華嫂冰室 (棉登徑) (Moved) New Location

以前未有咁多分店 成日都去元朗屏山老店排隊排餐懵 依家尖沙咀開咗分店方便好多唔使入到元朗咁遠每次去華嫂 一定嗌呢一個皮蛋芫荽湯底 真係好足粒好好食 每一啖得出芫荽嘅味道 而皮蛋既份量都多呢一間分店同元朗老店一模一樣 大讚!!!

今日食飯時間唔算太肚餓，就嚟咗呢間好出名嘅冰室試吓佢嘅下午茶😆呢度嘅招牌菜之一係豬扒菠蘿包，就嗌咗一個黎試吓😋菠蘿包上枱見到份量好足，除咗有豬扒之外，仲有生菜蕃茄同少少汁，豬扒味道唔錯，醃到好入味，可惜對我來講，甜嘅菠蘿包同鹹嘅豬扒味道唔係太夾，招牌嘅菠蘿包食落都唔覺得非常特別，價錢來講亦都唔算太吸引，有少少失望，唔知係咪因為開多咗分店嘅關係，質素有影響呢？😕下次如果我嚟嘅話唔會再揀菠蘿包，但係會揀豬扒蕃茄湯麵試下，希望下次唔會再失望☺️

之前在元朗總店吃過，大排長龍的，這次到來尖沙咀分店吃下午茶，人頭擁擁全店滿座，幸好等了5分鐘便有位。各顧客也需先量度體溫才能進內。簡簡單單的點了鮮油菠蘿包及熱奶茶，可惜味道卻是如此一般，鮮油菠蘿包只是微暖的，應出爐了好一陣子，菠蘿皮又不太脆身反而有點軟，但勝在2片鮮油大大片的，叫做過了口癮。熱奶茶也平平凡凡的，茶味不濃又不滑身，跟一般的茶餐廳無異。還記得元朗總店的食物水平是有驚喜的，沒想到分店的質數卻如此參差，

晚餐行過華嫂又想食公仔麵就入咗去嗌左個海鮮喇沙公仔麵同豬潤魚肉米粉喇沙面嘅喇沙味好濃豬潤切得太薄，咬落無乜口感👎🏼飲完佢杯奶茶成晚訓吾著，好重咖啡因建議大家夜晚吾好飲其實野食都好普通，都係啲平價野，但價錢就絕對吾係平價🤷🏻‍♀️

芫茜控必選 皮蛋芫茜湯底 自由配搭兩餸麵🍜我選擇墨魚丸＆肉眼筋米線, 湯底內有大量芫茜＆加上有一隻半至兩隻皮蛋, 湯底濃郁 芫茜味非常清新(愛吃芫茜者會明白🤭)整碗佈滿芫茜 要撥開先見到米線😅肉眼筋很爽口, 墨魚丸內有墨魚粒(味道口感應同譚X米線墨魚丸一樣) 真的可以飲曬成碗湯😬😬, 飲完都不會口渴另外, 加多一個招牌菠蘿包&樽裝凍奶茶菠蘿包夾著鮮牛油 鮮蕃茄🍅 火腿 煎蛋🍳菠蘿包都新鮮, 如果可以焗熱才上碟就更好. 煎蛋🍳不是全熟, 有蛋汁流出樽裝奶茶 茶濃 奶厚 好飲

華嫂分身市區一段日子，今次第一次到她的尖沙咀分身店。專一嘅我永遠都係食佢嘅皮蛋芫荽湯底。皮蛋芫荽依然多料，我只係叫咗腸仔午餐肉面，午餐肉係煎過嘅，食起上嚟更加可口。至於奶茶我好想叫冰花奶茶，但一樣係飲唔到。唯一嘅係枱同枱嘅隔板比較隨意，其實就係一張A2 size foamboard。呢幾日眼見好幾間餐廳都係做呢種，呢種隔板用起上嚟唔會覺得特別安全之餘，食食吓嘢亦都好容易推倒。相對起來冇老店咁原汁原味，但真心講，分身店可以做到呢個水準，實在唔錯。

之前試過之後就成日掛住，今次兩個人，一齊幫襯就可以試晒佢嘅招牌美食！樣樣都名不虛傳今次再幫襯檳城喇沙，上次食個豬扒今次叫肥牛！個人都係比較鍾意豬扒！豬扒菠蘿包嘅份量足夠兩個人分！菠蘿包嘅皮真係非常之鬆脆，加上佢個醬汁同埋蕃茄都唔覺得「漏」！另外仲有叫咗一個即灼菜心放，好新鮮不過略嫌上湯鹹咗一啲！另外當甜品就叫咗個招牌鮮油奶多，送上嚟比佢勁厚比嘅多士嚇親！鮮油好似食雪糕咁！好味！上次唔記得影鮮檸蜜，+ $7就有一杯，好香好新鮮嘅檸檬。再次返尋味！超抵食！食咗咁多嘢，兩個人成張單都係$128！

