華記士多 (Closed)

芝士咖哩蛋包飯 $43係一間好受學生歡迎嘅小店😆咖哩比較偏日式，甜而唔辣飯就少少乾，除左淡淡麻油香之外無咩味，但加埋雞肉同咖哩汁就啱啱好😋外層啲蛋真係好滑🤩🤩🤩😋飯面嗰啲就都係似蛋皮，芝士唔覺得有加分所以唔需要🙈如果咖喱可以多啲蔬菜（eg蘿蔔）就好🤣坦白講環境就唔好任何期望喇🙈尤其係夏天服務同衛生都係🙈

搞乜鬼❗️呢間士多唔係賣汽水零食，佢係賣好好味嘅咖哩蛋包飯😝。人人坐晒喺士多旁邊橫街嘅枱櫈上面，個個都係叫佢最出名嘅咖喱蛋包飯🤔🤔。我就貪心啲要芝士咖哩蛋包飯，$43包埋一杯嘢飲，冷熱同價，仲可以揀特飲，呢啲真係良心小店，要多多支持！個飯勁香，咖喱汁勁多，好似要瀉出嚟咁🤗，我見到佢哋係用Golden Curry，揼本又認真。飯底同雞肉🐔一齊炒過，香口又有味。飯上面嘅滑蛋又薄又juicy，蛋嘅熱力令芝士溶化，食落口香而不膩，仲有少少拉絲效果。華記士多 (西灣河)西灣河筲箕灣道48號地下3B號（地鐵站B出口直接過對面馬路，轉右向筲箕灣道太古城方向直行，見到佳寶超級市場，再行至街尾轉左新見到😉）

邊會估到間舖豆潤咁細，竟然臥虎藏龍🤡一碟又一碟既蛋包飯輪住出爐～仲要係條巷仔度食真係必有一番風味☺️MENU得3樣野 就係肉燥飯、咖哩蛋包飯、咖哩芝士蛋包飯😂量唔洗多 最緊要好食🤍.我同男朋友都叫左咖哩芝士蛋包飯價錢包一杯野飲 凍熱同價 咁梗係飲凍飲啦🥰不過一個就少汁 一個就正常份量汁我絕對建議大家要叫少汁 個份量會岩岩好同埋無咁鹹😎.咖哩芝士蛋包飯（少汁）$43 入面係有雞肉添架 正～～啲芝士溶溶地再夾埋咖哩汁同蛋食真係無得挑剔.咖哩芝士蛋包飯（正常份量汁）$43 .有機會會再黎架～～性價比好高呢😋😋

位於横街窄巷的一間馳名小店，好彩有朋友帶路，如果唔係都有D難發現呢間鋪頭。鋪頭面積小小，如果認真咁計。堂食位置可能係得4個位，所以老闆都準備咗摺檯同膠凳比食客係旁邊既小巷開餐。 .今日下午2點幾黎到，店員就講返而家淨係得返3款頹飯賣啦，其他上網見到既多士丁麵都已經賣哂。不過雖然個叫頹飯，但其實就係餐廳既撚手菜咖哩蛋包飯同埋滷肉飯。一場黎到，梗係豪食43蚊既芝士咖哩蛋包飯芝士咖哩蛋包飯既賣相同日式小店既一模一樣，忽然令人有一種思鄉既感覺，令久未去旅行既我諗起當年大雪飄下，在大阪北極星吃的那一碟美味既蛋包飯。當我閉上眼食第一啖時，我又忽然被拉回香港，因為我食到本土風情 - 豉油西餐既感覺。正常日式蛋包飯係會用茄汁雞肉炒飯做底，形成整體甜酸既感覺，而華記就用豉油汁去炒，充滿地道既感覺，亦令到飽足感增加。芝士蛋皮味道夠哂濃香，嫩滑既蛋同芝士藕斷絲連，一同滑入嘴巴。呢個搭配令人不知不覺間就已經食哂成碟飯。 跟餐飲品試咗新野 - 檸汁特飲，係其他港式快餐店都未見過，新鮮檸檬汁配上糖水混合，係愈來愈熱既天氣係消暑良品，幫食客補充埋維他命C

