星海．譽宴 (The ONE)

Open Now

Now Closed

之前同阿媽嚟飲茶，望住個海景嘆茶真係好鬼正, 風和日麗1:45嚟到全場坐滿人，好彩等咗一陣就有位滷水豬仔腳，鍾意食豬仔腳嘅人必定要叫，而家已經唔係間間酒樓有呢樣嘢，豬仔腳爽口彈牙，非常入味，高質之選金箔黑芝麻流沙球，另一個非常出色嘅點心，上枱熱辣辣，流心香脆青芥末沙律明蝦角，脆皮外層裏面包咗粒粒鮮蝦，點上沙律醬，食完一隻又一隻招牌胡椒濃雞湯灌湯餃，啖啖胡椒湯味好特別，飲啖湯，即刻覺得好滋潤黑松露鮮蝦餃，蝦餃食得多，加咗黑松露又幾特別喎, 彈牙鮮味南翔小籠包，充滿湯汁，加埋薑絲醋食，在口裏面爆發香酥蜂巢芋蓉帶子甫，又一款唔係四圍有嘅點心，做得好好，香！酥!趣!柚子蜜脆麻花，最後食返個甜品，加上柚子蜜比起平時用糖漿更上一層樓食飽飽帶媽媽出去露台影返幾張靚相，完美的一天

星海•星海薈果然名不虛傳，試過就知道點解咁多好評，由冷盤，小食，點心，燒味，全部都一流水準，下午茶仲非常抵食添！前菜：黑白雲耳爽脆微辣，非常惹味又開胃小食：海哲燻蹄 $52必食推介之一！我非常喜歡食呢樣小食 但出面好多既燻蹄都做得好差，成日都會一夾就散開，有時仲會有陣難食既豬味，但係星海既就做得非常好啦，燻蹄皮爽口，豬肉嫩滑唔會硬，配埋個海哲，絕配呀！銀杏胡椒味菜豬肚 $58胡椒湯底濃郁，好啱而家呢啲時候飲，豬肚份量好多，亦爽口，銀杏唔苦，價錢又抵，唔會將貨就價！點心：蠔皇鮮竹卷 $29個汁就最啱我，因為我好怕個汁好杰，呢到既就好適中，而且味道又唔會好咸！香麻手切豚肉叉燒酥 $29必食推介之一！個皮酥化，一啖咬落去，嘩！正呀！熱辣辣脆脆地，叉燒又好味！大大推介！櫻花蝦鬼馬腸 $34比一般酒樓特別之處就係加左櫻花蝦，提升左腸粉既味道，油炸鬼亦脆口，一啖一件，食多2件都仲得呀～燒味：脆皮燒雞半隻 $158重點必食推介！皮脆肉嫩，即叫即炸，時間要等耐少少，但都非常值得！我地食飽左，但都忍唔住要食哂碟雞呀～呢隻燒雞，真係一流！必食呀！甜品：香芒糯米卷 $29見到其他人既食評，個個都話呢個好食架

鮮淮山長腳蟹柳棉花雞$29 (中點)好味指數：5/10呢度點心味道清淡一啲，准山夠粉，可惜魚肚🐠蒸得唔夠淋，雞件🐔比較細及多骨，係啲雞翼彎位位置，失色咗少少。薑蔥蒸牛柏葉$34 (大點)好味指數：9/10非常入味，食落去彈牙💥爽口，絕對係即叫即蒸♨️唔係擺咗好耐好淋果種，配埋蔥絲食非常清新。鮮蝦水晶菜苗餃 (3件)$34 (大點)好味指數：8/10外皮非常晶瑩通透，入邊有隻🦐大蝦，正常發揮，包嘅外型同出邊酒樓有少少唔同，較為特別。椰香咖喱薯角蒸魷魚$34 (大點)好味指數：6/10份量偏多，有薯仔🥔做伴菜，但係淋都會再好食啲，咖喱汁偏稀冇乜椰汁味，味道濃烈啲會較好。香酥蜂巢芋蓉帶子甫$34 (大點)好味指數：8/10蜂巢🐝炸得鬆化，入面滿滿餡料，又有帶子粒，味道調得啱啱好，好香芋😌香味。

