巴黎藍帶廚藝學院畢業的主廚主理，質素甚具保證。芝士柔軟輕盈，蘋果粒夾脆中略帶微酸，配上雜菇和扁意粉，混搭出層次豐富的口感。沙律用料新鮮，絕不欺場。兩杯飲品奶味濃郁，early grey latte 入口順滑而不甜膩，hojcha grey latte則略帶甘醇。略為可惜的是這次未有吃到那些精緻甜點，就留待下次細細品嘗吧。

廿一由八，呢間Cafe名字好特別，吸引左我去嘗試!一入門口，真係"嘩"左出黎，成間Cafe好木系，亦都好文青feel，好少黎呢D咁有feel ge Cafe!燈光充足，而且仲有隻黑色肥貓係到.. <3Menu上面的選擇不多，而且價錢都有小小頗貴。叫左份奶油菠菜雞肉墨西哥餡餅配意大利黑醋沙律 $108沙律細細碗，味道不過不失，黑醋份量太少。墨西哥餡餅總共4件，新鮮出爐，咬落好熱好香口，味道是不錯的..但成Set野份量不算足夠。價錢顯得有點兒貴了!呢間Cafe賣點是它的木系裝橫，老實說環境很好很吸引，但建議改善一下坐位，沙發坐落舒服，但食野張枱太細，沙發太矮，食野唔太方便，而成間Cafe比客人坐低食野GE位置唔算好多，位與位之間有點兒太親密了!

難得在觀塘終於有間高質咖啡店空間大 木系設計走文青風店內亦有很多木系傢私、家品環境舒服悠閒可以坐足一整個下午 享受難得的寧靜悠閒咖啡的確不錯 非常幼滑必食tiramisu這個的確有驚喜！面層加了塊麻糬之類的薄塊 煙煙韌韌 增加口感咖啡味亦夠出 甜度適中這件蛋糕可說是賣相比口感好蛋糕碎碎的 整體感覺較乾和厚重不過味道係好食的值得一提係店中有隻大黑貓怕貓人士表示有點不安😳