王孖記果子 (Closed)

見網上評價呢間店嘅芒果糯米滋唔錯，甘又行經荔枝角，咪買黎試下。見到佢d 芒果糯米滋大大份都係賣$15, 咪買多盒同朋友 share. 返到去咬一口，真係不得了，好好味ar, 以為10月芒果唔當造，可能會酸，但又唔係喔。d 芒果真係好甜，同埋佢d 皮又薄，芒果同糯米加起真係好夾，好好味ar 😍😍好後悔冇買多幾盒🙈🙈老闆仲要好有禮貌，好好笑容。推介推介，如果鐘意食芒果，一定要買。小店仲有賣其他甜品/飯，下次可以試下😋

對於芒果糯米糍黎講，我自己就好有要求！🤔🤔😏事關我本人係未興話買食芒果糯米糍既時候已經識整！講緊初中時候既我！哈哈！所以我好小心去考慮好無用錢去買黎食！但又怕唔好食會傷心兼傷荷包！所以咁岩遇著剛剛，有同事介紹我食好野，話今日要買啲小食做下午茶！咁岩經過王孖記店門，就話買呢個黎做下午茶小食啦（其實係食完飯買，之後都等唔到下午茶時間就買左落肚lu😋😋仲買左珍寶版試試佢！返到公司一打開就眼都突埋！真係超大舊～好興奮～心諗住咁大件應該好厚皮！點知一咬落果下！唇齒感覺到糯米既軟綿綿～剛剛好既厚度，唔厚唔過薄！軟綿綿得黎又唔會塌身！糯米用水既分量用得剛好，所以唔會有過度既黏口！更唔會痴牙！咬一口既時候又可以唔黏既情況下又玩到芝士獨有既拉絲效果👍🏻👍🏻👍🏻佩服！佢係我食過，比我整得再好食既芒果糯米糍！真心覺得正！

今天同事請食甜品🍮，滿心歡喜地期待💖，嘩，原來有芒果糯米糍呀😋，馬上拿一件來食，點知一試😫，下次不會再試🙅‍♂️，芒果好酸，唔夠熟，啲皮又唔夠軟，試完個芒果糯米糍之後，以不想再試其他甜品了😔

新年唔想係d 傳統舖頭訂糕點，見到王孖記第一年出蘿蔔糕，心思思要試下唷！上年訂過黃金糕，好特別又好味，所以今年再encore! 我好少食奶皇野，但呢款食落唔太甜，又黏韌，好好食，令人有食完一舊想再食第二舊嘅衝動！重點係要厚切再煎半香就最正。今次主要想試下新出嘅蘿蔔糕，佢用我唔會食既蠔豉蝦米去整，一心諗住訂比阿媽食無所謂啦，點知完全冇我討厭嘅蠔豉臭味，反而覺得好香，蝦米我唔鐘意個口感同果陣味，但食落又冇問題喎，香口，完全唔洗再加味，好食！

同朋友行開D2 place，就上網揾下附近有咩好野食，揾到呢間小店，雖然地點都有d唔就腳，mtr行去要10分鐘到，但見d飲品同果子燒都好吸引，所以都去試試😉💛芒果椰西芋 $28呢個見寫住人氣No.1，見到呢d字眼總被吸引，成杯飲品好多料，面頭滿佈多芒果肉，底層就有芋圓同西米，加埋椰奶，口感超豐富的😝！🧡紅豆麻糬果子燒 $10被#麻糬 二字吸引而叫了這款，另外仲有d比較特式的都好吸引，如伯爵吉士黑糖珍珠，泡菜芝士半熟蛋等都幾特別，而且是即叫即製，要小心熱呀，紅豆蓉都幾多，不過麻糬就覺得有d不夠煙韌，不過整體都不錯的😉