今天和家人選擇了位於尖沙咀The One的18樓的譽宴·星海飲下午茶。 走出露台還可以飽覽維多利亞港兩岸的景色😌，令人好舒服！ 黑松露鮮蝦餃：晶瑩剔透，黑松露增添獨特香味 蟹籽北菇燒賣皇：粒粒飽滿 南翔小籠包：用籃仔裝住小籠包好可愛 紅燒脆皮乳鴿：皮脆肉嫩，不用加任何醬汁都已經夠味 香茜叉燒腸粉：腸粉嫩滑，香茜帶出另外一種風味 清香魚肚卷：吸收了汁好入味 香麻手切豚肉叉燒酥：酥皮夠香 香酥蜂巢芋蓉帶子甫：外脆內軟 海蜇熏蹄：海蜇爽口彈牙、熏蹄啖啖肉 紫金醬蒸金錢肚：野味！ 這一餐非常滿足！🥰

平時已經好鍾意飲茶🍵，有得對住🌊海景飲茶就更鍾意!趁住放假就同媽咪👩‍👧去The ONE 18樓 - 星海．譽宴 🥢嘆下一盅兩件。下午茶價錢都算中矩中規，喺尖沙咀區又望住海景咁寫意🤩，個人覺得超值啦！·🥟招牌胡椒濃雞湯灌湯餃 頂點/$53·🦐黑松露鮮蝦餃 特點/$41·🥡蟹籽北菇燒賣皇 大點/$34·🐖香茜叉燒腸粉 大點/$34·🍡金箔黑芝麻流沙球 大點/$34·🐂薑葱蒸牛栢葉 大點/$34·🍝XO醬乾炒肉片河 HKD$128·個人特別推薦😻灌湯餃、黑松露鮮蝦餃、黑芝麻流沙球，灌湯餃浸喺🥣胡椒雞湯中，好香好濃嘅胡椒味道😋，雞湯質感濃稠，灌湯餃吸收哂雞湯精華🤗，超正！蝦餃皮薄適中，裡面包裹住粒粒爽嫩蝦肉🦐，蝦肉更加入鮮香黑松露😚，令味道更昇華。而黑芝麻流沙球外型圓圓碌碌⚫，口感同質感都好似煎堆仔，表面用黑芝麻鋪滿，炸至脆卜卜☺，咬開係流心奶皇餡，好邪惡呀😈！·茶位 HKD$17/位小碟 HKD$15/一小碟·📍星海．譽宴尖沙咀彌敦道100號The ONE 18樓

假日一家人飲茶 梗係一早預定啦，訂左一點，早I5分鐘到，全埸爆滿。入座後，因人手不足，所有野都要等， 好在今日唔趕時間可以慢慢飲。茶揀左菊花， 鐵觀音，兩款都好飲午市套餐$599 四位有4 盅燉湯 半隻炸子雞即炸 炒龍躉有鑊氣和炒白菜仔。好味道，分量都正常另外加左碟义燒，偏瘦但都好味黑松露蝦餃有5粒細細粒 燒賣 金錢肚 馬拉糕 流沙包 腸粉 等都值得吃， 唯一覺得麻麻地係鹹水角油咗啲

今日同屋企人去尖沙咀the one行街，  行到攰屋企人哋想飲茶，所以就去咗the one譽宴，好方便！ 原來譽宴非常大間，佔全層，亦都佈置得好華麗！ 兩點鐘茶樓就有下午茶都幾抵食！蒜蓉鮮蝦春卷大點春卷外皮金黃香脆， 內裏包住大大隻鮮蝦，好足料！  蒜蓉味濃沃但係又唔會太重口味👍🏻椰香咖哩薯角蒸魷魚大點 蒸魷魚幾淋身， 咖哩唔辣，  薯角其實係薯仔 入味嘅咖哩味👍🏻金鉤粉絲節瓜煲$58粉絲份量比較多， 另外有蝦乾同節瓜， 不肥膩， 有點像住家餸！海蜇燻蹄$52燻蹄啖啖肉連海蜇食最襯！配白醋一流！湯勺靚菜心$48菜心夠新鮮，湯清甜， 夠健康😊原籠大澳三鮮蒸飯$148有帶子，蝦乾同魷魚，  蒸飯粒粒分明有炒底，   連同海鮮同蝦醬好入味！香芒糯米卷中點賣相非常吸引， 啱曬飯後甜品！ 入面包住嘅芒果非常新鮮juicy， 又香甜！ 香芒卷上面有椰絲， 令香芒糯米卷更加有層次感😋

