V8美食軒

Open Now

Now Closed

原來灣仔地鐵站，冇乜非連鎖可以自己用夾子夾的那些傳統麵包店，這間可能已經是最就近可以找到的麵包店，😴不過都是擺晒喺入邊嗰個熱爐，然之後你叫店員幫你夾的那種，放晒喺爐度，叫做少少保持住個熱度。不過其實以附近嘅早餐店來講，佢都算係多人食嘅。其實唔差，例如佢一個芝士火腿，夠熱，體積不算太大，但是周處都有餡料，溫度夠熱，都算份量不少；另外的吞拿魚亦都同樣，體積不太多，但是內裏的吞拿魚餡料極多，溫度夠熱，其實這個都是味道相當不差的麵包店。不過$8 $9 加埋都$17，明明大埔平得多，不過常幫襯。

正, 抵食, 早餐必選每個早上, V8總是人頭湧湧, 特別到8:45AM 以後, 伴隨著熱騰騰的麵包出爐。很多打工仔都爭先恐後去買麵包, 灣仔除了金鳳奶茶外, 它的奶茶也很有口感。茶膽夠香, 奶味不濃。幫襯咗5年多以上, 價錢就貴咗但質素都KEEP 到, 這個又十分贊其次它也有作午市生意, 同事說它的焗飯都有質素, 可以再嘗試下。另一方面, V8的員工很好, 有時大頭蝦沒有拎銀包。員工都很有人情味, 而且也認得老顧客的口味, 很贊

嚟到呢間食店試咗個午餐，真系話咁時令好食！🍚鹹魚肉餅飯真係一絕，肉餅鮮嫩多汁，鹹魚呢，咸香得嚟唔會太重手，食落去唔會嗌飲品。而且仲有白灼椰菜花做配菜，清新解膩。講真，椰菜花煮到啱啱好，咬落去脆口之餘又唔會太硬。😋面前呢碟焗炸帶子肉醬意粉仲未食已經聞到陣陣蕃茄香味，兩隻金黃色既炸帶子喺肉醬上面誘人非常。帶子肉厚彈牙，肉醬既味道夠哂濃郁，又唔會膩口，同意粉既配搭真系正！意粉嘅彈性剛剛好，唔會太硬或者太腍，真心享受到每一啖。食到最後，飽肚都想執多啲！👍至於店內環境，乾淨同埋家庭式既感覺，令人覺得舒服。牆上嗰啲錦旗同紀念品更加添咗幾分人情味，真係食得開心之餘，眼睛都有嘢睇。話哂，平民價錢但享受到嘅味道絕對唔平民，值得我推薦畀大家！下次路過，一定會再黎探班添！

V8係灣仔外賣lunch黎講叫幾平，$32個焗飯（以前賣$28/$30）細細個我諗女士應該夠飽，男仔就未必夠。個飯味道合格，焗飯有炒底有誠意，汁偏甜，肉量都唔少。平靚就應該係，正就未談得上。

灣仔買早餐既地方集中係橋底其中最鍾意幫襯V8三文治新鮮 多選擇唔止有芝腿 餐蛋 腿蛋仲有蕃茄碎蛋 吞拿魚碎蛋等等另外仲可以轉麥包加埋熱飲都係$20足料又有營養～其餘人龍通常都係排出爐西式麵包/熱狗我自己就少幫襯不過咁多人排應該都係好抵食同新鮮提外話 姐姐好好人會記得你飲開咩 好貼心

月光族表示一到月底嘅時候 發覺開始無咩錢食午餐 要慳錢嘅時候 外賣自取 係一個最好嘅方法 喺灣仔好難搵到一間 30零蚊 而呢一間嘅舖頭就係我哋窮人恩物佢星期一至五都有六個便當可以選擇 都係30蚊冇變 通常有三個係焗飯或者焗意粉 另外三個就係餸拼飯咁樣 而我今次要介紹嘅 就係簡簡單單：日式芝麻吉列豬扒飯 $30簡簡單單一個便當 有肉有少少青瓜同蕃茄 點上芝麻醬 已經可以好好味享受普通既一餐 味道有少少帶油膩嘅味道 但呢個價錢呢個質素可以接受😇 每一次慳錢嘅時候我都會食呢一間餐廳

今朝返工搭巴士早到咗灣仔夠時間買返個早餐返公司慢慢食完先開工V8美食軒細細間舖一家人開佢地處理得好有條理預先包裝好熱咖啡奶茶係外賣袋到係門口放咗好多款三文治只要你選擇咗想食既三文治然後同門口姨姨講飲咩佢好快手就可以拎到比你方便晒急性子既香港人呀淨三文治$12，加$8多杯熱飲總共加埋都先係$20咋早餐泥講真係好抵食三文治可以揀芝士火腿加碎蛋份量好足夠，食完真係好滿足奶茶有香濃茶味📍V8美食軒🔍灣仔柯布連道4號地下B舖 (灣仔A1/2出口）

