海膽仔

Open Now

Now Closed

最近去咗新蒲崗附近行街，行行吓覺得肚餓，就去咗覆桌之前去過嘅海膽仔，之前食過佢哋嘅海膽，今次就主力試吓其他唔同嘅嘢食。甲羅燒配法包前排討論度都幾高，之前未食過，咁啱呢度有價錢唔貴，梗係點一個試吓。以呢個價錢嚟講，份量都唔少，滿滿嘅蟹膏，搽滿兩塊法包都仲有剩，蟹膏味都好濃，加埋沾蛋醬後更加香滑，再配上法包，充滿層次感，值得一試。 日本黑豚肉眼定食炸粉唔算太厚，外層咬落去都好香脆，而入邊肉質軟腍，日本豚肉嘅油香突出，可以配合咗三款醬汁，分別有蛋黃醬、吉列豬扒醬同埋麻醬。 串燒牛舌厚度適中，食落幾香牛味。 和牛粒肉質幾腍，不過怕食生嘅朋友就要留意吓，因為熟度大概只有5成，食唔到咁生嘅，可以叫員工整熟啲。 金菇牛肉同雞肉串就不過不失啦熔岩海膽魚餅上到嚟見到有三舊黑色嘅嘢，第一眼以為係原隻海膽，原來係魚餅。魚餅應該係即叫即燒，因為一上到枱，都仲係熱辣辣，而且表面都好脆，一咬開魚餅，入邊全部都係海膽醬，都幾特別。餐廳每日都會有唔同嘅新鮮海鮮提供，想知當日有邊款新鮮嘅海鮮，可以睇吓收銀處後邊嘅白版，大多數嘅海鮮都係來自日本，我哋去食嗰一日，店員話俾我哋知生蠔係來自日本嘅，而海膽就係加拿大嘅，如果大家

位於新蒲崗的日式料理餐廳，以海膽為名，顧名思義，很多菜式都有海膽作餡料，還有其他日式料理。餐廳門口前方位置是店舖，售賣各種新鮮生蠔、刺身等，後方才是座位，位置不算太多。刺身：油甘魚腩 一共4切，魚腩非常厚身，色澤粉紅，油脂豐腴。小食：熔岩海膽魚餅黑色的魚肉餅，爽彈口感，中間夾著滿滿的金黃色海膽醬，帶香濃的海膽味。燒物：多春魚5條多春魚，蠻肥美，燒得香口、乾脆。拉麵：汁燒雞扒拉麵豬骨湯底濃稠，拉麵麵質煙韌；照燒雞扒外皮燒得微微焦香，雞肉肉質厚實多汁；其他配料有筍絲、溏心蛋、木耳絲、粟米粒。定食：海膽三色丼三款刺身，有吞拿魚蓉、三文魚籽以及一小板海膽，加拿大海膽濃郁。配上吞拿魚蓉及三文魚籽，加入醬油及手磨山葵拌飯。

呢間壽司舖bookmark左好耐🫡今次終於黎試😆.🔸海膽丼 $168餐廳名叫「海膽仔」，一定要試下佢地既海膽丼，一上枱海膽份量一d都唔吝嗇，仲有配埋紫菜包住食，完美🥰🔸倍化帶子吞海膽 $98帶子肥美兼鮮味十足，配埋濃郁綿滑既海膽，加埋外層包住既紫菜，絕對比到豐富既口感🤩🔸火炙三文魚 $16三文魚燒過之後魚油味更香，仲滲埋落壽司飯到，一淡食落去，會想一舊接一舊🙈🔸鰻魚芝士卷 $36入面包住大大舊芝士同埋青瓜，配埋鰻魚一齊食，係三重享受～🔸鵝肝多士 $48一入口就食到滿滿既油脂感，加埋脆口多士，係最佳既配搭😆🔸燒牛舌 $28好抵食，一串有4舊，牛舌燒得岩岩好，仲好彈牙🔸紐西蘭乳龍蝦 $38第一次見呢款刺身即刻想試一試，龍蝦連頭一齊上，雖然唔多膏，但蝦身鮮甜可口，值得一試

