土屋 (Closed)

垃圾，一碗西米，裡面稀到爆，30粒西米都唔知有冇，第一次係open rice寫野，仲特登開ac 發洩! 原因係，因為未食過垃圾得過呢間的糖水。仲要咁既價錢，絕到可以食到好野！這就是間間都要排幾十個，唯獨呢間唔洗排隊的原因，垃圾。心太軟，未食過咁硬的心太軟，硬到佢！粉唔靚，朱古力又唔靚！下次都係睇完食評先，費事中伏！我用個80蚊買盒金紗朱古力食都冇咁嬲，班師傅好明顯係一班小朋友，求其咁整！今次試完可以永世都唔會再去食！

忠告: 以後如進甜品舖後感覺中伏，卻因各種原因未能離開，建議選擇平價中式糖水。一來此類甜品伏極有限，二來可以減少金錢損失，切記切記！！內容: 飯後一行十數人到煙廠街食甜品，在不求有功但求有位的情況下選擇了土屋。可惜事與願違，席中各人均有中伏，大少不一，不提也罷。而小弟選擇了楊枝甘露脆豬，原來是很多whipped cream + 脆麵包 + 少少楊枝甘露係面。只可惜由於受嚇過度，未能拍照。要知道沒圖沒真相，所以希望「明將」烈士繼續嘗試，以補本文不足。

土屋既吐司特別大份，不過裡面唔係焗到脆脆既個種，好多都係香軟既麵包，雖然麵包都幾好食，但食到尾既時候唔夠醬或雪糕配尼食，有少少DRY，搞到食唔曬。如果另外比多少少醬更好。

上星期慶祝男朋友生日 原本打算黎食甜品放題 但原來六點後要$168... 覺得無六點前$98咁抵食…所有索性自選甜品一睇menu就見到個樣好吸引嘅磚塊(巨型多士)即叫！等左好一會兒一黎到果下真心吸引！急不及待！第一啖 - 多士+雪糕+cream!!! 我地兩個個樣應該好似好味到升仙😍😍😍😍😍😍😍😍😍跟住一啖接一啖無停過！！！食到一半開始飽飽不過成個磚兩個人用左唔夠十分鐘就完成！好滿足！一定會再食！呢個係我地兩個公認為完結一日嘅超好味甜品👍👍👍👍👍👍👍香芒磚塊 $68

去旺角食完飯諗住食甜品，間間都大排長龍就你一間仲有位，好啦就 try try, 朋友點焗西米布甸，老闆娘失業OL就要等十幾分鐘，我地都ok。。。等咗廿三十分鐘都仲未嚟，我地就問老闆娘，佢話幫我地睇睇。。。轉頭就話個system有問題，啲單亂咗。。不用十分鐘。。。登登登登。。。。焗布甸上枱。。。嘩，齋望都覺得唔對路，個樣好似將啲爛飯放上去咁，一pat pat，亦都無焗布甸應該有嘅啡金黃燶面。。。朋友一試，唔熱而且啲custard分明顯未開好，仲可以食到D粉。。。。同個老闆娘講啲嘢唔熱，佢話“咁奇怪？“，好似仲話幫我地焗返。。。最終我地唔要走咗。。。。第一，老闆娘對於焗布甸無焗過嘅啡金黃面一啲都無覺得有問題，我唔知佢係咪未見過或者食過焗西米布甸。。。第二，waitress 又唔覺個甜品唔對路。第三，亦係最關鍵嘅問題就係廚房入面十幾廿歲嘅"甜品師父仔"，你咁嘅嘢都夠膽拎出嚟俾客食，我諗你亦應該要有膽面對快將失業嘅可能。。。老闆娘，你真係要好好反省吓食物質素、店舖管理同進修甜品，對食品嘅要求明顯好底，你無其他店咁好生意真係有原因。。。我知依家好hit半熟，但係都唔係咁攪法囉！

