華記士多 (Closed)

呢間餐廳比較早收，同埋有時會不定時休息，我都摸過幾次門釘。今次再去見都有開啦，其實鋪頭位置係巷仔隔離，坐就坐巷仔，都幾逼同d枱又斜斜地，所以堂食坐得唔係咁舒服，今次就決定叫外賣。咖哩蛋包飯配奶茶 ($38)今時今日呢個價錢可以食到餐飯仲有杯野飲都真係幾抵，最重要質素都唔錯。首先咖哩汁多，多得黎唔會稀 ，同個咖哩汁係日式果款，唔辣既。個蛋都好滑身，切開入面係醬油雞肉炒飯，個炒飯好香又唔會好乾身，呢點我好欣賞。個飯mix埋咖哩汁同蛋真係同出面索價$80既蛋包飯有得比。加上杯奶茶都好飲，總括成個套餐都好食。

咖哩蛋包飯&檸檬特飲  38元    5/5分1. 咖哩汁其實不算太濃,所以比起印度咖哩略淡,不過絕對有咖哩味,不是水狀無味的咖哩水2. 蛋包飯固然有三大重點:2.1 - 普通的雞蛋皮,尚算滑,合格2.2 - 米飯充滿蕃茄汁,不是純粹無味的白飯,這點令蛋包飯昇華,提高1個層次2.3 - 雞肉亦是我相當喜歡的肉類,非常適合蛋包飯的味道3. 檸檬特飲就幾清甜,不過底部就見淡了為了環境,絕對不是首選,但味道超班,價錢超實惠,在小巷中的一間隱世小店,多年來生存至今自然有其理由,若不是以前工作關係有機會一試,實在錯過啦。室外地方,幾分鐘就做好蛋包飯,食完就走付款,秋冬佳節一流的上品呢。為了支持小店,顧及價錢和質素,5分滿分!

華記士多餐牌只有三個選擇，台式滷肉飯啦，咖喱蛋包飯，芝士咖喱蛋包飯。今次選擇咗芝士咖喱蛋包飯，上到枱，已經聞到香氣撲鼻嘅咖喱味，材料全部都係下單後，先新鮮炒！😋😋😋滑蛋同芝士溝埋嘅感覺，好融為一體，好creamy! 雖然比起之前，已經加咗$3 ，而家變咗$43 ，但凍飲仍然唔使加錢！推介，檸檬特飲，酸酸地，夠晒開胃，中和返咖喱個濃度！⭐️⭐️⭐️不過怕污糟嘅人呢，就唔使去喇，因為要喺後巷食架！😏

今日剛好在附近返工，就決定要黎食呢間平民蛋包飯環境非常簡陋，要係隔離既後巷坐，但有清潔乾淨唔會有唔舒服抗拒既感覺，所以大家唔洗太反感or擔心咁反而增添了一點隱世既感覺招牌係咖哩蛋包飯，俾多幾蚊可以加芝士但我叫既係原味半生熟既蛋覆蓋整個飯，份量充足，有2個拳頭大小咖哩則是日式，但不會太甜太辣，食落順喉舒服而入面既唔係白飯，而係醬油雞肉炒飯!有驚喜有誠意，因為用白飯都好正常，冇人會覺得有問題但佢地都願意做多d工序令個飯更美味，而價錢只係$38我覺得已經係無可挑剔，cp值爆燈!推薦各位朋友糧尾既時候多d去幫襯咁就窮食都食到好野haha

我是華記嘅fans 由細食到大當時佢哋未研發到出曬名既蛋包飯嗰時就係靠佢既出前一丁麵同多士響西灣河屹立多年！大隻佬老闆係個完美主義者 佢對食物嘅要求同執着 比起好多高級餐廳有過之而無不及華記嘅出前一丁麵第二到真係食唔返！湯夠曬味佢嘅麵餅煮完出嚟係唔會散開 保持到口感又完全不會淋晒 (當然老闆煮麵有佢嘅秘方, 小弟不便透露)餐肉火腿全部都真係有煎過 ，香口邊又脆，正煎蛋留返少少流心 ，唔會熟Q晒完全啱晒我嘅口味！雖然老闆依家唔會日日親自主理但食物嘅質素仍然保持到 而且次次都咁好食 沒有失過準。❤️❤️❤️凍奶茶 - 茶味濃$30 左右有埋嘢飲 去邊度搵？其實佢哋仲有做辛辣麵 一樣好食加埋芝士 直頭好食到喊下次一於食”芝士餐肉炒蛋辛辣麵”

雖然住得好遠，但有機會去附近，都會去幫襯。望住個蛋包飯，係會有想流淚既感覺😢好似好簡單，但係又好溫馨，有d住家菜既感覺，仲會令人覺得去左日本一樣，點解既呢🤔帶個澳門朋友去過一次之後，佢超級鍾意❤️發夢都叫住好好味啊～～～～～😂然後次次黎香港都要去食！帶曬d朋友去喔！成日想試下其他飯，但去到又忍唔住食咖喱蛋包飯😖 要叫多幾個朋友去share食先得希望疫情之下，無對生意太大影響......鋪頭可以保持水準，生意興隆！

友人介紹呢間食蛋包飯，一直都未有機會去試。今次經過剛剛覺得有啲餓，星期日12點，見倒冇咩人，唔洗等，於是入去試試，叫咗個芝士咖喱蛋包飯。本來只對個咖喱汁有期望，點知一隻匙羹落去，發現原來個飯係醬汁炒飯，的確有驚喜！味道都唔錯。可以再試。

呢度嘅蛋包飯真係好有驚喜,食完會再想食蛋好嫩滑,本身飯有用醬油炒過,配上大量雞肉 外面仲有層咖哩汁 成個飯都好match好好食🥰隔一排又想食 係令人回味無窮嘅蛋包飯!!!!!!