海膽仔琴晚去咗新蒲崗搵好西食，搵到一間性價比高嘅名叫「海膽仔」，一睇到店名就知主打d人係大多數叫海膽食啦，簡直係招牌菜，店員仲介紹我食埋真鯛刺身，即刻勾起我幾年前去咗東京嘅其中一間餐廳玩即場釣魚，釣到即場幫你即劏即食嘅畫面回憶出現！呢間餐廳門口有一級，我又出動斜板，餐廳入面唔算大，大約坐得廿幾人左右，但店員都好nice，主動幫我搵枱！👍👍👍1.真鯛（大條）刺身$238（9/10）呢個「真鯛」真係好大條，我都唔知食咗幾多塊，我諗都有大約30片「真鯛」刺身，刺身肉質爽口彈牙，味道清甜，好鬼新鮮！2.海膽丼 跟麵豉湯及沙律$168（9/10）呢個海膽丼入面d海膽好鬼多，真係做店名無錯，唔叫海膽真係走寶，我問店員有無兩板，佢答我話有50g，仲話係加拿大貨！呢個海膽好鮮甜好新鮮，連埋微微暖嘅日本米嘅飯一齊食簡直正爆，性價比極高，直情係呢間餐廳必叫皇牌美食之一嘅首選！3.雞皮串$12（7/10）鹹咗少少！4.魷魚鬚串$18（9/10）燒得好香，魷魚鬚爽口彈牙！5.炸蝦蟹子卷$36（8/10）一碟4件，影完相食仲好熱，好好食！2人總共價錢$519，有加一服務費！個人口味總評分：8.4/10地址：新蒲

▪️海膽三色丼 $138▪️醬油漬鮪魚雙色丼 $128隨餐附沙律，麵豉湯，叫得海膽仔一定要再試海膽今次再嚟食，帶咗新朋友嚟都覺得海膽真係好好食唔腥同份量足料。醬油漬鮪魚就一般。▪️倍化帶子吞海膽 $98再叫埋佢另外一個名物，望落去好似好普通，將帆立貝𠝹開再加海膽真心好好食，雖然小貴但係值得推介👍🏻👍🏻👍🏻▪️味醂魚乾 $88驚唔夠飽我哋仲有叫埋個魚乾，不過不失▪️木村蘋果味汁▪️富士山柚子梳打佢有好多日本樽裝飲品選擇好過平時剩係得汽水啤酒揀柚子梳打係幾出色👍🏻

嚟到海膽仔冇理由唔食海膽嘅，所以就嗌咗個〈海膽丼定食〉💣🍱，包沙律🥗同麵豉湯🍲，仲可以加$10有波子汽水🥤，有四款口味可以揀。〈鵝肝多士〉🦆🫁🥖鵝肝都幾大塊，稍為煎香，然後放喺香脆嘅發包上面，食得好滿足。〈甲羅燒配法包〉🦀🥖大量嘅蟹膏加埋生鵪鶉蛋撈埋一齊，再搽喺法包上面食，非常濃郁。〈三文魚腩壽司〉〈蟹籽軍艦〉〈明太子沙律軍艦〉🍣三文魚腩好肥美，油脂分布平均。蟹籽同明太子沙律份量都好多，非常抵食。〈熔岩海膽魚餅〉💣🍢呢款小食好特別，我諗餐廳參考海膽嘅造型設計，黑色嘅魚餅啖啖魚肉味，入面包住巨量嘅海膽醬，濃郁嘅海膽味，食得好滋味。〈木村水蜜桃味汁〉🍑🍹仲有多款日本水果味果汁，例如水蜜桃、蜜瓜、蘋果、柚子等等，總有一款啱你口味！

被「海膽仔」呢個名吸引，最近專程去左食下海膽。原來餐廳性價比好高，除左海膽類外，仲有即開生蠔同各款日式料理，都係好抵食！（本來以為係全部都係海膽～～）餐廳內仲有我最鍾意嘅千與千尋無面人佈置，感覺好日本風！✨倍化帶子吞海膽$98-一場來到，當然要食多D海膽！係超厚帶子配上海膽，一啖食落去口感超豐富兼滿足，而帶子都幾新鮮，海膽用上加拿大海膽，幾甜。🌟海膽三色丼$138- 本來諗住點個全海膽丼，來一場海膽盛宴，不過見到呢款都幾吸引，而且可以一次過食到幾款刺身，價錢又唔貴。- 海膽份量都幾多，而且肥美，幾鮮甜。上面有超多三文魚籽，連埋新鮮吞拿魚撈飯，啖啖都「有料」🐟西京燒銀鱈魚定食$128- 呢款日本料理真係好有水準，銀鱈魚厚厚的，肉質香嫩，外層煎到好香，入面juicy。以$128呢個價錢，絕對值得一試！scampi $38/隻- 見好耐無食Scampi，呢到價錢又幾抵食，就點了來食下- 蝦頭d 膏超甜濃香，一定要食埋。有機會要來食即開生蠔～

