海港燒鵝海鮮酒家 (Closed)

年尾多年朋友話想食團年飯~~由於大家都係荃灣友~~就係呢度食~~全場爆滿!!5人吃飯, 叫了1)花膠鮑魚湯—麻麻地, 比較淡2)大龍躉兩味(蒸頭腩/ 翠肉瓜雲耳炒球) –幾鮮味, 不過炒球略為腥了一點3)招牌燒鵝—咪講笑, 快D食隻半邊燒鵝脾先~~嘻嘻~~4)瑤柱扒豆苗–OK5)果皮蒸大連鮑魚仔–好好食! (不過單上卻寫北海道鮑魚仔, 奇怪!)6)蒜容蒸瀨尿蝦–OK大隻7)椒鹽鮮魷魚筒-- 魷魚筒好香口最後食埋甜品走人

同朋友由荃灣吉之島行到0黎街市呢邊，都唔知食乜好，行得太耐，右邊腳的傷口又發痛，加上呢幾日靠左腳負荷體重，攪到左腳越行越痛，為求坐得耐D，見到呢間酒樓四四正正，就0黎試下。小菜價錢是中上，最後兩個人要了半隻脆皮醬汁雞﹑生炒駝鳥絲﹑炸軟殼蟹及一碗糯米飯。脆皮雞十分好吃，皮卜卜脆，忍不住吃了點點皮；肉幾滑而且入味，點點好像豉油的汁後，更加好味；炒駝鳥絲夠鑊氣，除了肉外，有好多不同種類的菇；炸軟殼蟹有8件，$58好抵食；雖然只得蟹身，但很大隻；不過吃了2件已經好飽滯；糯米飯濕左dd，不過炒到粒粒飯都有味道，而且臘味粒都好多。最後點了一客芒果布甸，ok；餐後送贈每人一個柑，又甜又多汁^^

三娘教子,四個人叫四樣餸一個羹,花膠佛跳牆- 材料夠,份量足,味道好,每人分到兩碗,價錢$88,抵食.薑汁炒芥蘭- 將芥蘭去皮後再炒,清香爽甜勁好食,$48,功夫錢佔大部份.其它糖豆百合炒桂花蚌,三鮮燴海參就中規中矩,蟹肉扒豆苗最後上,味道無甚驚喜.亦可能已飽,剩很多.兩罐黑啤,一個桂花糕,一個紅豆糕,埋單$505.5

黎過呢度打邊爐幾次喇～今次叫了大良魚湯窩～湯底好味！！裡面ｄ魚都好正～但肥牛麻麻地．．有筋．墨魚滑都好食．．服務都幾好～會再去！仲有．．佢個椰王水都好好飲架～

星期4daddy prayer group後話一齊食飯難得家庭樂,梗係開心架啦,本身媽咪嗌我拎位,點知daddy仲快過我幾分鐘睇左一陣食咩媽咪就黎埋,佢2個都想就我食咩而嗌daddy唔食海鲜既....咁我就主張有肉有菜啦嗌左例牌既燒鵝王mushroom豆腐貢菜海哲仲有2個煲仔飯,一個係蛋牛,一個係larp味燒鵝王皮好脆,唔係話太肥太油,佢俾左隻leg我地好快就食晒喇=],1人都有4-5件豆腐係媽咪指定要點,不過不失啦.我就勁加chili食貢菜海哲,有dd spicy,好脆好好味,我同daddy2個人清晒,媽味話好spicy我又唔覺wor2個飯都okay,雖然爸爸媽媽話d 料少左但係呢都幾好食啦,算係咁最後食甜品.......雪烚大到呢.....後悔冇order一客同媽咪share一人一客食左好耐至食完服務幾好......同埋都幾細心,好似我地想拎幾隻杯,都係late左一陣,say 晒sorry咁,好sincere咁至係做生意架ma見到佢打邊爐d野食唔錯,價錢同早2日o個間都係差唔多呢間有機會一定要試下佢

