What The Food Cafe (Closed)

首次踏足粉嶺工廠區，竟然是為了這間隱世cafe的蒲燒鰻魚蛋包飯。撘左45分鐘車，到左粉嶺地鐵站，仲要攀山涉水，行多15分鐘先到cafe位於的工廠區，真係少啲恆心都唔得呀。餐廳位於工廠區1/F，係全層唯一一間餐廳，仲以為自己去錯地方，哈哈。本身好期待佢地嘅羅宋湯，得知今日只有白湯嘅時候，真係有少失望。點知原來佢地嘅忌廉粟米湯都同樣足料，忌廉湯偏甜，好濃郁，入面有粟米，洋蔥，夠晒足料。佢地嘅餐包係黑糖包，麵包烘得熱身，外脆內軟，黑糖味好香，令我諗起一間著名西餐廳嘅黑糖包，真係好好食好出色！小小嘅餐包已經見到小店嘅心思。蒲燒鰻魚蛋包飯($76)朝思暮想嘅鰻魚蛋包飯，賣相真係吸引到不得了，見到都流曬口水。滑蛋舖滿左成個大碟，份量十足，同時加左麻油，炒得夠曬滑嫩邪惡！蛋下面係充滿醬汁嘅珍珠米，份量同樣十足，主角鰻魚好厚身好肥美，燒得香甜，加埋紫菜同鰻魚汁，真係食到lamlam俐。紐西蘭肉眼扒配飯($108)本身以為小店嘅牛扒質素有限，點知食落都有驚喜，牛味濃郁，食落嫩口，配上帶有醬汁嘅日本珍珠米，不錯不錯。草莓千層酥配雪糕($40)女人食到幾飽都會有另一們個胃嘅，哈哈。草莓千層整得鬆脆，入面夾有

朋友介紹位《What The Food Cafe》嘅小食和甜品十分好味，於是今晚便和家人一起到來食晚餐。餐廳內裡燈光是暗暗的，裝修具特色，頗有情調：蜆肉意粉：像私房菜一樣，蜆肉味道不錯，睇見就想食鰻魚蛋包飯：鰻魚肉好香，連埋蛋包飯一齊食就味道更好醬燒豬肋骨：燒豬肋骨肉好好味，醬汁嘢味小食拼盤：這個特色小食拼盤是必食之選，我最愛吃就是炸蝦，下次食再叫食紐西蘭肉眼：肉眼嘅肉質唔會覺得硬，我叫了七成熟就啱啱好草苺千層：這個甜品賣相唔錯，在蛋糕入面真係一層一層的，食落味道好好焦糖燉蛋：最特別就是脆脆的薄焦糖，好好味道！

朋友介紹呢間餐廳，話抵食、食物質素亦不錯，便決定來一試。雖然係粉嶺工廠區，但對駕車人士都算方便，因為廳廳樓下有不少咪錶位。餐廳雖然在工廈內，但入到去裝修得唔錯，坐得好舒服。非工業用小食拼盤$120有魷魚圈、芝麻雞翼、大蝦🍤、薯條🍟好香脆、大蝦好新鮮、粗切薯條加鹽好味，小食拼盤好大份，好抵食。白酒蒜香蜆肉忌廉意粉$76有濃濃的蒜茸忌廉味，但就食唔到酒味，不過整體也幾好味，個汁夠creamy,蜆亦大粒。蒲燒鰻魚蛋包飯＄76招牌菜，鰻魚厚切，好大塊蛋不似日式那麼薄，是厚厚的同好滑，加埋d醬汁飯，非常好味😋😋紐西蘭肉眼牛扒配燒汁$108見個價錢咁平，唔敢抱咩期望，點知來到之後發覺肉眼好大塊，厚薄請中，要七成熟，食落剛剛好，嫩滑多汁，咁嘅價錢食到咁嘅質素，超值。WTF醬燒豬肋骨（原味燒烤/蜜糖芥末）$76必試，ribs煮得好淋，我揀左每樣味道一半，蜜糖芥末比較乾身，有少少芥末味，原味燒烤就比較juicy,甜甜地，我覺得原味燒烤好味d。再埋甜品草莓千層酥伴雪糕，$40既價錢食到咁大份，覺得好抵，而且非常鬆脆，好好味！焦糖燉蛋就一般，但都抵食既。星期六晚唔駛係市區同人迫，悠悠閒閒地食個晚餐，WTF亦