有次行過望下個menu見都幾多嘢食 又有幾多成條魚嘅刺身 所以今晚就嚟試下去到見入面無咩位 原來有二樓 啲位都幾好坐不過播啲歌有時會有啲奇怪remix歌 個feel唔係幾好🤔炸雞軟骨 $38份量都幾多同埋炸得幾好 唔會太油 送酒一流三文魚子壽司$38啲魚子如果俾多啲遮到啲飯就靚仔啲不過味道唔錯 魚子都大粒海膽軍艦 $58海膽口感係偏creamy嗰隻 都幾鮮甜可惜北海道海膽無貨枝豆 $28份量多 調味啱啱好和風水母 $58呢個幾得意 口感係爽脆嘅 加埋柚子醋 好開胃雞腎串 $28雞翼串 $28牛舌串 $28翠肉瓜串 $16雞皮串 $12串燒係燒得幾好幾香 但調味好重手 可以無咁鹹會好啲翠肉瓜就啱啱好 瓜肉好甜魴鮄 $188呢個幾抵食 魚新鮮之餘份量都多不過啲碎冰有時痴住喺魚到 會影響口感 食完可以加$38加工個豆腐湯飲 好鮮甜油甘魚鮫 $68呢個有啲可惜整得太熟 唔係好食到魚油不過價錢算抵大蝦天婦羅 $88呢個價錢有五隻 雖然蝦唔係好大隻 但炸得幾好 唔係好油膩 蝦肉都唔會霉七味五花腩串 $28燒冬菇 $16呢兩樣都係燒得好但太鹹燒菠蘿 $18呢個唔記得影 不過係好食嘅 菠蘿好甜雞肉棒串

新蒲崗唔係淨係得工廠快餐架，近越秀有間日本野都好正架，我都幫襯左好一段時間，介紹過唔少人食😂真心好，質素好而且穩定👍👍👍平時去日本餐廳食海膽又貴又唔一定好食，但海膽仔嘅海膽從無令人失望。又香又新鮮，入口好滑，而且一d都唔腥亦好warm咁配埋飯糰和紫菜，一齊食增加口感層次刺身定食，都係我必選的，因為勝價比超高。而佢地嘅面是湯都一樣細心，唔係淨係開粉加水，有豆腐卜，有海帶，豆腐，非常豐富🤗🤗

見到個名唔好以為淨係食海膽一般日本餐廳有得食嘅野都有啲咁啱想睇嘅戲喺嘉禾啟德所以諗住喺附近食方便啲叫左三文魚刺身 香葱拖羅蓉軍艦 海膽丼牛油果軟殼蟹卷 燒汁雞扒烏冬串燒叫左牛舌 雞肉棒 雞肉大葱魷魚鬚 翠玉瓜 同和牛粒刺身同壽司都唔錯 拖羅三文魚都幾好食海膽丼飯多海膽份量偏少 海膽尚算新鮮 不過冇乜鮮甜味可能冇叫日本海膽真係差少少雞扒烏冬個雞扒處理得幾好冇雪味而且食到有炭燒味 醃得剛剛好份量都算多 個湯底都同烏冬幾夾可惜串燒整體黎講好一般雞肉棒有啲乾 牛舌同魷魚鬚都有啲韌翠玉瓜太咸 雞肉大葱就最正常下次經過買日本海膽返去試埋順便可以再encore啲刺身同壽司

嚟到新蒲崗搵嘢食因為要慕名到訪一間日式小店，從鋪名可見一定要食海膽！🌟海膽三色丼呢個set包一碗沙律和麵豉湯。丼飯配料有海膽、吞拿魚蓉及三文魚籽。海膽口感綿密甘香，海水味濃吞拿魚蓉口感軟綿綿鮮甜無雪味，三文魚籽用會拌飯一流🌟秘製牛舌拉面 追加帶子刺身牛舌厚身大片咬落好諗身，湯底雖比不比正宗拉麵店但以一般日式小店來講湯底都夠濃豬骨湯味，麵質都夠Q彈。帶子刺身厚肉鮮甜，用追加價錢換購好抵食！🌟黃金魷魚花之戀🌟蟹膏花之戀兩件花之戀都大舊，三文魚腩厚身黃金魷魚鮮甜爽口蟹膏都放得幾飽滿🌟厚燒鰻魚串真心厚油香味濃，加上滿滿鰻魚漿汁好惹味，只欠一碗白飯🌟七味五花腩串肥瘦剛剛好，表面七味粉已夠晒惹味！🌟雞腎串燒得剛好有爽口感覺唔會太老！🌟和牛粒串成熟程度燒到剛好，嫩口！