呢一間小店，係喺OpenRice嗰度search到，位於一個隱蔽的角落內，平時我諗要住喺嗰度或者係返學先至會經過，只係有幾款飯賣，主力係咖喱蛋包飯，另外仲有台式滷肉飯，有幾得意喎，即管買返屋企試吓。今次買咗芝士咖喱蛋包飯，檸汁特飲，平時都好少見有呢款飲品，感覺好爽！嗰日去到小巷都有四枱客，唔使返學嘅時間都有咁多人食，可想而知味道應該唔錯，如果返學嘅時候佢哋仲做學生優惠$28有交易。用咗日式咖喱唔辣而且好香咖喱味，入邊嘅飯加咗芝士同雞肉，份量夠大，而且蛋夠滑吾錯呀！

芝士咖喱蛋包飯Price：$43📌呢間鋪頭都算隱世🧐係一條完全唔起眼既巷仔裡面🗿店鋪得3個餐，2款蛋包飯，1款台式肉燥飯，但基本上所有人去到目標都只有1個，就係蛋！包！飯！個飯送到枱面時已經聞到好香既咖喱味👳🏾‍♂️賣相仲超級邪惡🤩咖哩味道香甜😋唔算好辣，似日式咖喱，蛋超級嫩滑，芝士熔係滑蛋同炒飯中間🤤炒飯並唔係普通既白飯，而係豉油炒飯，仲收埋唔少既雞肉係裡面添😛真係好香好有驚喜😍

呢一間士多位置不算太起眼，位於西灣河的其中一條小巷，此店最馳名就是咖哩蛋包飯，專門賣咖哩飯的，其實就只是賣3款飯，但一般來說，都係為了食咖哩飯而來因為舊式茶餐廳，環境就唔係舒服的環境，所以我都係買外賣🥡咖哩蛋包飯 $38 咖哩香濃，味道是日式咖哩的味道，所以是甜咖哩，不會太辣，炒飯入面的雞件也很多而且夠味道，至於飯底會用上豉油炒過的炒飯，面層有一大片滑蛋，炒得好滑，我係外賣帶走，食嘅時候都仲熱辣辣，價錢又唔算貴，而且包飲品，真係幾抵食

華記士多位於街邊後巷， 已經經營多年，但長期多人排隊，所以沒機會試。其實環境係幾舒服既，坐係室外，空氣流通。今日同朋友下午比較遲時間過所以人終於唔多。餐牌選擇不多，所以質素肯定好好。 今日叫左咖喱蛋包飯同凍檸茶。咖哩甜而香濃， 唔會太辣。 重點在於蛋超級滑，蛋味超香。飯係炒底， 裡面有唔少雞塊。 份量好多唔洗怕食唔飽。 性價比咁高唔怪得咁受歡迎。

華記士多是西灣河必食店舖之一，這是ㄧ間在轉角不起眼的小店，但經常去到都坐無虛席。暑假期間更休業兩至三個月，可謂佛系做生意態度😂。店舖憑著3⃣️個招牌飯行走江湖：芝士咖哩蛋包飯、咖喱蛋包飯及台式鹵肉飯，親民價由$38至$43，包飲品。芝士咖喱蛋包飯（$43）日式咖喱，以甜為主，只是少少辣味，咖哩好香。滑蛋🍳juicy，薄身又大塊，剛好包著整個飯。飯方面就好有驚喜，不是白飯，原來是醬油炒飯🍘 ，入面有好多嫩雞肉🍗 ，飯同雞肉份量都多，每一口都好豐富。沒想過茶記也能食到這麼高質食品👍👍 ，不論街坊或外區人也要來試一試。

位於橫街小巷嘅呢間小店，雖然名為「士多」，其實係一間速食店，最出名食香甜而不辣嘅咖喱蛋包飯🍛。多年來堅持簡簡單單只做3⃣️樣食品，價錢仲要堅離地「平😍」。我哋三個不約而同叫咗芝士咖喱蛋包飯$43，包埋飲品。賣相更勝cafe及餐廳。大大塊炒蛋覆蓋成隻碟，香滑又juicy。日式咖喱汁香甜微辣，撈飯食好正👍，就連食唔到辣嘅朋友仔都食得到。芝士溶係飯同蛋之間，味道好夾。飯底用豉油炒過，仲夾有嫩滑雞肉，香口惹味。

