屋子生活 (Closed)

同男朋友係美食沙漠下沒有他選的情況下，屋子既簡單日本菜算係為馬鞍山之友加一點色彩。夜晚放咗工唔想煮，又想食日本野可以 try try 呢間，我地叫左鰻魚飯同炸雞咖哩飯，之前食過佢地既牛肉烏冬，同男朋友一致認為佢地個飯好食過麵。鰻魚飯屬正常日本鰻魚飯，個人覺得飯可以乾生小小先食得出日本珍珠米飯香。另外，個炸雞咖哩飯既咖哩係甜甜地既日式咖哩，唔太食得辣既我覺得幾好味，炸雞唔會太乾, 幾juicy的。個人覺得係屋子食既係佢個環境多過食物，如果想同朋友閒時chill 下可以黎呢到try try  

諗住佢裝修幾靚咪老遠坐火車入去試下囉，點知係要self~service斟水仲要加服務費，差吾多3點入坐，侍應只提lunch去到3pm,冇話下午茶3pm開始，當落完單吾夠5分鐘，侍應就拎個下午茶menu出泥，問佢我地係咪都可以計返下午茶價錢，但侍應冇活潑處理仲反而急急腳走，結果價錢緊係貴夾吾抵啦，真心食物很一般，d服務就更加😰

【Chill抵食Cafe下午茶套餐🍽屋子生活】烏溪沙食肆選擇唔算多，勝在有鐵路站附近商場，行2分鐘來到迎海薈，行陣就見到樓底非常高環境寫意嘅Cafe。🔴「1+2+3」下午茶套餐 $86下午茶時間去有「1茶+2輕食+3甜品」特惠套餐，由於散嗌一個飯或麪都$70左右，所以即使套餐畀輕食份量都一定平過散嗌，啱晒第一次嚟想試唔同嘢嘅我哋。🔴白利甜酒咖啡 +$20🔴美式咖啡 +$0由一入門口開始已經聞到好香嘅咖啡味，美式咖啡可以試到即磨咖啡嘅香氣，味道唔酸唔太苦澀大部份人都啱飲。Bailey咖啡一向都係絕配組合，小編當日喉嚨麻麻地揀咗熱飲，比起已經唔錯嘅熱飲凍飲應該更加享受。🔴關西牛肉便當沙律菜調味不錯，黑醋份量剛剛好。飯底有日式飯素調味，牛肉份量唔少，比起牛肉飯連鎖店嘅牛肉清香入味不死鹹。🔴小倉抹茶窩夫紅豆另上不會太甜，抹茶雪糕及鮮忌廉配上窩夫，每匙羹都可以調配不同食材比例搵出自己嘅理想配搭。窩夫外脆內綿密值得一讚。🔴一枚栗子窩夫栗子蓉忌廉比例不錯，雲尼拿雪糕提供甜味及第三種口感，相當滿足。🏠 屋子生活 📍 馬鞍山烏溪沙路8號迎海薈地下4A舖

人均消費：$100-150pp （dinner)適合：日式西餐，甜品推薦指數：8.2/10🥰 呢間屋子咖啡主打慢活，有落地大玻璃，日頭採光度一流。佢有榻榻米位置，店內樓底好高，空間感好足夠。佢午餐晚餐都係同一個menu,麵食飯食可以加十幾蚊加錢轉set就有湯+沙律+餐飲。晚市套餐黎講一百蚊到，算係性價比幾高。今日我食左個牛肉茶漬飯，好味！牛肉好入味都好多塊，茶漬飯入面昆布好香，仲有好多櫻花蝦好香好有層次！推介！朋友食左咖哩天婦羅蝦烏冬，佢話咖哩湯好味但天婦羅蝦瘦左啲。另一個朋友食泡菜豚肉飯都讚😋✏️總括而言係幾慢活既一間cafe,性價比都ok,唔算太貴。下次可以去試下佢啲甜品，好似都幾多款式。

