海港酒家

Open Now

Now Closed

打去訂位超hea答我完全聽唔到佢講乜我話訂7點佢答我6：30我話7點啊佢問佢幾多位我話9位佢答兩台我問多次咩因為真係聽唔到佢答分2台我再答唔使啦唔怪得個個話佢地服務差

《中式酒樓晚飯》George家人比較喜歡食中式有時晚飯屋企唔煮飯就會出去酒樓食其中選擇之一 會選擇 海港酒家多分店 同 定期會有唔同既優惠見到佢地今期做緊 晚市優惠孖寶有4個George 選擇左脆皮乳豬件 配 如意百合炒上素 (A餐）乳豬件賣相好靚 食落到好脆口 上素指雜菇 木耳 腰果 翠玉瓜 同 紅蘿蔔健康之選 賣相好吸引 仲好有鍋氣 清蒸虎杉斑 配 一品醬燒雞（C餐）清蒸斑新鮮 啲魚肉剛剛好熟 好滑燒雞皮脆肉嫩 加上溫溫地 幾好食✨海港酒家 (觀塘)觀塘觀塘道414號1亞太中心7樓#觀塘美食 #tg31eat觀塘

星期日朝早，同屋企人一齊在觀塘海港飲茶，我們大大小小叫了13籠點心，食得好飽。今日星期日，早茶特價點心做到10:55，想食既朋友仔，要早點揾位，今日十點黎到，都等左25分鐘5張4人枱才入到座。 好快劃左一堆點心，等左10分鐘就有得食了。點心質素都係普普通通，係咁既價錢，就係咁既質素。燒賣係有蝦既、而蝦餃都係爽口。因為叫了唔少野，枱面又唔太大，好幾籠點心黎到就堆高佢地😆😆我們四人飲左近$400，坐到12點半才離開。

好味，足料，得呀。不好意思，因為太多人近期寫咗呢個特價日本長腳蟹餐了，我都唔知再寫乜嘢好。不如講吓嗰碟燒鵝啦，味道是高水平㗎。賣相未必有其他人咁靚，但係啲鵝肉醃到入晒味，皮底油脂又少，呢兩個更重要。另外叫咗個花膠腐皮煲，比想像中重口味，好在仍然都幾好味。空氣二氧化碳量，在坐滿人情況下，兩小時都係平均千三以下，OK啦。

我們選了$2980-12人餐8人食，蟹選了5斤所以要補差價$278/2=$139，再加$100將蟹蓋的膏用來炒飯。今次在觀塘吃的長腳蟹與兩星期前在康怡海港薈吃的同是5斤，但明顯小好多肉，上枱時又唔夠熱。用來吃蟹的剪刀非常污糟。蟹膏炒飯今次吃的也差得遠，唔香，又小配料。燒鵝好味,但汁較咸,所以近碟底的鵝會太咸。蟹鉗雖然好味,但我好像吃到肥豬肉口感，蟹鉗比較適合配返酸汁。正常發揮，但油較多。不過鮑魚淋些，大隻些，也入味些。薑汁芥蘭沒有薑汁味，但油相當多。魚普通，不過不失。炒飯粒粒分明，有欖菜。有奶黃和蓮蓉2個口味各6個，奶黃不是流心，但我喜歡。套餐的燉湯也不及煲湯好味。這酒樓服務OK，不過我不喜歡一點是會將蟹用籃放住讓客人選，為何不樣牠們游水呢?

