華記潮州滷水車仔麵 (民興大廈)

Open Now

Now Closed

整體評價四分晏晝去到見到有隊，擔心排太耐。點知只過兩三分鐘時間就安排到座位，非常有效率。食物評價五分豬皮 - 淋,非常入味豬大腸 - 淋，入味冇壓味大魚蛋 - 非常大粒，咬感非常好牛筋都 - 非常之淋，冧但又唔會散麵 - 正常鹵水汁味非常好味，食完唔會覺得太口渴

上次喺行過見到入咗去食佢個重口味湯底掛到而家😝原來太子都有間分店係附近打開波 入去回味下先唔係講笑，未見門口已經有條隊但安排得好快職員態度亦唔錯唔會有食完就過主嘅感覺🙊🙊華記潮州滷水車仔麵 今次地址係喺太子地鐵站附近位置更方便D出口出嚟行2分鐘就到兩間舖頭菜單一樣我哋一行二人每人叫左個麵同小食🐵🤪1️⃣豬什麵咖喱汁粗麵-餸既份量好多，特別要讚一讚佢嘅豬腸豬肚，入邊嘅肥膏清潔得好乾淨，食落唔會有啲怪味，而且厚身口感好好，面底亦好足，普通size冇加底都一定唔止一個麵餅，可以揀爽面定淋面，最鍾意佢哋就係乜都有得揀，你唔鍾意食麵嘅揀菜底又得，仲要又唔同菜俾你哋揀！2️⃣三餸車仔麵-重口味中辣湯底 牛筋牛膀春卷米粉加辣椒油要特別推介佢哋嘅重口味湯底，係滷水咖喱腩汁湯底合體，中辣嘅口味啱晒我，又刺激又唔會辣得太辛苦，配埋米粉索湯一流！牛筋同牛膀嘅份量多到嚇親你，牛筋大概有四五大嚿，牛膀就直頭有成六七舊，仲要舊舊嘅厚度係人哋出面一分為三嘅size，多到你嚇一嚇🤣🤣牛筋嘅口感好好，有嚼頭唔會太腍，而且又係好大嚿好扺食，小編平時去凍肉舖買牛筋就知牛筋貴，喺呢度食仲抵過自己整😅小食特別要一提嘅係佢哋嘅太陽餅，即

同亞仔整完回鄉證，來到太子人氣車仔麵的 《華記潮州滷水車仔麵》，每次在附近食完飯經過都會見超多人排隊，今曰好彩早左小小攪掂晒啲野過黎，居然唔洗排隊喎！😏原來藝人林盛斌是常客，還食到出左碗「亞Bob麵」，就連視后佘詩曼都係捧場客，衆多明星力棒，唔怪得咁多人排隊啦！🙈我就叫左個三餸油麵，不用到長洲都嘗到超大粒巨型魚蛋😉。豬手好淋，又夠晒入味。新鮮魷魚，鮮味十足。重口味湯底由鹵水汁+咖喱汁+清湯三合一而成，非常惹味😋亞仔就叫左個豬什麵，豬什光淨無嗅味，居然仲有豬脷添！兩份招牌小食，「新鮮魷魚鬚」及「涼拌生腸」，黎到成個碟面都鋪滿晒厚厚既莞茜🙈，OMG，岩晒一班莞茜控了😂，生腸仲好抵食，大大份，都只係30元咋！當然唔小得飲番支「大和豆漿」啦！😉

剛剛喺太子分店買完外賣做晚餐，照舊舖面有人龍排隊，睇落都係啲無名而嚟嘅小紅書客。排隊買外賣方面秩序分明，店員亦都好幫手，好有禮貌。今晚唔係好肚餓所以就選擇咗嗌三餸加菜底。送同湯都有按我要求去分開，外賣返到屋企嘅溫度亦都好好。最重要嘅味道方面，始終有陣死鹹嘅感覺，名過於實。嗌咗三餸，包括牛腩、牛肚、同豆腐，結果得豆腐ok。攞瘦肉當牛腩，啲牛肚好明顯係急凍啱啱解完凍，煮得唔夠耐， 堅韌。湯底偏鹹，啱重口味人士。之前試過其他餸，其實係ok嘅，例如啲腸呀魷魚呀等等，所以，下次大家揀餸嘅時候睇路呀。

