兩草 (威德閣)

Open Now

Now Closed

🚩港島平價之選 香港人的浪漫🚩📍 兩草「兩草」在廣東話中有二十元的意思，而這間餐廳亦如其名，讓食客能以相宜的價錢嘗到不同種類的美食。它有售地道小食如腸粉和雞翼，亦有茶餐廳類的食物如肉餅飯和三文治，更有不少新加坡美食如咖央多士和肉骨茶，款式可算是多不勝數。雖然食物偏向地道又便宜，但店舖的裝潢絕不失禮，富有舊式大排檔特色之餘，店內更會播放不同年代的廣東歌，是香港人必懂得的浪漫。🍴香煎脆邊蛋肉餅飯 ($42)你沒有看錯，這碗份量十足的肉餅飯甚至不需$50。先要讚，這隻脆邊蛋做得十分出色，蛋邊做到少少燶邊而非常脆口，中間的蛋黃又能依然保持流心。戳開它，把蛋黃連同蔥粒和豉油一起混和在飯粒之中，是非常邪惡但無敵的組合。肉餅方面，整體來說偏乾身和實淨，不像蒸肉餅般充滿肉汁，個人來說不太喜歡這個質感。但以這個價錢來說，單單是那隻脆邊蛋已值回票價。🍴小籠包胡椒湯 ($40)$40有四粒小籠包。小籠包本身沒甚麼特別，就是大家能想像到的那種味道。皮既沒有很薄，也沒有很厚，簡單來說就是普通小籠包的感覺。但配上胡椒湯的這個組合，我也是第一次見。首先，湯的胡椒味濃，能暖胃之餘入口又舒服，整體配味做得很好。其次，胡

食物上枱賣相好正香煎脆邊蛋肉餅飯肉餅味道比睇落去淡, 不過可以根據自己口味加豉油, 雞蛋煎得啱啱好豬油渣溫泉蛋撈飯同樣味道偏淡，同埋有啲太油原粒蒜肉胡椒湯最鍾意呢碗湯, 蒜味好香又夠辣, 天氣凍飲好舒服咖央多士個樣平平無奇, 但係咖央味好出, 多士又夠脆, 好味

北角小店👍🏻👍🏻🔸️肉餅脆邊蛋飯 $42性價比高💕足料，好大碗！😍肉餅：肉質實在，無加入太多水，好飽肚👍🏻脆邊荷包蛋：蛋黃夠香又濃白飯：飯粒分明， 份量多，如果豬油多d會更好🔸️想食多幾款小食，可以選擇小飯🔸️鮮蝦胡椒湯米 $48胡椒湯 ，因為無油，比起豬油飯，食完無罪疚感🤣湯底算濃，有胡椒味，不太辣，適合大部分人蝦夠新鮮，蝦身飽滿👍🏻🔸️招牌炸雞翼 $27好好食❤️炸得剛剛好👍🏻外脆入面又keep到多汁見到雞翼咁深色，以為炸得太耐，原來係醃料既顏色影響🔸️豬油渣 $15十分推介，炸得剛剛好❤️外脆內軟，送飯一流‼️佢唔係豬油渣麵果d 脆到硬👌🏻🔸️檸檬薏米水 ‘微糖’ $22🔸️每日新鮮煲，欣賞小店的心機 🩷所以唔揀汽水😊員工服務好好，有親切笑容💕

$4x 個飯，價錢係ok.可能覺得自己巳經好平所以問多句都厭煩，唔休冇生意！希望佢生意興隆，請多兩個人幫手等d員工做得開心d,客人又食得開心。香港服務業加油！！！

其實都想支持香港小店， 但係有時啲服務質素真係好短視。 搭枱係正常都，唔會怪你哋。但我已經叫咗正餐叫埋嘢飲， 食完啲豬油有啲肥膩，想叫你畀杯水飲兩啖解下肥， 回覆係我哋淨係得樽裝水。食物質素正常， 多士都脆， 肉餅質素不過不失， 喜歡可樂係樽裝上。但豬油渣係室溫，好似係膠袋倒出嚟咁， 其實熱一下都唔係好大功夫。 職員話茶餐係星期一至五先至有，但係將海報好似睇唔到(可能啲字有啲細)。隔離半島冰室可以做排隊王， 就係每一個小節都畀啲功夫， 人哋旺場你好多，但係都唔會咁樣對待客人。

