牛摩 (屯門時代廣場南翼)

Open Now

Now Closed

好似第2次食牛摩，正正常常冇咩特別🫣當普通打餐邊爐食晚餐都ok的～不過自助區都豐富，有壽司食👍🏻同埋有爆谷🍿️食都幾正😂😂-我地嗌左美國🇺🇸和牛餐，但覺得其他牛好似好食d😳牛頸脊牛味重，係我比較中意既一隻其他就都冇咩特別🙈真係中規中矩～～-配料方面都冇太特別，都係一般打邊爐有既配料😋勝在大部分都可以自己出去拎，唔洗等人比&份量可以自己控制👍🏻-雪糕好值得讚🍧！朱古力味十分濃郁，而且自助配料好多選擇，好滿足😌

平平地打邊爐，牛摩一直係我心水🫰🏻之前見到圍咗板裝修，今日行過見到開返又好耐冇打邊爐，今晚一於食佢啦！裝修後更加企理，多咗罐裝飲品雪櫃仲有爆谷😍😍😍🍿嘢食未到之前食下爆谷先～～晚市特選美國牛肩胛放題199冇特別想食靚牛肉，所以叫咗個平嘅套餐湯底叫咗一個麻辣鴨血湯，一個蕃茄薯仔湯麻辣湯唔算好辣，有需要就自己加辣椒落去🤣牛肉每碟質素平均！冇話開頭嗰碟最靚，之後無咁好食😂成日食嘅話一定要join會員！

衣度一人一鍋🍲，比較衛生，仲可以各有各點唔同的湯底，任飲任食，我就覺得幾款牛來講，最好食是牛板鍵😋，唔會太鞋，有牛舌食，切得很簿👍🏻👍🏻👍🏻仲有鴨血同扇貝都好食😌，不過衣度上菜就真係好慢，菜款唔多，無我想食既皇帝菜，飲品又無咩選擇，杯乳酪就太差了，裡面有好多冰水咁🙈

之前已經食過幾次，都覺得好抵食，裝修之後的第一次食。整體比起之前都有進步今次揀左 每位$239 的SRF美國和牛,跟尼個餐仲包左牛板腱、牛肩胛、極上黑豚肉，每一塊肉都係好薄切 🤤海底揀左港式蕃茄薯-味道好濃郁，唔洗沾其他醬汁都好夠味和蟲草花雞白湯-比較清淡。火鍋配料一如以往有唔少的蔬菜，都新增左唔同既款式。按住套餐的等級仲有得追加額外的材料，我試左芝士牛肉貢丸、醬爆瀨尿牛丸、蟹籽墨魚滑都係好值得試😋😋亦有少量海鮮可以食到，海蝦、墨魚🦑仔等等，都係好彈牙。除左火鍋配料，仲有一些小食-雞軟骨好鬆脆，需要自己額外出去加七味粉，比其他放題炸得好食，唔錯！甜品都有5款可以揀，正常發揮，仲有好吸晴的爆谷🍿機和必食的乳酪雪糕，每次黎都係唔同的味道，今日係抹茶和原味乳酪，可以自己添加一些棉花糖、朱古力🍫…滿足的完結😆

平時都好鐘意去打邊爐貪佢烚吓烚吓夠方便今次同朋友嚟屯門巿廣場「牛摩」🐮試一試佢嘅安格斯牛頸脊海鮮放題😋呢個套餐用膳時間為90 分鐘超過20款食材任叫任食一定食到飽😆我哋一行二人揀咗兩款湯底分別港式蕃茄薯仔湯及博多美人骨膠原啫喱雞白湯蕃茄湯清甜好啱蔬菜類食物而雞白湯鮮濃啱晒肉類食物有骨膠原感覺好滋補👍🏻⭐️美國安格斯牛頸脊套餐主打呢款牛果然唔錯🤤一碟大約有十塊牛嘅油花均勻切到薄一薄淥幾秒就啱啱好啱晒一班牛魔王⭐️豬豚肉豬都好好食好有咬口夠鮮味😊⭐️海鮮分別有青口、魷魚及帆立貝好開心有咁多海鮮揀😍每樣食材都好新鮮⭐️丸類及蔬菜類丸類及蔬菜係以自助形式供應包括有獅子狗、芝士腸、墨魚丸、芝士丸、年糕、冬菇、蕃茄、生菜、蘿蔔、薯仔、翠玉瓜等等特別推介係年糕同墨魚丸好好味夠彈牙😃⭐️飲品一般茶類及汽水都有仲有提供唔同嘅果汁及有咖啡機😙⭐️甜品甜品方面種類都幾多包括有爆谷、甜點及雪糕特別推介綠茶味雪糕可以自己揀配料😁食完熱辣辣嘅火鍋再食一杯雪糕簡直透心涼🫶🏻好開心屯門終於有唔錯的日式放題火鍋🤩❤️值得推介