今日食評✍🏻 位於The One 18/F的譽宴·星海有靚靚景觀Outdoor仲擺放了靚靚backdrop打卡新式茶樓保留自己滾水淥碗碟正呀👍🏻夠衛生點心紙多選擇有點心有小菜我哋今日食點心為主黑松露鮮蝦餃好有心思嘅擺設中間有粒小蝦餃小朋友見到實好開心餃入面係有黑松露但味唔濃俾蝦料搶哂味🫢·蟹籽北菇燒賣必食之選因為同行小朋友爭住食🤣燒賣好驚大大舊肥豬肉呢粒燒賣菇、蝦、肉平均調味都好鮮味讚·燒汁生煎蓮藕餅蓮藕餅加肉粒燒得香口蓮藕同肉平均入口有咬口唔多油可惜燒汁太「杰」我哋冇乜點·金箔黑芝麻流沙球賣相好吸引黑芝麻外層香脆流沙真心熱辣辣流沙😂中間仲有香濃咸蛋黃味係唔健康呀但真係好味😋·櫻花蝦腸粉個名好吸引上枱後有驚喜精美炸兩腸粉上舖了櫻花蝦炸兩香脆腸粉嫩滑·芋蓉帶子甫我自己偏向多啲芋蓉因為其他餡料會令到口感冇咁香滑當然真材實料有帶子夠鮮味·脆皮豆腐同點心紙上的食品圖有出入食品圖係細粒豆腐𥖁出品係大𥖁不過味道都保持水準椒鹽黃金脆皮豆腐熱同滑不過如果整到細細粒一口豆腐磚口感更佳·流沙奶黃包流沙食品都真係流沙兼熱辣辣出面真係好多『伏』㗎😂香噴噴嘅咸蛋黃流沙包包又唔會太厚配合得好好冇得彈·叉燒酥到茶樓

同家人出嚟尖沙咀行下，先去飲餐茶，揀了在The One的譽宴。估唔到兩點黎到都全場滿座，仲諗住平日過左lunch rush hour會少啲人添。店員好快送上茶同碗筷，知道香港人習慣洗碗，哈哈，一盤大熱水上，幾好喎，唔使洗到枱面濕晒之餘，啲水超滾又可以浸晒全部，感覺乾淨啲。🫖香片&鐵觀音茶方面開左一壺香片同一壺鐵觀音，因為家人口味不一樣，一人一壺唔使爭。我個人黎講兩種茶都ok，飲咩都無所謂。譽宴啲茶都幾好飲，夠滾又夠濃，茶味好香。🥢餐前小食睇緊點心紙期間，店員送上餐前小食，是日係木耳，有醋、麻油、辣椒等調味，酸酸辣辣幾開胃。🥢冰鎮花雕南非鮑魚鮑魚好爽口彈牙，少許花雕酒味香口不嗆，點少少wasabi真係好好味。🥢香茜叉燒腸粉腸粉好飽滿，卷了半肥瘦叉燒粒，仲好重芫茜味，正喎，腸粉皮煙韌有咬口，好食。🥢沙薑豬手粒沙薑味香口，豬手爽口，已切成一口size好方便食。🥢鹵水豬腳仔豬腳仔軟腍，又滷得入味，份量仲意外地大碟添。🥢西杏片蘿蔔絲卷即炸的要襯熱食，蘿蔔絲好香甜，用上春卷皮比傳統的蘿蔔絲酥卷少了一份油膩感，變得輕盈多了，加了杏片更香口，讚！🥢蟹籽燒賣皇燒賣大大粒，調味不錯。🥢黑松露蝦餃之王黑松露

和朋友來飲茶，我第一次來，感覺很好，4點心+1炒飯，食物水準不錯。座位闊落，樓底夠高，感覺上比較靜這裏景觀甚佳，不少茶客都會出露天位置打卡，我當然要試試，維港景色一流。香港真美。每人170元。坐了2.5小時，磨爛蓆。已準備約朋友來晚飯，看夜景。

今日同屋企人去左飲茶 黎左呢間係the one嘅「譽宴 星海」試下酒樓內環境吾錯 都比較大同乾淨而且可以睇到維港景色 有加分！！點心亦都比較新鮮 點心方面：黑松露蝦餃好新鮮 食落爽口彈牙帶子腸粉 啲帶子都算大粒而且都鮮甜但燒肉凍咗少少 叫咗白飯但係半個鐘都未到 可能因為人比較多 但尚可接受鳳爪味道中規中矩 但山竹牛肉就比較一般而芝士蝦春卷脆薄有咬口 味道吾錯！推薦！總括而言都算係值得一試嘅酒樓

