華記士多 (Closed)

今日有幸經過順道黎朝聖😎嗌咗佢招牌是日頹飯🤣🤣🔸芝士咖哩蛋包飯🍛🔸檸汁特飲🥤當食第一啖嘅時候心裡面已經嘩一聲😲比想像中好食好多呀😱😱😱熱辣辣嘅咖哩汁淋喺雞蛋上面再用匙羹潷開😳除咗有芝士拉絲🤤飯入面原來仲夾雜好多嚿雞絲😧好味到醒胃😋唔駛一陣已經食完😂😂杯特飲又好特別😋唔係渡渡都有得飲👍🏻👍🏻👍🏻估唔到位於橫街窄巷兼唔起眼嘅士多仔咁有驚喜👍🏻👍🏻👍🏻快靚正❤️性價比極高好食過好多茶餐廳👅👅👅👅👅不愧為西灣河名物🍽今日真係不枉此行🚶‍♂️

朋友教路帶我地黎依度食，餐牌簡簡單單得三樣野選擇，我地初黎報到當然揀最出名既咖哩蛋包飯 (我叫左有芝士 朋友無加)蛋都幾大塊係滑蛋狀態，完全覆蓋成個碟。外圍既咖哩汁唔會太咸太辣既日式味道，我覺得有特登開稀左去方便撈飯食。芝士已溶係飯同蛋之間，又幾夾味。飯底係豉油炒飯？! 仲有啲雞肉，算係有啲肉落下肚，但我就食唔到豉油味啦。總括而言都係一個ok既頹飯黎既，不過如果有多啲選擇，比人加下啲腸仔餐肉，都好似無甘寡。環境方面黎講，叫做有枱有凳坐後巷，一路有幾隻雀仔係腳邊我有幾下以為係老鼠嚇左一跳😂😂 同埋夏天應該幾熱下

住係東區，都經常會搵啲特色小食去食而呢一間就係我經常都會去食嘅蛋包飯堂！貪佢性價比高！$43連飲品！凍飲有橙汁，熱飲有熱檸茶，熱檸水，熱檸蜜同埋西洋菜蜜。佢有普通咖喱蛋包飯加芝士加$5，我兩款都試過，唯獨芝士味不太突出，食普通嘅就OK！除咗咖喱蛋包飯外，呢度仲有肉燥飯。嘢食係OK不過環境就爭小小，似大排檔坐喺路邊同埋坑渠邊。我唔介意又食得快所以冇所謂，介意嘅可以嗌外賣，我都試過嗌外賣拎返屋企食，不過份量感覺上會少咗啲。除咗街邊位佢點來都有一兩個單定位都可以坐底食，夏天會覺得好熱，而家就嚟進入秋天都唔會出汗！總括嚟講係呢間蛋包飯係呢一區性價比算高，只係環境爭小小~值得一試！

呢間既蛋包飯都多人講，只係我同佢無咩緣，一係想食佢無開，一係早餐時間... 總之點都夾唔到，上星期有晚諗住返去煮但見佢開喎，即刻同男人講唔煮，食華記“是日頹飯”，頂你，蛋包飯係頹飯你話咩玩法XD (我食過佢個咸牛治其實好鬼死好味XD)可能我點餐時講漏左“芝士”，所以呢個只係“最頹”既“咖哩蛋包飯”，佢都無厄你架，個咖哩都係開咖哩磚(各大超市有售個隻)，可能因為咁佢定位為頹飯啦！但佢頹得黎都有誠意，我地怕熱，況且屋企附近咪買走囉，係條街到無冷氣會死人架!返到去一打開都係as expected 既咖哩味，但裡面唔係白飯，而係有味有色有雞肉既撈飯?炒飯? 個量都唔少架，男士都飽既! Btw, 有野飲送的，只係四條幾...

以前幫襯開，其實係老世煮得好食很其換左一堆主婦咁既呀姐就愈煮愈差初初35蚊一個飯包野飲其實都真係抵既但宜家加到40蚊仲要坐後巷實在令人卻步不過我通常買外賣咁就算啦一打開已經無以前咁香其實初初食得出老世係有落蕃茄煮個咖哩汁但宜家應該已經無個汁好稀 唔係以前果種咁最大問題係食到仲有生米希望遲啲再試會好食反啦講真加價加到40蚊太安樓都大把選擇啦唔洗揀佢

