素食工房

Open Now

Now Closed

中午過嚟搵嘢食，發現有間兩餸飯嘅素食餐廳。中午都係等咗一陣就有得入去。嗌咗三個餸，另外加多$10買個煎炸嘅拼盤。本身冇乜期望，所以今次嘅經歷都叫做俾咗少少驚喜我埋單先$58 ，但係就有三個好大碟嘅餸，啲菜係偏油少少，不過都冇乜所謂嘅，苦瓜煎蛋嗰個都好好食。份量好足，味道都好味。滿腔就偏貼，但係都幾好味。鍾意嘅係最後加$10嘅嗰三個咋，雖然都唔係熱辣辣㗎啦，但係味道不錯，尤其是係個綠豆餅同埋春卷。我都幾鍾意。希望第時都有多啲呢啲素食餐廳，又唔貴，又好食，最緊要快。一落單就即刻上菜。初一十五過嚟食吓都幾開心。

基本上每星期都會食款式多 味道不錯 間唔中會有新款湯 冇味精 清甜但唯一不足 員工衛生曾巧遇地見到過 員工如廁後 並沒有洗手就返回工作崗位明白到 可能係人手短缺但個人衛生對食肆都好緊要希望貴店會留意

今日落雨黎郵局寄件，咁啱肚餓原本想食米線，但見到間素食店有啲興趣，又有多人坐係到食，一於行過去睇。點知一睇，素菜有10款左右可以選擇，非常豐富所以我眼闊肚窄叫咗個三餸飯，蕃茄炒蛋，欖菜炒豆角，煎薯餅，仲有埋例湯係$45，薯餅對我嚟講冇咁好食，蕃茄炒蛋同欖菜炒豆角好似煮家飯咁，另外啲餸唔夠熱，但整體嚟講都幾滿意！米飯好似係用珍珠米，湯水如果冇估錯應該係猴頭菇，非常清，飲得出係冇味精好岩胃口一定會再嚟幫襯！

素食工房簡直就係素食者噶福音，每次上完堂就係食區，涼瓜煎蛋一定每次必點，涼瓜不苦，蛋邊有時還脆脆的，中間位置蛋味濃又軟嫩，菜花一點點辣，鍋氣好夠，瓤茄子都好正，不會太老，中間瓤噶係豆腐，令整塊茄子食落去不會過鹹，還有，每次例湯都好滋潤，今次南瓜眉豆紅蘿蔔湯，入口好濃郁噶南瓜味，湯料都好多，入面還有紅棗，蜜棗，眉豆，紅蘿蔔，入口超甜，有個錯覺好似食緊糖水，素食工房差不多真係個個星期都必食一餐。差不多係飯堂之一

最近係荃灣樂悠居商場嘅food court新開咗間素食兩餸飯店。我哋星期日夜晚去食，6點半之後開始多人，但環境唔算擠迫，坐得舒服。兩餸 $40三餸 $45淨餸 (可雙拼) $50送例湯、白飯白飯轉炒粉絲 +$5餸茄子麻婆豆腐欖菜炒豆角番茄蛋叉燒炒椰菜花西蘭花炸薯餅餃子食物味道偏濃，尤其是茄子同豆角。炸薯餅係自家製，口感煙韌，中間食到有薯仔粒粉粉哋嘅口感。餃子比較乾，入面主要包住素牛肉碎同菜。粉絲炒得乾身，配料主要有椰菜同紅蘿蔔絲。

素食好多元化，有好多餸菜畀人揀而且有啲仲係自己手工製，有時下午茶時間會見到佢哋喺度慢慢搓啲素肉丸，認真俾心機餸菜唔會太鹹，味道適中，如果少啲油仲好啲煎炸餸菜，炒四季豆都比較多油湯飲咗幾次，都係非常清甜冇味精，係好正

呢排同朋友都食咗好多嘢，餐餐都食好多嘅情況下，今日我哋就決定下晝去食清少少，去食吓素食，呢一間喺楊屋道嘅素食工房係新嘅，我哋今日就係喺下午嘅時間去人數都唔算太多，而且座位嚟講都幾好坐我哋覺得，唔會有太迫嘅感覺比較鍾意食佢嘅素食炒米粉，調味方面唔會太鹹，分享嚟講其實我哋都覺得食素因為都唔使食咁多，因為有其他唔同嘅小食俾我哋選擇，佢個湯亦都非常足料，好清甜！午餐嚟講呢一個價錢我哋都覺得CP值非常高，有機會會再返嚟幫襯，店員亦都非常客氣同nice！