><特選美國牛肩胛 晚市90分鐘放題(199)星期一至五 7點前入座減$10要自己scan qr code落單嘅肉類方面有牛肩胛/羊卷肉/豚肉/雞肉Refill幾次 d肉嘅質素都穩定另外有牛摩飯同黃金花枝棗適逢韓國祭仲有小食 脆脆無骨炸雞同紫菜粉絲卷出面自助區各款丸類 蔬菜瓜類 粉麵供應而飲品都有好多汽水同茶選擇甜品有泡芙 和菓子 低脂乳酪 仲有焦糖爆谷><><><><><><><><><><牛摩 屯門屯隆街2號屯門時代廣場南翼3樓21號舖

和朋友一起到屯門牛摩食牛肉shabu shabu放題，點了美國iIBP 牛板腱放題，性價比高，每個人一個湯底，我們選了養生雞湯和沙嗲湯底，首先是牛板腱薄薄的多片，滾耐了也很爽口，再點牛舌、羊肉、豬肉和牛肩胛等等！各有特色！而最值得一讚嘅係羊肉片，爽口彈牙勁騷味！係我嘅至愛！飲品可以隨便於雪櫃中自取，我哋當然飲最愛嘅解茶！自選食物方面有壽司，幾款菜和肉圓，更加有雪糕同埋爆谷、溫泉蛋、響鈴等等！接近應有盡有，而分量亦都不停添加；餐點中嘅牛肉亦都好快送到，絕無冷場，食得很盡興！雖然只有90分鐘嘅進食時間，但係已經食得超飽！而最後嘅甜品，亦都有多款選擇，質量亦都有水準之上，可以說係盡興而歸！

今日同家姐黎屯門食牛摩呀😍 揀左安格斯牛肩脊套餐 $ 188 ，呢個套餐真係物超所值！ 鴛鴦湯底揀左咗壽喜燒同豚骨湯👍🏻鍾意食牛嘅，我今日又要對啲牛大開食戒喇😹牛肩脊啲牛肉味道非常濃郁 🫶🏻重牛味亦好香！肉類仲選擇左·極上黑豚肉·IBP牛板·美國特選牛肩胛·羊卷片，好味道👅食完一碟又追加一碟。食完一碟又追加一碟。火鍋配料半自助式 鐘意食咩自己夾🤌🏻我鍾意黎牛摩食既原因，係因為佢啲菜類有好多款選擇！ 咩菜都有… 總共都二、三十款蔬菜類選擇，非常豐富。而且存放蔬菜嘅冷藏櫃溫度調校得好，蔬菜保存得好新鮮！同埋呢度都有，我鍾意食嘅乳酪雪糕🍦呢款係北海道低脂乳酪，今日好放肆 食左五杯😂😂😂😂除咗乳酪雪糕之外，都仲有好多其他款式嘅甜品，例如：泡芙、綠茶糕、多款蛋糕。牛摩- 令人滿意嘅放題火鍋餐廳。無論係牛肉味道、菜類選擇定係甜品種類，都可以滿足到你嘅味蕾。鍾意任食、火鍋同甜品，真係唔好錯過呢個地方👍🏻👍🏻任食放題火鍋·牛摩 (屯門)📍屯門屯隆街2號屯門時代廣場南翼3樓21號舖 #牛摩 #放題 #任食 #打邊爐 #牛肩脊 #優惠 #火鍋 #wagyumore #wagyumoreplus

