Wildfire (Closed)

西區沒有太多像樣的西餐廳, 大多數是豉油餐廳, 如「森美」之類, 西港城的香辣屋已經算幾好食又幾好環境.到列提頓道找前輩, 晚飯時最方便是走到般咸道. 去了一直想到的Wildfire, 之前只去過美利樓分店幾次, 般咸道是第一次.店中天井位置有幾張檯, 供人飲下紅酒, 傾下計. 我們三人進入dining area, order:二人拼盤- 軟殼蟹美味! 分量很大.地中海薄餅- My choice! 有酸瓜及zucchini, 好Light,好味!串燒牛柳- 比相片中更大! 賣相有趣, 用上印式Kebab的醃肉法, 有很香的香草加乳酪味.三人飽飽, 多謝前輩請客!!

三人午餐，吃了：california pizzachicken wing軟殼蟹Pizza 最好．

朋友仔來訪, 兩個女仔食得唔多, 不如叫外賣, 叫咗個烤蘑菇pizza, 半個鐘度到, 一打開, 好香呀! 夠蘑菇仲有d香草喺面, 批底好脆, 清清地幾好味! 送個菜沙律, 個沙律汁都幾好味. 結果大家都食咗好多, 但都係食剩兩件.

冇果樣材料又要叫個咁既名, 其實上枱既只係一個普通既煙三文魚卷, 但個manager仲要死撐話係blend左入d卷度, 分明就係落漏左!其實以前呢度好好食, 但每況俞下, 而且仲不知不覺咁加左價. 但唔知幾時我覺得個廚換左人. 整體來講都算唔錯, 亦可能同區根本冇咩可以選擇.服務就一時時, 睇下你好唔好彩. 有時有小動物, 有次仲見到有蠍子, 有時d湯會好咸, 有時咖啡好難飲...但佢地最好既地方就係每次有問題, 都會送番個drink或dessert比我!值得一讚既係佢地既甜品, 即使係set既dessert每每都好出色, serve得靚之餘仲好好食, 又次次不同款, 唔係普通tiramisu, cheese cake咁, 好似今日食果個係西米做既cake配strawberry ice-cream, 個雪糕有粒粒strawberry肉, 仲好食過haagen dazs架!

上星期日,屋企去了旅行,不用去飲茶, 於是約了好友去屋企樓下的wild fire 食野, 因爲胃口不大的關係, 兩個人只是叫了一客凱撒沙律，一客茄汁雞肉扁意粉，個沙律的確不錯，夠汁而且ｄ菜又新鮮，食得出非一般超市貨色可比，比california pizza 好味,而個意粉,也是超水準之作, 唔會有太乾或太水的情況出現,而且味道剛剛好, 好食!!因爲太好味的關係, 本來已食了早餐的我還是吃了很多!幸好分量很大,但也因爲此原因, 最好多些人吃可以多試幾款意粉呢!!埋單很平,不過是因爲叫了不多食物已而.至於服務,不是十分突出但也不錯, 坐在對街的窗口位置,good!! 另一驚喜是遇見吳彥袓, 他正在放狗,很搞笑. 而我的朋友則發了瘋似的, 果然是香港少女(或女性)的第一號殺手!!!

假期前以wildfireo既晚餐作結.叫左蟹肉餅(上次o係伊利近街食唔到), 煙三文魚凱撒沙律, 同自選pizza(煙三文魚+大蝦+磨菇).個蟹肉餅除左有蟹肉蓉外, 我仲食到有忌廉同leek. 個蟹餅味道唔係好濃, 煎香左襯熱食, 作為一個appetizer係一個唔錯o選擇. 但係我好唔好彩, 食到個蟹餅有一枝好尖o既蟹殼, 仲插到我o既牙肉, 而仲流緊血...caesar salad同平時o既差唔多, 上面o既煙三文魚同上次一樣, 都係我地激讚o既重點! 煙三文魚夠鹹香唔腥, 正!pizza都係一樣又薄又脆, 煙三文魚勁正唔駛多講, 個大蝦又係勁甜, 好快就清左碟!唯一要彈o既就係呢間分店o既服務態度差過伊利近街o既好多!

今晚同媽咪黎試佢地0既晚餐,竟然有奇遇呢~我叫0左個special dinner,有蕃茄湯,牛扒,pear crumble cheesecake同咖啡一杯~$118.媽咪就叫個串燒羊仔柳,$135.我個餐都几好食,不過個湯就酸同鹹0左d,同埋好結.但主菜係好食0既.個牛扒好有牛味,上面整d碎0既新鮮蘑菇,伴碟0既有好多粟米、豆、青椒、蕃茄,再0係外圍加d黑醋同橄欖油.個黑醋好香,令到個牛好野味~其實食到呢到都好飽喇,因為d牛都几多.個cheesecake細細件0岩哂,上面有d pear crumble,都少少甜啦~但做得好香~之後個咖啡都ok~媽咪個串燒羊仔柳一上好靚~有個大鐵架叉住d羊柳青椒紅椒,仲有好多沙律伴碟,有一小碟汁,同埋仲有一包用葉包住0既蕃茄飯.羊仔柳總共有5塊,先講個飯,個飯都几酸,waiter話因為用新鮮蕃茄炒所以會酸少少,都几特別,入面有好多松子~d沙律都好新鮮,好多橄欖,0岩哂媽咪~個薄荷汁媽咪話麻麻地,隔離czarina好食d喎~到個羊柳喇,亦係我想講個奇遇0既主因.個羊仔柳媽咪一食就話麻麻地,好油,d羊味有少少怪,但又講唔出咩怪,佢話唔係唔好食,又唔係羶味.但

我建議去赤柱個branch, 因為o個度有好大o既pizza爐, 應該會好味d, 而且環境都靚d!般咸道o個間我都去過, 好細間...係無咁好...不過o係赤柱o個間我淨係食過tea set, 唔知其他野好唔好食

有次放學入去食,覺得好暗,唔知點解而家好多餐廳都整到好暗,以為好有格調,但我唔覺囉,好似好污糟0既感覺....佢d沙律一般啦,但d小吃野飲都几貴,但又唔係特別好食,pizza方面,我覺得pizza hut仲好食過佢

Angel Hair in Tomato sauce with Salmon $85, 賣相幾好, 但太酸同太多油~Hawaii Pizza $108 (12"), 中間太濕, 唔夠脆, 仲唔夠味~ 坐外面會好嘈~