屋企人生日揀咗呢間酒樓食飯～當中覺得有幾樣幾好食！壽包奶皇包通常酒樓應該都剩係得壽包，即係蓮蓉包嘅選擇，但係呢間酒樓有埋奶皇包～好貼心🥰咁有啲唔鍾意食蓮蓉包嘅人就可以有其他選擇！另外，奶皇包係包上面會有一粒黃色嘅點去分辨兩者🤣首先，蓮蓉包好正常個包好大，好厚，餡料就比較少🥴但係好軟林林，都算好食奶皇包有流沙餡料味道都唔錯，不過就一樣太大會好飽🤧🤧紅棗糕都幾好食，屋企人話太甜但我幾鍾意食甜野，覺得都唔錯同都幾煙韌🤩

因為臨近中秋節，所以想訂一隻脆皮乳豬，見海港有脆皮乳豬（隻）$488就系佢網上平台訂左，點知第二日攞返屋企打開，隻乳豬細都吾緊要，份量睇落只系比例牌多少少，一睇就知拼吾返1隻乳豬出黎，我好懷疑因為臨近節日供應問題訂1隻乳豬但根本冇比足1隻，偷工減料後既留返堂食例牌賣。對上1次系藍田分店訂過，份量明顯多1倍，有2個盒先裝晒，呢次1個盒都裝吾滿。強烈建議大家吾好系呢間到買，就算買最好開盒即場check,甘大間集團甘樣做生意真系好有問題

如大枱出風位四面出風位十分大風及凍，要帶帽同帶夠衫先好去食。超值歡樂宴（今日最後一天）10/09/2021海港燒鵝皇隻海港上湯焗蝦球伊西蘭花炒帶子蚌柳百花炸讓蟹竹笙海皇培生翅一個一個濃湯花膠煲螺頭湯陳皮蒸大連鮑魚翡翠炒龍蟲草蟲草花蒸龍躉頭腩歡樂大蟠桃套餐$1898食物尚算抵食，而家好多人唔食翅，有湯畀食客選👍

夜晚同屋企人食飯，就去左呢間海港喇，唔講咁多即刻睇吓食物嘅質素先👍🏻————————————————————————先嚟半隻燒鵝🤤🤤🤤佢個碟下面會有蠟燭興住，啲燒鵝皮脆肉嫩又多汁，每一啖都係暖粒粒咁樣食落口，真係咪話唔正👍🏻————————————————————————再嚟半隻雞🐔睇落去啲色水就爭少少，不過啲雞肉都好嫩口，配搭埋蔥油一齊食，送飯真係一流㗎🤤🤤————————————————————————芝士蝦球伊麵🥰佢呢個芝士嘅味道唔會話太濃，就算唔鍾意食芝士嘅朋友都可以試吓👌🏻睇張相都見到有好多粒蝦球喺入面，啲蝦球大大粒啖啖肉超級爽👍🏻👍🏻👍🏻————————————————————————手打魚腐雲耳菜佢呢個手打魚腐意外地好好食😱😱食落口嘅口感好實在，唔似其他魚腐食落口入面好似空氣咁。啲菜亦都好新鮮，係一個健康飲食嘅好選擇👍🏻————————————————————————送飯必配嘅咕嚕肉🐷個人認為啲肉瘦得滯😂😂😂啖啖肉得來有啲dry————————————————————————最後整條斑😍魚肉痴骨，煮得啱啱好，呢條魚可以用完美嚟形容👍🏻———————————————————

海港集團 名下分有3款不同級數的店 今天我去的是走大衆化路線的海港酒家 以抵食夾大件而馳名 疫情前是坐無虛席的訂了晚上6點的4人枱 可能是端午節前夕 首輪全場滿座 備有很多款孖寶和套餐供選擇 我們要了一個4人套餐（598元）未計茶芥加一 內有4菜一湯及甜品燒鵝拼叉燒 燒鵝皮香肉厚 叉燒有少許筋但也不錯 配上甜甜的豆 好味呢上湯焗蝦球伊麵 稍嫌麵較碎 花膠煲螺頭湯位上 每碗都有2塊花膠 湯很濃味鮑魚雞煲 內有4隻鮑魚 每人1隻 醬汁很多 鷄件頗嫩西蘭花炒龍躉球 大大件的魚片 只是西蘭花有點硬濃湯鮮百合浸津白 普普通通 還可以甜品是蟠桃包 超大個 唯一可惜是入面只有蓮蓉 沒有我最愛的鹹蛋黃以前這店給我的印象是服務員少 可能實在太忙 態度有點差 現今顧客少了 壓力也少 態度也改進了再仔細觀察 8點後已很少客人入來 不知是否只能營業至10點的原因