聽到WTF，大家會想起甚麼意思XD，位於工廈的WTF，是CAFE來的，出名是鰻魚蛋包飯，好想試好耐，但因為太遠同唔熟路而遲遲未去，今次有熟人帶路，可以一試太好了。 走廊牆上的marvel及 mario馬賽克塗鴉，甚有街頭藝術之感。 蝙蝠俠打臉圖，相信大家並不陌生，對白是精髓XD。 內堂十分寬闊，甚有空間感，不修飾的牆身， 掛有一些(被惡搞)著名畫作及擺放了一些古典擺設，既有藝術味道同時玩味十足。 MENU都好攪笑。 食物上，除了招牌貨鰻魚蛋包飯外，還有其他飯、意粉、扒及漢堡等。 拿鐵，跟餐+$18，味道普通。 羅宋湯，餐湯，好多雜菜，味道不俗。 餐包。 鰻魚蛋包飯，$76。 賣相十分吸引，滑蛋果然又香又滑，鰻魚大件厚身，口感豐腴有油香，好惹味，醬汁份量十足，飯粒夠入味，幾好味呀。 煙鴨胸意粉，$66，煙鴨胸份量多又大塊，味道濃郁，口感有嚼勁，意粉口感軟硬適中，味道不俗呀。 環境有特色，食物味道不俗，價格合理。

從前，在好遠好遠的粉嶺工廈中，有一戶人家在煮蛋包飯......話說這家店還真的有夠遠，由火車站走過來要足足15分鐘，而且在星期六的日子更是四野無人不過樓上卻非常多人！在星期六只有一戶著燈、坐滿一家大小跟一對對的情侶，好不熱鬧座位很舒適，一排沙發還有抱枕，橫著躺也可以呢！餐湯跟餐包也有著標準的水準點了一個大蝦卡邦尼，意粉煙韌有勁，蝦排得超好看，還加了大量芝士粉調味，最正是有隻温泉蛋在中間，拌勻之後，汁也變得濃厚好吃另一個是很大一塊的西冷牛排加飯，牛排五成熟沒有過老也易嚼，基本上不配飯也吃得飽。霸飯粒明顯有加汁煮過，味道特濃，cafe來說實在不錯坐一晚，聊整天也很舒服的店，在這休閒的星期六晚，我也是醉了

剛從台北回來去粉嶺探豬朋友們順便派手信。探朋友最好就是找間能聊天的cafe，飽飽豬不熟粉嶺。豬朋友介紹飽飽豬去這間位於工廠的cafe。踏入cafe門前一看裏面WTF格局四四方方一目了然!牆上有些跟WTF有關仿漫畫插畫。場內枱數不多，空間感極大加上燈光柔和令飽飽豬有種安全感可以懶洋洋的和豬朋友輕鬆聊天。好了！入正題!!!來餐廳當然是吃美食WTF 以cafe來說食物款項選擇算多，幸好飽飽豬今次一行4人點了5樣食物跟飲料。為了保持神秘感飽飽豬就不全部介紹。只介紹飽飽豬覺得必試的菜式。飽飽豬覺得來WTF 一定要試他們的鰻魚蛋包飯$76----賣相已令飽飽豬流晒口水。蛋炒不但滑嫩而且多汁配大大塊上燒汁鰻魚真係好食到變飛天豬。另一道要介紹的就是WTF醬燒豬肋骨$76有原味同蜜糖芥末，飽飽豬當然試一試蜜糖芥末味配薯角。蜜糖芥末味比例調得恰當芥末味突出但不會令蜜糖沒有存在感二者各自發揮其優點，芥末的微刺激與蜜糖的甜蜜蜜配上看似粗獷實質細滑嫩口的豬助骨上，不斷誘惑素食者，刺激肉食者的慾望。最後要介紹這裏飽飽豬覺得最值得點的飲料，越式滴漏咖啡，滴漏方式的咖啡用時間換取味道。由於咖啡粉跟水接觸時間耐了，咖啡

溫泉蛋卡邦尼意粉超正，好好味無論喺意粉屋定係eurogogo食既都係質素唔穩定或係好乾，但試過2次呢間都係好好味！keep到質素下午茶時段無乜人，幾安靜，價錢唔算貴

上星期和朋友嚟到據說是充滿特色的工廈餐廳what the food, 本來期望不大，因為始終是工廈的餐廳，不過打從餐廳門口開始，就讓我有另一個唔錯的體驗！從環境開始講起，餐廳比較優優閒閒，空間也見充足，檯與檯之間有一定距離，非常寬敞，適合同朋友傾下計，hea下的類型！至於食物，選擇類似不是太多，有數款主菜，小食，飯及意粉，啱晒我呢d唔知揀咩食好既人！是晚點左幾個網上推介的菜式，有鰻魚蛋包飯，燒骨，芝麻雞翼，味道都非常好，尤其鰻魚飯想不到在工廈餐廳也能做出這樣好的美食，而作為一間cafe, 飲品的選擇比食品多，而且也充滿特色，是晚點左杯焦糖脆脆咖啡，不太甜，焦糖粒大粒，有咬口！ 咖啡味道也很好！ 總括來說，以工廈餐廳來說是非常有驚喜的，值得試試！