今日去咗馬鞍山嘅屋子食lunch男朋友嗌咗個牛肉飯 唔錯幾好食 我就嗌咗個炸雞飯 味道幾好 但d炸雞全部都係炸粉 差唔多冇雞😖好sad 建議大家下次嚟唔好叫炸雞 食物質素有待改善

馬鞍山係美食沙漠全世界都知，但沙漠都有一點點綠洲。就係最尾嘅烏溪沙站，商場內有間好舒服悠閒嘅餐廳，落地大玻璃果邊仲有榻榻米。食物都唔錯，午餐可以悠悠閒閒。和風漢堡丼 ＄72  一個套餐賣相就好靚，太陽蛋黃係脹卜卜。漢堡幾鬆化，調味唔錯。最好係白飯配上香鬆味道更上一層。鰻魚綜合茶泡丼 ＄72賣相就幾靚，但鰻魚得少少兩片實在唔夠喉。茶湯味道幾清香，再加上少少芥末，感覺完全唔同晒。加＄25就可以轉套餐，有味噌湯、沙律、飲品。飲品要左抹綠奶茶，奶茶中帶點綠茶味，不錯。小倉抹茶窩夫配抹茶雪糕 ＄50靚靚甜品，味道都算唔錯。雪糕綠茶味道夠，窩夫蛋香味夠又鬆軟。淋抹茶醬團圓丸子配抹茶雪糕 ＄50自行加上抹茶醬幾特別。小丸子係煙煙韌韌。不過前後兩個甜品實在太似，就無乜驚喜。環境舒服，好適合小朋友，食物賣相靚，味道都唔錯，值得一試。

文青Cafe~ 估唔到喺烏溪沙咁偏遠的地方都日日咁多人幫襯，一嚟喺附近的街坊，二嚟係因為佢有個全落地玻璃+榻榻米區，所以吸引好多人過嚟潮聖，因為住附近所以都經常幫襯，偏愛呢間Cafe的沖繩黑糖咖啡😉唔想等位就唯有外賣P.s記得Openrice外賣自取9折（但有d細杯，好快就飲完😆）

黎到馬鞍山迎海薈呢個商場，好舒服嘅感覺~見到呢個日式餐廳好似好舒服咁，就試下啦~星期日好多小朋友都會黎呢度~佢靠落地玻璃果邊個榻榻米，坐地下嘅~叫左個鰻魚丼同關西牛肉湯烏冬佢D餐係可以加$25就有埋味噌湯，沙拉，同飲品。咁緊係加埋啦，一盤過影都影得靚D~不過味道係都係偏淡，冇咩特別，大概都係食個view，日頭坐係度曬下太陽係幾舒服嘅~~飲品叫左桂花烏龍茶同抹綠奶茶~桂花烏龍茶都幾香桂花味，幾清新~抹綠奶茶就淡淡綠茶味，奶味唔算好重~

屋子生活位於馬鞍山鐵路附近嘅商場內，日式Cafe設計，落地玻璃+塔塔米，由黃昏日落坐到夜幕低垂，氛圍感滿分。餐牌內選擇都算多，小食、主食、甜品、餐飲，多樣化好似芝麻糊嘅芝麻特飲清新菠蘿特飲茶漬飯都有，不錯！有清酒醃過嘅香梨，清新不膩胃

唔通係西鐵商場所以全部staffs西口西面?🤭企喺門口5-10分鐘，好多待應喺入面見到但完全冇一個肯走過黎，好啦最後終於有個染銀頭髮少肥姐姐黎啦，西口西面，求其叫你自己搵檯坐，大佬吖，tatami有冇坐墊我都想知架？好啦到點餐啦，待應哥哥飛黎飛去，好似如果你十秒內講唔曬想食咩就唔好order咁冷氣全程唔夠，食物質素好一般，沙律仲送多一蚊，係真係一隻蚊！當堂成個嚇到彈起！好啦問佢唔補償沙律得唔得，冇理由食多一次沙律架？補一碗湯嗰陣仲好似施捨俾乞衣咁收抬執嘢九秒九，我睇吓門口以為好多人排隊，點知唔係啊，冇人喎，帶位接待唔見你咁快？我就唔會再黎啦，希望唔會有其他受害者添🫣

The atmosphere and the view of this cafe is pretty good but the food is not above the quality and overpriced. I had order the eel ochazuke, the size is small and the eel only have 2 little pieces.

