屋子空間 (Closed)

我喜歡這裡簡潔裝修不花巧，正如他的名字一樣「屋子空間」，入座後每人都有一個自我空間，在這裡深深呼吸感受著清優時空。這裡是一幢三層式獨立屋，最底層是廚房及落單地方，我們先選擇食物購票，然後再上三樓找自己合適位置，我兩選擇了露台位，大自然空間感高。🎅海鹽焦糖 Latte $39呷一口滿嘴淡香咖啡，口感是滑滑的，軟綿幼滑！🎅黑珍珠牛奶 $30這杯台式飲品黑珍珠都頗為多，軟糯有口感，牛奶香滑，甜度適中。🎅味噌豚肉溫烏龍麵 $68這碗烏冬麵帶微暖，窩心蛋攪拌熔入烏冬同食幸福滋味表示在臉上，豚肉脆香帶有一丁味粉味道。🎅肉桂蘋果小鬆餅 $58這個是我的小確幸，單是看都樂透了，鬆餅夾著暖暖的蘋果及冰凍的雲尼拿雪糕忌廉同食，滋味很爽。餐牌我們邊食邊影相悠然自得，樂在其中，多舒服的一個聖誕節午餐。🎄

咁啱喺大圍附近做完嘢，等夜晚食飯。決定行去屋子空間坐下飲杯咖啡，寫下野。cafe嘅空間比我想像中細。地下嗰層賣咖啡，有幾嗰bar位，再上一層就有大約十幾嗰位，有露台位，第三層就整甲。因為晏少少要食飯，所以淨係叫咗杯Coffee latte。買完咖啡，要攞上樓上就係要小心翼翼😅好驚倒瀉。估唔到仲有拉花添，如果唔係用紙杯就好啦！杯coffee latte 奶滑、有微微甘甜的咖啡香，咖啡同奶嘅比例適中！下次要試下啲食物！

係網媒見到已經想試 主打烏龍麵同飲品 都有輕食提供 空間開陽 以啡白為主 好舒服 不過今次食飽就淨係叫左嘢飲🍸 🍓草莓拿鐵 $42漸層效果好吸晴 打卡岩曬 拿鐵吾會好苦 甜味源於草莓醬 每啖要用心”Dap”下先會飲到草莓味

由於近排都會check下食店嘅背景先幫襯發現左呢間好啱打卡 又好簡約風嘅cafe 喺大圍鬧市中嘅一片靜土店中食物選擇吾多 主要係食鬆餅同烏龍麵有冷同熱嘅烏龍麵 今次叫左豚肉、柚子熱烏龍麵同辛辣冷烏龍麵豚肉嗰碗啲豚肉係簿切 蘿白好入味同好淋好似係$68 碗 另外兩碗就係較清爽 辛辣冷烏龍麵係有泡菜 食落好開胃 麵質好彈牙 甜品叫左香蕉鬆餅加雪糕個鬆餅係有好多塊細細嘅鬆餅一口鬆餅好方便 吾使下下切食落熱辣辣 好好食 呢個真心推介 最緊要係良心店 店內staff好有禮貌

今日同朋友去左大圍既屋子空間，裡面除左正餐仲有甜品，咖啡亦很不錯。我叫左個鰻魚飯，份量適中味道亦好好。見到隔離枱叫咗疏乎厘，原本減緊肥嘅我都忍唔住叫翻個，真係意外地好食而且仲好多口味添。

難得放假當然要Relax一下～之前行過見到白雪雪一棟大廈～就好想入黎睇下環境同食物質素如何～入到黎就搵左位先再買野食～環境都好日式～感覺幾舒服～但人就比較多～有啲嘈～但我地坐左出邊就靜好多～坐低之後就睇下點咩食～都幾貴下～叫一個烏龍麵都$6x～味增豚肉溫烏冬麵豚肉林身～蘿蔔好出色好甜👍🏻烏冬彈牙～輕食黎講做得唔錯～關西牛肉溫烏冬麵溫泉蛋接近生～所以撈勻落啲湯一齊食會好啲～味道都正常～熱黑糖珍珠牛奶味道都唔錯～但黑糖味唔夠～熱飲無粗飲管好難食到啲珍珠～凍海鹽焦糖牛奶甜甜咸咸既味道都唔錯～都幾好飲～P.S.味道黎講都唔錯～但真係貴咗啲～一碗烏冬都唔太大碗～輕食份量～黎一次都可以～打下卡😆