其實我食過幾次呢一間嘅咖喱蛋包飯，最近原來佢仲有芝士咖喱蛋包飯，真係幾啱食，等候嘅時間可能有啲耐，不過依個價錢再加埋嘢飲真係幾抵食，而且份量大大碟，不過佢有時候唔開所以記住睇清楚，同埋要睇下運氣，我食咁多次都係食咖喱蛋包飯，因為份量真係好足夠，應該比平時食嘅多一半，而且蛋真係好香好滑，飯粒粒分明，因為今次食得太匆忙唔記得咗影相，不過依度嘅環境冇一般室內餐廳好，而且地方都有啲迫，不過依度嘅食物質素真係唔錯嘅！

今日黎開西灣河 終於一嘗呢間隱世小店嘅咖喱蛋包飯😍店舖裝修十分簡單 只係喺後巷放左三張檯同幾張櫈 好有地道風味😛下午三點幾去到唔係繁忙時間 所以唔洗等位😛今次點左華記嘅招牌飯 咖喱蛋包飯😍唔洗幾分鐘就有得食 賣相十分吸引 咖喱味亦都好香😄蛋皮炒得啱啱好 嫩滑 唔會老 亦都好厚好足料 啱晒我呢啲蛋控😂飯底係豉油炒飯 入面仲有唔少嘅雞肉 好有誠意🙈咖喱汁比我想像中嘅稀身 帶微微嘅辣 用黎送飯一流👍👍👍所以唔經唔覺就清晒一碟了😻另外跟餐仲有凍飲 性價比真係好高😊👍總括嚟講 如果你唔介意天氣熱或者喺後巷用餐 華記絕對值得一試！👍😍------價錢：$38（連凍飲）評分（10分滿分）賣相：8/10味道：9/10性價比：9/10回頭率：8/10--------餐廳資料：名稱：華記士多地址：西灣河筲箕灣道48號地下3B號前往方法：西灣河站B出口

今日同朋友係附近揾嘢食，佢就話帶我去西灣河食一間幾出名嘅蛋包飯。呢間士多既舖面唔大，大部分枱都係係後巷個度。餐牌既選擇都唔多，主要都係有三種飯揀。我叫左個芝士咖哩蛋包飯，個飯話咁快就黎到。賣相黎講佢真係做得幾靚。入面既飯亦都唔係普通嘅飯，而係雞肉炒飯。蛋整得好滑好薄，好好食。咖哩汁係用日式咖哩，甜多過辣，每碟飯都比好多汁。反而芝士味唔算好突出，唔加芝士既話相信分別唔會好大。整體黎講，呢個價錢咁既味道，絕對係抵食之選。唯獨周圍既環境係啲橫街窄巷，可能唔係個個人鐘意。

今日同朋友去做完占之後去咗西灣河食嘢 之後朋友介紹食呢一間西灣河嘅小店裏面只有三個菜單 我嗰陣揀咗芝士咖喱蛋包飯入面有雞肉外邊有一層醬汁覆蓋着 賣相同埋味道都好食 個飯唔會好流一個人都食得晒

其實西灣河除咗太安樓仲有依間馳名咖喱蛋包飯，相信好多人都聽過。但小編想講呢無論環境定食物質素都同想像中極大出入。👓咖喱蛋包飯 $38日式咖哩汁甜甜地唔辣，稀身底唔係杰嗲嗲，撈飯唔錯。蛋奄列好薄生滑溜，唔係又老又厚令人食幾啖就覺得漏。而奄列入面係醬油飯，所以已經好夠味。整體來講算好食，唔太漏一個人完全食得晒，但未去到大家吹捧得咁犀利。評分：7.5/10👓芝士咖喱蛋包飯(下) $43無論外貌定味道其實都唔覺得芝士同原味有分別，頂隆間中係啲飯到見到有舊仔芝士。所以結論係小編覺得唔需要特登加五蚊要芝士😌🌟其實以簡簡單單茶餐黎講唔錯性價比算高，當然如果對後巷環境反感就唔建議啦😛評分：7/10☕️以上餐牌飯附送飲品🍊橙汁比較好飲，當中更有塊檸檬增添咗fresh味酸酸甜甜；🍋檸汁特飲真係似純檸檬汁得酸，加埋塊檸檬ummm都幾開胃嘅一早知道係細舖仔已經有哂心理凖備係街市舖，點知現實係巷仔坐住摺枱，環境頗惡劣，即使啲嘢食好食都唔係幾開胃。早少少避開午市人多時間都仲可以坐喺帳篷下算好少少，但如果嗰日唔好彩撞正落雨又人多，就要坐喺坑渠位隔離擔住遮雨中食飯

