海港酒家

Open Now

Now Closed

特登去卓爾居飲茶，吾洗等位，入面好多位，我地叫左四個點心：排骨飯、燒賣、牛仔骨、咸菜豬肚。等左30分鐘，問個部長點解仲未有？佢話全部都是肉，要時間蒸，再等多十分鐘，再吹之下先拎個咸菜豬肚出黎，再等多5分鐘，即係共45分鐘，三個點心仲未到？你話燥吾燥？個部長態度係極差，仲大聲喝個客，「等下啦先生，你啲點心全部要蒸嫁！，比啲耐性」我從來未試過等45分鐘連一籠蒸既點心都出吾到，垃圾酒樓，以後吾會去！

星期天早上婆婆突然到訪，於是陪她去飲茶，卓爾居酒樓祇剩海港。假日好多人等位，幸好有人先去攞位，有位才陪婆婆慢慢落去酒樓。方便老人家才來卓爾居，否則寧願行遠少少去八月，因為海港服務員的態度真係麻麻。皮蛋瘦肉粥，粥底夠綿，味道OK不過不失。蟲草花野菌餃皮薄煙韌，不會一挾就散，餡料又爽又鮮，口味清新，不錯吃。碧綠鮮蝦腸顏色是不錯的......皮薄且滑，中間翠玉瓜仍然翠綠，蝦仁大隻爽口，不過鮮味不足。點心拼盤只是吃了燒賣，夠乾身，有肉味。XO醬蘿蔔糕少味道還可以，以可惜蘿蔔糕太碎，XO醬太少姬松茸鮮竹卷，不油膩，清淡口味帶肉香。四寶雞扎內有蟹棒、芋頭、魚肚和雞肉，芋頭夠粉，魚肚夠腍，好食。紅棗糕口感不錯，有淡淡棗香，及格。其實食物水準不差，只是服務態度仍需努力而已。

一家人飲茶 要去排下隊係要等陣架啦 佢個黑椒蜜糖雞翼 要即叫即食拉哂蜜糖絲 仲有個炒辣椒 鍾意食辣就記得叫好大碟 怕辣入面d 核可以挑出來點埋鼔油食 好好味呢間小食好味過點心 仲有炸豆腐😍

成班親戚朋友多數都會係酒樓食飯，諗唔到食咩，嚟呢到食長腳蟹都係一個唔錯嘅選擇😎屋企人聽朋友講海港做緊優惠，原價係$360斤，依加就$228，啲長腳蟹幾抵食🦀於是晚餐就嚟試下啦😆一嚟到啲蟹都係得番六至七隻，重量由三斤至七斤都有，不過好多都比人揀曬😭4個人唯有揀3,9斤🤓可以揀雞油花雕蒸或者日式凍食🤔我地揀咗蒸😙蟹膏都幾多食落去好鮮甜🤤呢款長腳蟹嘅殼都幾易剪，大大條蟹腳啖啖肉😋我地仲叫咗燒鴨同埋魚，味道都唔錯甜品嚟個椰皇燉燕窩，都幾抵食😆

自從試過食圍菜漏咗一道菜，唔認兼無禮貌，再無幫襯過。好少响假日飲茶，星期日叔叔來訪，因為 VCITY 〝八月〞 實在太多人等位嘞，同佢去卓爾居飲茶，得返一間海港，所以再俾一次機會佢啦。3個人叫咗幾樣點心和小食滷水豬腳仔，睇起來顏色唔深卻入味。豬腳仔皮脆爽中帶滑，唔會過腍，叔叔幾鍾意食。黑金流沙包外表好得意，黑炆炆外表掃上一抹金色，好似即刻高貴咗，將個包搣開，如流金般的奶黃餡，幾靚，味道唔錯。鮮蝦豆苗餃，健康之饌，皮薄，餡料嘅菜唔係豆苗，食味OK啦。健康布拉腸，有米香，唔油算滑，幾好食嘅。點心拼盤整體可以唔差嘅。

星期日晚上慶祝媽咪生日， 餸菜味道正常，但白灼蝦，未煮熟。但陳姓部長態度十分不佳， 因餐廳只提供一個鐵筒放置蟹骨， 家人位置太遠，故只放在骨碟上，但陳部長卻走來鬧我的家人，之後亦走回廚房大聲投訴我們，態度惡劣。 簡直時俾錢買難受 。

平日同屋企人嚟酒樓飲下午茶，海港嘅款式都幾多，分量亦都好足。有d點心都幾特別，例如雞蛋叉燒腸。其他點心例如XO醬蘿蔔糕、炸鯪魚球、蝦餃燒賣，都唔錯。咕嚕蝦球炒面都好好食。

The portion of 6-people set is definitely enough for us. We all feeling so full after finishing the delicious porridge.Though I made a reservation for 6catty kingcrab, tonight we just got almost 5catty one, it's still so yummy. We go to pick our own kingcrab in seafood corner. Besides kingcrab, the set still including many other meat, seafood, and vegetables. First come with chicken, we steamed ourselves and the taste isn't bad, haa, but just a bit hard to bite.And then the sashimi set come, it

