青越 (Closed)

將軍澳這邊有很多連鎖餐廳，今次經過厚德商場，看到這間小店便被吸引，難得有一間非連鎖的越南餐廳，而整體裝潢都頗用心的餐廳，令我對其食品也滿期待的。餐廳整體佈置滿花心思的，座位也頗舒服的。我點了一個海南雞飯及越南滴漏咖啡。海南雞飯的雞都挺嫩滑的，算是合格，而且雞的份量也頗多的。不過黃薑飯就太乾身，黃薑味不太重，飯就不合格了...而越南滴漏咖啡跟餐可以以6折點配，價錢上還可以接受的。而這杯越南咖啡沒有一般的甜，怕是沒有太多煉奶吧，不過還好的，對於怕甜的人士來說，這杯咖啡滿適合他們品嚐。整體來說，性價比比連鎖越南餐廳好，食物質素也好一點，下次要再試試這裡的越南河粉。

將軍澳愈來愈多餐廳，翻新後的厚德商場就是最佳例子。某日好想喝一口濃濃得越南河湯頭，選擇了這間長長人龍的餐廳。小食拼盤 （四款小食）牛油雞翼 、蝦餅、春卷（香脆，即炸，合格）蝦片肉碎包 （完全不熱，不脆，個人不喜歡$火車頭湯河 -湯頭香濃，牛肉夠香，不過湯底熱度可再加強，個人喜好滾滾的熱湯底。味精少，食完不算口渴。蕃茄炆牛肋條牛肋條炆得好稔，入味，送飯好適合芒果糯米飯失望。芒果不甜，椰汁好淡味，糯米飯太硬，無食完便埋單。兩位埋單 $243，下次會集中食湯河。席間聽到有好多人投訴漏單，以及投訴服務，但是次服務正常，上菜都算快。

午市時間又到 ,啱啱去完旅行回味當地美食去到青越 ,見佢唔係太多人冇地方去入去試一試, 自己叫咗一份 法式牛柳粒紅飯。上菜速度幾快, 法式牛柳粒紅飯, 聽落個名好健康好似好有營養價值, 其實原來佢只係, 番茄牛柳粒紅飯 ,缺少咗法式嘅感覺。 牛柳粒煮得夠淋 ,夠入味 ,可惜配合番茄煮得唔夠淋。 番茄咬落去仲有啲硬, 可能舖頭上增加口感, 但係我都係鍾意食蕃茄炒蛋嗰種蕃茄。 好彩佢嘅味道都唔錯, 唔會太酸唔會太甜味道啱啱好,但係最值得讚賞嘅應該係佢嘅擺盤,一塊鐵板咁上.以為佢係原鍋煮出嚟, 值得嘉許。 下次一定再試, 因為真係唔錯。

晏了起身, 落街已差不多2點幾, 想食野但又吾好太 heavy, 越南粉就不錯。選了火車頭, 勝在每樣都有d, 一次可試多d 種類。 另外點了越南滴漏咖啡, 味道不太驚喜, 不過簡單一餐, 都令人食得滿足.

平日過來食個下午茶...選擇好多.... 基本上咩都有...第一次來試,通常都試下午茶,貪佢CP 值高D...叫左碗牛肉粉,加20幾蚊錢要多個小食!鳯爪!牛肉粉來講,牛肉份量都多,配菜都夠~敗北係個D粉,,,堅失望...好厚呀...好似用來整乾炒牛河個D咁...食到我..,.,.當然唔會食哂浪費我既QUOTA!!!!!!然後個湯都冇咩特別驚喜...個鳯爪都算係咁!!!2X蚊...有咁多隻...仲諗住得三隻 (有D鋪頭十幾廿蚊都係兩三隻~~~)抵左~~都開心既!!味道都OKAY...唯一一樣...其實都幾重要..就係唔夠凍~~唔知係咪啱啱整起...硬係覺得凍既會爽口D~~餐飲..叫普通咖啡,都係一般..總括,,,粉應該係主打..但係就唔掂...冇下次~~BYEBYE

