魚尚 (大埔墟站)

Open Now

Now Closed

知道魚尚推出左日本必食嘅半熟玉子飯團 想試左好耐了 但係可惜間間分店都好遠 一直都冇機會試-半熟玉子飯團🕺🏿❤️飯團加入左鰻魚汁 豉油同醬油 食落好入味 淨係食飯都唔會覺得好寡主角半熟蛋雖然得半隻 但有流心效果蛋黃呈橙黃色 蛋味都幾濃 不錯不錯飯團仲跟足日本版 加左少少沙律醬雖然一定係日本正啲 但呢個香港版都夠曬頂癮了而且飯量好足 大大個都只係$12不過可惜保質期只限當日 下次經過一定會再買！-其他飯團都只係$9-10 款式都幾多 價錢幾抵食 下次一於試一試佢！

今日嚟到大埔，行山之前經過呢一間壽司店，以為係爭鮮，原來叫做魚尚，佢嘅裝修同爭鮮差唔多，兩間都係開放的認識，自助形式去選購同埋俾錢。除咗一般新鮮同埋刺身之外，特別揀咗佢哋嘅新出品，糖心蛋飯團。糖心蛋飯團$12標榜用日本米製成,但係飯嘅嘅色澤好唔均勻，呢一點有啲失望，有點撈唔匀，重點係糖心蛋,有留心嘅效果，蛋黃係橙黃色，望到都已經令人垂涎欲滴，個糖心蛋真係糖心呢，＄12.1個飯團都係一個幾唔錯嘅選擇，因為個蛋真係幾出色，值得一試。

今天一個人經過大埔廣鐵站有點肚餓但又唔想一個人去食飯見到這店入去買了一盒雜錦壽司回家吃。以$30一盒壽司來說可以講過得去！魚生算新鮮，飯粒機壓有點過實。紫菜始終雪過所以是軟的。總括而言不過不失

一路都有幫襯開大埔火車站嘅魚尚，覺得佢嘅飯團同壽司都做得唔錯。今日咁啱又路過，想食下佢嘅飯團做午餐醫肚。今次買左2件三文魚沙津手卷，其實都只係$18... 作為一個午餐，都真係幾抵食！依家周圍食野都咁貴，有時想平平地一餐都唔係咁易！飯團嘅飯依舊軟糯剛剛好，帶微微嘅壽司醋酸味，唔錯！唔會好似放左好耐變到硬曬咁！而入面嘅三文魚沙津，味道都剛剛好，但餡料如果可以再多少少就perfect 喇！哈哈哈哈....... 不過其實以$9一件手卷，有咁嘅質素，我收貨啦！

價格便宜 餡料充足 款式選擇多我覺得烤味增日式叉燒味道麻麻 傾向中式口味鰻魚飯團舊魚厚肉又大舊汁煮牛肉飯團味道同華x結差唔多 不過d肉無咁咸 且碎d 華x肉無切開 好難咬三舊先至31蚊

今日中午我們喺大埔做完嘢之後覺得有啲肚餓，行過大埔墟火車站嘅「魚尚」畀好色彩繽紛嘅七彩刺身新地吸引著，所以就入咗去買嚟食，我們揀咗帆立貝珍寶刺身丼！帆立貝珍寶刺身丼有幾層，頂層係用帆立貝堆砌成好似一朵花咁，旁邊仲有啲三文魚、三文魚子、玉子同青瓜包圍著，令到賣相非常精緻吸引，而且全部都相當新鮮，味道好鮮甜，之後一層係壽司飯，再下一層係三文魚片刺身，之後最底層係加咗蟹籽撈埋嘅壽司飯，令到口感更加豐富！總括：呢個飯最好係中間有多一層刺身，唔會食完頂層嘅刺身之後就淨係食飯，而且處理相當乾淨衛生，真係值得一讚！

呢篇係無圖既食評, 請見諒佢既對手-爭鮮就食得多, 但魚尚真係未食過, 一於買一盒做午餐揀左三色三文魚盛($30), 有三文魚壽司(4件), 炙三文魚壽司(3件), 三文魚蓉壽司(3件)可能太耐無食過低價壽司, 三文魚薄過張紙, 無魚油, 每一口都淨係食到一件加左醋既硬身飯團而正常既炙三文魚係會用火迫出更多魚油, 令佢更香, 但呢度既炙三文魚完全發揮唔到呢個作用.... 三文魚蓉壽司-係軍艦形狀, 當然, 紫菜受潮淋晒, 呢點係想像之內由於三文魚蓉調過味, 味道比之前兩款好少少咁不過考慮到只係$3一件, 所謂1分錢1分貨呢個質素都係想像之內既