雞翼同肉餅，好夠味，咸香十足，唔知係咪落佐蝦醬呢，完全唔駛再點額外既醬料，都覺得好味😋肉骨茶，似新加坡合併馬來西亞😂好濃胡椒味既黑色湯底。呢度既肉骨茶胡椒味濃過藥材味，所以入口會偏辣啲，要有定心理準備🤣不過自問飲開馬來西亞風味，鍾意藥材味多啲，有啲唔慣🤣但小龍包，外賣返到屋企，有幾個穿佐，漏走佐啲湯汁，相信堂食會好啲，皮薄小龍包，可能唔太適合外賣整體而言，啲食物味道唔差，價錢又唔算好貴，下次可以試埋其他野😌

今日試下這間馬來西亞的小店。店裝修簡約舒適。叫了一碗脆邊太陽蛋肉餅飯。太陽蛋煎得剛好帶脆邊，好食。塊肉餅味道可以，豬油加豉油飯香口。$43 份量對女士足夠，抵食。

店面設計有懷舊中式茶樓feel，下午荼時段黎食，送野飲幾抵食~ 香煎脆邊蛋肉餅飯 (多蔥唔要油) $42肉餅飯size唔算大碗 (唔知係咪因為下午茶？定我大食? 🙈)，好似屋企平時用開既飯碗再大少少既size，幾有家既感覺 🤣，不過賣相吸引，多蔥配合燶邊蛋 👍🏻 味道方面，煎肉餅雖然唔算厚身，但好香有口感，特別惹味；配搭多蔥流心燶邊蛋仲有香甜豉油汁，真係好快就食哂成碗飯！結論🫰味道唔錯，可以encore🫰下午菜有野飲送 (14:30開始)~⚡️碗比較細，好難「畢」飯食/會食得有D 喱啡CP值：9/10 餐廳資料餐廳名稱：兩草餐廳地址：北角炮台山宏安道18號威德閣地下6號舖營業時間：11:30-21:00

咖央多士🥪上餐既速度好快已經心知不妙，似乎係一早整定，有人叫嘅時候就拎出嚟，所以唔熱唔脆🥲個味係好但有少少失望香煎脆邊蛋肉餅飯🍳配隻脆邊流心蛋，拮穿蛋黃再連肉餅撈埋有豉油汁嘅飯食落肚真係好香好正😋 如果個肉餅再大少少就好了😆

之前喺大坑嘅時候食過幾次，覺得幾好，香港少有低價馬拉風味，但係今次再去試新舖頭，超級重味精，食完之後超口乾。成個感覺冇咗以前小店風味，變咗快速上菜趕客。叫咗個肉餅飯，好乾，啲啲飯好油，完全唔係香味係油飯。另外調多咗個叉燒蛋飯，又係勁多油，叉燒好硬似係隔夜買。之後叫咗兩個小食，感覺正常，但係都唔平兩個人買單都要$$150 。最後食完真係好口乾，佢每樣嘢基本上都好重味精，希望小店有返啲心機做，保持返以往嘅水平

B級美食發現，飯類小食嘢飲全部都出乎意料地好食，大家要去會一會佢🤘🏻！・・・・・・・・・・・・・・・・・・・・🍚 香煎脆邊蛋肉餅飯 多蔥 HK$42・味道：以為出街食嘅肉餅會好調鹹，點知調味啱啱好唔會好重手，就係媽媽牌肉餅！燶邊太陽蛋世一，加埋豉油冇得輸啦，唔多講XD・口感：肉餅幾厚肉但偏細塊唔夠撈飯☹️，大塊啲就perfect嚕。🍲 小籠包胡椒湯 HK$40・味道：好重胡椒香，唔係倒胡椒粉嗰種，係本身用胡椒粒煲個湯嘅味，辣辣的好爽XD小籠包餡夠大亦咇晒汁，juicy！・口感：辣辣地咁好暖胃，價錢都算抵！🐔 香茅雞扒飯 多蔥 走油 HK$38・味道：雞扒又係，咇晒雞汁好香口，配埋燶邊雞皮係一絕！・口感：好厚肉，呢個份量就夠撈晒成碗飯喇～🥪 滑蛋叉燒三文治 烘底 HK$28・味道：個叉燒整碎咗上，但唔會好乾食到一絲絲柴口豬肉咁，一啖食到晒叉燒、滑蛋加埋蔥，超香口直接高潮XD！・口感：烘底外脆內熱一定冇死，好食方程式desu～🍗 招牌炸雞翼 HK$27・味道：呢個好L好食！！！menu寫明有蝦味，食落好香蝦油香，應該有加蝦油炸，好夾，好食喎！・口感：醃到入面嘅雞肉都有蝦油香，滴晒汁咁，呢個必