雖然只係係屋企一齊預備開會啲嘢， 但係可以煮飯仔簡簡單單都好開心：） 呢間青越喺將軍澳嚟講都係睇落去比較坐得舒服嘅餐廳，所以我哋星期六就入咗嚟試下~ 越式小食拼盤 - 整體水平ok，炸春卷偏油 ，但係啲料炒得幾香， 米紙亦都炸得香脆。 蝦餅林左d。 雞翼好厚炸粉。重頭戲泰式豬頸肉炒河出場 - 大家可以見到幅相入面嘅肉, 點睇法都唔係豬頸肉... 啱呀係鹹肉...好瘦好瘦嘅鹹肉。 另外再睇下個麵底， 佢除咗加咗啲花生說碎係上面之外，其實就係徹徹底底嘅中式紅油炒河。泰式應有嘅闊河粉，同埋有鑊香深色嘅河粉，呢道都冇。都叫入得口既，不過一定唔係泰式豬頸肉炒河：0)另外一提，我一入到餐廳，想將張凳移前...然後我成隻手就被凳底既辣椒紅油同埋啲食物嘅殘渣弄污。 雖然我明白凳底污糟咗，餐廳未必好易發覺，但係都應該要定時清潔呀，實在太嘔心...

食嘢最緊要係食物質素，其次就係個餐廳嘅環境哩度嘅餐廳格局好Cyber, Cyber 得黎又帶點cozy, 黎食飯，食lunch 都係一個好地方。好中2餐廳內嘅neon light 設計，好新鮮又好fresh 嘅感覺大熱天時飲番杯冰沙真係無得頂，士多啤梨味好濃好rich 唔會話係得冰沙味$68一個雞飯還不錯，雞幾嫩滑，份量都幾足夠 油飯不錯，不過有點兒硬個人喜歡食淋身啲嘅飯份量好大，賣相好靚微微辣，所以食落好香口蒸粉包...哩個真係5推介，個皮整得太厚，亦唔係包得好實，一夾起就散晒。重要係，佢有夾埋蝦米，喺menu 又無講明一啲都唔襯好難食真係整體而言餐廳食物質素，環境都不錯

厚德商場改頭換面變了 TKO gateway，告別街坊小店，走所謂的高格調路線。商場內的食肆不論是什麼菜，裝修都很新穎別緻。之前經過，已經被這個休閑的吊椅吸引了目光。餐廳內的裝修亦不錯。一大排的落地玻璃窗，景觀開揚。每個座位都有手柄，間隔開旁邊的食客，設計頗用心。越南菜連 all day breakfast 都有供應，想必是生意難做吧。我的午餐是豬頸肉撈濛，份量還不少。不過豬頸肉不是平常 grilled 的那種，更像是普通肥豬肉切成一條條。三十多元算是這樣吧。裝修靚，價錢不貴，很難再要求甚麼。特飲感覺不錯，不過跟餐只是有六折優惠，差不多要廿元，沒有試。

可能第一次試業勒，所以今次要加反分，上黎上post下d相，首先杯野飲大杯左，唔會好似比人飲左兩啖禁啦。首先，牛油果沙冰，好正。凍茶已經大杯左，正常返。火車頭，好似唔夠大，食過其他是用大碗装的粉包，碎在，名符其實脆脆正。可以再食，不過男人來說可能唔飽。

上星期去左旺角食街邊的越南包都成$38。我今日入去青越餐廳食，完本都冇乜特別大期望，因為餐廳價錢大眾化，仲抵過街邊，可以比乜我吖！點知，嘩！嘩！嘩！簡直係大 surprise 吖！餐飲種類繁多！環境算好又衛生的餐廳，越南包好味，又熱又香，酸酸甜甜好開胃，仲要平過旺角的街邊！最正就係杯咖啡，仲有得加錢跟餐！咖啡並吾係港式咖啡，好專業，亦有吾同種類可以揀！完全平靚正之選！推介：好味的越南包加上有水準的咖啡！

今日行過又黎食個Lunch！週末12點己經要排隊！Menu幾多野揀！天氣熱叫左個青越三寶撈檬 $68，酸酸地夠開胃，三寶有豬扒炸雞翼同魚蛋片，幾大碗！老婆一個食唔晒！我就叫左生牛肉河粉$58，味道正常，不過我鐘意個湯底清D GE！呢個感覺味精味重左少少叫埋菜食下先！西蘭花炒雜菌$68，仲貴過我個河粉不過幾好食！家庭風味！埋單發現無加一，兩個人食左$200有找，服務不過不失，感覺貴左少少，但係味道係OK GE！呢頭無咩好食，叫係有多個餐廳選擇！