上星期四晚又係番學日加健步日，要係荔枝角行去何文田，訓練腳骨力兼覓食，頭一站就黎到呢間小店。門口有幾個易拉架，吸引左我既眼球。上Openrice睇見呢度芒果糯米糍最出名，但呢排天氣轉暖，所以想有暖野落肚。最後，我要左紅豆麻糬果子燒，盛惠10蚊雞。等左10min，終於到手了。熱辣辣，外皮淺啡，吾會過燶，淨係拎住都感覺好滿足。外皮軟熟，包左滿滿既紅豆同麻糬，紅豆煮得夠淋，微甜，少少起沙，麻糬Q彈，口感同味道都平衡都很好。新鮮熱辣即整都係吾同d

突然心血來潮想吃芒果糯米糍，特地搭地鐵去荔枝角買，老闆好好人，是一位慈祥的婆婆，即使面對有選擇困難症的我也不會多加催趕⋯最後買了一盒例牌的芒果糯米糍（$25/2）。可是好人歸好人，對於味道有要求的我並不會因此而含糊。老實說，這家的芒果糯米糍讓我有點失望，雖然外皮做得不錯，但是芒果肉太酸了，完全不好吃⋯可能其他口味會好一點吧⋯

芒果糯米飯如果你無預先訂既話係即叫即整既，要等大約10分鐘，整完之後老闆仲會比你睇下有無問題先同你包好成個飯總共有3個配料：椰汁、斑蘭汁同埋脆脆，我就三個配料都加左一半，但建議返唔鐘意食甜既朋友可以再落少啲，因為本身糯米飯已有好濃椰汁味。 另外唔知係咪因為即整，我覺得飯底唔夠煙韌，有少少淋，不過抵讚既係真係好足料，芒果遮哂成個飯咁制，芒果亦夠甜，Overall黎講，$38/盒 我覺得普通女仔一定會食得飽，呢個質素係香港買到係好抵！

去親泰國都要日日食幾個芒果糯米飯！對上一次去泰國已經有一年 掛住左個飯好耐 今朝機緣巧合係facebook睇到王孖記！ 一直都淨係知佢有糯米糍賣 而且好多人買 見到之前一直排哂長龍咁 又要reserve好快賣野 點知原來有賣埋芒果糯米飯！office好近依邊 所以食完飯之後就走左去 碰碰運氣睇下有冇得賣！去到個時店員問我有冇訂貨(個陣幾驚係冇)點知佢就話即刻整比我！大概等左10分鐘左右 佢就拎左盒比我🤤😗一開盒飯係咁樣 佢分別配左脆米，斑蘭汁，椰汁 可以隨你自己喜好去加！由於三樣我都好鐘意 所以我就三樣都加哂加完就係咁樣！ 其實一開已經好香椰汁同芒果味！ 呢個芒果飯既份量都好大 要同朋友開心share!芒果好甜 糯米飯都好甜 不過我同朋友都覺得個飯本身太甜 所以大家食個時可以唔洗落佢跟埋個個椰汁 但斑蘭個個都值得落 因為唔係周圍都有依個 脆米令到個飯更加有層次 有d脆既野可以咬下！飯除左有d太甜之外 仲淋得濟 有可能係overcooked/放左係煲入面太耐既關係?但依個飯絕對係抵食之選！38蚊咋😗😗🤤

王孖記之前聽人講係出名糯米池，依加唔單止出咗好多特別味道嘅糯米池，仲有芋圓糖水添呀今次叫咗凍楊枝甘露芋圓，楊枝甘露好足料，多西米、芒果肉同西柚肉，芒果酸酸甜甜，西柚有少少澀味，汁底甜度適中，芒果汁同奶味香濃。唯一要彈嘅，就係啲西米，西米唔彈牙 咬落少少粉粉的。到芋圓啦，一碗入面有十幾粒芋圓，粒粒都勁大粒，差唔多膠匙咁大！有圖有真相架。佢有三隻味，紫薯、芋頭、地瓜味。紫薯最好食，味道好濃好濃，有好天然嘅紫薯香味同甜味，好好食真係！芋頭味係第二個好食，好真材實料好濃芋頭味，仲有粒粒芋頭係入面，好煙un不過始終係芋頭所以有少少粉粉地。地瓜味都好食，但唔知係咪個楊枝甘露太凍搞到佢硬咗，完全唔煙un仲好粉團feel。味道ok但質感唔得，應該係楊枝甘露太凍影響咗。