難得放假 同媽媽去左呢度飲茶 星期六佢都有下午茶特價時段 我地嗌左幾樣點心 整體食物水準都不錯 特別係馬拉糕 佢蒸出黎十分之鬆軟 亦有濃濃既奶香味 暫時算係我食過咁多間最好食的 另外 衛生環境狀況亦幾好 推薦大家可陪屋企人黎呢度試下

今日喺觀塘呢間海港食晚餐，一心諗住食長腳蟹，所以特登早d book左6點，諗住黎到可以揀蟹有多d選擇。睇緊menu食咩之際有店員見我地有興趣食蟹，推左兩隻2斤幾既蟹出黎，仲游說我地得幾個人唔洗叫隻5斤既大蟹，要呢d 2斤既都ok. 於是就要左佢推出黎既蟹啦。隻長腳蟹上桌時睇落都正正常常，唔覺有異樣，點知食落d肉係梅既！（見圖2）d肉全部係痴住哂蟹殼，而且入口有種即刻溶化既感覺，完全唔係蟹肉應該有既一梳梳蟹肉既口感！ 隻腳我地每人食九左幾啖就放棄了！真係未食過咁難食長腳蟹，無下次啦海港！

喺疫情期間我哋成家幾乎差唔多日日都幫襯海港酒家佢個酸菜魚真係好抵食條魚好大一條又唔辣，仲有好多配菜另外不得不讚係佢嘅龍蝦伊麵龍蝦超大隻好鮮甜啖啖肉仲有炸子雞都好好味

因為疫情嘅原因, 喺英國提早番黎嘅表弟自我隔離咗一個月之後, 我地終於可以同佢去佢掛住咗好耐嘅飲茶!可能係星期六嘅關係, 今日喺茶樓嘅人都好多, 我地大概都等咗20分鐘先入到去.見到餐車呀E都係照舊周圍送餐.餐單蒜蓉蒸鮮魷 (精點)魷魚好入味, 亦都食得出好鮮, 不過個汁就好油.翡翠筍蝦餃王 (特點)蝦餃嘅size偏細, 而且個皮好厚.櫻花蝦煎薄撑 (精點)薄撑入面嘅料唔多, 味道冇咩特別.鮮竹牛肉球 (小點)牛肉味幾重, 可以再嗌!黑金流沙包 (中點)蘿蔔千絲酥 (大點)養顏紅棗糕 (中點)唯一比較好食嘅點心!雞蛋叉燒腸 (大點)香煎蘿蔔糕 (大點)無味嘅蘿蔔糕...紫心香芋丸 (中點)脆皮鮮奶卷 (中點)好似食咗成淡油入口, 一D鮮奶味都冇, 好失望!埋單4個人食到好飽, 星期六飲茶黎講都算幾抵! 但食物整體黎講真係太油, 食物味道亦只係一般, 下次飲茶應該未必番黎!

同朋友飲早茶，之前喺觀塘一直到只識去APM嗰便嘅酒樓，今次有朋友帶，去左旁邊嘅亞太中心，先發現原來呢度有好多唔同嘅食肆。今次早茶就嚟咗海港酒樓。我哋三個人飲茶，如果唔介意搭枱嘅，基本上係早上10點幾呢啲時間，一入到去就有位錯。兩年我哋想自己一張枱，所以就攞飛，大概等左15分鐘就有枱。唔知係咪海港嘅特色，一入到去就聞到好大浸漂白水味我之前去過幾間海港酒樓，都係呢就未，其實真係唔係幾舒服，漂白水味太強烈。嘢食方面都算OK，佢呢個腸粉都好好食，入邊有脹卜卜既蝦，最近亦都好滑，另外原水國亦都好新鮮好趣，整體嘅食物尚算滿意。