裝修行懷舊風，啡色摺枱、招牌同傳統雜貨店既紅燈罩打造舊香港情懷，昏昏暗暗既燈光令餐廳更有本土氣氛，當然唔少得枱同枱之間距離極近同搭枱呢個香港文化啦，去嗰日都見到有唔少遊客到訪。▫️香煎脆邊蛋肉餅飯($42)蛋生熟程度啱啱好，蛋汁撈埋豉油同飯一齊食真係冇得輸🥰肉餅都算大塊，但係煎得唔夠香，食落冇乜驚喜🤔但係都幾抵食，份量算多，我就食唔曬成個飯🍚▫️香茅雞排飯 ($38)雞扒咬落有肉汁，配埋香茅汁好惹味，重口味嘅我就鍾意呢個飯多啲😆▫️蛋炒豬腸粉 ($27)比較細份，腸粉用秘製醬油嚟煎，食落味道好淡唔係我想像中惹味嘅炒腸粉，個人就覺得一般😂▫️招牌炸雞翼 ($27)一份有4隻，炸得皮脆肉嫩，唔錯！

從店內的佈置充滿了懷舊氣息，讓人感覺好像回到了80、90年代的香港，好像時光倒流一樣。這間店雖然面積不大，座位唔多，環境尚可以，坐得舒服就講不上，但枱與枱之間仍算有距離，不會壓逼。賣嘅款式亦不多，如果您正計劃去找一家好吃的港式餐廳，我強烈推薦這裏。下午二點幾唔使等位，但仍坐滿了很多食客。看一看餐牌，食物價錢便宜，但選擇唔多，最後點了幾款食物，因為是餐廳的招牌菜，好快就有得食。香煎脆邊蛋肉餅飯煎蛋肉餅飯是兩草的招牌菜，這個飯賣相非常吸引，而且份量很多。滿滿的蔥下有一隻脆邊荷包蛋和一塊煎得恰當的新鮮豬肉餅。燶邊蛋很大隻，個邊非常香脆，仲保持到荷包蛋效果，加上隻蛋蛋黃漿好濃稠，撈飯完美，肉餅很厚實，煎得很香有口感又有點酥脆，但裡面仍然很嫩亦唔算太鹹，飯都煮得幾好，夠香夠乾身，但一定要淋上餐廳的特製醬油，與飯混合一起食用，層次豐富。咖央多士多士一開二，當然要好考功夫，似係一塊麵包再分開兩塊嚟焗，多士又薄又脆，搽滿了馬來咖央醬，鬆脆中滲著椰子甜香，是馬拉的經典味道（雖然不正宗，但仍然很好吃）。脆香魚餅魚餅係足料的鯪魚肉，肉質彈牙，煎得岩岩好，不會腥，煎香之後十分惹味。蛋炒豬腸粉像豉油煎腸粉，雖然

❮ 兩草 𝙏𝙬𝙤 𝙂𝙧𝙚𝙚𝙣𝙨 ❯📍北角炮台山宏安道18號威德閣地下6號舖⟣⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⟢ 以前兩草仲開喺大坑嘅時候有食過但佢前一兩年無做覺得好可惜一直囉囉攣想食返終於喺炮台山開返間 開心 (๑❛ꆚ❛๑)最鍾意就係佢嘅肉餅飯加埋隻流心蛋真係無得頂配埋個胡椒湯一齊食仲正而且佢價錢唔貴 好抵食係我會不斷回訪嘅餐廳▻ 肉餅脆邊蛋飯 $𝟒𝟐▻ 滑蛋叉燒飯 $𝟓𝟎▻ 咖央多士 $𝟐𝟒▻ 無糖可樂 $𝟏𝟐

Lunch hour嚟到依度食飯，座位較迫要搭枱，唔算坐得舒服👎🏻店員嘅動作好快手，一食完就立即收走餐具，有效率😅✴️香茅雞扒飯✴️有少少失望，因為塊雞扒都幾油吓，而且肉唔算多，好多都係肥膏位👎🏻白飯加咗秘製醬油，食落無咩特別🙈由於個碗太細，塊雞扒又擋住啲飯，食落有啲唔方便，最後要多一個碟分開放塊雞扒先得～✴️雞蛋煎腸粉✴️份量少少，所以當係小食就啱哂🙈腸粉用秘製醬油煎，但食落味道好淡，基本上食唔到有醬油味，好似食緊蒸腸粉咁🥴可以唔食都得，十分普通呢～✴️檸檬薏米水✴️成餐最好飲，薏米好好咬，飲完好舒服☺️