早餐一定要食得飽先有力氣做野咖嘛返工前買個相拼三文治返公司，食個早餐先開始做嘢，咁就係Good morning啦朝頭早三文治排晒出嚟俾你揀，可以望見個樣靚，啱心水先拎Fatbrown 就鍾意咩都食啲嘅，所以就揀咗一個雙拼三文治嚟食<雙拼三文治$12>今次試芝腿治拼碎蛋火腿三文治，麥包做底麥包都幾有麥味，鬆鬆軟軟唔會擺到乾晒芝腿治個邊嗰邊，火腿有兩塊，一啲都唔孤寒碎蛋治濕濕潤潤都幾好食下次可以試吓其他配搭，總好過日日食麥當勞，健康啲

話說下晝三點幾去埋三文治, 個阿姐食完橙, 順手就正個三文治畀我我睇住佢手都未洗, 仲要隻手周圍摸。 整個三文治畀我手套都冇帶。 雖然呢間舖頭奶茶同三文治好好味, 衛生情況好差我以後都唔會去

去灣仔出job lunch食乜好？又限聚令又怕間餐廳逼同partner決定買外賣返去食完快d開工算啦-見到V8 專做外賣, d人排隊買飯又買得好順𣈱$30蚊究竟可以食d乜？我哋就食咗椒鹽炸雞飯同黑椒牛肉飯好大盒飯, 肉同椰菜份量亦多, 好均衡味道都好食可能廚房係一早整哂飯盒擺定嚟賣啦炸雞個皮已經淋哂啦不過仍然覺得抵食！+$5 另有熱飲,+$7 凍飲-之後睇到Openrice有食評寫V8 衞生有問題希望佢哋衞生意識增強咗啦咁平真係窮人餐我哋仲想幫襯㗎

通常返工都响灣仔v8買早餐，貪佢夠快，同啲包都熱辣辣幾好食。今日lunch又要快食嘅關係，無咩頭緒吓諗住去V8買個包頂住先，但睇到佢有幾款焗飯、粉，同幾款兩餸飯揀，仲要平到30-33蚊！咁抵又試吓咩味啦，買左個鴛鴦焗豬扒飯，30蚊，唔太大盒，我女仔份量啱啱好食得晒👍🏻唔嘥嘢😊兩隻汁- 蕃茄汁同埋白汁都好好味，紅汁一啲都唔酸，白汁都唔漏仲有洋蔥🧅配料👍🏻但係塊豬扒就有少少un，係呢樣失色左，但我都會繼續幫襯佢，試吓其他兩餸飯😆

一向有光顧V8的早餐，一份$12(飲品另計)三文治可以吃到兩款口味，對打工仔來說是一個不錯的選擇。👍個人喜歡吃吞拿魚沙律x芝腿麥包三文治，麥包通常九點半已賣光，但如果只是款式賣完，可以問職員能否做一份給你（多等一兩分鐘吧）。今日遲了點來到，只剩下碎蛋沙律治，幸好店員肯為我多做一份呑拿魚沙律x芝腿治😁 滿心歡喜回到公司起動，竟然發現有隻活生生的飛行物體🦟在盒內移動著！ 感覺像從山頂跌到谷底⋯⋯又要多走一段路回去V8更換跟一個姨姨反映狀況，她看了看蚊滋的位置，然後作勢想打開膠盒的一角及伸隻手指入去！😱😱 我心想：你不是打算拿走隻飛行物體繼續賣呀嘛？！🤢🤢 她見我睜大眼睛看着她，好像有些心虛似的想把三文治拿進廚房內😑。我跟她說：「唔好要喇！😓隻野爬左好耐㗎喇⋯⋯😓😓」 她還是默不作聲的拿着三文治走進廚房。。。而我，就那着換回的碎蛋治，走回公司。。。其實，可怕的不是昆蟲的存在，而是職員對待受污染食物的態度。你說對嗎？

係附近返工，早餐多數係尼間買三文治，佢既三文治超豐富，但係灣仔只係賣12蚊，真係超值。有天有同事介紹這間既午餐都好好食，我才知道有午餐吃，我當然想去試下，有幾抵食啦～價錢30元，真係很便宜，可以堂食或外賣～佢每天有6款選(3款焗、3款兩餸飯)，不過食耐了，都是差唔多款堂食就唔係好多位～可能佢焗開放溫暖，好快就有得食～我之後都食左幾次，多數都係食茄汁雞或豬扒....佢地既汁同飯都好好吃，好濃味，只係佢地Ｄ雞或豬扒比較“un"...有些失色。不過30元應該都係差唔多質素吧～如果選堂食，佢有自助茶水拎，可以唔洗飲野都得～

今日想食簡單點，便去了灣仔V8美食軒。由於是早餐繁忙時間，去到麵包舖門口已排滿人，我點了一份吞拿魚配碎蛋三文治🥪+一杯熱檸檬🍋茶$19。吞拿魚配碎蛋三文治🥪唔錯。熱檸檬🍋茶正常。早餐是一個不錯的選擇。

午市買餐蛋治，個女四眼收銀一聽就面色一沉，話無，但明明餐牌大大隻字寫住有，之後未問廚房就話賣哂，午市一隻蛋都無，你信唔信？之前買過飯都入得落口，今次後唔會再幫襯。