去開呢頭就靈機一足去買！記得呢度有間都出出地名既自家製大大粒 糯米糍！去到好彩有開ᶻᴬ!因為小店真係好難講架嗎🤨.老闆話每日限量發售架有ᴰ味道!我就總共買左3舊,手掌咁大芒果餡,軟熟口感糯米皮有誰會不喜歡？😍😍👉🏻朱古力芒果糯米糍 👉🏻綠茶芒果糯米糍 👉🏻益力多芒果糯米糍3舊既芒果肉質結實細緻，完整一片香甜多汁兼帶微酸，糯米皮帶陣陣清香，口感煙韌軟糯，而且相當透薄☺️不過每隻皮既味道都不算太出！好似叫咩味個皮都差唔多一樣呢ᴮᵀᵂ入面嘅芒果肉有成手掌咁大架!食完一粒都真係夠哂滿足😍.食得出糯米皮上係做左小革新🤫推出唔同口味既皮!不過其實佢都以售賣各式新鮮 水果 為主既🤪

同事介紹下買了一盒輕量裝芒果糯米慈, 一盒三粒🍡 滿心歡喜打開, 貌上一般🙊（不是只看外表）咬一口才發現芒果超酸.. 完全破壞了整個芒果糯米慈🙄兩星期前在泰國吃的芒果超甜, 所以對它都帶有期望...

芋圓熱潮不減，受惠的固然是我們這種愛吃之人，愈來愈多餐廳推出芋圓甜品，現在幾乎隨時隨地都能嚐到芋圓。王孖記以新鮮芒果糯米糍及各式特色鮮果糯米糍打響名堂，水果款式多變之餘甚至更提供不同口味的糯米糍皮；數個月前已經留意到他們推出芋圓糖水，但偏偏還是缺乏特意前往荔枝角一趟的毅力。這天相約朋友於荃灣吃晚飯，朋友有事要稍遲到達，既然有空便隻身一人於荔枝角站下車走一趟王孖記！楊枝甘露芋圓 ($28)芋圓配搭各款港式或中式糖水，例如紅豆沙、芝麻糊、桃膠雪耳雪梨糖水、番薯糖水等等，楊枝甘露比一般糖水舖濃稠，而且帶微微芒果果酸，味道自然不造作死甜，芒果粒及西米份量充足，唯獨是作為楊枝甘露主角之一的柚子亦無疾而終。芋圓、地瓜圓及紫薯圓的大小一致，故生熟程度均一，不會出現部份軟腍部份硬實的情況，口感粒粒煙韌富彈性，當中更能嚐出芋頭、地瓜及紫薯本身的粉糯質感。雖然楊枝甘露及三色圓分別皆做得不錯，真材實料，但兩者共冶一爐便令三色圓略為黯然失色——芒果味過份濃郁香甜，蓋過芋頭、地瓜同紫薯的香味，個人建議想細嚐芋圓的朋友選擇黑糖或雪耳雪梨嗰種較清的糖水底。牛乳綠茶皮芒果糯米糍 ($26)糯米糍以一盒兩件形式出售，當

這是我還在荔枝角上班時買的，馳名的王孖記糯米糍是也。芒果糯米糍，一盒2大件長型的$26，大大件香甜的芒果，配上薄薄而軟糯的糯米皮，比起平時吃到的厚皮糯米糍，果真零舍不同。至於紫薯糯米卷就更為好吃，三粒$20，軟糯的糯米皮，包裹著濃郁而真實的紫薯蓉，絕對令人垂涎，好想再去荔枝角買來吃！

這是我還在荔枝角上班時買的，馳名的王孖記糯米糍是也。芒果糯米糍，一盒2大件長型的$26，大大件香甜的芒果，配上薄薄而軟糯的糯米皮，比起平時吃到的厚皮糯米糍，果真零舍不同。至於紫薯糯米卷就更為好吃，三粒好像是$20，軟糯的糯米皮，包裹著濃郁而真實的紫薯蓉，絕對令人垂涎，好想再去荔枝角買來吃！