屯門牛摩一直都是屯門人打邊爐的好選擇，最近新裝修完，身為屯門人的我當然要去跟他見一見面。 新裝修後的牛摩+環境舒適度都有提升，價錢上跟以前差不多。這次我們點了美國IBP牛板腱套餐，限時90分鐘內任飲任食，都只是$239一位。 這次和朋友點了港式蕃茄薯仔湯以及麻辣鴨血鍋。蕃茄湯非常清甜可以吃得出肉類的鮮甜味，而麻辣鍋非常香濃，辣味十足。套餐上包括了IBP牛板腱，美國牛肩胛，牛舌，除了牛肉之外，還有羊肉豚肉和雞肉選擇。火鍋配料方面，可以在外面自行選擇不同種類的蔬菜和丸子。除了以上提及的，可以用QR code order炸物，炸物方面10分有驚喜，吃得出是即叫即炸熱辣辣的。飲品選擇非常多，足足有三個大雪櫃任君選擇，另外還提供一部果汁機。大人小朋友都最愛的甜品，雞蛋仔、乳酪雪糕、泡芙、Brownie等等甜品，牛魔亦提供相當充足的選擇。#牛摩 #放題 #任食 #打邊爐 #優惠 #火鍋 #wagyumore #wagyumoreplus

牛摩屯門屯隆街2號屯門時代廣場南翼3樓21號舖屯門呢間分店最近新裝修 和風味道濃厚咗 一人火鍋 食肉獸----即係我準備走位湯底選擇多 湯底分為麻辣、清湯、番茄 沙嗲⋯⋯ 另外有雪糕食 北海道低脂乳酪雪糕，綠茶味雪糕可以自己出去凍櫃拎配料 海鮮肉類就QR code落單 安格斯牛頸肉、特選牛肩胛、1BP牛板腱都好食！90分鐘火鍋放題美國安格斯牛頸脊 ＋海鮮放題肉味濃厚，鮮嫩之選 任食通21+美食連自助放題區安格斯牛頸肉、特選牛肩胛、1BP牛板腱、黑豚肉、豚肉、雞肉、羊卷肉、半殼青口、魷魚仔、帆立貝、鴨血、溫泉蛋、溫泉蛋牛摩飯、技豆、味噌青瓜、迷你甜警、炸日式餃子、炸雞塊、炸薯角

牛摩推出了牛頸脊放題，晚上兩個人去試一下，平日七點多已座無虛席。湯底有好幾款選擇，一人一鍋可選不同口味，分別選了豚肉和雞白湯。點了三款牛肉，套餐主打的牛頸脊是肉味最濃的一款，紋路分布均勻，帶有適量的油脂，肉質柔嫩，愛吃牛的不可錯過。左邊的是牛肩胛，這種部位的牛肉比較有筋，但口感也非常滑順，嫩中帶爽口。牛板腱比起另外兩款，肉味較清淡，富有彈性，肥瘦適中，怕牛羶味太重的話可點這款。一整晚加了幾次單，肉質都能保持水準，也沒有漏單，值得一讚。手機點菜還可選擇豚肉和海鮮，豚肉質素不錯，久煮也不會韌，青口飽滿，帶子沒有雪味。凍櫃放有多款配料可自由配搭，保證吃到飽，打邊爐蔬菜和丸類必不可少。推介芝士海鮮豆腐和芙蓉卷，芝士海鮮豆腐裡面有濃厚芝士餡料，滋味濃郁。芙蓉卷是第一次吃，帶魚肉味之餘口感不會太厚實。飲品除了各式汽水凍飲，也有比較健康的果汁。巨峰提子和橙汁甜度適中，酸酸甜甜令人更開胃。甜品方面有蛋糕和泡芙等糕點，另外也有北海道乳酪雪糕和綠茶雪糕。乳酪雪糕香滑酸甜，味道清新，加上各款配料更增添口感。