去左飲茶~~無錯~~又係海港當大家以為下午茶會好多人要等位的時候,大家就估錯左la~因為我地差唔多3點先上去~~等左5min咁岩有張枱走左~唔使點等就可以入座la~~仲要唔使搭枱~~呵呵~不過呢日呢個時候的確係比平時旺場好多~不過,正因為係爸爸節~so 今日得返下午茶discount無晒d special price 的offer~~e.g.燒味米線~但就又father\"s day 的special offer....such as 5星燒賣~~$30~@_@咁今次拿主意食咩的媽媽認為叫7樣野唔好意頭~~就叫左8樣野~~有煎腸粉,煎青椒,乂燒腸,蘿蔔絲酥餅,奶王包,粉果,5星燒賣~同燒腩仔~~可惜,佢\忘了佢\老公牙痛....仲要叫埋d 又大份又易飽的東西最後...係食唔晒....=.=要打包~~要我拎....so poor...因為今日呢個時候仲多人~~d 野食出到黎全部都係岩岩出爐~都幾好~~平時呢個時候~~d 野食未必會熱辣辣我地都有叫5星燒賣~~d 岩好多蝦~~,,,不過我就覺得普通燒賣好食d~~haha~食到4點就賣單走人

慶祝父親節@又係荃灣海港6月16日星期六，為了慶祝父親節，又再一次來到荃灣的海港燒鵝海鮮酒家，由於早幾日訂了位，所以18:30便要到達，好彩有訂位，因為1900前已經全場爆滿呢！因為套餐又貴又唔抵食，加上我地只有8大2BB，所以都係散叫，但由於6月17日便係父親節，所以全場菜式都比平時的星期六日貴10-30不等，而質素亦差了，所以都係個句，唔好大時大節才出街食~$68一斤的白灼蝦：蝦貴了平時星期六日的$10($58)，份量雖然一樣，不過明顯有不少的蝦係"梅"左，又細隻左好多，唔爽口，今次唔抵食！翠塘豆腐：有一點點的驚喜！嫩滑的豆腐+蛋白做底，加上鮮蝦、帶子等等，用來撈飯一流(約$60)半隻燒鵝：出奇地沒有"加價"，仍然係$90，不過又係個句，明顯細隻左，皮唔夠脆，唔好祈望甘高~瑤柱扒時蔬(約$60)，菜很少，$60有點點貴~不過用來撈飯食好正呢！西蘭花枝片$78，又係比之前貴，不過好惹味！古法蒜香骨$60，約10件，件件都好大，熱辣辣好正！不過有DD乾身，肉汁唔夠多~山珍菌炒駝鳥柳$58，好多駝鳥肉，菌炒得好香，值得一食！$238的2斤大青班，之前係218兩斤半，依家貴上加貴！爸爸仲話

自去年十二月後, 大家真正出來吃飯.聽姐夫說此店不錯, 又睇下好唔好食先.白灼蝦size 剛好, 蝦肉都好爽, 份量多.乳豬全體雖沒有如喜萬年般有車厘燈閃下閃下, 不過味道不錯, 皮又夠脆, 讚~西蘭花帶子花枝片, 帶子略小, 不過都幾好食.此集團出名燒鵝, 老爸想吃, 我們也叫了一隻, 燒鵝不是戴假冠的鴨, 皮不肉脆, 不及深井裕記的, 不過肉味都幾夠, 再加上附上的燒鵝汁, 好味.蒸九孔鮑魚仔都幾鮮味, 陳皮絲辟了腥味, 隨同豉油同吃, 我也吃了三四個.窩翅份量十足, 夠十三人分, 乍看橙色的外表以為是南瓜翅? 原來是中西合璧的龍蝦湯做法配翅和龍蝦肉. ok.石班兩味有脆肉瓜班球和炆班腩, 班球香口一點不過略為腥了一點, 班腩膠質甚豐又夠滑, 個人而言後者小勝. 福建炒飯濕濕地材料也足, 冇甩拖.最後還有生果菠蘿和西瓜, 原來先知有新吃法...就是伴上話梅粉吃...都幾特別=)服務幾好, 侍應捧著食物碰翻了杯也不停說對不起, 前前後後有好幾次.唯一彈是上菜慢, 七時到逹九時多才吃完, 還要趕回家看足總盃呢!荃灣區來說, 此店都去得過.