我在前一日於坑口「TKO Gateway」，幫襯試食跨國菜餐廳「XOXO」的同時，還發現另一間新進駐「TKO Gateway」的越南菜餐廳「青越」。上次我在淘大花園光顧「越X」，忘記了試食生牛肉湯河粉，今次是最好機會彌補在「越X」的錯失。對我來說，差不多二十多年前，我還是在拿着BNO護照的時候，就已經坐郵輪去過越南旅行，在越南食過正宗地道的越南菜。我對越南菜的最大印象，就是越南春卷，跟着就是越南滴漏咖啡和越南生牛肉湯河。所以，我今次來到「青越」，就是為了一試它們的越南招牌滴漏咖啡滋味。跟一般的傳統越南餐廳比較，「青越」的裝潢比想像中少了一份越南的地道風味，可能是因為餐廳的燈光太火猛太通明了，加上檯櫈是全新的，更加令我缺少了一份身處地道越南餐廳的感覺。不過，我今次光顧「青越」，無非是為了品嚐地道的生牛肉湯河粉，和越式滴漏咖啡的滋味，所以對於餐廳的裝潢與氣氛，我都沒有把它放在心上。對於越南的生牛肉湯河粉，我並非擁有強烈的喜好，所以見到「青越」餐牌寫着，生牛肉湯河粉有大小不同份量的時候，理智的感覺告訴我，暫時先點個小份量的生牛肉湯河粉，輕輕淺嘗，點到即止就足夠了。點完生牛肉湯河粉後，我再跟餐

最近係呢頭附近返工， 唔想食啲大型連鎖。 係附近行下就見到呢間。因為我唔太餓嘅關係， 所以淨係叫左一個蒸粉包。 ( 餐+$18)佢岩岩蒸出黎， 好熱好香。 面頭有花生碎同埋平啲燒味嗰啲葱油， which i thought was awkward at first. 裡面包嘅有蝦米 黑木耳 札肉同椰菜。入口好爽口， 蝦米味好濃， 葱油味都好濃。 不過我覺得塊皮太厚啦， 可以薄啲。 都算唔錯啦， 不過都會鹹左啲啲。 另外同行友人食嘅蕃茄牛腩飯， 賣相唔錯

前一排天氣開始暖返，而且非常潮濕，突然好想食越南菜，想食撈檬，所以嚟咗附近呢間青越。嚟到梗係嗌咗撈檬啦～嗌咗個香茅雞翼撈檬，仲有痕加咗炸蝦餅，加多杯紫薯Latte。香茅雞翼撈檬：雞翼香脆，有成4隻 撈檬有好多菜絲、蘿蔔絲、花生同唔知咩脆脆，加上酸酸甜甜嘅醬汁，口味清爽，冇胃口時最啱食（即係現在XD）。蝦餅外皮香脆，裡面彃牙爽口。紫薯風暴都吹到越南餐廳，呢杯紫薯Latte有好香紫薯味～除咗嘢食之外，呢度環境都幾清靜，陽光又幾好，一個人可以休閒地食個Tea。不過咁啱有家庭客，小朋友比較嘈咗少少，但冇辦法啦～下次會再嚟！

環境吸引，食物種類算多，收費合理，味道跟份量一般，服務還可以。以下食評及觀察：炒椰菜苗味道及份量尚算ok，但炒椰菜苗是椰菜，而不是椰菜苗。燴牛尾的茄汁太濃，牛尾份量少了一些，只跟兩片法包，感覺太少，不如不送手 c 雞的肉有點乾，相信愛吃白肉的人會較喜歡。重點是以下題外話的意見，希望餐廳多加注意。留意到此餐廳多位的人員，無論送餐，收餐，落單均全程帶著藍色手套，此舉會減低服務員對保持手部衛生的意識，亦有可能將手套上的細菌帶到食客的餐具。希望餐廳管理層多加留意，侍應及店員工作時多加洗手，勿濫用手套。