圍爐順德菜

Open Now

Now Closed

約朋友喺維園附近等，行經Sugar+門口，見到圍爐廣告，被店名吸引，就和朋友上去食飯。食肆地方不大，勝在前面無遮擋，可以望到維園和少少海景坐位唔迫，就算有人大聲講嘢都唔會太嘈。份量足，少少辣，鍾意食濃味的朋友話唔夠惹味，我就覺得ok。用淋油方法，顏色均勻，皮脆係必然，雞肉嫩滑，但有些部位較鹹，希望改善！最期待的順德菜卻令人失望。記得小時候食的餡料係將鯪魚肉、蝦米、花生等剁碎，然後釀返落條鯪魚度去煎熟，好花時間。今日呢條應該係用機器打碎，無口感，唔覺有好多料；粉太多，實實哋；味道偏淡無魚味。又一次失望，當晚冇芝麻卷！兩款甜品都係普普通通，以西米布甸較好，熱辣辣，裏面的蓮蓉唔太甜！雖然食物質素普通，環境搭夠，都可以約朋友嚟食飯傾偈嘅

食物水準一流特別欣賞桂花員工服務态度超好，殷勤環境优美，配上维港夜境勝价比高推介特別欣賞菜式桂花炒魚肚煎釀鯪魚迷李冬瓜盅圍爐炸子雞蟹肉西蘭花，蟹肉超多和新鮮干燒伊面蝦多士XO酱帶子，蜜糖豆翠嫩，帶子超大粒juicy

今次有驚喜😜見到之前嘅食評：對服務態度,行政，出菜时间， 各方面都有所劣評！但係今日親生體驗：相信店主可能有留意到食評, 完全改善曬！ 侍應生改為一班年輕後生仔女, 服務態度好好, 今日攞枱順利, 等點心時間合理, 沒有混亂嘅情況,亦都沒有漏單 多謝店主 有所改善🙏還有食淨少少點心亦都沒有 罰錢 另外一提之前，有人話 排骨鳳爪唔夠淋，唔好味，相信店主亦有留意到，已經改善👍三十幾款點心，我覺得 最差就係個雞扎 ，建議店住不如剔起雞扎，既然整得唔好味！其他 炸嘢甜品一流 炒粉同個炒飯亦都是一流， 無謂畀 雞扎一個點心拉低個評分👍咁嘅質素埋單168蚊 性價比非常之高！又有無敵維園境 同親朋戚友gathering一流😘

買咗OpenRice 優惠券，買錯了小童$88，打電話訂位，，職員說可以補回大人差價(舊價），中途埋單時一位收銀，她說是店舖最（大）的，沒有人說過收舊價，堅持要補回新價錢，擾攘了一番，終於給我舊價，我稍為順氣一點。說到食物質素，真是一般般，無論賣相和品質。雖然任食都沒有期望太高，真的沒有下次。餐廳有好的服務，可以彌補食物質素不足，如果兩樣都欠佳，真係替老闆擔心。最好服務都是暑期工兩位哥哥仔，其他的中年女士，真是要檢討一下。香港食肆要做得住，員工要認真做好自己份工，對得住老闆。

父親節，諗住帶屋企人去食餐好嘅。好少食順德菜，冇諗過難食到呢個點。首先唔好講食物質素，坐嘅環境已經夠辛苦。五個人，一張細圓枱，一邊拍埋牆冇得坐，逼得好犀利。豉油雞，似隔夜返蒸雞。煎蓮藕餅，全部燶晒，老人家少啲壓力都咬唔開。炒鮮奶，正常， 不過鹹咗啲。琵琶豆腐，裏面啲魚肉唔熱又唔熟。仲有個蟹肉扒菜，爬咗一個鐘頭，等到頂唔順都唔嚟。 結果取消走咗。取消之後，佢哋連甜品都唔送。 一定冇下次，父親節搞成咁都好失望。

在食評看了這家順德菜的介紹後，便滿心歡喜 帶家人來食飯，希望讓他們體驗銅鑼灣的飲食新景點（Sugar+），順便欣賞高空美景。不過，到場後才發現餐廳位置不大，而最令人失望的是服務人員的態度一般，全場有三四位工作人員，服務效率卻很慢。我們點了大良炒蛋，紫羅牛肉，欖菜骨等，坦白說，味道都很一般，最美味的要算是蝦多士及脆皮雞，不過，脆皮雞由點菜到上菜為止，竟然花了足足一個鐘！催促了數次後，竟然被經理「教訓」話因為製作需時，叫我們要耐心等。今次這個食飯體驗實在令人極為失望，相信以後都不會再來，亦不會推薦此餐廳給朋友。