為左慶祝爸爸生日，我們又去左經常食的荃灣海港，我們未夠7時入坐，但場內已經有8成人，我地叫左7個餸，一個湯，埋單都係7百幾，幾抵食，我爸媽熟呢度，所以仲有糖水送，一般只有西瓜幾片！$68一大個冬瓜x，一人有2-3碗，很足料！沙薑雞腳，$28，比午市貴10蚊，爽口，不過唔易咬！鮑片小唐菜，真真正正是鮑魚，很鮮甜！西蘭花花枝片！很惹味，餸飯一流！個名唔記得，味道係黑醋排骨，好大件，好入味，有好多舊！蝦！$58斤，都好多隻呀！蝦蝦大笑，生日點可以少！海港最出名的燒鵝！$90，有少少失望，皮唔夠脆，懷疑微波爐叮熱的，因為個牒奇怪的會"熱"的，其他餸沒有！等了半個鐘的大青斑，$168，足足超過2斤，我地6個人其實很辛苦先食得哂，真係好大條！南瓜西米露(熱)，比較甜左少少！因為我蠢左，食完左糖水先食，所以西瓜唔甜，可以加鹽，幾有特色！總括而言，其實檯上的食物足夠10人食，加埋1支大啤，3碗飯及6位茶錢都只係7百多d，真係好抵食，同埋味道都幾好！值得推介！

今次只係第4次黎食,食物水準尚算OK,而且不算太貴,自自然然成為一家人飯聚的地方了。不過檯與檯之間比較迫,而且有D趕客,未食完就想收碟!招牌燒鵝--招牌菜梗要試啦,不過千祈唔好期望過高,屬於中上水準蒜香骨--好香口、惹味!肉質夠鬆軟!老媽子就算怕熱氣都忍唔住要食一件日式什茶煲--賣相唔錯,好有日式feel,不過原來唔係麵鼓醬湯底的,有點失望,味道只係普普通通大龍躉兩味(蒸頭腩/翠肉瓜雲耳炒魚球)--$168兩味,炒的一碟份量比較少,差D唔夠食呢! 金銀蛋莧菜--不過不失魚香豆腐海鮮煲--因為有咸魚關係,當然夠香同惹味啦,食得過!糯米飯--竟然是第一道菜,可能肚餓關係,食得津津有味!蘿蔔酥--上檯時夠熱辣辣,亦夠蘿蔔味,不錯!壽包--媽咪生日,當然要點壽包啦!奶黃味比蓮蓉味香, 而且個包好大,$30/半打算抵食既只係未試過黎飲茶,應該不會令我失望吧?!

星期日朝十一點飲茶,例必排隊等位,今次幸運地,毋須十分鐘,已經有一張兩人給我.點了八款點心,整體來說,味道O.K.,只是個別點心,例如蝦餃和雞飽仔的皮稍厚而已;最好味是蘿蔔絲酥餅-鬆,七味碎燒牛仔骨-香,與及合桃露-滑;其它如千絲芋茸角,豬腳薑,和腸粉都中規中矩,有水準.最可取的是每款點心都是熱辣辣,由心熱到出!例如蘿蔔絲酥餅,不小心就很容易燙傷.食肆的座位寬敞舒適,由於坐近茶水間,發覺每位員工都很勤快和自動自覺,見野做野,無分彼此的工作崗位和職位,如此高昂的士氣和團隊的合作精神,管理層的功力和功勞實在好野!