好正牙依家推出即製芝士餐肉蛋漢堡，唔打開個盒已經聞到好香，不過真係好難一落行一路食，要搵個地方坐先食，因為真係好易散，不過食呢個即製既溫熱牌有溶溶地既芝士既餐肉蛋壽司就可以唔洗食凍冰冰壽司，岩曬我口味，以$16黎講真係唔錯。

打完邊爐有罪惡感！就打算食下菜先番屋企！見到魚尚有中華沙律食！而且又平！就決定食啦！中華沙律份量都唔少！全部都好爽口！又有好香既麻油味！而且都好新鮮！加埋粒粒芝麻好香！

每到月尾，就會變成長崎良美，個名咁日本，當然想食日本野啦，就會想起魚尚，雖然之前流傳了可怕的新聞，但經過一鑊正路會衛生少少既，$9一個飯團，三文魚閒太子餡料剛好，壽司飯有醋味，味道普通，平平地又一餐。 魚尚

睇緊眾多類型既外賣壽司時見到呢個名叫忌廉芝士鰻魚壽司夠吸引，芝士加鰻魚既配搭真係好味，鰻魚汁配飯夠濃味，$15一盒4件壽司又算平。推介下呢個真係唔點豉油wasabi都已經好食。

經過魚尚，聞到陣壽司味，自然反應，立即番去揀幾舊帶番屋企食，揀左兩件三文魚，帶子和蟹籽。帶子跟平日見到的為不同~這是是日精選呢 因此帶子比較大粒飽滿 平日食到的是很乾 相對地這個很濕潤 有點像壽司店吃過的味道。三文魚3蚊件真係抵食，雖然係薄切，但口感肉質絕對唔差，放進口中，淡淡魚油味，不枉我點了兩件蟹籽比較細粒，紫菜很像樣，但不再爽脆了，蟹籽挺多但不代表飽滿，還可以吧！！

禽晚放工無人陪食飯,所以自己買野食去左魚尚買外賣,買左壽司同刺身壽司就麻麻,始終3蚊一件,好食極有限但係刺身估唔到唔錯,三文魚好多酒脂,亦都好滑口而且都幾厚切,但食落口又入口即溶一盒十幾塊都係60蚊咋,好抵食

唔知大家有無人食過麻吉燒，就係一舊魚蛋入面夾左年糕咁，簡直係👶🏼最愛😍。平時打邊爐好貴架，然後👶🏼竟然係外帶壽司店🍣魚尚見到，仲要即叫即燒🍢燒完仲會加d燒汁紫菜沙律醬咁，估唔到日式做法咁好食😋，重點係有成5粒咁多，抵玩喎🤔.ps.仲有其他丼飯，湯，雞脾等熱食，十零廿蚊就有交易la！😱

之前成日路過魚尚壽司，今日終於有機會買，手握軍艦壽司種類都幾多架，但係有d賣相就唔係幾好，比如咩海鮮壽司，龍蝦沙律壽司果d個樣睇落就唔想買，跟住睇下隔離有買一盒一盒壽司，我簡左和風牛肉捲，得13蚊，都幾平wor！所以我就買喇，服務唔錯，我問佢可唔可以比多包豉油，佢話：得！咁係得！雖然很平常，但係我覺得佢都幾親切架。仔細睇下其他小菜，比如麻辣裙帶，爭鮮得12蚊一盒，魚尚要18蚊，哈哈，比我發現左tim，所以就唔會買喇，還定大埔墟就有一間爭鮮外帶壽司，搭26號校巴咁岩會經過兩間壽司店！反倒屋企就迫不及待諗住食，淋上豉油，紫菜包飯中夾住青瓜，生菜絲和牛肉，食完第一個就有小小失望，出邊包既飯好似糯米，太厚實，冇壽司飯粒粒分明既感覺，好似食緊糯米飯，加埋中間夾既餸很清淡，冇乜味，個人覺得唔好食下次路過睇下有冇其他壽司盒子再比多魚尚一次機會，但係和風牛肉捲就bye bye了，唔會再買