華豐海鮮菜館

Open Now

Now Closed

交下報告先，雖然相片不多﹗話說尋晚一家人做冬，一行四人去到觀塘宜安街既華豐海鮮菜館打邊爐﹗唔睇番自己寫o的食評都唔知，原來上年做冬我都係帶老豆來，記得那次他也幾滿意呢﹗事隔一年，水準依舊不錯﹗來華豐，最出名當然係佢地既海鮮鍋啦﹗中既$259包湯底﹗老實講我從來打邊爐都最憎叫餐，咩肥牛餐，雜錦鍋等，不過來呢度，不坊試試佢既海鮮鍋﹗有蟹、有螺、有蜆、脆肉鯇、扇貝、蠔、魷魚、沙鯭仔及鮑魚，再加多幾片肥牛及菜底，包羅萬有，最緊要樣樣都新鮮，好味道﹗除了頭先海鮮外，仲有花甲、鮮蝦及瀨尿蝦，種類以海鮮來說我估應該都算全港之冠了吧﹗中手切牛，牛味都幾濃，輕灼下亦軟熟，好味﹗老豆愛吃蝦，叫多碟佢食下﹗最後加多籃菜，6支大啤加兩罐汽水，埋單$660，抵食﹗是晚一家也盡興呢!值得推介俾大家﹗

不論春夏秋冬, 每隔1-2個月總會同朋友大伙兒黎到華豐火鍋聚會, 除左食物新鮮好味, 價錢合理之外, 亦貪呢度氣氛市井, 岩哂一班麻甩佬係度高談闊論, 邊飲啤酒邊吹, 老豆地話下當年, 回憶到一半既時候就有默契地高唱 "那些年錯過的大雨...那些年錯過的愛情"諗番起咁多年黎, 呢次先至係第一次記得影相既其實呢度個海鮮離錦鍋真係超值,$328 有非常生猛既蝦,瀨尿蝦,奄仔蟹, 鮑魚, 東風螺, 扇貝, 花甲, 蟶子鮮鱿等等,(個個都唔食魚所以要求走魚同鱔, 除左鮮鱿外每樣海鮮上枱時都仲好生猛) 再配以少量肥牛粉絲同埋大量生菜份量其實已經足夠三個人食到好飽堅係平靚平呢度既手切肥牛亦都好出色, 係偏肥同埋稔身個一種牛, 肉味無咁濃, 質素絕對拍得住出面各大火鍋店成二百幾蚊一碟既肥牛之後再點左雜錦鍋, 二百蚊左右, 有粉腸豬潤柏葉鵝腸, 各式丸之類, 份量同海鮮鍋既大細差不多, 算係咩都有D, 用料亦都好新鮮, 再另加左炸魚皮同魚皮餃同埋大量啤酒, 一邊滾一邊賭馬, 八大麻甩佬就已經成功填飽肚~二百蚊埋單飲飽食醉, 有水吹有馬賭玩足幾個鐘, 此刻無價~

琴日爸爸帶左個朋友尼食飯所以就冇係屋企煮,出左去食飯爸爸個朋友唔係好想食蘭香園咁就決定尼宜安街到食飯宜安街有3間菜館今次我地揀左尼呢到食我同媽媽落尼搵位先一尼到就有位幾好不過呢到個環境就真係唔係咁好因為隔離果台係到玩既骰盅,真係好嘈我地4個人就叫左4個送首先係砵酒焗魚雲我仲以為會用一個煲仔上原來唔係有少少失望不過佢一上台果陣d味都幾香好似唔錯但一打開,就發覺d魚雲整到好乾同好燶食落味道就一般唔好佢地講到咁特別咁好食第二個就係馬拉盞蒜心炒花姿片原先我叫呢個係因為我鐘意食馬拉盞果隻味同埋又有花姿片到我食落好既時候我就真係唔係好食得出馬拉盞既味道而且我覺得好辣呢個味道冇左馬拉盞果d風味第三個係南乳吊燒雞呢個又係佢地既招牌菜之一叫得做南乳吊燒雞咁我就以為係用南乳尼醃而整成原來只係上菜既時候開一碗南乳比人自己點尼食雞本身個口感係唔錯,個皮脆而且d肉都滑但差左個南乳第四個都係招牌菜我唔係好記得個全名大慨係叫百花煎海棠呢個送係由蝦膠,小棠菜,甘筍等等尼整成其實都唔算係煎,應該叫炸先arm不過呢個既口感就唔錯係全晚比較好食既一碟一心唸住招牌菜好好味.對佢好有期望可惜可惜