一向以來在新界東北行完山都會去大尾督醫肚，今午雨下不停，還愈下愈大，惟有折返，在粉嶺附近，記得在open rice 聽說有一間隱世食堂，試試由GPS 帶路，果然很快便抵達了，還有咪錶位，拿拿聲上去開餐甫入內，食店佈置簡約，星期日下午二時，有八成客量算不錯👍，侍應安排了近窗的梳化位置給我，認真識做，正好安撫一下我疲累的身軀餐牌只有兩面，再次貫徹了簡約的風格，不需擔心有選擇困難症點了小食拼盤、三款主食和一客甜品🍮餐湯和麵包都是誠意之作，羅宋湯足料，麵包軟熟小食拼盤包羅萬有，薯角、蝦、魷魚圈和雞翼，全部都是炸物，最啱年輕人明太子意粉味道濃而不膩，不錯👍鰻魚蛋包飯，鰻魚燒得香甜，跟著是一層滑蛋，底下是充滿醬汁的飯，吃起來很和味，老公最讚紐西蘭肉眼扒，五成熟，牛肉味濃，但比較結實，要切得的骰點吃完飯，要飲番杯🍹呢幾杯飲品很清新🍏🍑🍊幾飽都要來個完美結局

今日同大家去粉嶺工業區一間隱世嘅小店what the food，呢間店係我朋友介紹我去 ，非常好食雖然係隱蔽啲，但係值得為大家行去係咪試一試， 餐廳嘅選擇仲多，而且環境亦都非常好，侍應每個都非常靚女 介紹下啲嘢食先首先我叫咗一杯蘋果沙冰，蘋果味非常之濃而且亦都唔會太凍，非常好飲 叫咗個紐西蘭肉眼扒佩羅宋餐廳，個羅宋湯完全感受到係自家製嘅羅宋湯，非常好飲，絕對唔係出面嘅罐頭湯 主席紐西蘭肉眼扒配上炸薯角，炸薯角係即炸非常香口，紐西蘭肉眼扒亦都非常之香，食落肉質非常鮮嫩，非常美味嘅一餐 最後我叫咗個好想食嘅甜品雪糕窩夫，樣貌精美之餘，雪糕凍冰冰窩夫暖笠笠，呢種感覺我非常鍾意，完全滿足我一個非常快樂嘅下午

工廈同附近都無咩餐廳選擇，不過無諗過呢間cafe由名字到內外裝修，加上Menu同驚喜！有美式年輕人感覺~~首先，走廊噴畫已經畫得好靚，美式hero漫畫🕶依家係萬聖節主題之後個餐牌好有趣，幅面係9 gag feel~不過食物嘅款式比較少，個人覺得如果小食再加多啲款會好啲。芝麻雞翼揸得好香脆好好味！wtf燒豬仔骨加薯菜食物總括來講都係高質嘅~~(本身以為Cafe都不太好食， 不過今次好有驚喜！)心太軟加朱古力雪糕都冇乜特別，正常好味~我同朋友大約四五點時間去，加上平日，所以只係得兩三台客，任坐，唔使等位而且食物都來得好快

呢間位於粉嶺工業區嘅《What The Food Cafe》可謂粉嶺朋友嘅新據點深得學生哥 年青人 情侶們愛戴Cafe位於工業大廈裏面 lunch繁忙時間經常座無虛席今日同朋友到大埔行完山 就嚟食個晚餐未入餐廳就已經感受到嗰份童真牆上面畫咗各式卡通公仔 有超得意嘅Super Mario餐廳入面靠窗位置仲有三張梳化座同朋友舒舒服服咁坐低傾下計就最啱喇先叫咗一份【廚師沙律】$96有齊燒牛肉 煙鴨胸 同煙三文魚 材料非常之豐富醬汁方面都有好幾個選擇有芝麻醬 泰式辣汁 黑醋 同千島醬今次就揀咗泰式辣汁 味道酸酸辣辣 甚為開胃燒牛肉唔會太乾 牛味滿意煙三文魚夠肥美 用嚟配襯沙律菜食就最適合不過另外每個主菜湯配有超足料嘅【羅宋湯】茄味濃郁 酸酸辣辣 一啲都唔馬虎而且個餐包仲熱辣辣 超級有heart主菜叫咗【香煎帶子黑松露燉飯】$108 燉飯同Risotto有少許分別意大利飯口感較硬 而燉飯比較軟淋香煎帶子夠曬大隻 而且煎得剛剛好 外面帶有焦香 裏面帶點溏心黑松露燉飯裏面有好多本菇 食落有嚼頭而且黑松露味亦相當濃郁 每一口都令人相當滿足【WTF 醬燒豬肋骨】$76呢個豬肋骨可以話係呢度嘅推介菜式有三