兩個女仔想坐低飲杯野，即刻就諗起之前一直勁多人等位嘅屋子空間。可能最近社會運動嘅關係，冇人排隊入邊都冇坐滿人，做大把位。其實入邊都算幾舒服，鍾意坐室外或者食煙嘅人佢又有露台，呢個設計幾好。我哋兩個一人叫咗一杯嘢飲，一杯岩鹽焦糖牛奶，一杯士多啤梨拿鐵。朋友個杯一般般，我個杯士多啤梨拿鐵真係非常非常非常奇怪哈哈哈😄佢又唔係好龍咖啡嘅味，有少少好似就咁飲緊牛奶嘅感覺有少少澀澀哋，再加有浸士多啤梨味，我本人就唔算好鍾意，不過如果鍾意奇怪味道嘅朋友可能就會覺得好新奇。

下午茶時間兩個人叫左兩樣嘢來share😋 首先經典小鬆餅其實就系mini pancake可以一口一個 一份大概有8個到(?)🧐 面頭灑上糖霜同有兩pat牛油 好邪惡😈 但其實味就吾特別 一般pancake味 第一啖入口有小小的香蕉油味添😯 都算鬆軟既但😂 另外的草莓抹茶牛奶就有d失望🤢 expect佢士多啤梨系有真的士多啤梨蓉或者最基本都比jam我呀🤔 點知系正常matcha latte個底有啲士多啤梨糖漿🤷🏻‍♀ 好彩的系佢用的糖漿冇好大陣人工味 亦吾會話太甜😌 matcha latte抺茶味吾濃吾香 但個奶底就幾滑 好順口🤭 所以吾系難飲既 但我覺得基本的裝飾點綴都要有呀身為cafe😖 雖然佢叫有小小漸層🙈其實間野個裝飾吾差 以白色為主調 好清新 但我一至五4:00去都坐滿 所以如果目的系打卡的就可能要佢一開門就去啦😉

估唔到大圍村屋附近，會有一間咁日式嘅飲品店，初頭以為只係得飲品，原來仲有嘢食架！行過咁多次，今日一於去試下！一入到店內，就覺得好舒服，好清新，仲有柔和背景音樂，今次係同老公黎，我諗同朋友黎食下嘢，傾下計，都係一個不錯既聚腳點！食物方面，我哋點左關西牛肉暖烏冬同味噌豚肉暖烏冬，仲有波蘿水果茶。兩款烏冬都好好味，牛肉烏冬原來配左半熟蛋，拮穿左之後同烏冬黎一個冷暖對沖，感覺好正！因為唔知會有蛋，我哋仲特登點左隻半熟蛋試，不過齋啪都好味呀！味噌豚肉烏冬方面，味噌味好夠，比起關西牛肉烏冬重味，想食濃味嘅朋友可以揀呢款！未夠中午 12點已經差不多坐滿喇，可見有一定人氣，一定會再黎！

讚1. 環境影相一流，下晝去無乜人彈1. 環境望落舒服，坐落就似唔得，櫈唔舒服，冷氣焗，仲有少少污糟2. 咖啡差，得個苦字，以一間Cafe而有咁既水準，係欺場3. 班戟真係過份，六十幾銀既野，唔係拿啲小圓餅就話係班戟嗎？！淋埋啲忌廉上去都算，但係又無味既

朋友專程揸車入沙田帶我試依間cafe，驟眼睇，大廈四四方方，好有日本小房屋既感覺，好多blogger都會係門口影相。大廈樓高四層，實際只會開放地下同埋2樓比食客使用，唔算好大。裝修好簡潔，頗有無印良品嗰種感覺，另外會有一部水機，仲有餐具，所有嘢都係自助嘅模式。草莓抹茶牛奶，草莓應該係用糖漿，溝埋抹茶牛奶又唔會太甜，都幾易入口，我覺得都好飲嘅，抹茶味都香濃，我唔鍾意啲太甜嘅飲品。鳳梨latte，我就咁飲就覺得一浸咖啡味，唔太飲到菠蘿味，但朋友覺得都OK。另外叫咗一個小鬆餅，係跟餐嘅，仲有雪糕，我覺得啲小鬆餅好厚，雪糕都還可以。估唔到香港仲有依一種Cafe，假日黎到感覺放鬆。

