河夢

Open Now

Now Closed

Weekend同老公拍拖 我哋鍾意戶外活動 行完沙田河畔 就喺附近搵嘢食🥳🥳見到這家餐廳 河夢 對住河畔 感覺好舒服 裝修感覺舒適休閒 好似去咗旅行咁😍😍泰國椰青 唔知點解一定要飲椰青 冰涼清甜😌😌 越式凍滴滴咖啡 老公每日一杯咖啡 🤪別具風味用上煉奶 殖民地feel越式燒安格斯西冷伴越式沙律 🥗$188份量好多 牛肉味好重，安格斯西冷比較偏瘦，食多啲都唔怕油膩，配上酸咪咪沙律一齊食 開胃又嘢味 好適合 秋夏季節🥰🥰M5和牛火車頭湯河粉 $148Size 真係家庭版 🤩🤩材料份量很多M5和牛有七八塊，仲有 牛腩 牛丸 牛柏葉 當然唔少得 指天椒九層塔 青檸 😌😌湯頭非常香濃 濃而不膩，而且唔會油 連湯都清曬😛😛芒果糯米飯 $98 簡簡單單 芒果清甜 總括分量 非常 多! 口味正宗 味道中上，價錢合理環境仲好靚添下次帶埋屋企人過嚟試下地方咁大好適合家庭聚會🤗

今日台灣嚟比賽嘅朋友住麗豪酒店 ，夜晚就喺酒店樓下食啦 - 河夢係食越南菜同埋泰國菜，樓底都幾高，環境東南亞裝修。越式軟殼蟹米紙卷 $108酸紅白蘿蔔開開胃，米子卷包住軟殼蟹、粉絲、青瓜、紅白蘿蔔同埋生菜。皮好qq有咬勁！越式咖喱牛筋腩 $138全枱最好食既咖哩🙊 越式咖喱辛而不辣，帶有香茅味道！但無香茅既渣，椰漿油脂浮於面，睇似很肥膩，但食落唔覺既😋 薯仔就係會吸辣味既，哈哈！牛筋腩紮實入味，唔會乾身。牛筋腩其一好處係帶嫩紅肉但唔會因炆而爛。越式串燒豬肉 $68/3串淨食佢嘅炸蔥同油蔥好似好食過香茅辣酸汁，但朋友反而鍾意果汁，各人口味😛 燒豬肉「脆口」，juicy要最先食！泰式海南雞飯配秘製醬汁 $146配紅蘿蔔椰菜雞湯~ 泰式海南雞泰辣汁開胃，雞件該嫩嘅地方都做到既，甜醬油配雞肉好味道。泰式芒果糯米飯 送/$98好似一嚿嚿壽司，外型幾新鮮！熱糯米味道好重，椰醬好creamy！芒果都幾新鮮幾甜，嘩，3月未當造都甜！

🌟河夢🌟係沙田麗豪酒店🛏️嘅越泰菜餐館🇹🇭🇻🇳，位於🚣🏻沙田城門河畔，外望🚲單車徑，都有啲度假嘅感覺！🥗越式燒安格斯西冷伴越式沙律 $188全熟嘅🥩西冷，夾埋炸到酥脆嘅香茅同埋蔥頭一齊食，香味份外出眾！🍢越式串燒 $168🐖豬、🐂牛、🐓雞各兩串嘅串燒拼盤，3️⃣款串燒均用上不同嘅醃料，頗具誠意！🐓海南雞飯 $148去骨嘅海南雞🐓，雞皮呈黃色仲富有光澤✨！油飯份量都幾多，撈蔥油好夾！仲跟埋清甜嘅🍲蔬菜湯！🍹鹹柑桔梳打 $42同時加入🍋鮮柑桔＋🍊鹹柑桔，集酸、甜、爽於一身，唔錯！

沙田麗豪酒店呢間泰國餐廳喺城門河旁邊，有室外座位，感覺好chill。黎食泰國菜當然要點海南雞飯啦，啲雞肉滑嫩多汁，加上啲醬汁真係夠香夠味。啲飯都好香，仲有啲油香味。整體嚟講，呢個海南雞飯係一個好正嘅選擇！另外仲點咗泰北椰汁雞湯，真係好開胃！湯底好濃郁，有啲椰香味同啲雞味融合得好好。啲雞肉都好滑嫩，呢個椰汁雞湯絕對係值得一試！最後仲有黃咖喱燴海鮮，啲大蝦新鮮彈牙，加上啲咖喱汁好香好濃郁。配埋一杯凍冰冰嘅泰國勝獅啤酒，好Perfect。