6點幾去已經好長龍要排隊 不過好快有位員工都好有禮貌 估唔到係scan落單好快碗麵就到左 熱辣辣嘅 牛大腸好好好好味好彈牙好爽口雞翼尖都好味 春卷都好好食 又彈牙既一定再黎食！

在鄰住買買了優惠卷，以$41就能夠可以吃到原價$52的車仔面，可說是十分便宜！雖然有食用時間限制，但整體來說也是比較出色！想不到在下午茶時分（16:00）也有長長的人龍，但幸好只是等了約10分鐘就可以入場！花多眼亂的情況下，用了紙筆，其他顧客會用qr code下單，經過一輪挑選，我們選了1）河粉*五香牛楠*胡椒豬肚丸*咖哩魚蛋*滷水汁2）油面*牛筋*大腸*鮮魷魚鬚*咖哩汁整體感覺不錯，提提大家可以登記做會員，這樣的話可以享受到一些會員優惠！說回正題，滷水汁感覺可以，但感覺不太濃烈！5-6塊的牛楠切得很好，但就有部分比較「鞋口」，不是任何人也適合！反而「兩粒」胡椒豬肚丸的供應商不錯，咬下去便有一些胡椒味！另外咖喱魚蛋有驚喜，原先以為只有數小粒，但上碟的時間驚訝地很大粒，頗有長州魚蛋的口感，這裡有兩大粒，感覺實在不錯，想念長州的味道可以來這裡吃了！另外，媽咪點了1）牛筋，2）大腸，3）鮮魷魚鬚，各種配菜配合咖喱汁很是不錯！部分牛筋有少少硬，正常應該要軟淋淋才好吃，大腸反而洗得不錯，這個豬雜部件值得一試再試！另外有三條魷魚，全部都很彈牙，是出色的！筆者覺得這個價位的車仔面屬於中上，但每個餸的

見門口排長龍（十多人），改用QR code 點餐自取。去到攞餐時見冇人排，想問下能否轉外賣，我show 個QR code 問收銀處戴眼鏡身型稍胖之負責人，" 請問呢個no. 如果未整我想轉堂食" ，負責人二話不說就話："你想堂食就排隊唔好諗住打尖" …我根本冇呢個意思！！！跟住想問下另一阿姐呢個no. 整好未……佢竟然關埋度玻璃門！！！後來趁另一年輕女員工遞外賣比門口另一人，我先有機會問下我個no. 做好未。氣結，呢度員工真巴閉！

今日山長水遠諗住出去試食呢間咁嘅車仔麵，一入到去想揾位坐低，我本身一大袋嘢在身上，呢度D員工完全唔理會你可否坐底食到你個碗咁嘅車仔麵，唔通叫我一隻手攞住袋嘢，一隻手揸筷子食？後面枱有張四人枱一個人霸三個位，仲放埋手袋落坐位唔比人坐，我有2個人佢得一個你都好叫吓呢位客攞起手袋安置我2個人坐底，侍應係完冇反應囉！唯有外賣走人幾好食有下次！香港飲食業唔好怪人北上消費，九流服務食到一肚氣，叫人點留港消費呀？飲食業沒落都係你D飲食業員工自己一手泡制出來！唔好怪人！

平時晚市排隊人數多，今日無咩人等，就排隊試下。等左一陣就有位，叫左4餸麵，有牛肺 蘿蔔 豬瘦腸 生腸，要左鹵水汁湯底。牛肺：偏硬，唔覺太入味生腸：硬，無咩鹵水味，似咬察腸蘿蔔：有三大嚿，但嚿嚿都苦嘅，係食唔到入口個種苦豬瘦腸：夠淋都入味，但內裡塞滿白色肥膏埋單：71蚊食物味道水平普通，唯一個米粉夠滑，整體未算難食，但71蚊嘅價錢上有更好食嘅車仔麵選擇。味道及價錢未至於吸引到店員可以態度咁差都幫襯，試一次就夠。