今次一坐低就開始掛住幫朋友婚宴試經酒, 唔記得影相...照舊未齊人時先點三兩個佐酒小炒今次點左椒鹽鮮魷, 沙薑雞腳, 蒜蓉白菜仔(朋友甲去到邊都要食白菜仔...)呢度D小炒我覺得係過得去啦椒鹽鮮魷, 剛剛炸起, 香脆香口, 好難唔好味蒜蓉白菜仔味道正常, 但有D炒得過淋沙薑雞腳無食, 未能品評大伙兒傾計飲酒差不多一個鐘, 終於齊人可以叫主菜喇 - 打邊爐例牌地先叫個大既海鮮鍋走魚走鱔(同行友人多數唔係點食魚, 無謂浪費, 廚房會自動係第D配料度加番多D份量)大手切肥牛海鮮鍋 (好似係$298定$328一個)瀨尿蝦10隻, 蝦10隻, 鮑魚5-6隻, 奄仔蟹兩隻, 其餘仲有美國肥牛, 花螺, 花甲, 扇貝, 鮮魷等再用生菜打底其實剩係一個大海鮮鍋都夠3-4個人食飽海鮮絕對算係新鮮, 瀨尿蝦, 蝦, 鮑魚等都仲係"旭"緊既以呢個價錢絕對抵食大手切肥牛(好似係$128一碟)呢個手切牛其實係好好味, 係好淋身個種, 肉味唔算濃, 絕對唔比出面D火鍋名店$298一碟既差之後再叫多左兩個菜, 大手切牛同埋七彩雜錦鍋作結填飽個肚其實唔狂飲酒的話一人$150以下就埋到單

如果要同酒樓約一百蚊位的所謂任飲任食去比, 華豐既火鍋可以話好好多, 但唔係因為華豐好, 而係酒樓的任食火鍋太差!三個人點一個大海鮮鍋 (約$300), 睇落的確好大堆頭, 泥鯭, 鮑魚, 海蝦瀨尿蝦, 蠔, 螺, 鯇魚片, 奄仔蟹, 聖子, 墨魚片, 帶子, 數落去就真係好多海鮮料...但可惜多唔代表一定好, 整體來講只係一般水準, 絕對冇驚喜畀到我.除左海蝦瀨尿蝦算幾鮮甜, 鯇魚片爽脆, 奄仔多羔, 墨魚片都ok, 其他我就真係覺得好一般甚至差! 鮑魚洗得唔乾淨, 蠔好細隻好瘦, 聖子又細隻又韌, 雪花肥牛又多筋又多渣, 唔好食, 要另叫過一碟細既手切肥牛 (約$100), 先食到牛味!再加上啤酒汽水, 呢餐每人夾左$160埋單. 話貴唔係貴, 話平又唔算平.