今日係老豆節, 係唔知去邊既日子, 入左荃灣, 咁岐岩比佢\見到”燒鵝”兩個字, 就入左去..7點鬆d, 已經開始要等位, 不過唔太多人,..我地叫左:1)燒鵝半只,($90): 招牌野, 果然不錯, d皮好脆呀~2)花膠海螺佛跳牆($88): 都ok, 幾清, 但應該有d味精~3)薑蔥大桶蠔: ($88) 上檯時”炸炸”聲, d蠔好大隻, 好味!4)白灼海生蝦: ($66): 新鮮!5)翠塘滑豆腐: 好清, 好滑~6)上湯花膠筒娃娃菜($88): 有d surprise, 佢\係用明火上煲仔上,花膠我prefer用滑身o個隻, 因為唔太林)7)蒜香骨: 普通野, 好熱氣…8)翠瓜炒鴕鳥肉: d肉好林, 又幾好味喎~9)法國多寶魚($88):成條魚都好好好好滑, 又無咩細骨, good!Bill: $790 .service 好, 質素好, 食得過!

2005年8月18日前一陣子已經想來試吃這裡的出品,奈何每次也看見很多人在等位,另我打了退堂鼓,這天出奇地沒有人等位,我們當然不放過機會啦!搭檯是必然的了,不過尚未算很擠迫,除了大路點心外,都有幾款有少許特色的食物,我們叫了以下食品:金枕榴槤酥:就像是蘿蔔絲酥餅的變奏版,酥脆的外皮包著半溶的榴槤,可能正值是當造的時候,榴槤餡甜中帶香,勁好味,雖則兩個人食一件半有點膩,但我仍極力推介.駝鳥肉粥:粥底都唔錯,駝鳥肉的份量都算是足料,最好味既就係佢夠嫩滑.翠瓜鳳眼餃:呢個都係唔錯既餃子,翠玉瓜爽中帶點,蝦亦很有口感,整隻餃子的味道很清爽.鳳爪扎:查實與鴨腳扎沒什麼分別,只不過鴨腳變了雞腳罷了.鹵水鴨舌:我好喜歡吃鴨舌的,這裡做的也頗入味,啜啜下,唔覺唔覺就食晒喇!呢間油酒家的食物不錯的,不過佢既茶就好唔得啦,勁難飲,如果下次再去飲,我會開壺滾水,之後沖泡自携的茶葉品茗之.

(14/12/05) 同男友放假,佢想食炒蟹,想起哩度。七點半,唔需要等位。薑蔥蟹煲,份量有兩隻,雖然唔多膏,但熱辣辣,好香,味道好好呀。小菜order左,蒜蓉炒豆苗,瑤柱鮮菰燴海參,瑤柱&海參都是普通貨式,但煮得好ok架,草菰都唔錯。甜品都有一點點的選擇,不過夠晒飽喇。最後亦有生果:幾片西瓜&哈密瓜。走時都有d人等位架。

早幾日同朋友聚舊，出旺角打邊爐，願本諗住去稻香，但朋友話要去金雞廣場間海港，皆因佢幫襯開荃灣o個間，覺得又抵食又好食，所以一齊試試旺角新店。其中一人要八點幾先到，所以我地食九點特價火鍋，由於早攞飛，裡面又有枱，職員八點九就俾我地入去。我一攞起手就諗住剔鴛鴦鍋，好彩朋友制止住我，原來每晚特價時段都有兩款$1湯底，我地揀o左冬瓜豬骨湯，另外火鍋配料大部份都係$12，我地要o左：水餃拼雲吞、蝦丸拼墨丸、金菇、本地肥牛、魚腐、鮮支竹(仲有一樣唔記得)，再加兩碟$18o既帶子片同花膠筒，另外見枱枱都有燒鵝，梗係要碟例牌再加碟燒肉，終於四個人就叫o左九碟火鍋配料加兩碟燒味喇，大部份o既食物都唔錯，其中以$12蚊一碟o既手打蝦丸拼墨丸最抵食，花膠筒o係出面好少見，最o岩女士養顏，招牌貨燒鵝亦有水準。四個人冇特別嗌o野飲，飽到食淨o野，都係位位$70，唔怪得全場爆滿，真係抵食。