上次去開太子個邊行，炎炎夏日之下見到有間車仔麵都仲有好多人排隊，咁有好奇心嘅小女子就緊係即刻排隊試吓啦，之後排咗成半個鐘先入到去食三餸車仔麵$52呢次小女子係餸方面就揀咗牛筋，五香牛肚同鮮魷魚鬚，麵就揀咗油麵，湯就揀咗滷水汁加腩汁每款餸份量都好多，鮮魷魚鬚好爽口，配個湯一齊食好好味，五香牛肚煮到好香，一d都唔韌，平時食開嘅牛筋可能好壞參半，但呢間就每舊都好腍好入味油麵就正常發揮，軟硬適中值得一提嘅係個湯底係比較特別，原本都懷住好奇心揀滷水汁加腩汁呢個combination，因為想像唔到個味，但係一試之間發現原來兩樣味道好夾，加埋一齊令成個碗湯昇華咗好多唔會好似平時得腩汁一樣咁普通津路烏龍茶(跟餐加$11)呢到嘅飲品選擇都幾多，而且跟餐加嘅價錢唔貴總括嚟講，小女子覺得呢間車仔麵幾有特色，價錢又適中，唔怪得咁多人排隊等，唔知平日係唔係會少d人

呢間位於太子嘅華記潮州滷水車仔麵真係唔錯！我叫左四餸車仔面，包括牛根、五花腩、大腸同牛脷，全部都滷得好入味。滷水湯底色澤深，味道濃郁，真係重口味嘅人一定會鍾意！我最鍾意佢哋嘅牛根，滷得好腍，入口即化。五花腩亦都好正，肥瘦適中。大腸同牛脷都處理得好乾淨，冇異味，食落去好有口感。不過要留意，呢度經常需要排隊等好耐，特別係食飯時間。座位數量有限，可能需要同其他食客搭枱！如果你鍾意重口味同辣嘅滷水湯底，我建議你一定要試下！

服务态度好 店内亮堂 重口味少辣很适合我这种喜欢吃辣但不能吃太辣的人 好不好吃真的端上来就能感觉到！ 分量很足 是粗面二送面 性价比很高 牛肉很新鲜大块 值得一试试 卤水很甜 总体来说很满意

自己本身好鍾意食車仔麵，次次泥都會叫四餸，今次叫咗牛筋、牛肺、春卷、仲有冬菇，面底要咗米線，湯底就當然揀咗重口味汁啦，食開小辣，唔會辣到食唔到，非常惹味！鍾意嚟呢度食車仔麵，係因為可以揀唔同部位嘅牛雜，鍾意食咩部位就可以淨係叫嗰個部位，之後都會繼續幫襯。

我到这里已晚上9:30，可以向相片見到還很多人排隊⋯⋯ 坐低就點了3餸麵🍜雞翼、春卷及豆包油面配重口味湯底😅加多份芫荽🌿本人認為豆包沒特別，雞翼煮過耐，春卷沒”男”記得好食，好彩湯底的確不錯☺️

#MC帶你去太子.人氣車仔麵「華記」，唔止「車仔麵關注組」推薦，連藝人林盛斌（Bob）都係熟客。一到放工時間就大排長龍，所以今日一收工就趕落去試一試。➖➖➖➖➖➖➖➖➖➖➖➖➖🔸🔹 華記潮州滷水車仔麵 🔹🔸.🍜 一餸車仔麵｜$34🍜 二餸車仔麵｜$44🍜 三餸車仔麵｜$52🍜 四餸車仔麵｜$60.➖➖➖➖➖➖小食➖➖➖➖➖➖🥢 涼拌生腸｜$30（⭐推薦） .雖然主打潮州滷水，但依道「涼拌生腸」就比較特別，無經過滷製，僅僅經過清洗處理，保留了生腸嘅原有風味，再搭配自家辣汁醃成。口感非常特別，有嚼勁又不失嫩滑，入口無腥味，風味十足。.➖➖➖➖➖➖配餸➖➖➖➖➖➖🥢 豬腩肉豬腩肉啫喱狀油脂，入口即化；瘦肉部份爽口軟嫩，肉香濃郁。.🥢 豬肚豬肚肉質軟嫩，入口彈牙爽口。.🥢 大腸（⭐推薦）大腸炆滷入味，每件大腸質地厚身，保留腸身脂肪，食落味道濃郁。.🥢 豬紅比較挺身而且無腥味，爽滑口感，正常發揮。.🥢 豆腐串（⭐推薦） 比較罕見嘅豆腐串吸收了湯汁，搭配重口味湯汁係絕配！.🥢 蘿蔔（⭐推薦） 份量超足料，而且厚切大件，清甜入味又無渣，必食推介！.🥢 雞腎厚薄適中，正常發揮。.➖➖➖➖➖➖粉