Video
Opening Hours
Mon - Sun
09:00 - 23:00
Above information is for reference only. Please check details with the restaurant.
Review (44)
其實呢間餐廳同椰林閣係同一集團, 質數應該都係差不多, 所以期望唔高, 只求填飽個肚, 果然不出所料.................星期日晚六點半, 晚飯時間開始, 呢度已經坐咗1/3有多, 但仲有幾張卡位, 我地咁啱坐响睇到佢地整餐包同餐湯的範圍, 望落都算乾淨.............叫咗2個set dinner轉特飲, 但要額外加$8/杯, 其實凍飲本身已經要加$2, 我地加多$6就有特飲, 計落條數好似好抵, 其實餐廳老闆就最抵.......... 餐湯為咗唔想咁飽, 所以選擇咗紅湯, 佢唔係好辣, 都有好多什菜, 但只飲到茄膏味......... 餐包上枱前係會叮一叮, 令佢暖暖地, 好似新鮮d, 其實咁樣都好, 叮一叮又可以殺菌, 又林d, 而佢d牛油因為就咁放响度, 所以溶溶地, 不過咁樣仲方便塗落個包度tim~~~ 酥皮龍脷柳拼吉列蝦配薯菜見到個名好似幾特別, 所以就叫咗呢個餐, 但所謂的酥皮龍脷柳, 其實係煎好塊龍脷柳, 然後鋪塊酥皮上面再焗, 只係得面果層, 仲以為佢會用塊酥皮包住哂成舊魚tim~~~ 塊酥皮又唔酥, 林的, 只係比舊皮的質地實少少..............點埋個忌廉汁真係好漏.............. 魚已經得半條, 估唔到蝦都係得1隻................隻蝦其實本身好細條, 只係炸粉厚, 望落好似好大隻咁, 應該係食壽司果d甜蝦, 好彩佢個吉列炸粉都唔錯, 炸得幾脆............ 薯條反而唔錯, 熱辣辣, 脆卜卜 伴菜都ok, 有炒過, 有調味, 唔係白焯............... 紅酒什菌汁西泠扒配飯 唔係好記得個名係咪咁, 類似係d咁嘢, 其實即係茄汁...........個西冷本身好細塊, 而且切走埋d筋同肥膏, 其實係冇乜嘢食到, 佢個肉質唔知點解硬係怪怪地, 切落似用蘇打粉之類乸過, 但食落又好un, 好似咬緊舊膠咁, 咬咗好耐先吞到............ 個飯竟然唔係白飯, 而係有茄汁炒過的, 不過炒得唔勻, 好多白飯lor~~~ 其實佢炒完同白飯冇乜分別, 都係冇味, 冇飯香............... 凍焦糖特濃朱古力唔覺佢特別濃朱古力味, d焦糖一定要攪勻, 如果唔係飲到底就甜死...........成杯嘢飲感覺好似哈根大師新出果只雪糕咁味, 只係溶咗咁解~~ 凍香橙熱情果梳打又係唔係好記得個名, 因為唔係我點的, 反而呢杯幾好飲, 好解渴, 唔會好甜, 有d果肉同椰果粒, 梳打又夠氣, 爽呀~~個餐紙上寫明話珍惜食水, 所以唔會主動比水d客人, 但當然你可以要求啦~~ 唔好以為d待應唔比水你係唔理你呀!!
continue reading
星期日夜晚唔想煮, 落街求奇搵間食~其實薀莎都係我同家人經常來吃下午茶的地方, 貪佢近,方便, 坐得又舒服~ 平時星期日晚都要等位, 唔知點解今晚咁少人等, 直行直入~ 冇乜特別, 但都好足料~難飲到爆~ 好似超甜葯水+啫哩粉味~ 酥皮如果可以再脆D就好D囉~ 薄餅係脆, 鴨胸好多汁, 夾埋一齊食, 好味~ 再加埋燒烤醬仲惹味~ 不過要小心食, 汁會滴得好緊要~ 呢份係老公叫, 蠔我冇食, 試左少少牛柳, 牛柳比起DADDY'S KITCHEN好味, 最起碼呢個都有牛肉味, 而且軟滑稔~ 炸軟殼蟹冇乜特別, 都脆, 但油左少少, 牛柳都稔, 都有牛肉味, 但唔夠鐵板果塊咁稔滑~ 食物就冇乜問題, 以前侍應都會等你坐低後, 放好餐紙及餐具, 但而家每枱都會有個小籃放刀叉匙, 客人自行拎來用~ 又見到洗碗姐姐走出餐廳樓面, 拎住個大盤收拾碗碟刀叉, 到底係咪政府要實行時薪$28, 令餐廳炒左人, 每個員工工作量就多了呢??! 呢個問題漫延到生活中邊個階層呢??!
continue reading
11點幾,同BABY一齊0黎依度食野.BABY話兩三年前成日0黎食,好耐冇0黎依度,哈,當陪佢0地嗌0左個LUNCH SET 有湯有餐包有杯野飲芝士白汁龍利柳飯,有好多芝士,但點解同我上次食果個什菌意粉差唔多= =''個飯SET本身就$43 ,因為叫0左個特飲,所以盛惠$48,其實我上次0黎0左之後都冇打算再0黎,但其實0的野食味道都唔錯的希望下次再0黎時,會更好啦^^
continue reading
同家人諗住轉下地方食野~點知...星期日預左等位...好彩都唔係等左好耐...不過帶位既姐姐口upup兼黑晒面咁帶位..已經唔係好順眼﹗三個一..一人嗌一個set...點餐舉手示意係無用既(因為..d待應焦點只得一張檯...鎖定左第二張檯既野行過就算, 當見唔到)要在待應經過加重d既聲線佢先會應你﹗我同媽咪都係嗌黑椒雞扒配牛肉腸..只係一個跟飯一個跟意粉﹗先講跟飯果d配菜...有"叔"味...到跟意粉..d意粉凍既又硬...好彩daddy個焗飯正常d..點餐飲...三柸熱茶、啡可以等成十分鐘？攪乜呀？.天氣已經熱...竟然响入面食野可以一路流汗既...媽咪忍唔住對某位待應妹妹說︰lee度咁熱既，食到出晒汗...待應妹妹回應︰係呀~中央冷氣丫嘛﹗心裡面爆出一個字"頂"...lee間野完全要bad list呀﹗
continue reading
本身自己係住馬鞍山果頭.因為係學生出街都唔係太多錢食飯.大約每日飯錢$30-40左右.1直見溫莎個樣ok高級.以為好貴.但係原來唔係學生餐$30埋單.又大份wo.自己1個食唔曬-,-"我食左龍x柳飯.ok好食又飽-33-值得1試.
continue reading