上星期六訂咗位，坐下10分鐘，望住維港景色，心情舒暢。但店員告知廚房冇電蒸爐用不到，唯有下次再來。昨天星期六在此入座，幸好今次一切正常。總結食物，煎炸嘢10分熱，10分好食。蒸點心跟一般酒樓差不多。🤨當日只有四名店員樓面招呼15台客，4名店員10分賣命忙碌，但仍然應付不下出單入單執枱再開新枱，有新客到的情況緊急緊張情況因此行政混亂是一直的問題。最大感覺是店員太忙將接單和收單的時間減至0.00 1秒，感覺就像搶你張單或者劈低你張單喺枱同樣擺放食物的感覺都係一樣。Siri。😕😕同情兩位兼職店員經常被兩位資深店員呼喝指責

我今日岩岩食完午市點心放題，有以下幾個不滿意的地方，完全不建議大家去試：- 我哋一早訂了12點半，準時去到，已經有兩枱已經訂座的排緊隊，最後要我哋兩個家庭搭枱，唔係就要等半個鐘，即是餐廳根本冇有效管理訂座。面對失誤，有職員承認餐廳管理不善，但就沒有任何一句致歉，及補救方法，再後我哋只好選擇搭枱。- 餐牌有寫明食不完的食物按正價收費，我們清楚明白，但餐廳金髮馬尾女職員先後3次用非常不友善、質疑的態度重覆提醒，令我哋感到非常不舒服，既然係放題，你提醒一次即可。- 那名金髮馬尾女職員過嚟收點心籠時，逐籠檢查我地有否食剩，見到有個食剩了一半的包，又用不友善的態度問：個包咩事？，答：個包唔好食 ，餐廳係咪想逼我食哂？- 整體餐廳訂座安排非常亂，職員態度不友善，什至我覺得被威脅，隔離枱老公公婆婆想話寬容多10分鐘清理枱面食物，在沒有人等位的情況下，餐廳職員堅持這是90分鐘限時放題，沒有人情味。- 如果話148任食，你沒有對服務有寄望的情況下可一試，否則，只會食到一肚氣。利申：最終，我們順利完成所有食物，睇嚟金髮女職員杞人憂天，不需3次用質疑態度提醒。

買了openrice 優惠卷，打電話預約 6月9日（日）11點30至1點，每人補加$10。蝦餃，燒賣，菠菜餃，水餃，素翅餃，春卷，炸雲吞，蓮藕餅，炸鮮奶，雞扎，排骨，鳳爪，牛肉球，牛肚，煎腸粉，芝麻卷，叉燒包，奶皇包，叉燒酥，芋酥，咸水角，圍爐炒飯，廈門炒米粉，涼拌小食，紅棗糕，黃金糕... 維園靚景，全店滿座。服務不錯，店員會主動加水，蒸點心要等一會兒，炸物涼拌就不用的。店內張貼：6月17日後加價到$168一位。

“真心超嬲，一早起身收到open rice的email話有人舉報我作假。我真金白銀俾錢去食野，冇任何優惠，連長者卡都冇，仲要係鬼咗死貴係選小店食野，就係因為長者上次食過鐘意個環境同交通，打個食評為左留個記念俾朋友姐，求其寫竟然俾人舉報話我係試食專員。超嬲囉，你地同餐廳有咩自人恩怨唔好攪到其他人，話我試食的人俾番1538俾我呀！我生日去食都冇優惠減錢呀。唔好攪我個blog呀！間餐廳係得個個加ig 送甜品一件（桂花糕仔），台台都有。同埋消費滿1500以上送張點心送題一張半價卷（仲要2人同行）.”之前同家人食過點心放題，再次試一下點菜晚餐，因為有長者，所以提前點好菜單，咁一黎就有得食。5點45左右到，暫時未有客，店員很熱情，今次這班比上次黎個時那些年長店員更有禮貌，而且好貼心，知道我有長者會問要唔要菜煮軟身d.今次叫左1）炸子雞，都ok ，底層有點咸，但長者好似好喜歡，話香口。2）炸鱔球，很好食,肉又實又好味又香口。3）古老肉，不錯，比想像中好食。4）肉絲炸麵，勁好食。5）圍爐炒飯，好似西炒飯，但好多大蝦。6）蟹肉西蘭花，可以7）琵琶豆腐，超好食，一定要點，內有瑤柱。8）芝麻卷，之前食過，今