咁啱經開新蒲崗附近，又想食日本菜，見到有間門面幾靚仔嘅海膽仔，就入去試一試！.話明叫海膽仔，海膽應該係招牌菜。所以就叫咗海膽三色丼。內有海膽、拖羅蓉、三文魚籽，賣相好吸引😍海膽好鮮甜，一啲都唔腥！拖羅蓉都非常肥美！再叫咗個汁燒雞扒丼，雞扒都幾大份，好抵食🤣仲有叫咗芝士海膽大蝦炒麵，係一個定食嚟，有麵豉湯及沙律。炒麵充滿海膽鮮味，唔錯唔錯🙂最後叫埋甲羅燒配法包，蟹膏勁香勁好味！.人均都係$200左右，叫到咁真係好抵食！估唔到新蒲崗都有咁出色嘅日本餐廳，性價比超高！

新蒲崗一向俾人感覺都係舊區，食港式嘢多😯估唔到當中竟然有間日本料理—「海膽仔」🌟主打海膽及日本直送食物，最重要價錢親民貼地🤓實現海膽自由‼️.🍴海膽三色丼💰$138嚟到海膽仔，當然要食海膽啦😏以板上嘅海膽，加埋拖羅蓉及三文魚籽，賣相已經令人食指大動😍海膽味道鮮甜，入口即溶🤤配埋肥美拖羅蓉，送飯超正🤩粒粒三文魚子爆開嘅鮮味更令人着迷😚.🍴芝士海膽大蝦炒麵（定食）💰$98麵條沾滿海膽及芝士後變成橙紅色，好吸睛😛入口有芝士鹹香之餘，亦有海膽嘅鮮味，一啲都唔會腥😋大蝦爽口彈牙🦐定食會跟沙律及麵豉湯，好抵食😎.🍴甲羅燒配法包💰$68蟹蓋放滿蟹膏及蟹肉，將鵪鶉蛋撈勻後放於法包進食🦀蟹膏味道非常濃郁，鹹甜適中，啖啖鮮美🤤食完大滿足🥰.🍴蒜片牛柳粒💰$78份量都幾多，好似食極都有咁🤣蒜香味適中，唔會掩蓋牛肉肉味😌牛肉肉質軟腍，唔錯😙.以街坊小店來講，海膽仔款式非常豐富，價錢又親民☺️住附近嘅街坊食高質日料，不妨去呢度試試，有驚喜🤓

看到新蒲崗這家日本菜-海膽仔，評價挺高的，所以去試試果然沒有令人失望！餐牌選擇夠多，燒物、刺身、拉麵、丼飯樣樣齊，價錢亦相當合理！刺身夠新鮮👍🏽海膽仔果然名不虛傳，海膽軍艦很鮮味！加州大卷好有份量串燒也非常美味！這頓晚餐沒有一道菜令人失望而且性價比超高！推介👍🏽會再來幫襯唯一美中不足是服務員態度一般⋯

之前見好多人都推薦過海膽仔既日料 今晚就去試吓佢咩料 一食完就覺得原來呢間店都係走平民 尤其係佢炸物搶盡風頭 卷物好耐無叫香芒卷既物體 呢度又有所以叫咗 因為今晚係撞啱日歷寫住大雪既日子 平時唔怕凍既我都想食返啲暖野暖下個胃 所以今日起海膽仔並無食到海膽仔既我哋一致都想食炸物所以主要點係炸物為主 叫咗雜錦天婦羅 又叫咗個叉燒拉麵定食 包份碗仔沙律 價錢唔算貴 仲可以平啲咁追加份炸餃子同炸牛肉薯餅 炸物新鮮炸起 香脆惹味 係今晚最推介 而拉麵就係平價位既正常質素 叉燒係自家製入口軟滑有脂香 晚餐嚟講香港食到68有拉麵定食 今時今日嚟講算正路 另外仲就叫咗個刺身定食 質素唔好期望好高 不過份量都幾多 反而食淨咗啲 叫勁多野都只係400有找 飽到反肚