工作各有各忙，一家聚首日子不多，頂多都係落樓下食個茶餐飯盒，但每年既冬至，我地都好識做的點都要食餐好﹗食餐好唔係我同老弟食得好，而係帶老豆食餐好，老豆終年不出街，每天深居於藍田，不見天日，冬至呢日大條道理拉佢出街食飯﹗來的是這間華豐，前兩個星期同老友來吃過，味道不錯價錢亦合理，天氣凍凍地，帶老豆來打個邊爐﹗工友話來這兒必點海鮮肥牛窩，三個人點個中份量的，真係無介紹錯﹗海鮮類可說是應有盡有，而且仲要全部都係新鮮貨上枱成碟0係度郁郁貢，海鮮包括:泥鯭兩條、鮑魚三隻、海蝦10隻、瀨尿蝦6隻、生蠔6隻、冬風螺、鯇魚片、蟹兩隻、蟶子、墨魚片、肥牛十數片﹗樣樣都相當新鮮，老豆最鍾意就係食魚，兩條泥鯭加埋0的鯇魚片全部佢搞掂哂。鮑魚三隻是大連九孔，算是大隻彈牙，一個小碗咁大﹗一人一隻小食多滋味﹗生蠔味濃，蟶子細隻左少少不過都鮮甜，生蝦生猛鮮美，老豆勁鍾意﹗蟹雖然細隻不過爆哂膏，老豆同老弟吃完個膏蓋都話蟹膏甘香非常，唔錯啦﹗整體相當滿意﹗再來一碟中手切牛，份量也不少，三個人絕對夠食，牛味香濃，滿意﹗加多碟菜四支啤酒，埋單都係五舊水，一人都唔洗兩舊，呢餐算係抵食的豐富聚餐，老豆兩杯落肚，又講番0的陳年往

早前因事和少奶要到官塘一行，午飯時間，一心要試舊式小店，在這裏行了一轉，阿姐在門口力銷幸運六合彩客餐，個名幾攪野。$28，包一碟即炒小菜、油菜、兩碗飯和飲品。小菜選擇也算多。好，就試下。兩個人就點了兩個餐：西檸雞：雞塊顏色較深，可能是用了萬年油，炸粉略厚，也炸得略乾，最詭異的是雞塊竟然有咖喱味。幸好西檸汁造得不錯。蝦醬通菜花枝：難得不太鹹也不太油，味道剛好，魷魚份量也不少。不錯。油菜是隨餐送的，也是通菜，不過不失。餐飲是凍檸茶和凍奶茶，每位要加$20，無乜特別。每個餐應該有兩碗飯，本來照計我們應該有四碗，但阿姐前後只送來兩碗飯。不過我們也夠食，所以沒有再要飯了。埋單$60，整體尚算可以。不過少奶飯後覺得異常口渴，可能味精略重。

6月14日（星期一）晚，世界杯剛開始，是晚相約了女友來這裡，一邊睇波一邊宵夜。在宜安街裡有不止一間可以睇波的小菜館，反正女友未來過而這裡剛好有個不錯的睇波位，就這裡罷！我們點了蒜心炒沙爹手切肥牛和脆炸手打雙丸兩個小菜，當然還有一枝大啤。蒜心炒沙爹手切肥牛的份量比想像中少，蒜心不過不失，手切肥牛較細片但尚算不韌，肉味甚濃，而且沙爹汁幾惹味，香而不辣；脆炸手打雙丸的脆漿不厚，口感鬆化，雙丸是蝦丸和墨魚丸，尚算鮮味彈牙，醮上沙律醬或是酸甜醬來吃都不錯。以前自己一個人的時代，已經比較喜歡在這種小菜館裡睇波多一些，食物選擇較多而且質素不錯，就算有啤酒妹在場也不會硬銷你喝，通常一枝大啤再加一、兩個小菜就夠了，感覺上自由隨意。不過始終是街坊格局的小菜館，有時要多加忍讓。

華豐係宜安街有兩間舖的, 介中都有去食吓飯, 今日一行五人去食晚飯. 我哋沒有叫海鮮, 只是食一些家常少菜. 叫咗五個小菜. 每個都好好味價錢又唔貴. 可能今日係平日, 唔會太多人, 人多的舖頭未必好, 因為好多時會因為人多而漏單, 或者煮得唔好食. 最鐘意係個香辣一品煲, 熱辣辣呢度仲有打邊爐, 下次來試吓先

之前去呢度都係食開小菜一向都覺得唔錯...點知有日發現原來有火鍋架~~4個人就試下喇~~叫左一個大既手切肥牛$178(肥美)，大既海鮮肥牛拚盆$298(送湯底好多比你揀...個拚盆有4隻鮑魚，兩隻蟹，聖子、瀨尿蝦、海蝦、帶子、螺、泥鯭、鮮魷、肥牛.....全部海鮮都係生猛上左枱都係生勾勾架~~勁驚，不過真係好鮮甜，呢個價錢有呢個份量係好抵!!!