UCC COFFEE SHOP

Open Now

Now Closed

去北角第一時間閃出這咖啡店！去到剛剛下午1:30 ，唔使等位直接可以坐低，非常好。叫咗一個套餐 - 菠菜三文魚意粉，包沙律和招牌咖啡，另一份就試試Mango Fair 2024的香芒法式多士+招牌咖啡。意粉熱辣辣，芒果就好甜，多士d皮炕得好脆，好味道。每次來這店都係為咗杯咖啡，虹吸咖啡夠熱，個人鍾意齋飲一部份，之後加糖再飲一部份，最後加奶飲埋佢，超正！今日1號風球天氣翳焗好熱，剛好有期間限定：日本麻糬皮宇治抹茶軟雪糕，就放肆一下，麻糬皮好煙韌（正），個cone又好脆（正），若果抹茶味濃D就令整個餐更完美。地方清潔，員工也很有禮貌。整體來說，仍然是一間值得再去的咖啡店。

再次來這店下午茶，在一田百貨𥚃面，人不多唔使等位。叫咗飯及意粉餐（當然還有其他選擇的，如漢堡飽、三文治等等），食物味道好好味，keep得住D水準，叫咗一杯冰檸檬茶及後上的熱招牌咖啡。個人喜歡來這店的主要原因係虹吸咖啡。當主食食到差唔多食晒，男侍應主動問現在幫你叫起咖啡，我立時回覆可以啊（謝謝他的細心及殷勤服務）。咖啡熱辣辣的送上，唔算苦，i like。咁嘅價錢當然可以好多選擇（如茶餐廳），但這店是值得的。另外，地方整潔。絕對值得推介給朋友的餐廳。

呢間隱藏喺一田裡面嘅UCC無銅鑼灣分店咁旺，星期五午市時段唔使排隊都有位餐牌勁多選擇 睇到眼花撩亂🤩 仲有兒童餐啱晒細路午市 (+$36) 就跟雜菜沙律(配芝麻醬) & 飲品煙肉忌廉意粉 ($92)竟然可以揀要熟蛋，適合唔食溫泉蛋嘅忌廉醬汁濃郁 好飽肚蒜蓉海鮮意粉 ($107)三隻蝦、帶子、魷魚圈濃濃嘅蒜蓉味，開胃唔油，唔鍾意醬汁嘅可以試試漢堡奄列飯 牛肉汁 ($114)漢堡扒幾大塊，煎到金黃色👍🏻 奄列嫩滑熟度啱啱好醬汁濃郁 撈飯一流 🤭UCC特色公司三文治 ($86)三文治有驚喜！份量大，有三件三文治加炸薯角炸薯角外脆內粉，很可口三文治烘底，夾有煙肉片、火腿片、番茄、青瓜、生菜和沙律汁，配料豐富新鮮好味嚟UCC其實都係因為鍾情於佢哋嘅咖啡 香濃又唔苦澀，加上香氣撲鼻 ☕️餐廳唔算好大，但係因為隱藏喺一田裡面，所以冇行開真係唔會知有呢間餐廳，唔使排隊—𝗋𝖾𝗌𝖾𝗋𝗏𝖺𝗍𝗂𝗈𝗇𝗌: no𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $150 𝗉𝗉 (lunch)🌟 𝗈𝗏𝖾𝗋𝖺𝗅𝗅 8/10📍 UCC Coffee Shop北角渣華道123號北角匯二期B1樓一田超市內NP-13-001