糖街小店叫圍爐。風景獨好。一見難忘。維園收眼底。眼睛在天堂。有個點心放題登上龍虎榜。個朵響。落樓盛惠一百四十八個大洋。包茶芥。包加一。包這樣那樣。點心超過三十款。落單先商量。煎炸。粉麵。甜品。蒸點。大陣仗。灌湯餃大大隻破天荒。蝦餃先去腸。咽下炸雲吞，心飛翔。可惜糍粑一般般，浪費我期望。牛肉比燒賣鮮，燒賣比排骨強。流沙包大爆漿。金錢肚不俗。黃金糕煙煙靱，雞包仔夠薑。鳳爪覺得唔夠冧，牙硬傷。雞紥不吸引，材料低平常。碧綠雙蔬是菌菇，混入紅蘿蔔，超乎你想像。太辣貓耳朵，味蕾瘋狂。大愛芝麻卷，濃郁香味，兩眼發光，是日稱王。薑汁糕夠熱，快補倉。九十分鐘，匆匆忙忙。良心推薦你，window seat，搶！超低價，唔使等出糧。

我們一行三人，看見有好評有差評，還是抱着一試的心態，果然不錯，慶幸來了。踏進餐廳就被那無敵維園景吸引，光猛開揚，感覺良好。首先点了蝦多士，名不虛傳，非一般蝦多士，必吃必吃。隨後点了炸子雞，皮脆肉滑鮮嫩，也点了蜜餞欖角骨，肉厚味甘香，加上欖角的甜味，非常特別，菜類選了杞子豬潤菜苗，豬潤熟度適中，我們當中有人愛吃有人不吃，而菜苗很新鮮，很受歡迎。雖然已經飽飽，但最後還是点了大良炸鮮奶當甜品， 鬆脆而鮮奶香味濃，完美作結。全部職員都很友善又有禮貌，服務週到，特別是Vinci, 細心觀察我們的需要，見我們只有三個人，就建議蝦多士和炸鮮奶只要半份，又見我們沒有点真正的甜品，就送給我們每人一小角凍杞子糕之類的東西，但味道很淡，吃了也忘了是什麼，不吃也罷。綜合來說，我們避開了差評的菜式，而我們自己選擇的菜式都很不錯，非常滿意的一頓晚餐。

長者生日，選了銅鑼灣糖街新開的sugar +住宅樓上16樓，《圍爐順德菜》，於openrice 買了4張卷 $138,再加10元假日費。服務：☆☆☆☆ 職員都很有善，落單都快，但人手少了點食物：☆☆☆☆很夠熱，味道不錯最好味係 蝦餃，水餃，金錢肚，咸水角，×燒酥 。真係一叫再叫而且所有點心都係即叫即做（蒸）比較失望的是粉果同灌湯餃，雞扎，排骨，蘿蔔糕。點唔好食你可能叫過就知，最好點一件試試先。環境：好光線，冷氣夠，但枱比較少只有10圍左右

朋友聚餐是個不錯的選擇，地方清靜，飽覽維園景色，員工有禮👍🏻是日晚餐，祇有三人，所以只可選擇3個菜式。桂魚卷 : 時日推介，－魚兩吃，桂魚卷，酥炸魚骨，拌菜甜豆清新可口。琵琶豆腐: 無驚無喜，正常。 鍋貼大明蝦: 非常鬆脆，但本人覺得有點油膩。明蝦大大的彈牙爽口。雙皮奶 : 濃郁牛乳味，甜度適中。

星期日同幾個朋友上去嘆茶，發現有點心放題，於是就去試吓。雖然是一些傳統的點心，但係都滿足到我哋幾個朋友吹吓水食吓嘢的一個開心星期日。這裏的維園景真係不錯的，喜歡這裏的懷舊芝麻卷。其實農曆新年之前，都嚟過呢度食過晚飯，食物質素都不錯，尤其喜歡隻炸子雞，同埋個魚蓉羮，個炸蟹鉗真材實料，經理仲送咗一支紅酒俾我哋，當然我哋都有帶酒去飲啦，仲免咗我哋一支開瓶費添😃😃😃最後我哋叫咗一個大嘅西米布甸，同埋幾碗雙皮奶，是懷舊順德菜的一頓美味晚餐。