UCC COFFEE SHOP

Open Now

Now Closed

吉之島大裝修都已經有兩年了，由於實在長期太多人，一直未有機會試新裝修好的UCC Cafe ,這天，終於的起心肝去試，照舊的襟飛攞位，然後便是無止境地等，唯一好處是，我可以在叫飛的附近再走走逛逛，總比坐着呆等的要好。以前在太古城中心的時候，便已經十分喜歡叫他們的海鮮湯意粉，有豐富的海鮮，還有十分十分好喝的番茄海鮮湯。還有墨魚汁意粉也是十分好吃，味道濃郁，唔會鯹，雖然食完後嘴唇及牙齒都變了黑的。甜品啦甜品呀，其實他們的甜品也10分出名，但以前因為意粉已經太飽肚了，很久沒有試他們的甜品，以前也有叫多士甜品，現在已經轉型不是一整個麵包，所以我們便沒有點了，叫了pancake ,給小孩子也可以吃。這間餐廳的好處是，小朋友也可以去吃，附近也可以偷到一些位置放BB車，而且味道十分不錯，唯一缺點是，要等太久位了。

今日黎到康怡AEON,居然見到有間UCC COFFEE SHOP係度喎仲有位坐既不過未到晚餐時間,咁見到好大個廣告係咖啡雪糕喎咁買黎試下啦其實都唔平架喇要$33,仲要收現金添~~久不久食1次,咁就買黎試下啦~~雪糕都幾多下使用UCC 100%高品質阿拉比卡咖啡豆但食落咖啡味唔叫好濃,個質地無咁似雪糕咁實心,感覺似雪笆多D但筒都幾脆但價錢唔平,食一次算啦~~

order咗香草蝦意粉，貪佢清清地，而我又好鍾意食香草嘅，仲有呀，食得出佢係用橄欖油煮，純正也! 同時以抵食價配番杯UCC coffee, 絕配! 呢杯咖啡本身都要$50蚊左右，但係如果跟餐同埋係平日，就加廿幾蚊就可以有嘞，對我呢d閒人黎講真係好enjoy! 價錢其實都係其次, 最緊要係佢杯咖啡真係味道好好, 我揀咗酸味同埋香味比較濃嘅咖啡， 因為咁樣送意粉食係特別有口感嘅。 甜品我哋揀咗鮮果Waffle， 記得要揀大size,因為價錢貴十蚊左右，但係呢個size大好多㗎，同埋生果都多好多，變相抵好多，滿足感自然多好多。Waffle 整得好脆，生果好新鮮好香甜，士多啤梨唔會酸食完人都甜哂!黎UCC真係冇錯㗎，Cheers!

今天去太古吉之島行街見攰攰地，就坐低食番個下午茶🍽，啱啱經過見到好耐冇食過ucc cafe 所以就決定食呢間這個時段都幾多人都需要排十五分鐘這天叫咗個朱古力雪糕香蕉窩夫加一個 和風雜菇意粉， 橙汁及招牌咖啡 ☕不過可能同時間叫，所以先嚟咗個窩夫😍當然趁熱就即刻食咗先😋😋😋， 熱辣辣香噴噴依然keep住水準~之後再嚟咗什菇意粉🍝 這個意粉是輕量分量，但是頗為遜色真係少咗啲， 如果女士們或者小朋友都應該夠食加埋芝士粉更加美味😋😋😋 今天這個下午茶非常美味滿足💕💕💕💖

約左朋友仔食飯, 朋友仔係附近住, 就嚟吉之島行街兼搵食係附近幾個商場兜左一大輪, 終於揀定食呢間UCC叫左個照燒雞肉沙律, 健康DD菜唔知係咪稍微淥過下, 冇咁生, 但我中意菜味清甜, 沙律醬汁都好味, 清雅微甜, 唔會喧賓奪主雞肉少許雪藏味, 所以冇乜點食魷魚本菇意粉用料豐富, 魷魚夠咬口味道還可鮮果窩夫鮮果夠多, 窩夫夠脆, 配上CREAM同醬汁, 比起單食好味好多窩夫都係普通水準, 並冇特出總體而這, 醬汁好味, 窩夫合格

午餐吃了意粉、咖啡及窩夫、意粉一般、咖啡太濃、酸、唔夠香、窩夫差極了、很硬、味道差、不明白為何可以咁難吃！應該不會再幫襯、比其他分店差很多！ 糟蹋了 那麼好的位置、希望反省一下、有待改善！

延續黃金周假期，10.03 諗住去太古Aeon行一轉。行到一樓已經聞到咖啡味，醒起樓上有間UCC，又發現自己好耐冇食waffle，一於上去食個tea先。真好彩，我係第一個排隊，唔洗三分鐘就有位坐。整個tea set menu望下先。我幾鐘意佢地有得㨂份量，起碼唔怕浪費食物。一個人當然係要個中waffle啦。綠茶紅豆蓉窩夫套餐。紅荳煮得好適中，起沙但又唔會爛。窩夫好鬆脆但略嫌唔夠蛋香味，綠茶雪糕濃度啱啱好，食落完全唔會好甜同好漏。順帶佢杯咖啡一直保持水準

星期六短週可以輕鬆D，同老公出街行行，當然要去歎個早餐啦！ UCC係首選，10:00開門，我地又做了第一個入座食客。選擇心水座位坐下，翻開餐牌，食物種類不太多，下單叫了抹茶紅豆窩夫，雞肉三文治，當然還有主角凍咖啡！等候大約10分鐘，食物陸續上桌，☕️先來，UCC☕️香味濃，無論天氣冷或暖，都喜歡凍飲，Waffle鬆脆，配上紅豆蓉、抹茶雪糕，令窩夫變得不平凡！UCC分店各有特色，康怡Aeon店溶入百貨店內，進餐後就可以Shopping👜👛個人評分食物：B服務：B環境：B