土屋甜品唔算好好食但又唔太難食，都擺得入口，過下口癮都ok，而佢地d甜品都係比較多cream，所以比較流，今日試左個朱古力牛油酥餅同都係幾多cream既甜品有球呍尼拿雪糕，下面就係cream加啫喱同芒果，d cream係忌廉奶打出黎個種所以幾好食，有埋啫喱同芒果一齊都ok叫個陣以為個牛油酥餅係熱既，點知凍既，仲有少少硬同乾，一樣係加左好多cream，不過今次係tiramisu既cream，所以一樣易入口，而兩塊酥餅中間仲夾左好多生果，不過某d生果例如火龍果同菠蘿同d tiramisu cream有d格格不入食完好飽好流，味道唔差但就吸引唔到我成日去食，間唔中一兩次還是可以的

旺角煙廠街有很多家甜品店，揀這間只因不用等位。這店以西式雪糕甜品為主打，Menu上的圖片很吸引，於是選了一客「叻叻豬」($42)港式甜品的共同點，就是不能完全相信圖片，但出入程度在香港來說算是可以接受了。叻叻豬是指朱古力雪糕、威化條，加咖啡果凍和香蕉片，配搭仍算不錯，只是朱古力醬較吝嗇，加多點會較好。

同舊同事向旺角食完飯，下場梗會食糖水， 唸住食甜牙牙，見好多人排隊～  😅見呢間冇人等，又有位～ 就呢間入到去， 裝修簡單平民化，但餐牌價錢就一d都唔平民😅 👇🏿淡味，料少的芒果西米露👇🏿好奇怪的芒果汁，好唔match 既楊枝金露👎😫 我食左幾啖,放棄了👇🏿芒果班cake 😫賣相好醜～ 唔討好~ 塊班cake 仲要唔好食🙈總結: 繁忙時間唔駛等位食野，原來真係會中伏😫😅😂賣相👎食物水準👎唔會再幫襯🙅🏿🙅🏿🙅🏿

店舖裝潢比較簡潔,但細心看還是有不少的小心思,例如照片牆和單據都用了很可愛的動物木夾看menu上有個叫魔鬼雪山($40),有點好奇到底是甚麼,所以就點了這個其實這個是類似梳乎厘的甜品,內裡還有個巧克力口味的雪糕梳乎厘部分味道其實還行,但很膩,吃多了就不太喜歡,但上面有少量烤過的棉花糖味道很好另外,這個甜品一定要即食,因為內裡的雪糕放久會溶,梳乎厘濕了有點難吃

嘩!!!好大個麵包吐司呀!!!今日同個朋友去左旺角既土屋食甜品, 係個menu到見到D 吐司好吸引, 於是就叫左個朱古力吐司黎試下.嘩!!!點知黎到真係咁大個,好彩我地淨係叫左一個......朱古力吐司既雪糕好香朱古力味,而個吐司入面加左蜜糖同牛油去焗, 十分香口, 配合埋周圍D cream,真係十分好食~呢個咁大既朱古力吐司都係$60左右, 每人都係要比$30蚊, 真係好抵食呀!

同朋友鬧左交心情有d低落💢我bb為左安慰我突登帶左我黎呢間甜品店食野呢間鋪頭以💛芒果黃色作為主色做裝潢 感覺十分之清新 眼前一亮相比起平時好多甜品店以紫色為基調 黃色比我既感覺都幾Girlish❤️跟住叫左個芒果既麵包塔（其實我唔知呢個叫咩名）撇除等左都幾耐下呢個問題（可能有成15-20分鐘）味道方面表示 超 級 好 味！麵包有別於其他甜品店同一款甜品既麵包 用左蜜糖＋牛油一齊烘 感覺超sweet😘麵包唔會太硬 容易切 方便切成一粒粒點Cream同雪糕個Cream都好甜 但甜得黎反而無平時食既Cream甘膩除左芒果味同雲尼拿味既雪糕 上面亦都有芒果Jelly 糖粒 芒果味爆爆珠口感多樣化 甜甜的芒果味融曬入心～份量算幾大 適合2-3個朋友share黎食最心心眼係只需要68蚊 雖然今次係bb請我食 但如果同朋友食share翻都係一人34蚊兩個人Share直頭係夠飽有餘！抵食過其他甜品啦～食完成個人同開心曬sweet曬😳