最近重新開業的麗豪酒店越南餐廳，室內雅緻，室外座位令人有輕鬆舒暢的感覺。主要服務我哋兩位店員都非常之有禮，適當時間會簡單介紹菜式，感到很窩心。海鮮冬陰功湯吃泰國菜不可少的一定要試試個湯，超濃郁的海鮮冬陰功湯,兩隻大蝦新鮮無比厚肉外仲有蝦膏，豐富香料令整個湯很有香味， 酸中微辣，可能係我喺香港品嚐過最正宗的冬陰功湯。豬頸肉沙律豬頸肉經煎香後更爽脆，配小小青瓜加生菜，增加清新感。 泰式海鮮咖哩很澎湃的咖哩汁底， 青口魷魚用料盛，絕不求其越式鮮蝦扎肉香茜炒飯飯粒炒得明細，香茜増飯香，另有新鮮大蝦數隻。越南咖啡越南咖啡就是一種滴漏咖啡加煉奶，店員把咖啡壺放上已有練奶杯內，靜待咖啡滴進杯內，咖啡香濃，口感重，非常香純濃烈。

FD黎香港旅行，好多年沒見一定要聚下，揀咗FD住嘅麗豪酒店餐廳。哩間餐廳裝修得唔錯，兩個人都可以安排4人位，坐得幾闊落。凍斑斕龍眼特飲，斑斕味好清香，龍眼味重少少，飲落好清爽，OK。越式香燒豬頸肉，都好大一份，仲伴有青瓜同酸蘿蔔絲。豬頸肉切得好薄身，燒得啱啱好，食落好香口，點埋越式酸辣醬更惹味。越式串燒（雞肉/牛肉/豬肉）（6串），哩份真係不得了，串燒超大一串，差唔多有出面串燒1.5倍大，牛肉串燒仲搭配埋青椒洋蔥一齊燒, 好有心思。哩間串燒質素好高，唔會燒得太過，食落肉質好嫩，又好香口TIM。串燒搭配埋生菜，酸蘿蔔絲同沙律醬，可以包埋燒肉一齊食，又係另一種風味。越式紮肉湯粉，搭配埋芽菜，辣椒圈同檸檬。湯飲落好清甜，河粉嗦曬原湯味道，好好味。芒果糯米飯，做得好得意，成份糯米飯整得好似壽司嘅。一件糯米飯搭配埋一件芒果，仲加咗椰奶醬，食得好滿足，全部食曬好飽。食完同FD吹水成個鐘，侍應仲不停幫手加水，以後行開哩邊可以再幫襯！

一向喜歡越泰菜，熱帶風味，酸辣辛香兼備，美味又醒胃! 河夢的入口在沙田麗豪酒店的後面，落地玻璃窗面向城門河，雖然隔著馬路和行人路，河景只能遠眺 ，但餐後沿著河畔漫步，休閒寫意，走十多二十分鐘可到達火車站。餐廳入口寬落，有兩枱室外座位。室內環境舒適，以葵扇、繽紛的越式燈籠裝飾，還有越南少女戴的竹帽"斗笠" ，很有越南色彩。泰北耶香香南薑雞湯$148~選了平日吃泰菜較少喝的泰北耶香香南薑雞湯，奶白色的雞湯，充滿椰子及香草的香氣， 十分足料 ，香茅、菇菌，和大大塊雞髀肉。 椰香很濃郁，加上南薑和香茅，十分暖胃。越式軟殼蟹米紙卷$108~米紙卷裡有幾種蔬菜，甘筍絲、青菜、粉絲等，直立的炸軟殼蟹很大條，賣相已很吸引， 蔬菜豐富 ， 清新解膩，味道很好。越式香燒魚 $218 ~盲鰽外皮燒得金黃微微焦香 ，魚肉鮮甜多汁，自家製醬汁 有南薑、辣椒、蒜蓉、 和魚露，沾些醬汁更美味。越式蒜蓉牛油焗珍寶大頭蝦 $238~經理推介的時令海鮮，果然好介紹! 大大隻的大頭蝦，啖啖肉，蝦膏又多又甘香，芝味香濃， 蝦味濃郁，份量之大媲美龍蝦。越式咖啡啫喱雪糕$88Signature 之一的甜品，雲呢拿雪杯，配咖啡啫喱

因為屋企人住附近，所以都會係附近搵食，位置雖然唔係市中心， 反而我更喜歡佢既寧靜，其中一間餐廳就係河夢， 終於等到疫情過去再次幫襯，竟有意外驚喜，各方面不論服務同菜式都進步左。今次同老公二人世界嘆個泰越菜，原本想食咖喱炒肉蟹，但因為佢地前一日（星期一）休息，為左保持新鮮海鮮要預訂，雖然有啲失望但都理解嘅， 最後叫咗個沙律同兩個主菜：越式青木瓜蝦沙律 － 先來個清新既前菜，材料充足，以為主要木瓜絲多，連蝦都唔小，而且係爽既越式香燒魚－送上枱時已聞到陣陣香味，雖然我掛住影相都玩左一陣，但仍然係熱既，魚身夾左大量香茅等香料， 好有熱帶地區風味越式串燒(雞牛豬肉各兩串)－呢個以前食過會跟一個小爐仔上菜，本來都係賣點之一，初時見到無都有小小失望， 但睇真D反而仲大件左，而且擺盤靚左，肉質仲好JUICY，同經理傾開原來小爐已舊，而且因為小爐空間太細，局限左份量同質量，只能夠將肉切細D來配合，依家空間大左發揮更好。老公一早已叫左紅酒, 我自己食到後段先覺得好似欠缺啲嘢，整杯班蘭龍眼特飲潤潤喉就完滿啦！