幫襯左呢間小店已經好幾年，質素仍然可以keep到咁好！每次都係食咖喱蛋包飯，30幾蚊包埋杯凍飲，咁嘅質素，仲有咩可以投訴🤣啲蛋好滑，可以完完全全包住啲飯同埋雞柳，再加埋個咖喱汁，味道啱啱好，每一啖都可以食到咁多樣材料同埋味道，有層次感，味道又夠豐富😋😋😋飲品就冇咩特別，真係純粹為咗解渴，同埋你食完成個飯都真係好需要飲啲嘢！不過小店環境好細，客人要係喺後行食，隔離就係坑渠，同埋會見到啲人喺後行洗緊啲雞柳🤣成件事係好raw既，但又唔係真係咁污糟。如果介意嘅話，就建議買外賣返屋企食～

有日經過華記士多，見到個奇怪現象，佢舖仔細細，而且得3個選擇，但大排長龍，我地見到咁一於排埋一份。😂✨芝士咖喱蛋包飯咖哩汁好多，係偏向日式既咖哩味道，甜而不辣。蛋皮煎得好嫩滑，一切開入面係用醬汁炒雞肉既飯，雞肉唔會過熟，唔會過咸，一流😋💯。.✨台式滷肉飯佢偏向港式味道，有花椒八角等，豬肉好淋好入味，又多汁，連唔多鍾意食肥豬肉既我都覺得好正。😋.🏠 華記士多🛤️ 西灣河筲箕灣道48號地下3B號📍 港鐵西灣河B出口，步行約4分鐘-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining

成日聽住西灣河既朋友話有間蛋包飯好好食😋，仲話由細食到大，今日終於一試!華記士多，西灣河地鐵站🚇行5分鐘就到，一到門口店員已經熱情招待坐下，店鋪無特別裝修，座位比較少，依家可能因為疫情關係，堂食人較少，餐牌是日頹飯MENU包括：1️⃣芝士咖哩蛋包飯$43 2️⃣咖哩蛋包飯$383️⃣台式滷肉飯$38以上MENU價錢已包凍熱飲價錢! 第一次試，就當然試試⭐️招牌菜芝士咖哩蛋包飯⭐️，蛋包飯上枱時有淡淡的咖哩香味，賣相非常吸引，絕對不會差於日式餐廳的蛋包飯! 蛋包飯是用華記士多的特製醬油炒飯內有雞肉，滑蛋非常嫩滑，絕對不會過熟~味道配合大量咖哩汁一流，不會鹹，讚! 絕對會再來幫襯，但下次不會再叫芝士，相信少了芝士的味道不會差太遠。

西灣河除左太安樓之外仲有咩好食？我相信住附近的人都會up得出華記，我自己都住中學年代食到依家～沒有矚目的門面，開係巷仔旁邊的華記每天只有三款飯，而我次次黎都係食呢款咖啡蛋包飯🍛 滑蛋同個醬都好好食😋飯係炒飯底，仲有好多雞柳係裡面！而且價錢只係$38包埋一杯凍飲，真係邊度搵呢？

中學時期，成日會幫襯佢既餐蛋麵、多士、奶茶當早餐，反而冇食過佢嘅午餐、佢嘅蛋包飯。今次一場黎到，梗係要試一次佢出名嘅咖喱蛋包飯啦！兩個人叫咗：1. 芝士咖喱蛋包飯： 好多汁、好多飯、甜而唔辣，佢係日式咖喱嚟㗎，甜而唔辣，$43蚊，跟餐仲包一杯嘢飲（可以揀橙汁或者檸檬汁特飲又或者咖啡奶茶個類）2. 另外有幸叫到最後一碗台式滷肉飯（$38）：有花椒、八角同埋肥豬肉一齊，港式嘅味道。間舖開咗咁耐、價錢都唔係加左好多，仲要碟碟都咁大碟，學生仲要有優惠，小店梗係要多多幫襯啦。