各位食客，今日嚟到一間人氣小店，落力試吓佢哋嘅招牌餐單。第一啖咬落去，嘩！個咖哩吉列蝦飯，香濃又惹味，咖喱嘅香氣四溢，蝦夠彈牙而鬆脆嘅吉列外衣簡直係深得我心🤤。咖喱醬濃郁得嚟唔會過於辛辣，啱晒唔食辣嘅朋友食。白汁菠菜三文魚意粉都唔錯掂，三文魚嘅肉質鮮嫩，草味嘅白汁加上啲意粉，吸晒啲汁，入口即化，簡直係滿分！😋但食物涼得快咗少少，所以我建議大家食嘅時候要手腳利索啲。飲品方面我就揀咗杯咖啡，UCC出名嘅，果然名不虛傳。香濃嘅咖啡味道喺紙杯裏頭舞動，飲一小口已經覺得今日值返晒，真係悠哉享受。場內唔算好大，但環境整潔舒適，食物價錢都算公道，性價比高，啱哂想吃好嘢但又唔想荷包大失血嘅朋友。總括，來到這間店食一餐，真係滿足哂！企喺度推薦畀大家，下次有機會真係要試吓！👍💯

今日搵食搵到北角，北角匯地庫有間日式西餐廳，見到乾淨企理，光光猛猛，睇下個餐牌，都有啲嘢啱食，就坐低了。時間尚早☀，未有其他人客，店員放下二維碼紙就走了，要自己慢慢掃碼點餐。😟我揀左三文魚意粉套餐，包了一個蘑菇湯，沙律，一杯飲品，食物極速上台，有一大優點就是湯和意粉很熱，感覺到食物香噴噴的，馬上引起食慾，這是食肆最基本的服務。但我發覺好多餐廳都做不到，這應該是不太難的。😩蘑菇湯和沙律份量都小，但好好食。👍三文魚🐠意粉份量較大，三文魚嫩滑，意粉爽滑依韌，煮得剛剛好，是水準之作。😋最後還有一杯好多核的檸檬水。🤣🤣Honey食咖哩漢堡飯，好似不太滿意😒，他說漢堡做得不好，有點太淋的感覺，咖哩汁就是正常味道。

以前小朋友細個嘅時候;我哋都成日光顧UCC Coffee Shop,因為有得意兒童餐，好適合年紀幼少嘅小朋友。兒童餐分別有飛機造型及汽車造型的托盤，到時小朋友喜歡的交通工具，顏色鮮艷之餘，食物亦為小朋友度身訂造，例如蛋包飯、飯團、肉醬意粉等，更配上薯角、新鮮水果及啫喱糖。最開心是隨兒童餐會附送一份小禮物。UCC有下午茶餐提供，其實都幾抵食，因為北角的餐廳一般都不太平。佢連星期日都有此優惠真的不錯呢。我哋三個人叫了以下食物:芝士漢堡奄列飯兒童餐對於小朋友來說，這個蛋包飯是不錯的，因為有茄汁飯、蛋、啫喱糖、香口的薯角、新鮮生果和漢堡。但對於大人來說，味道就一般。黑松露煙肉炒蛋三文治黑松露味道完全不濃烈，炒蛋都尚算滑，三文治有烘底，味道也可以去。香蕉牛角酥窩夫配牛奶焦糖醬賣相一般，略嫌太甜，窩夫不夠脆。煙肉卡邦尼意粉煙肉硬度適中，味道不錯。不過最喜歡就是UCC咖啡,有時都是為了這杯咖啡而來。

呢間分店好似開得特別早，9點就開門。朋友成日嚟食早餐，今日就陪下佢嚟食。間舖喺一田入面，個位都有啲難搵，冇行開真係唔知嗰個位有間餐廳，但估唔到平日9點都好快坐滿！我地叫左豐盛早餐，有多士，蛋，沙律，維也納腸，煙火腿片同兩塊薯餅會再跟杯咖啡。我加$10轉咗塊多士做牛角酥窩夫，個窩夫其實就係攞牛角包，用窩夫機夾扁咗，都幾脆，加埋糖漿幾好食。朋友冇轉到牛角酥，佢塊厚多士睇落都唔錯。個蛋我要咗炒蛋，但係炒得都幾差，完全睇唔出係炒蛋，成塊膠咁，有啲後悔。朋友要咗煎蛋，明顯靚過炒蛋好多。薯餅炸得啱啱好好香脆，其他配菜都OK。咖啡要左UCC招牌咖啡，都幾好。七十幾蚊個早餐咁多嘢食仲有咖啡，唔怪得朋友成日嚟食。

ucc coffee從來沒有讓我失望，有非常大份的飯團和三文魚，可愛的啫喱和薯角，如果有點蔬菜會更好。兒童餐選擇好多款，有包類，有麵類或飯類等，小朋友會很喜歡吃。