飲茶☕️必選之地由元朗到尖沙咀都好方便，趁著今日假期，就相約家人到尖沙咀The One 「譽宴-星海」飲茶🫖，那裡的落地玻璃窗讓陽光透入，加上看見開揚的景觀，心情也特別好🥰雪山叉燒包，上枱時仍熱辣辣，皮面甜甜地好香好脆，叉燒又嫩。最喜愛的分蹄每片薄度一致，味鹹鹹地，配上爽口的海蜇，吃時沾上醋汁，開胃好味😋黑松露鮮蝦餃，黑松露味濃，它的味道有點像蘑菇香味，蝦肉鮮美，整體味道不錯👍山竹牛肉球，有爽口馬蹄，口感淋有咬口。 薑蔥蒸牛柏葉，視覺上無甚麼特別，只有一堆薑蔥絲鋪在上面，平平淡淡，吃下卻有濃郁的薑蔥味，而且口感不錯，爽脆可口。蠔皇鮮竹卷，餡料有椰菜、木耳、紅蘿蔔🥕和蝦等。香茜叉燒腸粉，外皮滑 內餡香 ，廚師👨‍🍳以幫客人切成一小件，方便夾取。最後食番一個灌湯餃，餃皮簿，湯底鮮甜，美味😋

來到尖沙咀 The One 的譽宴星海午膳，擁有寬闊海景露台可從高處俯瞰迷人景色，而室內亦有著高樓底的優勢及店內有開揚落地玻璃窗，既有空間感又能飽覽不同景象。坐下先點了黑松露蝦餃皇～蝦餃加了黑松露提升其鮮甜味，爽口彈牙；然後再選幾款餸菜：蜜汁叉燒～厚切脢頭肉表面少許燒焦，香脆多汁，入囗鬆軟；沙薑豬手粒～ 惹味而不肥膩， 軟硬度適中，皮爽彈牙；孖寶🔸籠仔金銀蒜蒸龍躉頭腩飯（炒飯底）～炒飯已經夠香口再加金銀蒜蒸龍躉頭，啖啖肉又嫩滑，將金銀蒜均勻塗在魚腩及炒飯上，滋味無窮；孖寶🔸還配了蝦乾節瓜粉絲煲～簡單做法卻非常美味，味道鮮甜，蝦乾有嚼勁卻配上節瓜軟冧，感覺軟硬並兼嚼感截然不同。這裡檯與檯之間的擺設相隔很寬敞，在疫情期間令你坐得安心又舒適，食物質素尚好，這裡確實適合婚宴及大型聚餐。

我真係好內都無出去飲茶，咁岩今日老闆請食午餐，緊係要嘆下茶先啦！午餐時間真係人山人海，爆晒場，好彩都係等左一陣就有枱。侍應拿了一個裝滿熱水既大盤給我們簡單清洗碗碟，非常方便。酥皮雪山叉燒包熱辣辣既叉燒包，酥皮香脆，麵包鬆軟，豐滿嘅叉燒肉餡，非常滋味，吃了一個停不了口。黑胡椒安格斯牛肉腸一碟有6小件既腸粉，內含淡淡黑胡椒味，牛肉味香而多，好明顯同平時食既牛肉腸有極大分別，下次都必定要再食。蟹籽燒賣皇燒賣爽口彈牙，內含豬肉，蝦和冬菇，再添上少許蟹籽做襯托，賣相吸引。紫金醬蒸金錢肚金錢肚比較大碟，相比一般食開既份量還要多，醃得入味之餘又唔會太咸，非常惹味。飲茶必點之選就一定要叫鳳爪，雖然肉唔多，但夠晒入味，仲可以過下口引。木魚花燒汁茄子茄子都幾大件，夠淋同好juicy，上面還有魚肉夾在一起，魚肉彈牙又唔腥，再配上適量既木魚花，好有日式風情。款式選擇多，價錢合理，再配埋靚景，簡直一流，令人放鬆之餘仲好有家既感覺。

我哋今日叫左黑松露蝦餃之王 ，味道幾香，花菇棉花雞，味道一般，水晶鮮蝦莧菜餃，味道可以，鮑汁鳳爪，做得唔錯，XO醬蘿蔔榚，呢個都OK，地方夠大，坐得舒服，應該擺酒都唔錯