屯門的牛摩新裝修完，又係時候要會一會佢，今晚湯底簡咗蟲草花雞白湯底，另一種是日式昆布清湯式！肉類方面，牛摩多咗好多選擇包括安格斯牛頸脊肉、特選牛肩胛、1BP牛板腱、黑豚肉、豚肉、雞肉和羊卷肉另外套餐都有海鮮選擇，包括半殼青口、魷魚仔、帆立貝和鴨血。海鮮都十分新鮮，口感爽實！配料區的選擇也非常豐富。各種丸類和蔬菜都擺放整齊！甜品區有我最鐘意既爆谷🍿️，旁邊就有自助雪糕機！新裝修嘅牛摩仲有繪馬板比客人玩！

牛魔喺屯門都扎根咗好耐，而家翻新咗之後仲年輕左添👍🏻餐廳而家仲有優惠，惠顧就可以抽一次獎🎁豬先生只係抽到第六獎🫠🫠一入到去左右2邊都係取食區，左邊就係醬料區，果汁機，雪糕機同爆谷機，右邊就見到好多選擇既蔬菜、麵食櫃，之後就係餐前小食類（沙律、壽司、前菜）再行就係甜品、飲品櫃，琳瑯滿目好多選擇👍🏻今日食嘅係牛頸脊套餐，豬牛雞會先各上一碟，另外仲有個QR code比你自己再落海鮮、小食、牛摩飯牛頸脊同牛板腱牛味超濃，唔使點醬已經好夠味，豚肉我哋就點咗柚子醋，好夾呀👍🏻好特別仲有羊肉片，羶味唔算好重要讚下職員收碟既速度都好快，而且好主動加湯👍🏻

湯底係鴛鴦鍋，揀咗一款濃味一款淡味，濃味嗰邊係港式沙嗲湯，估唔到真係有好多花生粒喺裏面，十分惹味，到最後加埋個麵落去就做到香濃嘅沙嗲牛肉公仔麵呢，至於淡味嗰邊就係昆布鰹魚清湯🍲我哋食嘅牛肩胛套餐就有最基本嘅牛豬雞羊，如果想食海鮮或者多幾款牛肉就要揀再貴啲嘅set牛肩胛雞肉又滑又彈豚肉羊肉卷牛摩飯係有紫菜同埋牛肉粒，有啲汁好啱撈飯🍚食過幾間牛摩嘅分店，係依度先至見到有爆谷同埋雞蛋仔，就算以其他火鍋放題店嚟講，爆谷機都係比較少見，所以覺得幾特別🍿出面嘅自助區都整理得唔錯，乾淨衛生，丸類有芙蓉卷、花枝丸、麻吉燒等等，近排做緊韓國祭，小食多咗炸雞同埋紫菜粉絲卷，火鍋料有年糕同埋韓國即食麵，間唔中有啲期間限定嘅野食就多啲新鮮感～

屯門呢間牛摩裝修完 同朋友見順路一於即興嚟食我哋揀咗S R F美國和牛套餐佢出名就係一人一鍋不過原來都有鴛鴦鍋港式特濃沙爹湯 沙爹味香濃惹味博多美人骨膠原啫喱白雞湯 湯底充滿濃郁嘅雞味同豐富骨膠原 美國和牛味道帶有濃郁嘅牛肉香味奶油般嘅口感柔軟細膩juicy 入口即化又唔會過於油膩肌肉纖維細緻脂肪均勻完全冇筋膜食完不斷追加美國極上黑豚肉帶有濃郁的豬肉香味肉質柔軟細嫩入口鮮嫩無論配沙嗲湯定係雞白湯都好好味牛板腱肉質比較緊實肉質軟嫩多汁口感都非常好牛舌有嚼勁帶有韌性蟹籽墨魚滑口感非常滑嫩墨魚同蟹籽都好鮮味配沙嗲湯大大增加口感嘅層次感同豐富度自助區有多種蔬菜同丸類任取牛摩飯都幾出色同溫泉蛋撈埋一齊好正！熟食仲有紫菜粉絲卷、日式炸餃子、七味炸雞翼非常香口日式章魚燒即叫即整都幾出色最後仲有好多甜品綠茶雪糕好濃味泡芙都好好食係一餐非常滿足嘅晚餐