星期五早上，太古食brunch沒有多少好選擇，要杯靚咖啡就更難。11:00來到，剛好仲有幾張吉檯。呢度沒有salad bar. 食物選擇較少，勝在有軟雪糕和招牌滴漏咖啡。我與朋友各點個主菜+咖啡。吞拿魚雞蛋窩夫，OK啦，窩夫軟熟，吞拿魚是罐頭貨，沒有特別。carbonara. 上面溫泉旦流心，沒有腥味，卻也沒有旦味，旦汁卻豐富了意粉的味道層次，也減少了白汁的膠感，增加滑口。白汁的奶油味與蛋汁剛好彼此調和平衡，煙肉也増加了咸香風味，但其中的洋蔥就多此一舉。咖啡嫩滑細緻，順喉味濃，超水準享受。咖啡味軟雪糕，帶走外食，$33有點貴，媵在大大枝，咖啡味濃，超消暑！正

行JUSCO行到攰攰地，比我發現有雪糕咖啡味？未食過佢地既雪糕呢本身有啲擔心會過甜或者味道怪但此時此刻想食雪糕既我最後都係買左好彩無令我失望！好有份量呢 夠墜手UCC 咖啡軟雪糕 $33說是100%採用阿拉比卡咖啡豆食落味道好似飲緊Cappuccino 咖啡味濃烈 而且不過甜 苦中帶點奶香 很清新 不錯呢質感不是很creamy 冰感重 但出奇地耐溶性高食完成支都吾會好heavy 似飲左杯咖啡脆筒好特別 非一般的味道 沒有傳統的蛋香 但非常薄脆 是蛋卷的口感 食落有點拖肥焦糖味！好味

做GYM前清清地想食沙律, 就走入去試吓呢間.叫咗個煙三文魚沙律和風沙律醬, SIZE一隻碗咁上下, 俾係出面係細碟小小, 生菜一食就知係用一個平時街市買的西生菜, 如果想食外國沙律菜的話就建議不要叫, 煙三文魚OK正常, 我見佢57蚊配多兩件牛油多士, 都夠飽, 價錢尚算可以啦~不過不失.

每次經過呢間ucc都總是好多人等位想試下又唔想等位就可叫買杯咖啡軟雪糕食下佢係無一個counter賣外賣雪糕的 只要行去搵事但一個職員話要雪糕 佢就會幫你落單收錢唔駛兩分鐘就攞到手了 雪糕份量都幾多 而且唧得幾靚無hea整🍦一入口咖啡味幾重的 是日式炭燒咖啡果種 奶味唔種感覺無咁heavy 不過就女似天仁茗茶啲雪糕咁有啲快溶🙈食到一半開始習慣左啲咖啡味 就開始有一種木唧味道出左來 一杯雪糕有兩種口味真係幾有趣😂

之前有和朋友來過這邊吃晚飯。這次則是和同事lunch過來這邊，因為慢了一步~所以要稍微等一下枱~不過也頗快的就有位了。因為很想念這裡的窩夫，所以這次點的也是窩夫。但午餐時間直接吃甜食好像又太過份，所以點了鹹款的 海鮮窩夫 ($64)海鮮就是有彈牙的蝦，還有很軟稔的魷魚圈和帶子~但那個魷魚圈沒什麼味道。另外配料還有煙肉、雜菌～整體來說調味是剛剛好，不會太鹹或是太油！但若說和窩夫的配合度，我覺得之前吃過的牛油果會更好。窩夫的外層脆口～內裡則軟軟的充滿牛油香！！朋友點的則是 鮮蝦帶子意粉 ($99/茹汁)有2種汁可選擇~另外這個的蝦也頗大隻呢~最後，午餐的話可加$15轉成Set Lunch ～即是多一杯飲品吧！來到UCC要飲的當然是咖啡 >w< 濃厚的咖啡香，加少許牛奶已經口感很順滑而且還不需要加糖也沒有問題喲～

UCC出品的咖啡素來有一定保證, 今次經過看到有咖啡味軟雪糕 即刻吸引到一試!拿上手一看真的幾大杯, 一人食真的食不完.  說回正題杯雪糕先, 咖啡味道好濃郁, 口感軟滑之餘更感冰涼, 個筒夠脆.   冬天食大大杯尤其冰涼的雪糕食完真係好凍凍!!

UCC 一般都人很多, 拿了籌也要等好一陣子才能入座。今天下班趁時間尚早, 便吃個早dinner, 不用等位便馬上入座。和友人點了焗芝士海鮮螺絲粉, 煙三文魚沙律(千島醬汁)及鮮果waffle。 煙三文魚沙律(千島醬汁)先上, 隨沙律附上多士兩片。一人份量左右, 沙律菜新鮮, 煙三文魚味啖, 千島醬汁偏甜。多士帶微溫, 牛油只是輕輕塗上, 多士餘溫未能讓牛油溶化, 若然溶化, 多士味道該為這道沙律加分。焗芝士海鮮螺絲粉, 讚。一人份量左右, 芝士帶絲, 香濃芝味, 螺絲粉沾上汁味道剛好。海鮮是冰鮮, 鮮味不大, 但滿滿鋪面。鮮果waffle, 讚。點大的可讓兩人share, 鮮果粒鋪滿面, waffle熱辣辣, 蛋味香濃, 吃起來不脆, 較像蛋糕一樣鬆軟。waffle沾上雪糕, 忌廉, 鮮果粒, 士多啤梨醬, 一口吃下, 滋味無窮, 禁不住一口一口把waffle吃清光。