其實上次已經有朋友嚟食過話好OK，所以今次都要自己親自嚟試吓。本身自己唔可以食太鹹，所以揀餐廳嘅時候多數都要揀少鹽少糖食肆。呢一間冇寫自己係少鹽少糖食店，但係味道適中實在令人欣喜。食物、環境、服務各樣都好OK。價錢適中，尤其是喺OpenRice訂枱仲有八折。

某天晚上黎沙田呢度諗住食泰國菜，門面好似好靚好浪漫甘，就揀左食佢，點知被安排左响一個完全無冷氣既位置，呢度坐位安排很差冷氣不足，熱到出汗，唔知以為自己去左大排檔...，侍應要叫他們都難，柚子沙律的醬汁很難吃，味道奇怪，又咸又酸...從未食過甘奇怪既醬既味...除了牛柳粒比較正常，有d穫氣，同埋都真係幾香口。菜有青草味，而且都有d咸同硬，環境看似很浪漫...食物味道有待改善...炭燒脆鱔魚很燶...真係一舊炭甘黑晒...價格也不太便宜....無下次😑。

星期五同媽咪，家姐一起來試這間泰國菜，疫情關系沒有帶媽咪去九龍城食泰國菜，膽粗粗試下這間，上午訂位晚上去食，網上訂還有7折優惠，一共4人食，餸菜放滿枱，折扣後都是9xx幾蚊，真係平過九龍城，都沒有失望，味道都好，一向媽咪都好刁嘴，每次都會彈三彈四，反而呢間還讚好食，下次再可以來，

每次經過附近，都好想入去呢度試吓泰國菜，今次就即興用另一個Apps嘅優惠試食了！起初我哋一直以為酒店大門對面就係河夢入口，原來係後門，佢哋正門就真真正正對住馬路，我哋成日路過經過見到的！佢哋內裏地方唔係好大，大約得20個座位，可能因為有好多間食肆，食泰國嘢當然要飲冬陰功湯啦，佢哋嘅湯比我想像中辣，海鮮及菇類就比較新鮮另外叫咗泰式拼盤，佢哋炸得唔算油膩，又唔會太硬，外脆內軟，味道不錯！至於海鮮炒飯，佢哋真係用海鮮去做，出邊有啲地方會用一啲冰鮮嘅東西去做，所以都幾有心機！我叫咗一杯芒果特飲，起初以為好似Mango shake, 原來佢係有一啲香草喺入面，感覺好Fresh服務員的態度也不錯，應該好快我哋都會再去幫襯！

晚上沒有任何想法之下去了這間餐廳試吓，兩個人點了5個菜。生菜包- 水準之上，菜新鮮，肉餡味道非常好啫啫通菜 - 夠熱，好夠鑊氣印度薄餅- 很喜歡這裏可以單點印度薄餅加咖喱汁，薄餅非常之熱，非常好食明爐燒鱸魚 - 這個就非常一般啦，味道偏淡沙嗲串燒 - 這個非常之好因為他是用一個炭爐上的，味道及賣相都非常好！菜式不是非常特別，但是水準不錯，份量亦足。餐廳的環境也不錯，員工非常之有禮及招呼非常好（這個現在是很難得了）。沙田區的話也是10分不錯的。

上星期咁岩有空檔，同老公帶個衰妹去食下泰菜，叫左冬陰功湯，夠4人用，再叫左薄餅加咖哩，仲有牛油雞亦，飛天通菜。最出色就係個冬陰功湯，4人份，2人飲晒，夠料有大頭蝦，個湯既味唔同晒。跟住個薄餅俾個衰妹食左一半，配埋咖哩一流，牛油雞亦都好香脆。如果要挑剔就係個通菜鹹左啲。整體都唔錯餐廳環境寧靜舒適，可以慢慢享受餐點。侍應服務態度都唔錯，如果趁有空閒時間嚟呢度食個下午茶都係一個幾好嘅選擇嚟嘅。係喎講漏咗佢仲有個椰青糕同埋一個椰汁西米糕，佢唔會太甜又夠香味，都好值得推介㗎。

1日前都可以訂到5月1号食lunch, 沙田區係少有。見有好評, 諗住試下啦, 點知中伏。首先有一個唔係經理嘅員工, 服務態度差到爆, 問下可唔可以掉位因空調唔夠冷, 嘩, 我以為去咗大排檔, 高聲喝住話有人訂咗, 唔使咁惡死吖。除咗海南雞飯ok, 通菜煲淥熟晒先放入煲, 跟本冇炒過; 鷄翼'鞋' 到死, 海鮮炒河冇味, 牛肉湯河D牛肉超'un', 冇下次