星期六晚經過棉登徑，見到裝修雅致嘅華嫂冰室，同埋好似招牌嘅喇沙好吸引就入咗去啦！食物選擇唔多，但你會比豬扒菠蘿包、鮮油奶多、任選餸麵吸引到唔知叫咩好！今晚一個人食，好難取捨！最後都係揀咗檳城喇沙豬扒湯米粉！喇沙湯底好濃但唔鹹，有蝦味，豬扒係厚切有骨豬扒，煎得好香，材料非常之認真！夠熱！平時好少食嘅我都食晒，連啲湯都飲晒凡叫粉麵可加配飲品，只係$7，我叫咗熱檸蜜。驚喜係估唔到一杯＄7嘅熱檸蜜，都用上4塊厚厚嘅檸檬，勁好味！想再添飲！

叫碗粉食，順住叫，原來有3個湯底額外要加錢，餐牌表達得唔夠清晰，又冇寫明本身唔加錢係咩惕湯底員工服務差，問佢問題都不願答你咁碗粉好普通，譚仔仲好味過佢價錢貴又唔好食，唔值！唔會再黎

曾幾何時，每當經過華嫂冰室，都有一大堆人喺門外等位，今日早上經過，門口一個人都冇，終於可以舒舒服服入去食個早餐。雞翼豬扒番茄湯一丁$64（轉一丁加$3），雞翼同豬扒煎到金黃色好香，配合埋濃郁嘅蕃茄湯底，好味。豬扒菠蘿包$28，菠蘿包嘅酥皮脆得嚟有啲硬，個包亦都唔熱，好彩豬扒煎到好香，加埋芥辣醬令到個包好食好多。冰花奶茶跟餐$15單點$22，冰花奶茶跟傳統凍奶茶和冰鎮奶茶唔同，奶茶杯面加咗雪花冰，唔會咬到一粒粒碎冰，茶味濃郁，有奶香但不甜膩，推介。

其實華嫂冰室係前嗰排成日都要排隊好難食到。因為每次經過都見到大排長龍。令人卻步不過由於疫情嘅關係令到我哋呢啲唔想排隊嘅人好易食到都係一件好事⭐️招牌蛋沙律三文治呢一個真係一試上癮。佢個蛋黃醬嘅顏色好鮮艷。而且好滑好滑非常creamy入面啲蕃茄再加上生菜同火腿簡直令人一試難忘極之回味之後每一次經過我都會去買一份或者兩份留返做早餐⭐️招牌豬扒菠蘿包反而呢個又冇乜特別完全比蛋沙律三文治蓋過咗佢。同普通豬扒包冇乜分別真係十級推介個蛋沙律三文治。講真我覺得好食過日本嗰啲

位於尖東 “拉麵街”噶棉登徑，之前去一蘭噶時候路過呢間華嫂冰室，睇評價都OK。今日再來就試試了。本店噶招牌，豬扒菠蘿包，果然不負眾望。豬扒爽口入味唔會韌，搭配生菜同翻茄，入口唔會dry。其他粉面之類噶就一般般啦，一般茶記噶水平。可以醫肚餓，但無必要專程來點。

上午11時右左是想吃個飯吧，可惜好多店都未開，唯有來到這間吧簡單叫咗菠蘿豬扒包，有一塊生菜一片蕃茄，感覺都是新鮮的，豬扒都是即時煎吧，熱熱的，豬扒本身冇調味，淡淡的我喜歡，倒是覺得醬有點多，皆因我都愛吃清淡不太油為主。果菠蘿包熱又脆好似新鮮出爐咁，係唔錯至於餐蛋麵跟這個凍檸寧茶都是普通東西，正正常常咁，不過見到茶水吧正在沖奶茶，聞到茶香，我猜是奶茶應該都幾好飲，可惜為了不能吸收太多脂肪而選上了凍檸茶吧

久聞大名，第一次光顧。入內坐下看餐牌，第一個感覺是，以冰室來說，價錢有點貴。幸好，吃過以後，覺得值尚算物有所值。海蝦雜菜喇沙：海蝦肉質Q彈，喇沙湯頭味美，好吃好吃。豬扒菠蘿包：菠蘿包頗大，外皮香脆，豬扒肉質鮮嫩，味道好，配上番茄生菜和醬汁，很好吃。咸檸七：這一向是解渴良伴。

假日的早上突然想吃菠蘿油，網上看了一下食評後決定到華嫂冰室，主要是看到他們的菠蘿油有兩塊。可惜我們沒仔細看營業時間，開車到觀塘才發現他們週日沒開，只好再回到尖沙咀那邊。招牌菠蘿包 $22招牌菠蘿包入面有煎蛋蕃茄及一塊牛油，口感豐富但略嫌吃到後面牛油便不足夠了。鮮油菠蘿包 $16兩塊牛油不算很厚，但是口感一流。菠蘿包皮微暖配上冰凍的牛油真的一流。唯一是覺得菠蘿包稍為太脆。樽裝凍奶茶 $22奶茶算是挺出色，$22也算合理。雞翼4隻 $24雞翼四隻這個價錢有點貴，但是吃進去之後便覺得還算值得的，還真的蠻好吃的！