華記士多 咖哩蛋包飯 $38味道：日式咖喱，甜多過辣，包裝咖哩，唔算香濃蛋好滑，見住姐姐分3次落蛋漿雞肉炒飯炒得夠粒粒分明，落豉油炒，飯粒偏硬，唔算太鹹隨餐送溝淡咗嘅綠寶橙汁日式咖喱，甜多過辣，包裝咖哩，唔算香濃環境：開放式廚房，坐走廊，有風味但唔衛生總結：唔熟路會好難搵，海寶漁港對面條街嘅橫巷，筲箕灣浸信會附近，經過可以試吓，但未到俾人吹捧得咁好食一試無妨 平又不錯嘅醫肚選擇P.s.建議食原味唔洗加芝士，因為芝士無咩味

呢個芝士咖哩蛋包飯 ($43) 🍛 面頭有瀑布滑蛋 入面係雞肉粒咖哩炒飯 配上熱溶芝士嘅鹹香味同日式咖哩汁嘅香甜味 雖然未有用上珍珠米 咖哩汁亦可以更香濃 但呢個價錢 我會再食🤤❤️ 咖哩蛋包飯（$38）注意⚠️：跟餐送野飲 推薦檸檬特飲👍🏻凍飲唔洗加錢🤑-This rice with curry and cheese ($43) 🍛 is covered by the scrambled eggs. The rice inside is stirred fried with curry sauce and chicken meats, serving with the melted cheese and the fragrance of Japanese sweet curry sauce. Although rice is not used and the curry is not perfect, I will consume it again owing to its high CP value. Curry rice with eggs ($38)Reminder⚠️：The l

同朋友好耐先黎一次西灣河，我地見呢間專賣咖哩蛋包飯好似幾出名，就決定黎食，都隱蔽下，係轉角位入去嘅小店，呢種感覺令人覺得佢嘅野食一定好好味果然冇令我失望，真係超級好味 啲蛋好多好滑，而且啲飯唔係普通白飯黎，係有醬汁同肉肉撈埋一齊，真係好好味，一試難忘超級推大家經過西灣河可以黎試下佢地嘅蛋包飯，又平又好食，完全係平民價，好抵食

早幾日見 啱Channel 混血肥仔 介紹西灣河美食🍽 令 #小秘書 更想加快腳步去 華記士多 試吓佢哋 #馳名 嘅 #咖喱蛋包飯 🤩 呢日 #小秘書 趁 #HappyFriday 拉隊出發💨💨從 #西灣河港鐵A出口 方向，靠左行大概四五分鐘就會搵得到🐣 要食好西🍽 我諗最重要嘅絕對唔係餐廳環境，不過坐唔慣街邊/後巷嘅你... 就要考慮吓先😅 #華記士多 嘅舖面就只能夠容納 #大廚 + #食材，餐廳比客人用嘅 #摺枱 同 #摺櫈 就只好擺喺舖位旁邊嘅後巷😅 固定嘅餐牌每日只提供三款菜式「芝士咖哩蛋包飯、咖哩蛋包飯、台式滷肉飯」😚 由於呢日大家都係第一次嚟幫襯，#不約而同 叫咗五份 #芝士咖哩蛋包飯❤️ 等咗大概五分鐘左右，#萬眾期待 嘅 #華記士多明物 陸續上枱，滿瀉嘅 #咖喱汁 放上 #蛋包飯，#流心嘅蛋漿 內藏 #雞肉炒飯❤️ 用匙羹輕輕力插入 #蛋包飯 裡面，#蛋漿 同 #咖哩汁 已經澎澎聲咁流晒出嚟💦 咁震撼嘅場面，#小秘書 真係忍唔住要影抵比大家睇吓。咖哩汁甜甜地有輕微嘅辣味，配埋勁溶嘅蛋漿跟飯一齊入口... 真係好好味呀🤩

之前睇過岩channel肥仔介紹依間係西灣河既華記士多，係食依個平價咖哩蛋包飯，同男朋友講，原來佢識個老闆既，咁就搵日黎試下。先講佢格局，係一間鋪仔連埋隔離條巷咁，大家唔好expect有幾好，坦白講環境同衛生呢，唔係個個接受到。佢只有3個option, 芝士同唔芝士既咖哩蛋包飯同台灣魯肉飯，最欣賞佢涷熱飲都係同價。我叫左個芝士既，份量都幾多，中意佢咖哩汁超多！不過老實說芝士並唔多甚至唔係話好覺😅但味道係絕對對得住價錢既！佢係用日式咖哩黎做汁，所以會有甜味。如果唔嫌棄個環境既話，絕對係值得一試既。