一到夜晚又唔想食正餐就，又想食野，就梗係食甜品啦，去到本身想食甜牙牙既，但係見要排耐，就過左黎土屋食，等左只係五分鐘度查就有位，佢地執枱效率都高今次我叫左個香舊船，賣相都斷幾靚仔個香蕉船有三球雪糕，分别係芒果，朱古力同雲尼拿，配落個香蕉一齊食真係一流，個朱古力雪糕又唔會太甜，最緊要唔洗等太耐呀嘛！十五分鐘就有得食，服務態度非常OK

旺角煙廠街的甜品店愈開愈多，但講到歷史較長的老店，相信非土屋莫屬。相比其他甜品店，土屋面積都算大，所以等候時間亦相對的短。筆者最近迷上了窩夫，點左個朱古力球配朱古力醬的窩夫一試。窩夫非常熱脆，伴上點點散落的糖粉和朱古力醬，甜甜脆脆的非常好食。加上咬落食到好香的蛋醬味，真材實料確值一讚。生果亦都好新鮮，士多啤梨略酸，但香蕉同芒果就好好味，鍾意食窩夫的朋友記得點返個。另外筆者要左杯，呢個就爭D啦，入口得＂甜＂同＂漏＂兩種感覺，飲唔到其他味，感覺有D OVER，所以建議到土屋都係唔好點味道過濃的甜品。 

都唔係完全唔駛排隊，等左10-15 分鐘，以為有人排就唔算好伏，點知係伏q哂 ...叫左4個甜品，d味道同口感加埋真係叫人有種衝動想喊。真係未食過咁q難食嘅甜品。⇩4樣之中唯一可以勉強接受蛋白發唔夠，唔緊要。糖份落唔夠，都算啦。問題係焗唔透d蛋白，入面濕立立，仲要係凍凍地…加上d 味好奇怪…真係無言⇩呢個賣相係ok, 但用支羹片隻角就知又瀨嘢…蛋白發唔夠同燒唔夠，同樣無落糖咁嘅味，無朱古力味，淨得面頭甘苦可可粉同入面普通朱古力雪糕…呢個唯一好食嘅就係果6粒棉花糖⇩呢個叫3色木糠布甸(藍莓，芒果，仲有隻唔記得乜q)呢舊野我相信高處掟落街都可以掟穿人個頭，硬到真係想叫聲媽呀，原因果3層嘢係雪糕。哦…雪糕，正常丫，有d人係鐘意食硬添啦。sor x ry, 我真係比個名fake x左。說好的布甸呢？⇩@雖然口味呢家嘢，見仁見智，但態度真係九流咁爽。開頭黎左一個甜品，跟得一支羹，咁同緊幾位朋友一齊，梗係問麻煩比多兩支羹啦…轉個頭掟兩支羹落黎檯面。即刻呆左…後尾張單，同樣…夾住隻木夾仔，從天而降著陸到檯面…唔怕雷，就入挑機啦…同樣價錢，好多間都好味過呢間…

前幾日啱啱收工，我老死話帶我食吓甜品，就去咗土屋，之前食過附近幾間米入黎呢間食吓！我老死話成半年冇食過，好好食😍😋😋😋米順下意lor ！睇咗陣，叫咗個地獄雪山，蘋果金寶share食，等咗陣個雪山就到，我地心諗有無甘快？黎到面前！嘩！中伏！個樣賣相差！仲有濃到咁樣！搞錯呀！我地俾幾十蚊食個咁既野！睇到都吾想食！😡😡😡😡😡食咗幾啖唔想食落去！個蘋果金寶，無肉桂味，蘋果一pat 咁，個ice cream溶嘅！蘋果上面果d粉系唔識形容！仲有個帶眼鏡個職員服務態度極差！原本打算投訴，但眼見冇穿制服，唔知系米老細，所以就算啦！職員大大聲講粗口！老死話以前好食好多，宜家難食都俾錢都唔要！入得黎食都系傾過計，講心事！以後都唔會再幫襯😡😡😡😡😡😡