星期日嘅下午兩點鐘諗住去飲茶，就去咗屯門卓爾居3樓嘅海港酒樓，問一問酒樓有冇下午茶時段先，可惜原來星期日係無下午茶嘅！不過我哋一早就決定要黎海港酒樓，因為我要試佢嘅奶皇包，所以我哋都照等位！去到門口見到都有大概20人喺度等緊位，不過我哋揀咗搭枱，所以等左10分鐘都唔使就已經有位啦！一坐低我哋即刻睇吓點心紙先，一共叫咗幾樣點心，首先就係我嘅目標之一，黑金流沙奶黃包，另外仲叫咗百花釀魚肚，仲有一碗燒腩仔飯。黑金流沙奶黃包冇介紹錯，真係好好味，佢嘅包蒸得啱啱好，唔會有倒汗水，而且入面真係有流心嘅奶黃㗎，而且我真係未食過顏色咁特別嘅包，黑色之外包上面亦有金色，顯得份外高貴：百花釀魚肚味道一般，但係勝在份量唔少，有三件，一啲都唔吝嗇：燒腩仔飯，皮非常之脆，而且肉同脂肪嘅比例恰到好處：之後我哋見到隔離枱叫咗煎釀三寶，佢有兩件煎釀茄子🍆，同埋兩件煎釀青椒，賣相都唔錯，所以我哋都即刻點左呢樣小食！埋單之後，可以喺八個小時內download海港集團嘅Apps，然後掃描喺單據上面嘅二維碼，就可以儲積分，一download個 Apps嘅時候就送咗20分，而今餐我哋洗咗$140，可以儲到5分，再儲多啲分就可以

一朝早諗住飲茶，3個人等位，等咗半個鐘，正想走個陣聽到叫我地個number入到去俾張籌佢，又係到聽電話，無理過我地咁，之後同我地講仲未有位，要再等，話上一個籌啱啱入咗去。聽到呢到真係嬲到跳曬掣，因為上一個籌就係半個鐘之前叫嘅…佢竟然hold咗張枱成半個鐘？？？？都唔知係咪啲熟人，所以先有啲咁嘅優待，通常攞咗籌唔見人就到下個，佢咁嘅處理手法，好難接受，完全浪費我地時間。對唔住，唔好意思都無講，全程理所當然咁樣。下次一定唔再去！

夜晚同屋企人去食飯8個人加個bb、叫左芝士焗龍蝦加伊面底、樓面重同你講加伊面要加48蚊、落完單屋企人重話成500蚊隻龍蝦、靈魂係個伊面度、好啦、龍躉兩食、一碟有（聲）味、另一碟唔新鮮、好（鞋）、雞又鹹到乜咁、由佢、龍蝦黎到冇伊面、搵反個落單既問、佢可以同你講冇落度、要唔要加反俾你、另上人碟伊面俾你、燥唔燥？睇反張單係加左48蚊、去櫃臺問啦、一個收銀、另一個應該資深d、竟然同你芝士係加48蚊、燥唔燥？拎住餐牌同佢講、上面寫住可選上湯或芝士、伊面要另加48蚊、又嘈完一輪、回應係、餐牌上有好多個龍蝦、可能有出入、問你燥唔燥、已經冇伊面食、重要攪咁多野、算、我同自己講唔好嬲、龍蝦要趁熱食、因為已經改變唔到d乜、點知重未完、埋完單覺得唔對路、問佢拎張單睇、計一計、原來張單唔知點解加左其他重複左既野、攪完一輪退反500幾蚊、我唸以後唔會再去

同屋企人食飯都係酒家多，呢間蒸氣火鍋好抵食，七百幾蚊四個人食都飽，有鮑魚，班，蝦，扇貝，蔬菜，肉丸，半隻雞，全部都好味好新鮮，係個扇貝差啲，之後個粥底真係好甜，有下次

同舊同事聚餐，由於大家放工時間唔同，就揀左去海港酒家傾下計，打下牌（最後變左用麻雀衾棉胎），玩到9點先開枱食飯～有個小插曲係有小小強係天花跌落枱，好彩個時仲未上菜...第一道，佢個乳豬脆係脆，但唔算好好食🤔 同埋有少少凍左...佢個龍蝦煎米粉就好好食！啖啖肉得黎，d汁配住煎香左既米粉，十分夾～帶子西蘭花都唔錯，仲有魷魚。元貝都大大粒，有一蚊咁大，配瓜一齊食，都幾鮮味～飽魚大係大，但煮得唔夠醂，雖然都夠味，但咀嚼得比較辛苦。翅都係咁，係咩特別可講之處。魚同雞幾好食，但就唔記得影相，雞片仲好香好脆，但伊麵好奇怪，係用保鮮紙包住🤔唔知佢係保溫/翻叮。最後上壽包反而大家好開心，熱騰騰咁上，而且好大一個。有奶黃同蓮蓉兩款餡。最後都有上西瓜，切得薄薄一片～

屯門商場唔係太多 我耐唔耐都會過去卓爾居行下 順便睇下有咩好嘢食而我又比較鍾意去飲茶 同班老友慢慢坐慢慢傾 海港 係一個唔錯嘅選擇裝修都算新淨 地方都企理 可能因為成日去啦 同啲侍應都有兩句 價錢又唔太貴 都幾公道 平平哋食每人四五十蚊流沙包和成日都會點 個流沙做得不錯牛仔骨比其他酒樓大份 味道都唔錯 啲肉唔會醃過龍'

我最鍾意就係去飲茶 鍾意佢食物選擇夠多 呢間酒樓 我每個禮拜都會去一次 貪佢環境舒適價錢又唔貴有兩款點心我特別鍾意食差唔多次次都嗌呢個炸豆腐表面炸得好脆 而中間仍然好滑 非常有豆腐味三文魚鰭同出面嘅好唔同 佢啲肉炸完仲係好滑 算係食過之中最好食嘅三個人食200蚊埋單 食物質素同環境都ok