大圍多了一棟好矚目的白色建築物 原來是屋子咖啡的新分店呢ヽ( ^∀^)ﾉ 新的屋子空間佔整整四層 底下兩層是咖啡廳 第三和四層則分別是美甲店跟活動空間！_這裡環境真的是一流 裝潢簡約 氛圍跟外面繁忙的街道別樹一格🍃 每層還有一個小小的露台位置😚 (不過挺搶手的 哈哈哈 小編們平日下午時間來到 已經有人坐外面了 而且不斷有新客人來想坐室外位置～)_這裏食物選擇不算很多 主要就是烏冬跟鬆餅～梅子青檸溫烏龍麵 $68 🍋胡麻辛辣冷烏龍麵 $66 🍜叫了胡麻辛辣冷烏龍麵 跟 梅子青檸溫烏龍麵🙆🏻‍♀️ 本來以為前者是配辣胡麻醬的冷烏冬 但原來它是好像韓式拌飯那樣 配辣泡菜 紫菜 粟米 青瓜絲 和烚蛋 最後再撒上芝麻粒～ 甜酸鹹辣各種味道元素很平衡 吃起來特別清新無負擔😚 尤其喜歡他們的烏冬！口感非常Q彈煙韌😻但相比之下 這梅子青檸溫烏龍麵來的更有驚喜！醬汁真的調得很不錯 味道鹹鹹酸酸的 很特別 感覺零舍開胃！因為這是溫的 所以烏冬就沒冷的那麼彈牙 但還是挺有咬口的😚 夏天來一碗最適合不過了💓💓_海老天婦羅 $30 🍤加配的海老天婦羅也不錯的 雖然炸漿不算特別薄 但炸得挺鬆脆 蘸上沙律醬吃很是滋味

最近不論身體還是心靈上都出現一種很勞累的感覺，內心經常冒起想要去做Treatment、想去Cafe慢活放空的想法，這念頭更變得愈來愈頻繁，正所謂日有所思夜有所夢，早前連發夢也夢見自己置身於一個溫泉渡假村之中。或許，我真的累了，實在有必要好好地調節平日急促的生活節奏、還有容易焦急的心態。這天特意來到位於大圍的屋子空間，地點不算難找，一路走來沿路亦見一些Cafe小店，離遠見到一間全白的獨棟小屋，十分顯眼。看著屋子空間平和的外觀和裝潢，實在希望能夠在這裡悠閒地渡過一個下午，好好放鬆心靈，可是我們實在選錯了地方。屋子空間樓高4層，地下和1樓是咖啡店、2樓是美甲店、3樓不定期會舉辦工作坊，因此對外開放的只有地下和1樓。然而屋子面積有限，兩層加起來所能提供的座位不多，空間感亦不夠，座位之間的距離十分相近，難免令人感到很擠擁。由於環境不夠空擴的關係，店內人客此起彼落的聊天聲音亦因此局促於細小的環境中，嘈雜的環境完全感受不到Cafe的寫意和悠閒感。更甚的是這個週末竟然有工程進行，隔一段時間就會出現震耳欲聾的電鑽聲，實在聽得令人有點心煩意亂，實在不宜久坐。雖然咖啡店在戶外亦有數個座位，天氣實在太熱，客人

相約左一群好耐無見既朋友re u. 揀左大圍之後就揀左呢間cafe.裝修好特別，好有文青feel，不過店內空間就唔多。self serve 形式去櫃台點菜。食物係輕食路線，份量唔同，早午餐啱啱好。叫左明太子冷烏冬同埋草莓抹茶牛奶。烏冬彈牙幾好食，抹茶牛奶個人就普通，太多味道撈埋反而唔夠突出。

屋子空間這間由整棵丁屋裝修而成的咖啡店 以白色爲主，簡約，清新。加上露台正位於在樹木旁，其BAR檯令人感覺隔開城市煩囂，滲出淡淡文青氣色。關西牛肉温烏龍麵 （$68)份量比較細，較適合女生。牛肉味道不錯！加上大蔥十分夾味！ 烏冬口感不錯！鳳梨拿鐵 （$39)這LATTE 冇菠蘿乾粒在面，飲落有咬口，菠蘿味香！