平時都成日同屋企人食UCC，但就未去過北角呢間食🙈。今日咁啱黎北角有野搞又諗唔到夜晚食咩，就索性又係UCC啦🤣我基本上每次黎UCC都係食茄汁海鮮湯意粉🥫，但今次想試下其他野，就叫左個咖哩海鮮湯意粉($110)，加$47轉埋假日晚市套餐(包左沙律🥗，餐湯🥣，同一杯飲品☕️)啲雜菜都幾新鮮嘅🥒，但就唔係貴價沙律菜，配上芝麻醬唔錯，整體係普普通通嘅開胃前菜呢個應該係周打硯湯🤔，我覺得麻麻地，個湯好稀，味道好啖，飲左幾啖就冇飲了😥喺其他地方都少見呢個配搭嘅意粉🫢。第一啖入口唔錯，咖哩係日式甜咖哩，唔食得辣嘅都可以叫😝。意粉就中規中矩啦，海鮮都唔錯嘅，唯獨係粒帶子有啲細粒🤏🏻😢。整體嘅話都幾好食，但如果要我比較，我都係會揀返食茄汁湯🙈呢個就係要自己落奶同糖水嘅🫣，想飲咩味就要自己溝出黎。但就對於我黎講有啲困難🥶，完全唔識要落幾多奶先沖到平時飲開嘅奶茶😢。最後就每落小小飲一啖去試味🤣。但對於識溝嘅，奶同糖水另上就啱哂你👍🏻👍🏻最後埋單加一後係$173，平就唔算平㗎啦，但個湯意粉真係好好食，又搵唔到其他地方有得嗌呢個🫣😂

鍾意食西餐嘅你, 相信大家都唔會對UCC Coffee Shop有幾陌生㗎喇唔知大家懷唔懷念大家喺細個食過嘅UCC 自助沙律吧呢？唔知大家仲記唔記得將自己碗沙律砌到成座山咁高呢？當然仲有佢嘅藍山咖啡, 炭燒咖啡同埋佢嘅招牌凍熱咖啡啦🥰🤤🤤隨著時代巨輪轉動自助沙律吧已經逐漸被廚房出嘅雜菜沙律配芝麻醬取代全線所有分店轉用QR Code order餐牌亦已經無咗藍山咖啡歲月真係不饒人...🥲前導差唔多, 係時候要講返食評啦雜菜沙律配芝麻醬呢個就普普通通啦菜都算新鮮嘅, 但又未至於話去到最靚嗰隻不過作為開胃菜都合格是日餐湯呢個就真係普通少少啦味道似係日式忌廉湯加煙肉再加洋蔥可惜呢隻真係唔係我prefer嗰隻味道反而之前嗰隻忌廉蕃茄湯仲好晚市套餐-香煎盲鰽魚柳意大利繪飯配番茄忌廉蝦汁先講下個飯先 啲飯係粒粒分明嘅, 軟硬適中不過個汁就唔係我想像中咁濃我覺得可以濃番少少條魚就唔算話好嫩滑啦但依然都係可接受嘅程度, 同埋皮唔算話好乾飯配洋蔥及蘑菇調味, 味道其實唔錯不過個汁始終真係無想像中咁濃, 小偏食嗰陣都落過少少芝士粉...😅最後到餐飲- UCC招牌凍咖啡相信呢一個會係唔少人鍾愛UCC嘅元素大家

