Video
Read full review
2018-01-27
1099 views
係觀塘返工都有年幾，想搵一個可以真正呼一口氣嘅地方係無。我，仲未放棄搵呢個「空間」，無意中係ig搵到呢間鋪。前身係火炭開木工班，整木製嘅傢具。係月頭佢搬左嚟觀塘，仲開埋廚房，整埋嘢食。係openrice未有呢間餐廳我已經幫襯，係呢個空間度，我地幾個可以休息，完全覺得時間過得快&活，而且我成日係度搵到靈感點樣可以再做好啲，非常自在。矛盾嘅係，到底我應唔應該寫上openrice，自私一啲。作為一個foodie，都係決定寫出嚟分享。一個月內兩次幫襯，入到嚟嘅感覺好舒服。全場嘅傢私都係人手整，個陣木味好正！由於間鋪係第一次開餐飲嘅部分，座位唔多。嚟咗兩次個餐牌都有換，呢點我都欣賞。同店長傾開計，原來得一位美女廚神獨力諗哂，佢係法國學完廚返嚟，每一件cake，每一款飲品，每一道餸，係經過好多次品嚐再用心調較出黎，希望每樣食物都可以發揮得最好，令客人滿意，呢點兩次都無令我失望。有基本嘅沙律，果然都係黑醋係最好味。呢個係煙三文魚藜麥蕃薯餅，唔好睇佢兩件餅細細件咁，佢都有飽肚感。三文魚好鮮，蕃薯味道好豐富，每啖都勁滿足。再配上牛油果醬同黃梅果醬，甜甜酸酸係完全match到，每啖你會覺得好好味，估唔到藜
係openrice未有呢間餐廳我已經幫襯，係呢個空間度，我地幾個可以休息，完全覺得時間過得快&活，而且我成日係度搵到靈感點樣可以再做好啲，非常自在。
矛盾嘅係，到底我應唔應該寫上openrice，自私一啲。作為一個foodie，都係決定寫出嚟分享。
一個月內兩次幫襯，入到嚟嘅感覺好舒服。全場嘅傢私都係人手整，個陣木味好正！由於間鋪係第一次開餐飲嘅部分，座位唔多。
嚟咗兩次個餐牌都有換，呢點我都欣賞。同店長傾開計，原來得一位美女廚神獨力諗哂，佢係法國學完廚返嚟，每一件cake，每一款飲品，每一道餸，係經過好多次品嚐再用心調較出黎，希望每樣食物都可以發揮得最好，令客人滿意，呢點兩次都無令我失望。
有基本嘅沙律，果然都係黑醋係最好味。
呢個係煙三文魚藜麥蕃薯餅，唔好睇佢兩件餅細細件咁，佢都有飽肚感。三文魚好鮮，蕃薯味道好豐富，每啖都勁滿足。再配上牛油果醬同黃梅果醬，甜甜酸酸係完全match到，每啖你會覺得好好味，估唔到藜麥都可以咁好味。第一次嚟係飲peach tea，又係好match，推介下。
今次我叫咗菠菜雞肉墨西哥餅，佢個餅做得勁脆。每啖都有嘢落口，唔會好寡，呢份係會再飽啲。雞肉係嫩，呢個令我接受飯麵以外會選擇嘅lunch。我今次飲品係佢地regular coffee，呢度regular coffee都好過有時係出邊要加錢嘅coffee。
同事亦叫咗呢個軟殻蟹番茄乾發達芝士扁意粉，佢話軟殻蟹好味。意粉有小小似羊奶嘅味道，幾特別，唔錯。
另外佢有好多款蛋糕，可惜屋企無微波爐，同事有買拎左返屋企食，好好味，完全係勁驚喜。
木場係隔離，佢門口係另外一邊，而且封得好實，唔會怕啲木過咗嚟呢邊。
同店長再傾，佢地嘅店名好有意思，佢地開鋪嘅故事好正，連logo design背後都有段故，想知係乜？自己問下😏
其實我影咗好多相，真係放唔哂，而且好易可以影好正嘅相，好喜歡呢樹。有好美食，有好環境，係真係會吸引人翻炒，又俾爆分😆
Post