隱世蛋包飯 華記士多今日到來 竟然坐無空席 唯有外賣 再9 秒9 回家品嘗！ 唔好睇少 街坊小食 咖哩汁 味道恰到好處蛋做到好滑 裡面既炒飯 有雞肉 香濃嘅雞汁包住晒啲飯 冇得彈🤛🏻🤛🏻🤛🏻配埋 橙汁或檸檬汁特飲 都係三十零蚊問你怕味🤣🤣🤣

華記士多 (西灣河)食個熱辣辣咖喱蛋包飯入面係有雞肉的豉油炒飯 味道較淡飯底絕對分明 而且雞肉的份量都頗多面的蛋都絕對名不虛傳超級滑 嫩 而且係半生熟見廚師用平底鍋整到咁的水準 好佩服而咖喱汁呢就偏甜 少啦 重味整體係好開胃架 下午價錢仲包一杯野飲環境就麻麻 接受到就ok😆Overall🌟: $ 35 ( 8 /10)

一行人買外賣, 試晒3款飯, 味道都唔錯唔駛等得耐，叫完5分鐘內有得拎個咖喱飯食得出用個款咖喱磚味道唔錯滷肉飯唔多味精40蚊上下價錢包凍熱野飲幾抵食之前去過2次都摸門釘 唔知佢其實係咩營業時間

經過西灣河，這天想吃蛋包飯，便想起了華記士多。餐廳位於小巷之中，舖位不大，堂食的位置不算太多。餐單一目了然：是日頹飯有芝士咖喱蛋包飯、咖喱蛋包飯、以及台式滷肉飯。叫了外賣回去吃。等了兩三分鐘左右便能拿到外賣。咖喱香濃，蛋包飯即使經過回程大約20分鐘時間外皮也不會太老。飯是炒飯底，值得加分，飯內有一些雞肉粒，也不會柴。跟餐有一杯嘢飲送，冷熱同價。有橙汁或檸檬特飲或咖啡或奶茶或檸檬茶或檸檬水或菜蜜或檸蜜靈物選擇。飲品質素正常。

今日同同事走去華記士多食咖哩飯， lee到淨係得3款飯選擇， 岩晒d 有選擇困難症既朋友。 有芝士咖哩蛋包飯， 咖哩蛋包飯同魯肉飯。 上次同老公試過魯肉飯麻麻地， 而芝士咖哩蛋包飯又太膩， 所以最尾我揀左食咖哩蛋包飯。睇張都知好吸引， 滑滑既蛋配上咖哩汁， 仲包住左雞肉同炒過既飯。 可惜d飯有d硬， 唔係就好會更完美。再加熱檸水都係38蚊， 凍飲都唔洗加錢， 真係好抵食。間店係橫街冷行， 環境唔算太好， 但咁平民美食仲可以有咩要求

讀書時期經常黎幫襯開，但今日黎到一見到換左一班大嬸負責打理及煮食就心知不妙。仲記得以前黎到見到大隻佬師傅都會覺得佢好型好man，雖然要等好耐先有得食但個蛋包飯一食就會食得出係落足心機去煮。但今日同樣的蛋包飯，完全不一樣的味道。。。落完單個蛋包飯唔洗半分鐘就上枱，係就係好快就有得食。。。但先不提個飯冇煮熟同埋有生米，無論係咖哩嘅調味同埋個滑蛋都差左好多。個飯完一食落去，我腦海即刻浮現左兩個字---求其。希望之後會注重返食物嘅質素，同埋希望下次再黎嘅時候可以食返回憶中的味道。

沒有瑰麗堂皇的裝潢，沒有寬敞舒適的坐椅，也沒有種類繁多的食品；這裡有的只是蛋包飯和殷勤的服務。尤其在午市，不是吃飯的一概要等；不要緊，趕時間的可以先走，反正生意做不來。筆者當然選擇等，要吃好的總有代價。等了良久終於有位置坐下，飯也隨之而來。單看外表也真是分不清是網上盛傳的日式神級蛋包食抑或是港式新製法，沒關係，好吃就行了。蛋包飯先放雞肉在底，以飯蓋之，再加上炒蛋及咖哩汁即成。雞肉用上了雞髀，以紹酒、麻油、生抽等家庭式製法，煮熟放底，入口嫩滑香全有。飯以麻油豉油伴之，入口重香少鹹。蛋製法參考傳統蛋包飯，只是以更快的速度攪勻，在微成形之狀態下勉強上碟，蛋未熟致入口時蛋液包著口腔然後飯進之，令口感加倍滑溜；而已成形的炒蛋則顯得嫩滑有咬口，形成了三個口感層次：滑、嫩、軟，美妙。咖哩是日式咖哩，甜而不辣，以香為主，配上炒蛋及已調味的飯，外甜內鹹香，實在有趣。值得一提的是筆者發現廚師在煮咖哩時加入了美極，聽上去的確有點奇怪，然而吃的時候卻沒有任何異樣，效果也就不得而知了。結帳，三十三元正(已包了凍飲)，夫復何求？簡單的材料用上半創新的造法，這正正就是我們香港人的飲食智慧。全熟蛋包著茄汁飯？那是日本