UCC是我一間從前經常光顧的餐廳，還記得從前有自助沙律吧，我很喜歡出去取沙律的時候，把沙律堆得滿滿的....，但現在不知是否疫情的原因，已經不設自助沙律吧了。今天晚上， 在北角會這間的UCC，也許是我早到，人客不算太多，很容易找到座位，點了以下食物:1. 煙肉忌廉意粉 (一般)2. 香煎三文魚扒 (三文魚扒不夠滑，但煎得非常香口)3. 海鮮薄餅 (非常脆口，海鮮分量充足)4. 波菜三文魚豆奶湯意粉 (味道意想不到的合襯，頗適合喜愛清淡的人士)5. 黑松露醬鮮白菌帶子意大利燴飯 (這個是我今晚最喜愛的食物，黑松露的香味，帶子的香甜，配上意大利燴飯，各有各的特色，混在一起十分美味可口)6. 海鹽焦糖法式多士 (基本上是一份粒粒西多士，但就是好味)就是餐廳的侍應較少，大部分時間只有一位。整體來說，食物質素都算不錯的了。

朝頭早來到，嗌咗兩個主食，一個係窩夫早餐有一個牛角包🥐，半條腸雞蛋煙肉沙律，ok水準佢嘅早餐選擇唔算太多，費事重複，所以我另外帶咗個芒果吐司。中間有啲雪糕，都幾好味㗎。不過啲多士唔係好脆，唔係太有法式風味

因為同朋友喺附近酒店staycation，所以選擇咗早餐落嚟呢度食。因為佢嘅早餐選擇唔太多，我哋就揀咗個窩夫全日早餐食。上餐嘅速度都算快。餐內有窩夫、沙律、腸同滑蛋，再配一杯嘢飲，我哋叫咗一杯橙汁同一杯咖啡。同行朋友話咖啡的確係幾香濃！至於窩夫的確係幾好食，有楓糖醬俾你點，而且係平時食牛角包嘅質感；炒蛋尚算香滑；沙律就係配胡麻醬。不過成個餐嘅份量就唔算好多，所以食曬唔係話有好飽嘅感覺，如果大食嘅人就可能要選擇嗌多啲嘢食

好掛住UCC嘅咖啡，本來想買佢嘅窩夫套餐，但發現同主菜一樣咁貴，所以就買咗佢個主菜，加$35就可以有沙律同埋餐飲，外賣過咗$100有九折，埋單大概$120。UCC有三款必食嘅食物，包括UCC招牌咖啡、薯仔沙律及煙肉忌廉意粉，叫咗煙肉忌廉意粉餐，跟熱嘅UCC招牌咖啡，可惜呢間餐廳並冇薯仔沙律，跟餐嘅只係雜菜沙律加沙律醬，有啲失望😞外賣餐盒會將煙肉忌廉意粉，同加喺上面嘅溫泉蛋分開放，食客要食嗰陣，先至喺意粉上面加溫泉蛋，保持食物新鮮，呢個讚👍🏻味道一如既往嘅濃郁，係我最鍾意嘅煙肉忌廉意粉味道。UCC招牌咖啡放在紙盒杯裏味道有點怪，應該是咖啡太熱了，把紙杯表面的那層膠溶掉了，雖然都係好飲嘅，但係就有膠味，冇堂食時，裝係瓷杯嘅咖啡咁好味喇😅以$120午餐嚟講，以住係堂食有薯仔沙律buffet，就比較合理，外賣自取嚟講，價錢稍貴，希望呢間UCC可以加番薯仔沙律入menu。

不久前才發現呢度有間，吾錯……今午約咗j小姐在呢個商場睇戲，所以在呢頭食個late lunch先，以避開繁忙時間……行了一圈，都係應該呢度舒服啲，我地叫咗兩個餐share～一個咖哩吉列蝦飯同白汁菠菜三文魚意粉……我去ucc吾多，嚟到當然要飲番杯咖啡啦…好飲個咖喱飯同意粉都好味，不過可能掛住吹水，啲嘢好快凍，啲汁就易凝固……吾知係太耐冇食又少食，還是一直都係咁樣～就係午餐冇餐湯，要dinner先有……都有比個餐牌搞亂，除指定set lunch（包沙律、飲品）外，其他都有得單叫，不過就吾包飲品，要加＄38，就有個田園沙律（蔬菜）及飲品……呢度地方吾大，同隔離枱距離近，環境鏡多就顯得闊落啲，服務正常……