在粉嶺的工廈內，難得的安靜和隱世，若不是看Openrice 介紹，也真的不知道有這個地方。一坐去，地方寬敞，不用等候便有座位，講合和朋友來好好聊天，食物有水準，點了醬燒豬肋骨，份量剛剛好，而且不太肥，平時我很怕吃肥肉，但這一個也不會很肥，而且蜜糖芥末醬、芝士醬配起來都很好味！熱Mocha 味道很濃很好喝，只是略嫌有點細杯，如能大杯一點便更好～！心太軟有水準，雪糕也雪得很夠硬，不會一拿出來便很快溶掉。芝麻雞翼也好味，味道夠，但卻不會太油膩。這裡的東西，有賣相，價錢合理，下次可以再來～！找一次放假來坐坐，喝杯咖啡，吃個甜點，應該會很享受～ 希望北區一帶能開多一點像這樣子的餐廳 。

有朋友介紹粉嶺工廈內有一間隱世西餐廳，入面嘅鰻魚蛋包飯，非試不可。今晚就同老公去試一試。由於我倆都不熟路粉嶺，加上天黑了要摸黑搵路，過程十分驚險。到達餐廳門口時，終於鬆了一口氣，我們找到了！餐廳門口設計別出心裁， 特別又有趣。芝麻雞翼。雞翼炸到好香，醬汁又惹味。鰻魚蛋包飯。朋友特別推介嘅主菜，一定要試。坊間好多蛋包飯，蛋都過熟了。這餐廳嘅蛋包飯，蛋是半熟的，正合我口味，只有半熟蛋才可以有滑溜溜的口感。入面嘅飯是有味飯，並不是白飯，令這道主菜更惹味。醬燒豬肋骨。$76食一碟 ribs, 睇怕喺香港都好難搵。好抵食嘅一道菜。另外，配菜的炸薯角好好味。菠蘿梳打、雜果賓治。賣相好吸引，因為杯內的冰是會發光的。心太軟配豆腐雪糕。心太軟即叫即整，需時大概15至30分鐘。值得等！食完個甜品，感覺好完滿又幸福喔！💕

未入餐廳門口就有好多兒時既好友喺度夾道歡迎我，我彷彿行緊一條時光隧道。個main揀咗WTF 醬燒豬肋骨，餐湯係羅宋湯，我最鍾意佢哋個羅宋湯酸酸甜甜得嚟又有少少辣夠哂開胃；個餐包入口嘅時候都仲係熱㗎，讚！餐飲揀咗青蘋果梳打，青蘋果個味道都唔錯，最過癮係個賣相，佢底下有LED燈製造效果，臨近哈佬喂，可謂十分應節。廚師沙律，初時點菜嗰陣仲諗住要喺燒牛肉，煙鴨胸同埋煎三文魚入面三揀一，點知原來一次過可以滿足哂三個願望；呢度嘅煙鴨胸比起其他出面食到嘅份外嫩滑，真係好難得食到完全唔鞋既煙鴨胸，醬汁揀咗泰式酸辣汁，酸酸地有少少似泰式魚露嗰陣味。非工業用小食拼盤，拼盤包括色色炸粗薯角，炸魷魚圈，炸芝麻雞翼同埋炸蝦，其中炸魷魚圈炸得好酥脆，並無好似出面其他餐廳咁樣炸到死死實實，芝麻雞翼翼都醃得好入味，基本上唔使點任何醬汁都已經夠哂好味。WTF 醬燒豬肋骨，豬肋骨一次過可以揀兩隻味道，我哋就揀咗原味燒烤同埋蜜糖芥末，燒烤汁味道夠哂經典，平穩過渡；而蜜糖芥末味就令人喜出望外，出面嘅燒豬肋骨好少可有蜜糖芥末味揀，蜜糖既微甜加上芥末既攻鼻，感覺新鮮。甜品揀咗心太軟伴雪糕，心太軟焗得恰到好處，裏面軟滑嘅朱古力漿緩