好耐以前黎過 記得個環境好舒服 有tatami去左偽日本咁 而然咁多年之後再去 都冇點變 今日叫咗個漢堡扒煎蛋飯 咖喱烏冬炸雞 同埋最愛嘅台灣腸 漢堡扒煎蛋飯 汁夠香濃 作為蛋痴既我 有煎蛋相當加分 漢堡扒就正正常常 份量好足夠 而飯面有啲飯素喺面好好食 撈飯一流 而咖喱烏冬炸雞都好好食 炸雞唔會太油膩 而咖喱係日本咖喱 甜甜地 有咖喱基本撈咩都好食 當然最後清哂啦 台灣腸就不過不失 一般正常 一定冇其他台灣舖頭做得咁出色 少左浸油香同脆口 而今晚最敗北就係飲品 凍朱古力 好明顯飲得出係用粉沖出嚟 唔夠香唔夠滑 溫度控制得唔好 加左奶之後成杯變左常溫朱古力 唔熱唔凍咁 難飲 野食方面就滿意 始終價錢唔係好貴 都值得一試

暫時冇得去旅行就決定喺香港周圍行今次約咗朋友行馬鞍山鐵路線行之前第一站就搵間靚餐廳坐一坐叉滿電先朋友推介 所以決定一試餐廳地點方便喺馬鞍山站一出兩三分鐘內就行到今次又係訂左榻榻米坐位上去之前要除鞋提醒大家唔好着對穿窿襪😂😂餐廳以和風定食為主份量適中 啱晒文青女但男仔的話可能就未必夠食味道整體不錯 但反而甜品更值得推介有種清新既感覺餐廳位於商場地下有落地玻璃設計感覺好開揚地方舒適闊落下次有機會的話試埋其他特飲甜品有機會 會再黎😋

呢間Cafe好多分店都去過 環境真係好舒服😌好鍾意食佢哋呢度嘅戚風蛋糕🍰賣相真係好可愛！推介佢哋嘅白玉焙茶戚風蛋糕 蛋糕好鬆軟 面頭仲有軟滑嘅焙茶忌廉 茶味十足 再加埋煙靭嘅白玉 口感好豐富！

係明太子🥹係我最愛嘅明太子🥹呢間cafe相信大家都唔陌生，食物比較偏向和風日式仲有啲甜品咁🤗第一次嚟有啲選擇困難😂見到明太子就比佢吸引左我☺️❣️明太子綜合茶泡丼($68)明太子茶漬飯其實唔係太多地方有，幾年前喺福岡食過一次 真係太好味😍😍😍呢次都係我喺香港第一次食返呢個茶漬飯‼️見到一大pat明太子真係好開心🥰個湯連埋wasabi連明太子一齊放入口好滿足😋佢份量唔係好多，可以加$20要埋小食沙律同湯小食當日係中華沙律👍但個湯就怪怪地好似燶左😂❣️溫泉蛋牛肉丼($79)原來嗰日冇試到😅寫唔到了大家睇相就好😂❣️燕麥榛子疏乎厘 ($68)呢個疏乎厘上枱嗰陣勁高呀🤣證明個蛋白打得好🤣不過原來燕麥 榛子(個雪糕)同疏乎厘係分開三樣野嚟🤣又凍又熱都幾特別呀～❣️抹茶牛奶呢個超好飲！抺茶味牛奶味都好重😙唔小心就一口氣飲哂了😚餐廳空間超大，可以舒舒服服慢慢坐（如果冇人等的話😂）